اولا مبروك الشغل الجامد جدا ده يا استاذ احمد

في كام حاجه في الشوريل كنت عايز اسأل عنها لو تسمح

- بالنسبه لشغل HD Ban انا يمكن اسال سؤال بعيد عن شغلك بس ممكن تكون عارفه .. التكسير بتاع العربيه ده كان DISPLACEMENT ولا شغل مودلنج وبس ؟ وده في العادي ممكن ياخد وقت قد ايه في الشغل ؟

- بالنسبه للبروجكت بتاع رأس البنت .. انا لاحظت انك عملت شغل shade في الماب بتاعت اللون بدل ما تعملها occlusion او shadow .. هل ده عشان توفر وقت رندر ولا في سبب تاني للشغل بالتكنيك دي ؟ وفي نفس البروجيكت انت قايل انك استخدمت 32bit displacement map .. هل تفرق كتير لو استخدمت ماب 16 بت بس ؟ وايه الفرق بينهم لانك قلت الكلام ده تكنيكال جدا ومهم. سؤال تاني انت بتجيب منين صور مساعده عشان تعمل المابز دي بالحجم ده .. هل في الشركه بيدوك ريفرنسات بحجم كبير كده ولا بتضطر تصور بعض الحاجات بنفسك ولا انت بتعمل الشغل كله brushes وده لو حقيقي تبقى سوبر تكتشر ارتست


طيب يا فندم لو الواحد قطع شوط كبير في cinema 4d لكن انا للاسف مليش ميول في شغل الموشن جرافيك .. لكن ممكن اعمل شغل vfx وشغل الـ cinematic production ده وكمان ممكن اشارك في لايتنج وتكتشرنج ورندر للاعلانات لكن مليش خااالص في الانيميشن .. هل في امل اني الاقي تشغل محترم ولو بعد فتره ( 3-4 ) سنين ؟؟

سؤال تاني بخصوص الشغل في استديوهات بره .. هل في شروط معينه او مستوى معين بيقبلوا بيه ولا ممكن ياخدوا واحد مستواه ضعيف في حته ويعلموه الـ pipeline و شغل الافكتس اللي مش منتشر هنا ؟

وياريت تقولي بالنسبه للشغل هناك هل بتشتغل بطريقه مختلفه عن هنا في مصر .. يعني في التكنيكال زي الـpipeline وهل فيه نظام واحد يشيل شغلانه كامله لوحده زي هنا ولا لأ بالنسبه للاعلانات

عندي اسأله تاني بس هنتظر حضرتك شويه ترد على الناس

شكرا يا باشا, انا شايف انك تحاول تتعلم كل حاجة من حيث انك يبقي عندك معرفة عامة بكل مراحل الشغل علشان ده حيساعدك بعد كده لما تشتغل مع حد تفهم هو محتاج منك ايه, بعد فترة انت حتحس انت بتحب تعمل ايه اكتر حاجة وحتلاقي نفسك بتتخصص فيها . كمان بلاش تحس انك خلصت modeling or textures علشان كل حاجة من دول فيها حاجات كتير جدا وطرق مختلفة و سعات كمان في modeling بيبقي في تخصصات زي مثلا hard surface modeler , organic surface modeler انت اجتهد وحاول تعمل حاجات كتير علشان تكتشف انت بتحب تعمل ايه بالظبط وايه اللي مش بتتعب او تمل وانت بتعمله .
وموضوع تدخل في rigging or rendering اتعلم الاثنين مع بعض . المهم ابدا مشروع وابتدي نفذ وارجع ذاكر وشوف حلول للمشاكل اللي واجهتك .

mograph artist بيبقي متخصص اكتر في 2d design software زي photoshop, after effects, illustrator يعني بشكل مبسط بيبقي معظم شغله صور وبتتحرك في 2d space وبيستخدم عليها effects اللي موجودة عنده http://www.lemob.ch
/2010/reel.html
3d artist دي بيبقي مختلف. بتستخد برامج مختلفة ممكن تعمل مجسمات وتقدر تصورها من اي زاوية او تحركها بأي شكل,باختصار تقدر تقول فيه امكانيات اكبر

التكسير كان معمول في المودل blendshapes وافتكر كله كان اخد 7 ايام عمل . و انا وواحد تاني بس اشتغلنا فيه . اعتقد انه مفروض ياخد من 3 الي 5 ايام عمل لو شخصين فقط شغالين وكل المشهد واضح المطلوب فيه .

انا معملتش shades في texture maps انا كمان اتخلصت من spec و shadows و diffuse اعتقد الالوان الموجودة كلها الوان جلد فقط .
32bit displacement map معايا فرقت في sharpness بتاع displacement والفرق بينهم في data اللي موجود في texture file ال32 طبعا فيها data اكبر بس سعات بيبقي صعب التحكم فيها بتحتاج تعملها clamp علشان تشوف بس values اللي انت محتاجها. عادة انا بطلع ال 16 و32 واختار بينهم علي حسب الcamera و وقت ال project
بالنسبة للrefrence في 3d.sk عنده حاجات كويسة مش كلها بس في حاجات ممكن تنفع بعد متتخلص من الshades و spec كمان www.environment-textures.com, الtextures اللي عملتها في wolverine كانت الشركة هيا اللي مصوراها وكانت الكاميرا لو انا مش غلطان 5D mark || with hasselblad 100 mm lens

مقدرش اتوقع بصراحة, انا بس ماقبلتش ناس كتير بتشتغل بcinema4d في3d . بس مش حتبقي مشكلة بالنسبة ليك انك تحول لاي برنامج الموضوع مش صعب كدة . البرامج كلها شبه بعض وخاصة لو انت بتعمل حاجة معينة ومتمكن منها حتعرف تعملها في اي برنامج


لازم مستوي معين لو انت مش من اصل البلد يعني علشان يعملك تصريح عمل لازم تبقي عندك خبرة كبيرة والا مش حيعرف يشغلك حتي لو هو عيزك. لكن لو انت من اهل البلد ممكن ياخدك بمستوي اقل شوية ويعلمك او يخليك تعمل شغل معين مش محتاج خبرة كبيرة اوي. عادة الطلبة اللي متخرجين بيشتغلوا trackers, Roto artist .


