تعرض ضابط فى الجيش و رجال أمن لإطلاق النار من اشخاص
قيل انهم فليسطينيون و قتل ضابط الجيش و الباقى اصابات
و تم اعتقال الأشخاص المنفذة للهجوم.

استشهاد ظابط جيش وظابط شرطة واخرين من افراد الشرطة حوالي 3 واتنين مدنيين من اهالي العريش..بخلاف عشرات المصابين من الجيش والشرطة والمدنيين اهالي العريش..والمنفيذين بتشير التحقيقات الاولية الي انهم التكفير والهجرة مع بعض البدو والفلسطينيين المتطرفيين ..كما تشير ايضا لبعض عناصر القاعدة...وبعض من السلاح المستخدم سلاح اسرائيلي ...وكانوا يريدون طرد الجيش والشرطة من العريش واعلانها تحت الحكم العرفي لهم...طبعا العلمانيين ماصدقوا ..وكأنهم لاقوا عظمة ...وقعدوا يقولوا انهم اخوان وسلفيين ...مع ان معروف عنهم عدم استخدام السلاح بالمرة ..والدعوة الي الله بموعظة وحكمة...المهم اننا امام ناس الان يستخدمون الدين لتحقيق مأرب ومصالح لهم بأسم الاسلام ...وانا متأكد ان الدين منهم براء ...كما ان العملية الارهابية نفذت بواسطة حوالي 150 شخص يحملون الرايات السوداء ..مكتوب عليها لا اله الا الله...ويريدون احتلال العريش ..وايضا حوالي 25 سيارة ومائة متوسيكل ...بها كافة الاسلحة الثقيلة المضادة للدبابات والمدرعات والطائرات ايضا..فكيف دخل كل هذا السلاح ؟؟..وكذلك مدافع هاون وصواريخ ...وكأنها حرب فعلا...واقل سلاح هناك هو الرشاش الالي...اللهم احفظ مصر واهلها من كل سوء وغدر ..كا قيل ايضا ..انهم هما هما اللي بيفجروا خطوط الغاز كل يوم والتاني اللي رايحة لكل من اسرائيل والاردن ولبنان..وكذلك قيل انهم من هاجموا السجون لاستخدامهم نفس الاسلوب وهوا اللودر في تكسير تمثال لانور السادات في العريش وبوابات السجون في جمعة الغضب.. وايضا من الخاطفيين للظباط الثلاثة حتي الان...


http://www.youtube.com/watch?feature...&v=9Cpb6z-Pcgc

الاسلحه دى كلها واكتر موجوده مع البدو هناك عادى جدا انا كنت شغال فى جنوب سينا وشفت الكلام ده كله

انا فى رأيى الخاص ان فلول النظام السابق والعلمانيين وغيرهم من الجماعه اياهم بيعطوا رشاوى للبدو المتطرفين فى سيناء ويفعلوا ما يحلوا لهم حتى يلصقوها فى الاسلاميين

او ان تكون فعلا هناك جماعات متطرفه تريد فرض السيطرة التامة على سيناء حيث ان بعض البدو هناك لهم مبادىء غريبه تشعر انهم غير مصريين لدرجة انه ذات مره قال لى رئيس قبيلة هناك انهم يحلمون بايام احتلال اسرائيل لسيناء وانها كانت احسن ايام فى تاريخهم

الله المستعان وعلى الجيش ان ينتبه للخطر ويعزز المنطقه بوحدات عسكرية

ممكن جدا...ده اذا ماكنش اكيد...وفيه اخبار ان هؤلاء هم من اتباع دحلان حركة فتح الفلسطينية...بس هناك بعض البدو كانوا بيساعدوا الجيش والشرطة في تعقب هؤلاء الارهابيين لما لهم من دراية بدروب الجبال..وفي نفس الوقت هناك بدو يحمون مبارك في شرم الشيخ..بجد انا مش عارف هل البدو وطنيين بجد ام خائنيين..احترت فيهم بجد..خاصة مع علمي ان النشاط الرائج للبدو هو السلاح والمخدرات ؟؟؟؟؟؟؟؟؟؟؟

ياعم الحاج
البدو لهم ما لهم وعليهم ما عليهم
احنا بنتكلم عن البدو التعبانين مش كلهم زى بعض

بص ياحاج
البدو هناك عايشين على ايه ؟؟
اولا زراعة البانجو والافيون مزارع بمساحات شاسعه انا شفتها بنفسى وكانت الشرطه مابتعرفشى تعمل معاهم حاجه ولما كان ظابط شرطه يعوز يترقى ولا حاجه ولا عشان الاعلام يعنى
يروحوا متفقين معاهم انهم يحصدوا ثمار مزرعتين تلاته وبعدين الشرطه تروح وكأنها ضبطتها وتولع فيها وهى اصلا مافيهاش الثمر
المهم ثانيا فرض الاتاوى على المصانع والشركات والقرى السياحية هناك
يعنى بالعافيه ياخدوا كل شهر مبلغ مالى نظير انهم مايتعرضوش للمؤسسات او يغلقوا الطرق عليها او او
كان المصنع اللى انا كنت شغال فيه بيدفع 25 الف جنيه شهريا تخيل ده مصنع واحد
ومره مصنع جنبنا مارضيش يدفع قفلوا الطريق عليه واوقفوا حركة النقل منه وليه ولعوا فى كاوتشات عربيات كبيره على الطريق وكانت بهدلة

هما طبيعتهم مابيحبوش الشغل بيحبوا العمل الحر والفلوس الكتيره

لكن الحكومه السابقه هى التى ضخمت هذه الصفات فيهم لتجاهلهم الكبير وعدم الاهتمام بهم او مقاومتهم

الله المستعان