الله يعين اي مبتدئ دخل لهذا الموضوع
سيختار مايا ام ماكس ام سينما ام هوديني هههههههه ضياع ههههههه

ههههههههههههههههههههه مستر جوكر .......صحيح معاك حق ...... الموضوع كده فتح على برامج اكتر

السلام عليكم ...

ياشباب ... بالله عليكم ... انا بحزن جدا ((وانا هنا في المنابر)) من الدخول في نقاشات تعرض فيها نقاشات "وجدل" مبني ((فقط)) عن وجهات نظر "شخصية" وليس لها علاقة بالواقع ...!!

1) احنا في ام بي سي ... شغالين ماكس + مايا ....... وعملنا workflow يخلينا ناخد قوة كل برنامج ((فقط)) في المكان الصحيح ..!! اذن مش الزكاء الالتزام ببرنامج واحد ((لاني شايف)) ان ده هو البرنامج الاوحد في الكون اللي قوي ..!!

2) انا ذكرت نقطة..... معظم اللي ردو مانتبهوش ليها ....
يا استاذي العزيز ... كيف تقول اننا مش هوليود ... وفي نفس الوقت تبحث انك تصل للعالمية ..؟؟ انا معاك ... احنا مش هوليوود ... بس عشان نوصل للعالمية ... يبقي السؤال ..؟؟ من العالمية ...؟؟؟ هل العالمية هي المفتش كرومبو ..؟؟ هل العالمية بكار ...؟؟ العالمية هي avatar .... هي lord of the rings ...

دايما انا بحب افصل مابين شخصيتين ... الناس اللي بتحب تاكل عيش وتمشي جمب الحيط .... والناس اللي عاوزه توصل وتحقق اهداف عالمية ...

موضوعي عن الناس اللي هدفهم العالمية ...!!
اكيد هاتسال دلوقتي وهاتقول بس احنا مش في هوليوود ...!! هارد واقولك ... ماحنا لازم نسعي اننا نوصل ليهم ...؟؟ ولا هانفضل ننفذ في كرومبو كتير ..؟؟؟

الطريق ... هو ... ابدأ صح ...زاكر صح ... اطور صح... اجري في الطريق الصح ...!!

كلمنا دلوقتي كأني باقولكم يا شباب الطريق الي ميدان التحرير هو التحرك للنقطه واحد ... ثم اتنين ... ثم تلاته وده ((اللي في ارض الواقع .. اللي مكتوب علي كتيبات النقل العام...!!))
وقلت يا شباب اللي شايف طريق غير اللي راسماه ((شركة النقل العام اللي هي عامله الطرق دي ... ومنسقه الطرق ... واللي هم سابقينا)) ياريت يقول ((ويعرض الخارطة اللي هاتوصل علي ارض الواقع)) ... عشان مايتوهش الناس ... ((ويبقي كلمنا مفيد وواقعي))

فتحول الحوار الي ان احنا مش في ميدان التحرير ...!! واحنا دلوقتي "مثلا" في ميدان العتبه ... ودي منطقه غير دي ... وماينفعش اتخاذ الخطوات اللي تؤدي للتحرير ...؟؟؟

يا شباب ... الموضوع عن ((اللي عاوز يروح التحرير ... بناء علي خارطة الطرق بتقول اننا نمشي بالشكل ده)) اللي عاوز يروح التحرير ... يتجه ... بالخارطه دي .... واللي عاوز يفضل في الميدان اللي احنا فيه ... يفضل في مكانه بعيد عن التحرير .... براحته ....

الحوار ليس للجدل حول اي الميادين افضل ..!! الحوار علي
((اني بعرض خارطة طريق .... ))
اللي معترض يعرض خارطه اخري - تابعه لشركة النقل العااااااااااام

3) اتمني ان المثل وضح انا اقصد ايه و -كما اوضحت سابقا-......
عشان الكلام مايبقاش جدل ... ووجهات نظر .. يزيد حيرة المبتدئين ... ويجعل من الموضوع سفسطه في وجهات النظر ...

