نصيحة حلوه بس سعات في بعض الاعضاء بيحاولو يستخدمو الماكس بغرض التسلية والاحساس انه عمل شئ مفيد وان نادر ان حد يعمل كده زيه... والماكس مهم في الشغل لكنه ممتع برضو في التصميم انا شخصيا ببقي فرحان اوي لما باجي اصمم حاجه عليه بحس اني بعمل حاجة مفيده

يسلم بقك يا شيخ
هو دا الكلام

تعالوا نتكلم و نتواصل و كل واحد منا يقول كان ايه هدفه من تعلم الجرافيك و بصراحة
هل بغرض الروشنة وللا بغرض الشغل وهل فكرت فى الشغل الى بتعمله و هل هيكون نافع للناس
طيب هل فكرت فى مرة ايه قيمة الاعلان اللى انته بتعمله وهل انت لو بتعمل اعلان عن شئ معين هل اعلانك لو نجح هل المنتج ده هيفيد الناس وللا يضرها
لازم نتحرى كل شئ ده لو كان فى اعتقادك ان الجرافيك له تاثير اصلا
سؤال تانى مهم لو انت عملت فيلم كرتون بالجرافيك ممكن تتقولى ايه القيمة و الفائدة الللى ممكن تعود على الناس من هذا الفيلم و هل القصة و تاثيرها على العقول و التفكير و الثقافة تفرق معاك
هل انت عندك مانع انك تعمل عمل تافه لمجرد انت عايز شغلك يظهر على الشاشة و خلاص
هل فكرت فى عدد السنين اللى ممكن تضيعها امام الكمبيوتر من غير هدف و من غير ما تقدم لنفسك او للناس شئ مفيد
انا مستنى ردودكم و تفاعلكم مع الموضوع لانه هيكون اهم موضوع و على اساسه هنقددر نختار صح و نرسم مستقبلنا بجد

كلامك سليم
أنا مثلا كنت استخدم الماكس ثم جربت السينيما ثم عدت إلى الماكس
مع ان الادوات في البرنامجين متشابه ، إلا انني ارتحت أكثر في الماكس
لكن هذا لا يعني ان السينيما غير جيد !!

بالنسبة لقصتي مع الجرافيك مضحكة.
يوم من الأيام عملت حادث في سيارتي و تدهورت بشكل فظيع و الحمد لله نجوت منه باعجوبة
و لم استطع ان اشرح كيف حدث الحادث بالشكل الصحيح للأهل
ثم رأيت برنامج في التلفاز يشرح حوادث الطائرات بالأبعاد الثلاثية
فنويت ان أتعلم على هذه البرامج لكي اصمم الحادث و اري الناس ههههههه
كنت مفكر المسألة بسيطة كتعلم الوورد او البور بوينت
و لكن عندما تعمقت قليلا في السينيما و الماكس ، اكتشفت عالما بل محيطات من الأوامر و الأدوات و التقنيات ..و ... و ....
و أدركت انه لا يمكن ان اصنع فلما كالذي يعرض في السنيما وحدي و مهما كان جهازي جبارا
لذا فكرت في ان اختار مجال معين في الماكس و فكرت في الإنتيريال و السيارات
لأنني قد احتاجهما في مجال الإعلام و الدعاية

أما حادث السيارة ، فعليه العوض ههههههههه

نسيت شيء .. انا أتمنى ان اعمل قصص عن حياة المسلمين و الغزوات و الأنبياء طبعا بدون تصوير للأنباء.
بصراحة أطفالنا يفتقدون لمثل هذه الامور و مجال الثريدي عندنا ضعيف لدعم مثل هذه الأمور
بينما هو قوي في مجال الرسوم الأجنبية و التي كلها خرافات و اوهام و قتل و دم و انتقام
و تنتج بأيدي أفضل المصممين و تدعم حتى من العرب .

عندك حق فعلا بس انا للاحظت حاجة جميلة اوى فى رمضان ده ان فيه كتير من المسلسلات الجرافيك معمولة فى مصر منها
بسنت و دياسطى و اعتقد ان السبب الرئيسى لنجاح هذا المسلسل هو صلاح ععبد الله و حنان ترك غير كده لا اعتقد انه بيمثل مستوى المحركين و المصممين فى مصر
و مسلسل مات نام و ده بصراحة مسلسل سياسى فى اطار من الفانتازيا و الكوميديا لكن بطل المسلسل محتاج نظرة فى التحريك و الموديلينج و مش عارف هو ليه الرندر و الاضاءة ضعيفة فى مسلسلاتنا
و فيه مسلسل بتاع لعيبة الكورة و بيتكلم عن مشاكل اللاعيبة و الاحتراف و غيره و اعتقد ان المسلسل ده من انتاج شركة طارق راشد بس مش متاكد بس تلاحظ فى المسلسل ده حاجة غريبة و هو ان الموديلينج جامد بس التحريك تعبان و تحس ان الامكانيات موجودة لكن مش متوظفة صح
و فيه كمان سرحان و نفسية اللى يعتبر مثال للجهل و الاستخفاف بعقول المصريين من ناحية كل شئ(الاداء الصوتى-الموديلينج-التحريك-الماتريال-الاضاءة-الرندر)و مستغرب ليه المسلسلات ده بيزيعوها
فيه بقه مسلسل بصراحة هو افضلهم من ناحية كل شئ و هو علاء و المصباح بصراحة اقدر اقول ان ده افضل مسلسل كرتونى فى رمضان و على فكرة انا معرفش مين اللى عامله علشان اتحيزله لكن بجد موديلينج بسيط مفيهوش تكلف خالص و كمان تحريك جميل و فيه روح و الالوان متناسقة و الاضاءة جميلة و اللوكشن جميل و فكرته ظريفة بجد و الاداء الصوتى و الحوار محترمين جدا
ده اللى انا فاكره
اعتقد ان لو استمرينا بانمط ده هيكون فيه منافسة و الشركات هتبدأ تسعى للافضل و يكون عندنا رسوم محركة جامدة
طبعا انا مش هتكلم عن الرسوم ثنائية الابعاد او الكرتونية لانى مليش فيها
بالنسبة للسبب الى اتعلمت علشانه الجرافيك كان علشان انا بحب الرسم جدا و عندى افكار كتير اوى عايز اعملها و غير انى متاثر بالرسوم المتحركة بتاعت زمان زى مازنجر و السلاحف و كعبول وتوم و جيرى فكنت عايز اعمل بجد حاجة زى كده لان فعلا الحاجات ده بيكون ليها تاثير على الطفل و بتعيش فى زكرياته طول عمره

شكرا على المعلومات القيمة
و صحيح ...من الحب ما قتل ...أنا أيضا مغرم بالغرافيك
الله المستعان...

انا مقصدش الحب اللى فى بالك يا عم حب ايه و قتل ايه هههههههههههههههههه
هو انا بقولك وقعت فى حب الماكس و كمان الماكس ده ذكر من نتياية هههههه عيب عليك هو انا خالد الصاوى فى عمارة يعقوبيان ههه