شغل رائع

مبدع أخي ماشاء الله عليك

أحيي فيك روحك العالية وتقبل أسئلة الشباب
اقترح إنشاء موضوع مستقل بالأسئلة والردود عليها..

حياك الله في المنابر...

شكرا يا أحمد جدا على المعلومات القيمه ..

بس أنا كنت محتاج توضيح فى نقطتين ..

إزاى خليت الdensity عالى قريب من الكاميرا منخفض تدريجيا فى البعد عنها

مش إنت استخدمت plane واحد وضيفت عليه الfur ولا إيه النظام

النقطه التانيه الshading الخاص بالgrass ممكن لمحه سريعه كده عنه ..

بالنسبه لمجموعة p_shader دى شكلها جااااااامد جدا ...

أنا بجرب فيها وكمان فى الHairTK_shadow دى تحفه برده ..

معلش اسألتى كتير ... وشكرا مره تانيه على الإجابه

نورت مهذا الابداع

لا تعلييييييق !!!!!!

ابداعك ملحوظ لا يختلف عليه احد
انت فى شركة معروفة ومعروف الكوادر اللى فيها عامله ازاى
ليا اصحاب بالشركة وبيحكولى ادية الشركة ده عملاقة فى مجالها
نفسي نتطور دائما ويقدر الوطن العربي ينافس المنتج الاوربى
امالنا فى بكرة كبير

شكرا يا احمد , في الشركة اللي اشتغلت فيها ال character TDs هما بيعملوا ال rigging وكانوا برضه مسئولين عن custom tools . وكان فيه tools كتير خاصة بيهم واوقات بيعملوا Tools مخصوص للفيلم زي مثلا افتكر انهم عملوا texture deformer علشان يكسروا بيها العربيات في f&f . كان في جانبي animator قعد 3 ايام يعمل ال deformation بتاع عربية لما خبطت في حاجة وداه طبعا كان وقت كبير بالنسبة ان فيه حوادث كده كتير في الفيلم فا فاليوم الرابع كانت ال tool دي موجودة بتعمل نفس الشكل تقريبا و real time تظبط فيها شوية يبقي خلص الشوت . هيا كانت شبه volume field كده وفيها شوية texture noise functions وممكن انت تديها custom texture . المهم انها ساعدت كتير في الشغل وطبعا لو نفسك في حاجة زياده ممكن تطلب ولو هما شيفين انها مهمة حيزودوها .
فكرة معتمدة علي ال post و vfx دي علي حسب المشهد نفسه بس طبعا لو فيه حاجة ممكن تخلص في post كان بيبقي احسن وأسرع وبرضه كان فيه motion capture وفيه hand key frame animation وعاوز اقلك ان كمان كان فيه ناس بتعمل tracking باديها علشان الtracker معندهوش data كفاية مثلا . فسعات تحس ان كل حاجة automated وسعات تانية بتضر انك تعمل كده بايدك .
كل الناس شغالة generalist لأ طبعا مش كله, بس الناس عندها فكرة كويسة عن بقية الحاجات. مثلا character TDs أكيد فاهمين topology و animation علشان يعرف يعمل شغل كويس بس مش شرط يعمل modeling او animation بس طبعا لو بتعرف تعمل كذا حاجة بشكل كويس اوي داه ممكن يساعدك قدام انك تبقي CG supervisor مثلا .
بيفرق ولا لا software ده علي حسب الشركة في الشركة اللي كنت شغال فيها كان لاوم تبقي شغال maya ولو FX كان عندهم كام license ل max و Houdini علشان pyrotechnics و Krakatoa بس مثلا ممكن متفرقش في Sony علشان هما كده كده بيستخدوا katana علشان يعملوا lighting and composting مثلا blur studios بيشتغلوا max and xsi فا حيبقي صعب ياخدوا حد Maya .

بعد اذنكم حاجاوب علي الاسئلة دي مع بعض .

