لو اشتريت لاب i5 بكارت شاشة محترم "ياريت يكون نيفيديا" هيكون كويس جدا للماكس ولاي برنامج جرافيك
وخليك في الاتش بي

ليه لابتوب مش بي سي ؟
هو البي سي طبعا احسن ... مش هنخدع نفسنا يعني .. لكن انت مش ضامن نفسك في الغربة .. انت معاك ثلاث شهور تجربه مع الشركة ..انت محبتش تكمل معاهم ممكن تروح .. هم محبوش يكملوا معاك ممكن يروحوك .. ممكن اي حاجة تحصل متعرفش في ايه مستخبيلك ... انت لسه بتجرب وبتتجرب
و اللاب يوم ما يحصل اي حاجة هتحطه في الشنطة وشكرااا .. والفرق في السعر والسرعة مش كبير .

انا معايا ايسر بقاله في حدود سنتين كور 2 ديو 2 جيجا هرتز بروسيسور 3 جيجا رام وشغال معايا لغاية دلوقتي الحمد لله ماكس 2009 ممتاز
في مشاكل في ماكس 2011 وبيقفل فجأة في السينات التقيلة .. وكارت الشاشة انتل فعاملي مشاكل في الفيوبورت مع بعض برامج الجرافيك الاخرى مثل هوديني ومايا مثلا

لكن بغض النظر عن مشاكل كارت الشاشة الجهاز اشتغل بتمنه والحمد لله فل عليه كده سنتين ويشتغل زياده بس حان وقت التجديد بس ربنا يرزقنا بس ونجدد على طول

بس حتى الان بشتغل عليه عادي جدا كانه بي سي وبرندر عليه كمان ومشغله 24 ساعة مبقفلوش اصلا وبدونلود عليه بالايام المتواصلة وحتى لو بقفله بقفله استاند باي ومبيشتكيش الحمد لله

اللابات بأت تستحمل غير زمان متقلقش

انا كان لي تجربة سفرية للسعودية قعدت سنة في شركة انتاج اعلامي كنت شغال موشن جرافيك ثري دي وافتر ومونتير اديس .. والان مستقر في مصر الحمد لله وبشتغل في المسلسلات الكارتون .

تسلم يا صديقى

والله أنا تعبت بصراحة
أنا كل أما أخذ قرار أرجع فيه .. الحكاية انى

جهازى المنزلى عالى الامكانيات وكويس , لسه شاريه من 8 شهور .

كنت عاوز أخذه وأنا مسافر لأن أى مصمم يريد أن ينمى ثقافته العامة (فى كل مجالات الحياه ) وثقافته الخاصة (فى عمله نفسه) وذلك بالدروس والشروحات مع التطبيق المستمر . والخطأ والتجريب فى منزله وذلك حتى يكون فى الشركة التى يعمل بها عالى الخبرة . ذلك لأن هذا المجال ليس له حدود .

أما استخدامى له هيكون فى أوقات غير أوقات العمل فى الشركة . وهى أوقات الراحة ساعتين أو ثلاثة فى الليل
وثلاث أو أربع ساعات أثناء النهار .

والبرامج ماكس 2011 وأتوكاد 2011 وأفترافكت cs5 وبريمير cs5 وفوتوشوب cs5 واليستريتورcs5 وريال فلو5 وبرامج أدوب للصوتيات cs5 .

هحمل دروس وأطبق بعض التطبيقات وهكذا . وأدخل على النت . واستماع القرأن . ومشاهدة أعمال احترافية .

وأنا مش عاوز أخذه معايا لأنى /

مش عاوز الجهاز يكون سايبر لعمال الشركة أو الموظفين اللى أنا شغال معاهم لأن أوقات الراحة واحدة والجهاز موجود على طرابيزة كل واحد أكيد هيقولى سيبنى أقعد أكلم أمى أو ألعب أو أى شىء وأنا أقوم أقعد فى جنب زى الشاطر ولو قولت لحد لأ هيزعل طبعا . أما اللاب توب بيكون خاص زى الموبايل . ده سبب

والسبب الثانى مش عاوز أشيل الجهاز بس ده ميفرقش معايا كتير .
غير أن كل أما حد يشوفنى عاوزنى أعطيله دورة وأعلمه من الأول للأخر . وهو أساسا مش بيعرف يفتح الباوربوينت لأنه كسلان يجلس أمام الكمبيوتر كتير ومش عاوز يرهق نفسه , مع ان أنا والله شوفت التعب بعينه علشان أتعلم .

