وهل تتوقع ان الخبر جيد لمصر

علينا ان نفهم ان الشعب المصري نعم تحرر لكن مصر لم تتحرر بعد
والقصد هنا هل مصر دولة مكتفيه ذاتيا

وحنستنى الرد الغربي على هذا الشيئ

نحن سوف ندفع الثمن

إذا وضعت رأي فسوف اتعرض لهجوم شديد..!
لذا افضل الإحتفاظ به ..!

احسن حاجة نشوف قناة الجزيرة و الأخبار عموما.

لو بس تسمعوا ايه اللى بيتقال على اللى حصل دلوقتى على قناة الجزيرة!!
اظن دة هيكوّن عندكم رؤيا.

رغم انى وللاسف ليس فى مصر حاليا انما والله العظيم رجالة وانا متاكد ان الحكومة الحالية والقوات المسلحة كانت عارفة ان ده هيحصل السفارة السعودية كانت متأمنة بالرغم من ان انها بجانب السفارة الاسرائيلية + لماذا يتم تأمين السفارة السعودية باكثر من عربياتان امن مركزى فيما ان السفارة الاسرائيلية معرضة اكثر للهجوم ومع ذلك لايوجد سوا الامن العادى وكل مكان هام كان متأمن الا السفارة الاسرائيلية
على اى حال اى كانت النتائج فأتوقع ان حان الوقت كى تجد اسرائيل من يلقنها درسا فى احترام الاخريين وانا شايف ان النهاردة درسا كبير لان اختراق سفارة هو بمثابة اختراق دولة انا متاكد ان اسرائيل سوف تطلب من مصر الاعتذار وستتعامل معها مصر بالمثل كمل فعلت مع الظباط المصريين الذين استشهدوا ورفضت فى وقتها الاعتذار
وهذا احدى اسباب سحب سفيرها اليوم لتظهر حجة كبيرة كى تجبر مصر على الاعتذار ة وده بعينهم باذن الله

اتصور اذا كانت اسرائيل تهاب مصر 20% ايام المخلوع بعد الثورة والتفاف الشعب المصرى حول بعضه وحول الجيش وحول كرامة جيشه فهى تهابه اضعاف مضاعفة
مصر كدولة عسكريا ليس بالهينة + ان اعداء اسرائيل اصبحوا كثيريون فالدخول حاليا فى حرب يعنى نهايتها فى وجود ايران وتركيا والشعب الفلسطينى فالافضل لها ان تنسف نفسها قبل التفكير

ودليل على كلامى طلب اسرائيل حالا حماية امريكية على سفارتها فلا تستطيع اسرائيل حمياة نفسها بنفسها الجبناء

ارجع مصر و اعد كتابة ردك..

انا كنت فى مصر ولسة مسافر من شهرين اعلم ان هناك فوضى و و و و و انما انا باتكلم على نقطة السفارة اما البلد فده طبيعى ان كل ده يحصل
عندما سألوا اردوغان عن كى تحولت تركيا لهذه المكانة حاليا قال لقد حاولنا تعليم الديمقراطية لمدة 18 سنة للشعب التركى ثم بعد ذلك بدانا فى اعطائها لهم تدريجيا
طبيعى لما تدى لواحد حاجة اول مرة مش هايعرف يعمل بيها حاجة ويمكن يخرب الدنيا بيها لازم تعلمه الاول والناس هتاخذ وقت لحد ما تتعلم يعنى ايه حرية وهو ده الدرس الي اتعلموه الناس الي طاليوا بمظاهرة اليوم لانه تصوروا ان كل الناس مثلهم ولكن للاسف الجاهل هو اول من قال انا نازل وهو مش عارف نازل ليه هو نازل علشان عايز لقمة كويسة وحياة كريمة وده حققه بس هو عبر بيه بطريقته وده من عيبه ده عيب الناس الي بتفهم ودعت للمظاهرة دى
كل واحد نزل كان عايز حاجة واحد مش عاجبه المدير بتاعه وواحد تانى مش عاجبه استاذ الجامعة ومسجون عايز يلقط رزقه واطفال عاجبها الزحمة وناس متعلمين بيطالبوا بالغاء المحاكامت العسكرية والي هو حقهم انما الفئة الي راحت على السفارة انا شايف ان هو ده الصح الي اتعمل النهاردة وحتى وان كان من ناس غير متعلمين الا اظهار القوة يرعب العدو

الطبيعي هيكون في رد فعل عنيف من امريكا قبل اسرائيل
بس اللي حصل ده رد فعل طبيعي للي راحو السفارة علشان الخيبه اللي في المجلس العسكري ورد فعله المستفز للي بيحصل وانه لسه عايش في جلباب النظام السابق لسه بناخد علي قفنا من القريب قبل الغريب ومفيش رد يرضي المصريين سواء في الاهانه اللي حصلت في السعوديه للمعتمرين او الجنود اللي اتقتلو علي الحدود او او او او
وفعلا دي جمعه تصحيح مسار
افرحي يافلسطين مصر لسه فيها رجاله

