بص ياسيدي انا ما اتكلمتش على ده كلو رد الاخ اللي فوق بيتكلم عن الثوره وبس وردي عليه كان واضح بخصوص المقال

بالنسبه لحكاية كفاءات ومش كفاءات انا مالي اصلا بيها ؟؟ ولو حسبتها هتلاقي ان كلامه صحيح فعلا مع اني ماسمعتوش قبل كده

انا عن نفسي بشوف ناس كتير بيتعاملو بدون اخلاص في العمل والنتيجه تخريب .. معرفش بقى انتو عايشين في مصر تانيه ولا إيه .. بس ده مايمنعش وجود ناس مخلصه وبروف بس " قليلين " .. وبعدين ده راجل عنده شركة ميديا من اكبر الشركات في الشرق الاوسط واكيد عارف السوق عامل ازاي ومش هيتكلم من فراغ
وحكاية كلامه ان العيب في الشعب مش النظام يمكن يقصد حاجه تانيه ؟ الله اعلم عموما

عماد اديب كان ممنوع من الظهور في التلفزيون المصري هو و زويل و الاسواني وناس كتير جدا لدرجة ان الناس نسيتهم .. حتى استضافتهم في القنوات الخاصه كانت صعبه نوعاً ما

بالنسبه لعمرو اديب انا عايز اسألك سؤال

هو لو انا رجل فاسد ورئيس .. ومعارضتي عايزه تستولى على الحكم والشعب اساسا مش معاهم

لما يطلع عمرو ويقول كلام عن المعارضه يبقى هو غلطان؟؟ طب مهي المعارضه اي كلام فعلا .. اذا كان ايمن نور كان عايز يعطي صوتة لمبارك ياعم الحاج ايه الهيصه دي .. واللي كان بيحصل في الثوره اكبر دلاله على فساد الاحزاب دي

غير كده اديك شايف لما عمرو "بدأ " يلبخ في النظام شفت ايه اللي حصله ..

شفت الحوار بتاعه في الإعادة النهاردة وكلامه جميل ..

سقوط ابن علي و مبارك‎ عجائب وغرائب & ورقة التقويم 11 فبراير !!!


والغريب أن سقوطهما كان بعد الخطاب الثالث بيوم واحد وكلاهما سقط يوم جمعة
بن علي سقط ثاني جمعة من يناير
ومبارك سقط ثاني جمعة من فبراير
ومن اغرب التشابهات :
بن علي قال بأنه لن يترشح لانتخابات 2014 فسقط يوم 14
ومبارك قال أنه لن يترشح لانتخابات 2011 فسقط يوم 11

لا عماد كان يقصد ان مافيش كفاءات فى مصر مش قصة فى ناس امينه ومافيش
يقصد العقليات مش موجوده
ضرب مثال ان فى شركة برمجه تقريبا طلبت ناس من مصر اتقدم الف ماخدتشى منهم غير 4
حتى لو ده صح ايه المشكله ممكن الالف اللى اتقدموا تعبانين بس ما يمنعشى ان مصر وغيرها فيها العقول والكفاءات بكثره والدليل نجاحهم خارج البلد بكميات لا تحصى
وياريت تسمع كلام احمد زويل فى الموضوع ده بالذات ان العيب فى المنظمات والمؤسسات وليس الافراد وده الكلام المعروف
حتى انت فى الجرافيك عندنا ناس شغلهم رهيب بس ليه ما فيش اعمال متكامله تنافس الخارج ؟؟ علشان المنظمات ولا الافراد ؟؟
اعتقد النقطه دى واضحه جدا انه مجرد واحد بيدافع عن النظام مش عن النظام كوزراء طبعا وكده ولكن عن رءوس النظام

بالنسبه لعمرو اوك انا اصلا عندى حاله نفسيه من اى حد اعلامى او صحفى لان مؤهلاته بتبقى تعبانه اصلا ورغم ذلك الدوله بتسمحله يتكلم فى اى حاجه حتى الدين علشان كده البلاوى اللى احنا فيها

انا عاوزك تتفرج على قنوات اجنبيه وتشوف المذيعين عاملين ازاى
فى حاجه اسمها حياد فى احترام للضيف فى حاجات كتيره مش موجوده عندهم اصلا بس ده مش موضوعنا \
انا قلت بس انى مخنوق من المذيعين كلهم