أما الميزات /
ان أنا يكون عندى جهاز عالى السرعة فى السكن يتحمل كل شىء ومريح , ومش هشترى حاجة .
وغير كده أحسن ما أبيعه ويخسر فى السعر كتير , أو أسيبه فى البيت وهيخسر فى السعر لأن كل يوم بينزل امكانيات جديدة .
بصراحة أمور تحير بس كنت استقريت على كلام doctor 3d وأنت الأن رددتنى
مش عارف هيكون ازاى .
شوف المشكلة واعطينى رأيك
بارك الله فيك

كلامك يشجع يا عم doctor3d أنا شبه مقتنع ولو جربت جهاز ونزلت عليه برامج وابتديت أشتغل عليه ولقيته كويس هكون مقتنع تماما
وفعلا جهازك امكانياته حلوه . ماشاء الله
أنا ممكن لو دورت أشوف بروسيسور كويس core 2 due لو 3 جيجا يبقى أحسن + 4 جيجا رام + كارت نيفيديا 1 جيجا ويكون البروسيسور داعم ل 64 بت .
وهارد على الأقل 500 لأن احنا بنحتاج مساحة فى السى .
وده جهازى الديسك توب عامة . ومش عارف الامكانيات دى موجودة فى اللاب ولا لا
ولو موجودة أكيد هتكون غالية
وممكن تكون موجودة بس الجهاز كفائته مش عالية . الله أعلم
أنا مستخدمتش لاب للجرافيك علشان أحدد
وانظر فى ردى السابق واعطينى رأيك
شكرا لك حبيبى

انا استخدامي زي استخدامك .. نفس البرامج تقريبا .. وكان احتياجي له نفس احتياجك ..تشوف تتوريلات وتطبق وتستخدمه نت تكلم اهلك عليه هيوفرلك كتير في الاتصالات ... وكمان الشغلانات الخفيفة اللي ممكن تجيلك من معارف في مصر او من النت ممكن تشتغلها وترندرها من اللاب عادي جدا ...
بنفس تمن بتاعي من سنتين في لابات دلوقتي i3 و i5 يعني بين 3 الاف الى 5 حسب النوع والامكانيات
وفي لابات i7 بس دي غالية اوي دلوقتي انا شوفته هنا في مصر بفوق ال 7 الاف تقريبا حسبما اذكر
هتلاقي في السعودية بينزل حجات اصلا احسن من مصر عشان عندهم مواصفات جودة بخصوص الاجهزة غير عندنا سمك لبن تمرهندي في مصر .. !

من اول 3000 ريال تزيد او تقل شوية تجيبلك لاب محترم يشتغل عليه كل برامجك وممكن تزودله رامات كمان بس اهم حاجة كارت الشاشة لانه مبيتغيرش وياريت يكون نيفيديا عشان امكانيات الفيزكس

بس جهازك مش امكانيات اوي كور 2 ده قدم جداااااااا يعني عشان تخده معاك هتلاقيه هناك ده ب 1200 - 1500 على ما اعتقد
دلوقتي في كواد و i5 باسعار معقولة جدا او amd x6 بنفس سعر ال i5 ويمكن متفوق عليه بالسرعة وعدد الانوية

عامة براحتك حسب استخدامك .. البي سي طبعا اجمد من اللاب لكن اللاب له مميزاته وفرق السرعة بسيط
لاستخداماتك وظروفك انصحك بلاب
وربنا يوفقك

كنت فاكر ان كور 2 ديو هو الأفضل الوقتى i7 أوكى تمام ..
وهو كذلك .. مقتنع ان شاء الله ..
هبيع الجهاز عدا الهارد وأشترى لاب من هناك . لأن الاستعمال هيكون فى أوقات الراحة بس .
أنا كنت محتار بس خلاص أقنعتنى . هجيبه وعلى ضمانتك . ههههههههههه
متشكر لك جدا جدا جدا
ومتشكر لكم جميعا . الحقيقة استفدت كتير . أنا بعد كده هأخذ أرائكم فى كل حاجة . هههههه
واللى عنده نصايح يعطينى .. بارك الله فيكم
شكرا جزيلا