السلام عليكم
اسف أخى صاحب الموضوع سأبعد قليلاً عن الموضوع . لاحظت ظاهرة جديدة فى المنابر لم الاحظها من قبل هناك بعض الاعضاء يدخل الموضوع من أجل المعارضة فقط . بصراحة لم اراى ذلك قط اثناء فترة تواجدى فى المنابر . حتى الموت اصبحنا نعارض فية . كلامى هذا لم اقصد يه عضوا معيناً حتى لا اكون جائراً فى كلامى على أحد .اللهم اجمع كلمة المسلمين، اللهم وحد صفوفهم، اللهم خذ بأيديهم إلى ما تحبه وترضاه، اللهم أخرجهم من الظلمات إلى النور .

... تحياتى ...

يا ابو حميد

الحمد لله انك فهمت الموضوع وزال اللبس

افهم كلامي جيدا احنا ما بندافعش عن القصص المؤلفة انما نقول ان اخونا ميدو ناقلها لنا من واقع قريب منه ولا كان يقصد انه يصيغها ويكتب عبارات قوية ومحبوكة الراجل مش مؤلف قصص ولو اراد لفعل ورأيت منه العجب في التأليف فهو انسان مثفق

ودارس ويعرف يصوغ العبارات بدون ركاكه كما تقول

ولكنه نقلها ببساطه وبإحساسه هدفة توصيل عبره ودروس مستفاده

ونحن انكرنا على احد الاخوه الذي جاء بقصة عن ابراهيم عليه السلام دون ذكر المصدر وطالبناه بالدليل ومافيش عضو واحد دافع عن القصة المكذوبة....

مش بقولك هدي يا ابو حميد ما تستعجلش....

يا عم نبيل خليك محضر خير

وبعدين كل واحد بينجو من حادث او كارثة يبقى رجل حديدي

ده قدر الله يا مسلمين.....!!!

انا نفسي افهم حاجة

الكل ساب القصه والعبره منها والدروس المستفاده وان يدعو لاخيه المسلم

ومسكتم في القطار .....؟؟؟؟؟!!!!!

هو ده العقل ..... يا عم بلاش القطار امسحها فيه انا ادعي لاخوك الميت يا مسلم

الله يرزقة الجنه وما فيها من نعم وانا نسال الله حسن الختام والجنه

اظن كلنا فهمنا الدروس المستفاده وكل الكلام ده... بس ارجوكم ارجوكم كل واحد ينقل قصه يقول انها منقوله عشان ما تعملش فتنه زي كده ... واللي كاتب قصه من الواقع ياريت يراعي ربنا في نقلها وان يكتب انها من الواقع

انا اكتر شيئ بيضايقني القصص دي .. دائما تلاقيها زي سيناريوهات الافلام العربي !! كلها نظام واحد ونهايه واحده لدرجة انك تشك ان كلها تعود لكاتب واحد من تشابه قصصها ..

فياريت لو حد شافنا من اللي بيكتبوا القصص الخياليه دي يبطلوا .. حتى لو القصص دي اسلم عليها 500000 واحد .. لكنها كذبه وكل من سمعها وصدقها سيكتب له سيئه على صاحب القصه لانه كذب في تاليفها !

ولو القصه حقيقيه ياعم حقك علينا بس حكاية القطار دي صعبة التصديق وهو ده قلب لمشكله...

سبحان الله . هل هذه قصة . بصراحة لم أقرأ مثل هذة القصص من قبل . بس كدا ياأخ ياميدو هاكون أول من يعارضك فى مثل هذه الامور . وانا شغال من الصبح عمال اقول الناس بتعارض ليه فى الموضوع . على العموم العبرة هى ما يهمنا فى ذلك .

... تحياتى ...

على فكرة القصة ليست منقولة وهي في الغالب من كتابة الأخ ميدو , بالبحث في جوجل لا توجد سوى نتيحه واحده فقط وهي هذا الموضوع في المنابر ..

كنت أظنها منقوله قص ولصق من غير الاشارة لانها منقوله كعاده الأخ احمد فتحسبها باستخدامه لضمائر المتكلم من كتابته .
قد يكون التعبير خانه فلم يحسن ايصال الحدث الذي اعتقد انه حدث استنتجه من كلام الشهود , فسكة الحديد ليست شارعاً في زقاق يعبره من شاء وقتما يشاء , هناك إنذارات وحواجر تنبه الناس قبل وصول القطار بدقائق ,,
وبصراحه اعتقد ان اقل صدمة قطار ستهشم على الأقل عظام الولد !!


أظن ان البنت هنا مش Iron woman !

http://www.youtube.com/watch?v=OXIgHQsXPZE

معاذ : اقراء الموضوع كويس

معنى هذا انه قد اصبح جسمه كله في مواجهة القطار وليس مثل الفيديو قد اصيبت البنت في ساقها فقط لانها لم تكن قد عبرت عبور كامل كالقصه هنا...

حصل خير يا شباب فضوها سيرة

خلاص الموضوع مش مستحمل جدال

ادعوا لاخوكم بالرحمة وادعوا لاهله بالصبر

وتحياتي واحترامي لجميع الاعضاء

و اذا الشخص مازال حيا يرزق

فعلا القصة غريبة نوعا ما وزادها تعبيرها تعقيد

الله المستعان

نادر , لا تعتمد على الوصف وكانه قرآن مسلمٌ به ! الرجل بالتأكيد أخطأ في التعبير ولم يتحرى الدقة في وصفه ..