+ احنا عشنا 30 سنة نقول يا عم وانا مالى الحمد لله اننا بخير الحمد لله ان مصر بخير حسنى اه وحش بس بيجنبنا الحرب واتعلمنا الجبن
احنا معانا مشكلة مع اسرائيل بقالها قرن ولم تحل حتى لما انتصرنا بردوا كنا جبناء اتصور ان الي بيحصل ده هو نهابة الخوف ومن اول يوم اسرائيل شافت الناس ثاروا ونزلوا العلم اول مرة و لما شافت القوات المسلحة بدات تتحرك فى سيناء بشكل مكثف قاللك احنا مستعدين النظر فى اتفاقية السلام فى البند الذى يخص انتشار قوات الجيش المصرية فى سيناء وهذا للاسف يبدو وان اسلوب الجبناء واحد مثلهم مثل الرئيس المخلوع عندما كان يضغط عليه الناس كان يعطيهم فاسرئيل مثلها كمثله كلما ضغط عليها بقوة وارعبتها اعطتك المزيد
وما تتخليش علشان انا مش فى مصر يبقى انا بكتب كدا لا لو حصلت بين مصر واسرائيل حرب فحاجز تذكرة على سيناء

انما الضغط على الجيش والمظاهرات الفئوية فده بدون اراداة الناس لانها ليس فى يدها شىء وهو غلط انما ليه الحكومة بتستنا لما مليون ينزلوا التحرير ليه مش لما بيقدوا طلب متوقع من الاف شخص او 100 بيتنفذ لازم العناد لازم التحدى لازم يشوفوا هو فع دول مصريين ولا ناس من الصومال لا فى ميعاد معروف عن انتخابات البرلمان ولا عن الرئاسة ولا فى اى حاجة واضحة كام واحد سأل امتى فى انتخابات
لازم كل شىء يبقى اسرع علشان الناس تحس بالتغيير اه الاقتصاد زفت و و و و بس بردوا حالة الناس زفت قالوا هيزودوا المرتبات مافيش حاجة زاددت قالوا وقالوا وفى الاخر مشروع مش عارف تنمية ايه ومترو الانفاق الجديد يعنى ازاى الحكومة ما تباقش عارفة ايه الاولويات بتاعتها !!
انا مش ضد شرف بالعكس هو احسن واحد يمسك لحد ما تسلم السلطة انما شوف الناس عايزة ايخ اتحرك بسرعة اسرائيل بعد خبر اقتحام السفارة بتاعتها ردوا بعدها ب 5 دقائق احنا استينا لما الناس ترد بعدها بثلاث ايام والحكومة لم ثانى يوم تقرير عن الي حصل تقرير ايه؟
اسرائيل اتصلت علطول بامريكا الحقينا يا امريكا المصريين بموتونا زى حرب 73 بالضبط نفس الاسلوب
الناس عندها حماس كبير دلوقتى وعايزة تشوف كل حاجة بسرعة وده يمكن يكون غلط انما ده شىء بديهى زى ما واحد بيطلع من السجن يبقى نفسه يعمل كدا وكدا وكدا لازم يحسسوا الناس انهم فعلا عملوا حاجة وبردوا الدكتور البرادعى قالهم ليه تونس ولبيا اعلنوا ميعاد التسليم السلطة ومصر لسة !

الوضع يشتعل اكثر واكثر وهناك ضرب متبادل وهناك عربيات امن مركزى محترقة امام السفارة وحتى العربيات الجديدة التى جاءت بدات تحترق والحال بيزداد سوءا واخر شىء حدث الان نزول مدرعات عسكرية هناك .

ده كله فى رايى حصل بسبب الاستفزاز الذى يحدث للشعب المصرى بسبب بطىء اتخاذ القرارات الصحيحة من الحكومة وبسبب انى مفيش اعتذارات رسمية من اسرائيل وما زاد الطين بلة بناء جدار امام السفارة وكل هذا ادى الى ما يحصل الان .

المهم فى النهاية يحدث ما فيه مصلحة لمصر والمصريين .

همجية وفوضى بكل المقايسس وماحدث لن يكون في صالح مصر إطلاقاً , جمعة تصحيح المسار انقلبت إلى تضليل المسار الذي كان أصلاً ضالاُ منذ البداية , الآن اشتباكات بين الأمن والمتظاهرين وإصابات بالإضافة لإحراق السيارات وتحطيم الممتلكات .. يعني إشطه احنا المصريين بلطجية بالفطرة وشكلنا بقى وحش قدام العالم.

فعلا مصر فيها رجال وكما قال الرسول عليه السلام فإن فيها خير أجناد الأرض

الله يوفقهم ويقويهم .... علامات النصر تظهر شيئا فشيئا لكن يجب أن تتعدى هذه الأمة مرحلة المخاض.


اللهم احمي أمتنا من كل شر وسوء وكل كائد وحاقد علينا.