بص على الفديو ده وافهم الراجل ده بيقول ايه وانا موافقه مائه في المائة على خلاف اني قولت نعم ولي اسبابي المختلفة.

عامة شوف الفديو ده شاب سلفي
http://www.facebook.com/video/video....78980&comments

انا كان نفسي بغض النظر هنقول ايوة ولا لأ يكون عندنا فكر نقدي وتفكير حر ونقدر نكون ارائنا بنفسنا زي الشاب ده .

واللي حصل زي ما هو بيقول بالظبط استغلال الدين للمصالح .. وده لا ينبئ بخير وانا مش مستريح للاخوان لهذا السبب .

دي حاجة منظمة جدا

وانا نفسي اعرف فيه ايه وممسكوهمش ليه ؟

أعتقد و الله أعلم إن الإخوان لم يقولوا أن من يقول لا فقد أرتكب إثما .. و لم يسموها غزوة الصناديق ..

اولا ده مش سلفى انت تعرفه ؟؟
انت لو سلفى كنت عرفت ان ده مش سلفى اصلا ومش كل واحد يعفى لحيته يبقى سلفى تمام ؟

ثانيا كلامه جميل لانى بحترم وجهة نظره لكن اللى قال نعم ليه هو كمان وجهة نظر يرد بيها على ده باكتر من كده بكتير واللى قال نعم مامشيش تبع علماء من غير ما يبقى عنده راى ولا حاجه طب ما الشيخ الحوينى حث الناس على عدم التصويت اصلا وله اسبابه المحترمة جدا بس مع ذلك معظم شباب التيار السلفى راحوا وقالوا نعم
انا مش معاك فى النقطه دى ياهشام انت نفسك كنت واحد من اللى قال نعم بعد تحليل للموضوع وطرح اراء وحاجات كتيره
وحتى لو اللى راح وقال نعم متبع لعالم او حاجه فده مش عيب انا واحد شفت فكر العالم وشفت فكر التانيين وعجبنى فكر العالم ده ده فى حد ذاته وجهة نظر وتفكير وافتناع بفكرة وده المطلوب

لا طبعا مصر اتغيرت كتير
غير ان كل كلامه الصراحه مردود عليه جدا ويدل على انه مش مدرك السناريوا القادم

اما عن الاخوان وخوفك منهم
طيب ماتجرب ايه المشكله؟
ماحنا من مئات السنين ماشيين بالعلمانية وطوع للغرب وغيره عملنا ايه
ماتجرب حزب دينى مره يمكن ينجح ولا حاجه
ولو مانجحشى شيله العمليه مش يوم وليله العمليه تجارب واخطاء احنا نعتبر لسه مولودين من جديد
عاوز اقولك على حاجه حتى داخل التيار السلفى يوجد من يقول ان الاخوان لو مسكوا الحكم اول ناس هيشمعوهم هما السلفيين للعداوات اللى بينهم
هل ادى هذا الى حرب بين السلف والاخوان مثلا لا بالعكس
المعتبرين من السلفيين والمعتبرين من الاخوان بينهم دعوات للتقريب شديده جدا ونسال الله ان بتحد كل الاسلاميين فى العالم كله لاعلاء كلمة الله

وأنا موافق لأحمد فى رده

http://www.facebook.com/video/video....80741061971810

للافادة

إفادة ايه ده اسامه القوسى عارف يعنى ايه ؟

يعني ايه ؟

لا تعالالى على الخاص احسن شكلك جديد

السلام عليكم
حسنا أخي الكريم. أرجو التوضيح أنني تابعت هذا الكلام في تحاورات مع كثير في شباب السلف. بعد القيام ببعض عمليات التعذيب التي لا تخفى على أحد اليوم للمعتقلين، كان للسلفيون بالطبع نصيب من التعذيب. خلال فترة الست سنوات الأخيرة تقريبا أنقسم السلفيون إلى معسكرين (أنا لا أحب تقسيم المسلمين و تفتيتهم و لكن هذا ما رأيته بعيني و سمعت بأذني من أشخاص الفكر ذاته). المهم، تم تصنيف السلفيون من قبل أنفسهم و من قبل الحكومة على أنهم فرقتين. السلفية المتسامحة و التي كثيرا ما تنصاع لأهواء الحكومة (بعد أن كان لها قبل التعذيب خطبا نارية ضد الحكومة و الفريق الثاني يسمونهم السلفية الجهادية. السلفيون المتسامحون ول بعضهم من ردود سمعتها بأذني أن أبو بكر الصديق (رضي الله عنه) كان مخطأ في إتخاذه قرار الحرب على من لا يدفع الذكاة و أن أن حكم أمركا لأفغانستان أفضل بكثير من حكم القاعدة لأن من قتل في عهد القاعدة من الأفغان أكثر بكثير ممن قتل في عهد حرب أمريكا على أفغانستان. آخر قول سمعته لهم أين المظاهرات (قبل ما تنجح طبعا ثورة 25 يناير) أن من يخرج إلى ميدان التحرير هو من الخوارج. كثر منهم لا يتورع في مهجمتك و تهديدك بإبلاغ أمن الدولة للقبض عليك و أنك شخص تكفيري و عندك حب التكفير (تعرضت لهجوم السلفية السمحة رغم أني لا منهم و لا عليهم). لعل من أشهرهم حسن عبد الستير، و أسامة القوصي (نسبة إلى القوصية أحد مراكز محافظة أسيوط - جمهورية مصر العربية). الفريق الثاني (السلفية الجهادية) يرون الفريق الأول (السلفية السمحة) على أنهم مرجئة. و أصول كلمة مرجئة أي أنه يرجئ أحكام الدين التي تتعارض مع الدولة (أي يخبئها و لا يعلنها). عموما إقرا للفريقين و تحمل نتيجة إختيارك، و إن كنت أنصحك باختيار واحد.














إبعد عن التجمعات الدينية لأنها بتبتدي بدايات جميلة جدا و مثالية و بعدين بتقلب بغم لكن في نفس الوقت لما تلاقي عند أي تيار ديني فرصة لخدمة الدين أنضم ليهم في حدود الخدمة الدينية فقط. و أتمسك برأي المشايخ الذين تراهم موضع ثقة في دينك لأن لو قربتك مخرومة مش هاتخر إلا دماغك (آسف مش عارف مثل محترم شوية عن المثل ده ). و الله الموفق و الله المستعان.

و السلام ختام

اخى فى جزء من كلامك صح والباقى كله غلط
السلفيين ليسوا احزابا وجماعات انما هو منهج قال الله وقال رسوله بفهم السف الصالح
اما من تقول عنهم بالسلفية السمحه فهذا تعبير مغلوط ولم يكونوا ابدا متشدقين بخطب رنانه قبل الدخول للمعتقلات وانما نحن نعانى منهم منذ عشرات السنين فهم ليسوا سلفيين اصلا بل يفسقون ويبدعون ويكفرون السلفيين وعلمائهم مثل محمد حسان ومحمد حسين يعقوب
انصحك ان لا تقول كل ماتسمع طالما لست مختلطا جيدا ولست على دراية كامله قد يسمع احد كلامك ويؤمن به وكفى بالمرء كذبا ان يحدث بكل ما يسمع
جزاكم الله خيرا