الاخوه اللى مش مصدقين أن اتنين خبطوا وأن الطفل وقع..
أن بس نفسى أفهم حاجه هما حابين يعترضوا لمجرد الاعتراض وخلاص .. ولا إيه..!!
دا الانسان أحيانا بيتكعبل فى طوبه قد الصرصار ويقع.. عادى يعنى بتحصل كتير أوى..! وأحيانا الانسان بيتكعبل فى نفسه .! أنا مرت واحد خبط فى ثلاث بنى ادمين قبل ما يخبط فيا .. وتقريبا مش حس أنه خبط فيا وكمل طريقه..!

اللى بيعدى على ممر سكه حديد كل يوم زييا مثلا هيتخيل اللى حصل للولد بكل بساطه...

اللى مش مصدق ان الولد القطار خبطه وبعدين فضل عايش وراح المستشفى..! وفى الاخر مات .
يسمع منى الكلام ده..

سمعت فى فلم وثائقى من طيار يابانى فى الحرب العالمية التانية أنا تعرض لاطلاق نار وأصيب بثلاث طلقات فى الرأس وبعدين سقط من علو 3000 قدم ولكنه سقط على غابات كثيفه وأسفلها ثلج.. وعاش وزى الفل..

أيضا فى فلم وثائقى شوفت طفل صغير أطلق عليه نار عن طريق الخطأ واصيب فى رأسه وأجريت له عمليه وتم أستصال نصف دماغه.. وعاش ..!

فى كثير من حوادث الطائرات .. ومن على علو شاهق . الم تسمع يوماً عن وجود ناجين ..!!

---- وهناك الكثير .. أنا مش بحاول ألاقى مبرر بس أنا شايف القصه طبيعيه جداُ ..
وكمان الولد بعد ما خبطه القطار وبما أن الاصابه خطير مات ..!! الله يرحمه..

ميدو أنسان محترم ومش شوفنا منه حاجه وحشه ..

يا جماعه الولد قدره أنه يموت فى المستشفى.. لو ليه قدر يموت على السكه الحديد كان مات على السكه الحديد..

الاخ ميدوا كل مشاركاته بتدل أنه بنى ادم محترم جداً ,,أنا معرفوش شخصيا ولا هو صحبى ولا أى حاجه ..!
علشان أشكر فيه بس دا واقع من خلال مشاركاته.. ولا نزكى على الله أحد..

الله يرحمه .

السلام عليكم
اولا جزاكم الله كل خير وجعله فى موازين حسناتكم ورزقنا واياكم حسن الخاتمه

بالنسبه للقصه اعتقد ان اسلوب كتابتى ليها يبين انى مش ناقلها والقصه حدثت لواحد اعرفه صبى فى الصف الاول الثانوى من بلده بجوارنا واعرف شيخه فهو صديقى وهو الذى يعلمه التجويد ويحفظه القرآن

اما عن من نعتنى بالكذب والتأليف فجزاه الله كل الخير واقسم بالله ان القصه حقيقية
ربما لم اعرف ان اضع العبارات جيدا لاننى لم اركز على حبك قصه ولكن فقط ان انقل لكم العبره من حسن خاتمة الولد لكن نحن عرب وسيظل هذا هو اهم اسباب تخلفنا نهتم بالتفاصيل لابعد الحدود

اريد ان اقول شيئا
انظروا الى القرآن الكريم لما يتكلم عن قصة معينه انه يعطينا العبره منها فقط ولا يهمنا ان نعرف ما هو اسم فلان او اسم ابوه او كان لابس ايه او تلك الامور التى فى الاسرائيليات وفى كتبهم

وفى النهاية اعتذر عن الحبكه الدراميه الغبيه التى اسقت القصه بها
ولكن الله شهيد على ما قلته ولقد فرغنا امس الجمعه من دفن جثمان الصبى رزقه الله الجنه

اما عن اللى مش مصدق قصة السكه الحديد
اولا من ناحية الاصطدام فانا قصدت انهم اتلخبطوا ده ييجى يمين وده ييجى معاه وهكذا اعتقد ان دى بتحصل معانا كلنا
اما عن ان المكان كبير فيبدوا ان الاخوه ليسوا من مصر او ليس لديهم سكه حديد نائيه فى اماكن مغموره مثل القرى
فمحطة القطار فى القريه ما هى الا مرتفع اسمنتى عن الارض بجوار السكه الحديد
فالولد وصل متاخرا واراد ان يمر من المحطه من امام القطار حتى يركبه من الاتجاه الاخر فتعثر وقام بعد ان تحرك القطار فصدمه ليس مواجهة ولكن بجانبه
اما عن ان الصدمه كيف لا تؤثر فيه
فاولا هو قضاء الله وقدره فلقد وقع حادث لاربعة من زملائى فى الشركه التى كنت اعمل فيها حادث مؤلم فعلا السياره دوبل كبينه او ما تسمى ونيد فى دول الخليج لم يعد فيها شيئا سليما
اصيب ثلاثه منهم بجروح بليغه جدا ولكنهم عاشوا
والسائق لم يصب الا بجرح فى راسه بسيط جدا ومات على الفور
الحادث عاينته بنفسى
حادث اخر لقطار صدم رجل فلم يفعل به شىء الا ان قطع جزءا من قدمه ومات الرجل على الفور

اما ثانيا فان القطار كان لا زال مبتدئا فى الانطلاق من المحطه وصدم الصبى بالجانب ونتره بعيدا عن طريقه فتأثر الولد بالصدمه وبوقوعه على الارض


هل لازال من يتهمنى بالكذب مصمم على رايه
جزاكم الله خيرا

..................................................

وإشمعنى لقيت لهم العذر ؟؟

انت شفت الأسلوب اللي اتكلموا بيه أساساً؟؟

مش معنى إن واحد مش مقتنع بشيء إنه ما حصلش، وأبدأ بتكذيب الطرف اللي قدامي