انا والله هدفي انارة الطريق للناس ... لعدم التخبط ... لاني فعلا فهمت حاجات كتيرة مؤخرا ... بيها فهمت احنا ليه بعيد بالسينين الضوئية عن هوليوود ... اول سبب فيها ... اننا بنجري في تراك جري غير اللي هم بيجرو فيه .... لذلك الفرق الرهييييييييييييييب في الجوده .. وضخامة الاعمال ... والاتحرافيه اللا منتهية اللي عندهم ... لانهم بيجرو يمين ... واحنا بنجري شمال ... لذلك ينتابنا شعور ((يااااااااااااااااااااه دول بعيد اوي ...!!! ....
ما هم بعيد عشان هم بيجرو يمين ...!!! واحنا بنجري شمال ...!!!!!!!!!!!! وعشان كده الفجوة بتزيد مش بتقل..!!!


باللــــــــــــــــــــــــــــــــــــه عليكم ...
كفايا عرض كلام في كلام .... واعملو بحث علي النت .. واعرض وجهة نظرك + job description يثبت كلامك ... (((عشان))) نفيد الناس ... وانا اول واحد هايوئيد اعتراضك ويمكن ابقي اول واحد ينقل هدفه بناء علي كلامك ... ((لو فعلا ارض الواقع بتقول كده))

والله المستعان

انا قمت بتغير الموضوع من مثبت الي موضوع عادي ... لانه اصبح في تخبطات كتيرة ... وانا كنت متخيل هايبقي ((فقط)) فيه كلام يفيد ...!!
لذلك ... سنترك الحديث مفتوح ... والخلاصه ممكن ان نضعها في موضوع مثبت للافادة

والله المستعان

لما كنت بدرس الماكس سالت هو الناس الي بره بتشتغل انيميشن اكتر بي ايه قالولي المايا فحولت للمايا بدون تردد واديني بحاول فيه
شكرااااااااااا يامستر موضوع مفيد جدااااااااااااااااااااااااااااااا وخلي الواحد حمد ربنا علي اختياره بس هوديني بقا ده ايه نظامه دنا ماصدقت ابتديت افهم في المايا

فعلا موضوع قيم جدا

ولكن انا اتخربطت

يعني انا اريد ان اصبح vfx artist فماذا اتعلم ؟؟؟؟

انا بعدني جديد على المايا وبتعلم النمذجة ويعني دحلت

والله موضوع هام وكلام جميل ومتوازن وحيادي

الهوديني برنامج في مكانه كينج طبعا كفاية تشوف الشوريل بتاعه .... لكن البرنامج كبير وطريقة تفكيره غير طريقة الماكس او المايا او البرامج التقليدية ... حاجة تانية مختلفة حاجة جديدة مش بتتوصف لازم تشوفها ...نزلوا اسطوانة الانترودكشن بتاعة ديجيتال مثلا وشوفوها وهي اسهل من نومون .

لكن كعيوب .. هيخد منك وقت كبير جدا للتعليم عشان تقدر تحطه في البايبلاين للشغل بتاعك وتعتمد عليه اعتماد كبير .

عامة بس انا رأيي ...لو انت مستخدم ماكس او مايا بالفعل و ملمتش المايا بالكامل او الماكس بالكامل اياك تفكر تدخل على هوديني بس عشان محدش يتلخبط
الا لو ........الا لو انت بتحب البرمجه اساسا او الريج ..الصنفين من الناس دول هيمشوا في الهوديني جداااااااااااا .
وربما لو الهوديني اول برنامج ثري دي بالنسبة لك وانت شخص تقدر تعلم نفسك هتبأ احسن وده كلام ناس كتير للعلم بيقولوا كده.

واخير اؤكد نفس كلام الاخ حازم ... شوف انت عايز تطور نفسك في ايه وضيف لنفسك برامج تخدمك في مجالك ونبطل نفكر بفكر برنامج واحد الموضوع اوسع من كده .

والله المستعان

blender ;-)

استاذ حازم عندي سؤال
برنامج مايا عمل فلم لورد اوف ذا رنج والفلم مذهل
يعني البرنامج قوي مب لازم احترف برنامج هويديني ؟؟ يعني اقدر اعمل اي فلم مميز؟؟

انا مبتدا بالمايا لكن اذا الهوديدني مذهل لهدرجه واقوى من مايا بكثير بحول ههههه
ياليت لو تعطيني نسب لكل برنامج ع حسب خبرتك