اما ايمن نور انه قال هدى صوتى لحسنى فماكانشى ايمن نور ياعم
ده كان الراجل الاهبل بتاع الطرابيش وواحد كمان ومعروف اصلا كل اللى كانوا مترشحين للرئاسه كانوا مترشحين ليه

انا عاوز اعرف ايه اللى حصل لعمرو اديب لما لبخ فى النظام معلشى علشان انا مش بتابع تليفزيون اصلا
بس انا استغربت لان دايما فى كل قضايا الساعه بلاقى ليه فيديوهات على اليوتيوب من اوربت ومش عارف اعلان عن برنامج جديد على قناة تانبه كده

مش متابع انا اصلا تليفزيون خالص

اوك ماشي ممكن تكون دي وجهة نظر بالنسبه لمشكلة قلة الجوده هنا .. انا عن نفسي شايف التقصير في الاتنين من الاداره والعامل نفسه لكن في النهايه ماتقدرش تظلمه عشان قال رأيه ويمكن يكون صح

وكلام احمد زويل برده كويس جدا ولكن كل دي تجارب ماتقدرش تقول ان 100% الشعب المصري لو حطيته في اي حاجه ينتج


بالنسبه لايمن معلش خلط بينه وبين الراجل الطرابيشي ده هههههه ... بس في حاجات تانيه له اكيد

عمرو بدا يلبخ الفتره اللي فاتت فقفلوله البرنامج بحجة ان الاستديوهات عليها مش عارف مليون وكام ضرايب

هههههههههه
طيب هو فين اصلا الشعب اللى لو انت حطيته فى اى حته ينتج بنسبة 100 %
كل مكان فيه وفيه
طبعا اكيد عندنا زياده بسبب حاجات تانيه كتير منها عوامل تبع النظام زى التعليم والعادات الفاسده وغيرها ومنها حاجات تبع الافراد نفسهم مافيش شك والا ماكانشى يبقى فى حرامية ونصابين فى كل البلاج المتقدمه

بالنسبه للمعلم عمرو ده
البرنامج اللى كان بيجى على اوربت هو اللى قفلوه ؟؟ كان اسمه باين القاهرة اليوم؟؟
طيب قفلوه من امتى ده ؟؟

اه هو القاهره اليوم
مش فاكر امتى بالظبط والله بس اعتقد دخل له في 4 شهور او 5

الحمد لله اننا فرضنا احترامنا.

السلام عليكم

اخواني ارجو ان لا يفهمني احد خطأ ولا اقصد الاسائة ولكن

حد شاف استضافة عمرو خالد ؟؟

كان بيقول فيها لقد رأيت الله في التحرير

استغفر الله واتوب اليه

هو يقصد " لقد رأيت قدرة الله فى التحرير" ...

عفوا اخي احمد

كلامك ده هل هو مجرد دفاع حتى لو في الخطاء ولا بتتكلم من منظور شرعي؟؟

على حسب علمي انه ما يجوز شرعا هذا الكلام

يا اخي ماذا تنتظر من شخص لايفرق بين توحيد الألوهية وتوحيد الربوبية ؟؟؟
ولكن اليس هو من حضر مؤتمر الحزب الوطني
يعني بعد هذا نزل ميدان التحرير !!!! سبحان مقلب القلوب

الحمد لله الذي عافانا مما ابتلى به غيرنا وفضلنا على كثير من عباده تفضيلا

مع احترامي للشعب المصري ((( اين المصدر ))

سقوط ابن علي و مبارك‎ عجائب وغرائب & ورقة التقويم 11 فبراير !!!

والغريب أن سقوطهما كان بعد الخطاب الثالث بيوم واحد وكلاهما سقط يوم جمعة
بن علي سقط ثاني جمعة من يناير
ومبارك سقط ثاني جمعة من فبراير
ومن اغرب التشابهات :
بن علي قال بأنه لن يترشح لانتخابات 2014 فسقط يوم 14
ومبارك قال أنه لن يترشح لانتخابات 2011 فسقط يوم 11