انا خريج الاكاديمية الدولية لعلوم الاعلام . وكنت ابتديت اتعلم max وانا في ثانوي بس معملتش حاجة تذكر بعد كده اتعلمت Maya وكان حظي كويس اني اشتغلت وانا في الجامعة وبالنسبة للحاجات اللي اتعلمت منها هي الدروس العادية الموجودة online بس في حاجات تانية ودي اللي حاسس انها عملت فرق معايا زي photography و matte painting, وده خالني افهم حاجات كتير جدا, جزء منها technical وجزء artistic , يعني مثلا انا اتعلمت composting من matte painting علشان انت بترسم بايدك كل الlayers من diffuse color بعدين بتحسن انك مفروض تعمل specular هنا بشكل معين بعدين في bounce light من السماء هو اللي عامل اللون الازرق داه في الshadows, اعزروني لو مش عارف اشرح كويس, بس الاساسيات دي مهمة جدا قبل منتكلم حنعملها ازاي او في اي برنامج, لازم اكون عارف انا عاوز اعمل ايه اصلا, الlighting داه الهدف منه ايه؟! عاوز اللي يشوف يحس بأيه, بعدين داه كما حيخدك بعد كدا لازاي تتحكم في عين المشاهد من خلال اختيار عدسة كاميرا مناسبة و composition مناسب وهنا ترجع بقي تدور علي انواع الcomposition . المهم مش عاوز اطول بس دي الحاجات اللي بحب اتعلمها وبحب اقرأ فيها . ممكن تكون مملة لبعض الناس بس انا بحس انها مفيدة جدا .
حاجة تانية الجزء ال technical وصراحة بحس ان في ناس مش عايزة تعرف ايه اللي بيحصل أو مش بيسأل نفسه هو المفروض استخدم texture files اد ايه و extension ايه وكام bit وايه الفرق ؟ بعد كده حتلاقي انك بتدور علي حاجات ليها علاقة بال energy conservation و linear work flow مش عاوز اعقد الموضوع بس الحاجات لو مفهمتهاش غاليا مش حتخلي الصورة في الاخر شكلها حلو او بمعني ادق حتساعدك انك تعمل شغل شكله حلو .
خلاصة الكلام انا كنت بركز علي الاساسيات المهمة ومش بعدي حاجة من غير ما افهم ايه اللي بيحصل وليه دي كدا .

يا رب تكون دي اجابة مفيد لاسئلتك وان شاء الله حرد علي باقي الاسئلة
وشكرا تاني يا شباب علي الردود المشجعة جدا .

ما شاء الله أعمال رائعة
كنت عايز أقول لحضرتك سؤال صغير : هل من الممكن واحد مدخلش كلية متخصصة في مجال الجرافيك ولكن تعلم الجرافيك من الكتب والأنترنت وعن طريق التعامل مع الشركات المتخصصة بهذا المجال .
هل يستطيع أن يعمل في شركات عالمية؟ أو يشارك بأفلام عالمية أم الشهادة الجامعية تعتبر عاااااائق كبير له؟؟؟؟؟؟؟؟؟؟.
وشكرا مرة أخرى
حضرتك نورت منتدى المنابر
معلش لو الأسئلة كتيرة عليك شوية بس ده علشان إحنا فرحانين بيك وربنا يوفقك بأعمال أفضل

فعلاً ما شاء الله عمل جامد..الى الامام يا استاذ ayousry

ولا يهمك . انت ممكن تستخدم texture file علشان تتحكم في baldness وقتها حتزود density علي حسب الtexture file بس اتاكد انك مستخدمه في baldness اللي تحت details tab اما موضوع ال shading فانا كنت مستخدم raytracing يعني كان فيه final gather من ال environment map لو رجعت اعمله تاني حعمله ب hair_TK وحطلع passes واتحكم فيه في الcomposting


في الشركات اللي انا اشتغلت فيها او عملت interview فيها مفيش حد سألني انت خريج ايه. يعني لو انت شغلك كويس حيبقي كفابة اوي . طبعا بجانب ان تكون سمعتك كويسة . موضوع الكلية داه بيبقي حاجة بتعرفهم انت جاي منين واتعلمت فين الشغل داه, كمان دلوقتي فيه مدارس كتير online تقدر كمان تتعلم فيها وسعرها شايف انه معقول .

مشكور على المعلومات القيمة جدا

انا فعلا بستمتع عندما اقرا المعلومات التي في ردودك

الله يجزيك كل خير ^ _ ^

كلام جامد اوى وتمام اوى وهنا تكمن المشكلة
اكبر مشكلة بتواجهنى ان الدروس الموجودة على النت بتعلم الواحد الـ tool دى بتعمل كذا
وعشان تعمل عربية تعمل بالطريقة كذا
مجرد زراير ودة شئ رخم جداً
انت عندك حق فعلا موضوع التكنيكال لااااازم

ولكن هنا السؤال : اتعلم منين المواضيع اللى انت ذكرتها ( العلم ) مش الزراير
انا بقعد اقرأ فى اى موسوعة وساعات بجيب كتاب كامل ما اخرجش منه بمعلومة مفيدة
منين اقرأ عن المواضيع دى ؟؟؟؟
القاعدة دى اجيبها منين

من جنومون ...
يا جماعة ... انا ويسري من الناس اللي شربت نومون دي شرب
وده افدنا جدااااااااااااااا ...!!! وقلت الكلام ده كتير ... مش عارف الناس ليه مش بتجرب
تمشي معاهم المشوار ...

الناس دول الوحيدين اللي بيعلموك ازاي تبقي تقني جدااااااااااااااااا ....

شكرا يا مـاو على سرعة الـرد
وبإذن الله هاشوف كدة ايه النظام مع جنومن

حياك الله اخي احمد ... شرفتنا ونحن فخورين بتواجد مبدعين من امثالكم معنا في هذا المنتدى ..