المشاركة الأصلية بواسطة أنس أبو بكر
مشاهدة المشاركة
بس في كم نقطة لازم تكون واضحة اخي العزيز.
1. مشاريع مثل الافلام القصير بتاخذ ما يقارب 6 اشهر الى سنة عمل.
الي ما بقدر ينتظر 15 يوم، ما رح يقدر ينتظر سنه... فاصبر ان الله مع الصابرين...
2. مسألة الوقت: كل واحد عنا بالفريق عندو مسؤوليات، مثل الدراسة و العمل و الاهل و غيرها من الامور، انا كقائد فريق، ما بقدر اجبر حد من الفريق يشتغل بوقت ممكن يأثر عليه... على سبيل المثال ما بقدر احكي للاخ بونواف بدك تعمل كل المدينة و معك اسبوع!
3. مسألة العمل و تكوين الفريق عن بعد. الموضوع كثير صعب، و نحن عم بنحاول نكسر هذا الحاجر.
بتعرف انو ولا شخص بالمهمة الاولى اعطاني الشغل كامل الا انمي فان! كيف بدي اعمل مهمة ثانية و اعطيكم عمل و ما في عندي اساس؟
4. مسألة تقسيم العمل، الهدف من المشروع عمل فيلم منافس و جودته عالية. ما بقدر اعطي اي شخص عمل، الموضوع صعب كثير اخي.
و اخيراً، انا ما عندي مشاكل اذا الاخ محمد نزال او حازم يكونو قائدين للفريق، بالعكس بتريحني من مسؤوليه كثير كبيرة انا بغنى عنها.
بتعرف اني انا ما بنام بس عشان اخدم الشباب هون.. دوامي بالعمل من الساعة 8 صباحاً حتى الساعة ال8 مساءاً و بداوم ايام الجمعة و السبت.. بروح على البيت بشتغل شغل خارجي Freelance، غير طلبات العائلة، و ببقى مع الاعضاء حتى الفجر، لاقدر اساعدهم بأي موضوع. هاد الموضوع انا بغنى عنه كلو، بقدر اروح على البيت و بشتغل ساعة على مشاريعي و انام مثل الناس، و ارجع للمنتديات الاجنبية مثل سي جي توك و ديفيمت ارت و بس اعرض شغلي هناك... بس حباً فيكم و بالشباب الطيبة بحاول اعطيكم كل علمي.
والله يوفقنا جميعاً لما يحب و يرضى.
و انا ما عندي اي مشكلة اذا حابين تنتخبو شخص غيري متفرغ كلياً لمثيل هيك مواضيع، و اذا حابين ابقى بدكم تتحملو و تصبرو.
شكراً يا اخي على الرسالة.
تعليق