الطريقة مختلفة فيها طبعا نظام اكتر بحكم ان المجال هناك اقدم , وطبعا في pipeline بيختلف في كل شركة وعلي حسب حجمها في شركات عندها برامج كاملة الشركة اللي كنت شغال فيها كان عندنا shaders بتاعة الشركة . وفي سعات اماكن ممكن تخليك تعمل شغلانة كاملة ودول عادة بيبقوا شركات صغيرة وبيفضوا انهم يشغلوا generalist .

بارك الله فيك وشكرا اخي لسعة صدرك

بسم الله ماشاء الله اعمالك من الاعمال من الاعمال المشهورة جدا واقدر اقول من الى بتخلينى اتفرج على التلفزيون علشانها اشوفها واستمتع بيها

رواد المنابر كلهم سألوك اسئلة تقنية وتعجبت من سعة صدرك واستجابتك لكل هذة الكمبة من التساؤلات لدرجة انى حسيت انك من كوكب تانى
انا مش عايز اسألك اسئلة تقنية لانها مش بتخلص طول ما الفكر موجود
اكتر حاجة عايز اعرفها دلوقت حالا احمد يسرى الانسان قبل الفنان

وانت بجد الى ممكن تشرف بلدك بحاجة قيمة جدا زى دى

السلام عليكم مشاء الله أخي كم من سنة وأنت في المجال وهل وجدت مشاكل في التعلم في البداية وماهي المصادر التي ساعدتك للإنتقال إلى مستوى إحترافي

ما شاء الله شغل عالى جدا
عندى سؤالين
حضرتك ذكرت انك شغال فى شركه صناعه العاب حاليا .بس انا سمعت ان الماكس متخصص العاب اكتر والمايا افلام الكلام ده حقيقى ؟
ثانى سؤال
هل كانت اللغه تمثل عائق امامك فى الخارج ؟ ممكن الواحد يكون عارف شوية كلمات بس لما تسمعها من واحد اجنبى بيقولها وبسرعه ممكن متفهمش ؟
سؤال اخير معلش .ايه نوعية الاجهزه اللى اشتغلت عليها وريحتك والشاشات المستخدمه..وكلمنا عن التكنولوجيا الغربيه فى المجال

بسم الله ماشاء الله

انته كده حتخليني اعيد نظر فى الماكس واروح بسررررررررررررررررعه على المايا


مبدع شغلك بجد رائع

ماشاء الله شغلك مميز جدا احترافي وفقك الله

انا بشتغل في المجال بقالي تقريبا 5 سنوات والمصادر هي الدروس اللي كانت موجودة online وخاصة gnomon موضوع الدروس ده مش هو الاساس المهم التركيز علي الحاجات اللي ذكرتها قبل كده

اعتقد مش بتفرق ماكس او مايا احنا في الاخر بنستخدم unreal engine فأي modeling tool ستؤدي نفس المهمة موضوع software ليه ابعاد كتير زي سعره مثلا ليه الشركة تشتري مايا او ماكس لو حيستخدمه في modeling بس لو هو ممكن يشتري اي برنامج تاني ارخص, فممكن تلاقي شركة عندها اتفاق معين مع autodesk في سعر ماكس او مايا وده اللي بيخليها تستخدمه. المهم ان ال 2 بنستخدمهم في modeling ,texturing فقط .
معتقدش ان اللغة عائق الشركات اللي اشتغلت فيها فيها ناس من جميع انحاء العالم ومش كلهم بيتكلموا english كويس . بس طبعا لازم يبقي عندك شوية اساسيات تعرف تتعامل بيها .
الاجهزة انا معنديش خبرة اوي عنها صراحة الشاشات كان فيها switch يحولك ل mac machine علشان تستخدم photoshop علشان احنا كنا بنستخدم Linux وكان ممنوع نستخدم gimp , والاجهزه كانت كويسة في معظم الوقت سعات كان بيبقي في scenes تقيلة كانت بتبقي متعبة شوية بس في الغالب كانت بتبقي سريعة .
موضوع التكنولوجيا داه عاوز واحد IT يتكلم عنه احسن مني, انا معنديش مساحة اعرف اوي ايه اللي بيحصل في render farm انا بابعت file rendering وهو في شاخص بيتابع وبيقسم الاولويات من يخلص الاول بعد ما يرجع ل supervisor او coordinator .

شغل جامد جدا واكيد كلنا متشرفين انك معانا

شكرااااا للمعلومات..جعله الله فى ميزان حسناتك

شغل وهم بصراحة .... إنت مبدع يابني والله

و الله العمل مدهل جدا و مستوى عالي جدا أخي الله وفقك و مرحبا بك أخي في المنتدى
لماذا لا تكون هناك اعمال و دروس في هذا المسنوى

بصراحة فاجأني مستواك انت خطير

هذا شرف كبير لنا أن ينضم إلينا شخص خطير مثلك انت مثال للفن في الوطن العربي

بصراحة تفاجأت من وجود أشخاص بفنك في الوطن العربي ماشاء الله عليك

أعجبتني أعمالك , فنان كامل