السلام عليكم ورحمة الله وبركاته
اكيد السؤال ده اتكرر كثير جدا على الشبكة وحصلت استفتئات كثيرة جدا اختلفت نتائجها من موقع الي موقع اخر بس شباب المنابر ايه رائيهم ؟
من يستحق ان يكون رئيس لمصر ؟

بالنسبة لى انا مع الدكتور البرادعى قلبا وقالبا ربما فى نظر ناس كثير يعتبرون ان هذه الشخصية هى شخصية مخالفة للاسلامين بشكل تام لانه اتى من اوربا وعاش معظم حياته بالنمسا لم يحتك بالشعب المصرى منذ فترة كبيرة فبالتالى لا يعرف مشاكلهم هذه تقريبا اغلب الاسباب الي ممكن تلاقيها لما حد يقلك انا مش عايز البرادعى
بس هل فكرنا يوما انه اذا اتى من اوربا وعاش معظم حياته هناك شىء ايجابى ام سلبى؟ ربما فى نظرك سلبى ولكن فى نظرى انا ايجابى لاسباب كثيرة
انا واحد من الناس الي عاشت فترة مش كبيرة اوى خارج مصر وما تعلمته خارج مصر مستحيل كنت اتعلمه داخلها وهو النظام والنظام فى كل شىء وتقديس وقت العمل وان كل ثانية بتمر لها ثمنها هذا الكلام عن النظام وكم ان الوقت ثمين موجود فى سنة النبى محمد عليه الصلاة والسلام ولكن لم تتم ممارسته خلال القرن هذا سوى فى توقيت الصلاة وتوقيت الافطار اى ان ممارسته اصبحت محصورة فى شهر واحد اما باقى العام نعيش فى فوضى للاسف العاملين لا يقدسون وقت العمل تجد النساء تستغل وقت العمل فى الاشياء الشخصية وربما يترك العمل ويذهب لقضاء مصلحة شخصية غير التاخير عن العمل واشياء اخرى اكيد كل شخص شاهدها
هذه الاشياء خارج مصر تعتبر معدومة تماما فمثال بسيط مكالمة التليفون اثناء العمل تكون باختصار شديد يعنى انا لو واحد صاحبى كلمنى ارد عليه واقله انا فى العمل دلوقتى مش هاينفع اتكلم
انت ممكن فى اى هيئة فى مصر تروح عايز حاجة ورقة او اى شىء تلاقى الموظف قاعد يتكلم ساعة فى التليفون ولو قلتله حاجة ممكن يقلك احنا قفلناوانا رايت مواقف زى هذه كثيرة

اتصور ان من مارس النظام واحترم الوقت 50 سنة من حياته اكيد مش هيضيع وقت ال 4 سنين الي هيمسكهم فى مصر

هذا الرجل كان يمارس مهنة قول الحق واعتقد فى كل التحديات التى كانت من حوله لم يفشل وتحدى امريكا فى العراق وفى كوبا وفى دول كثيرة
واخر من تحداه كان حسنى مبارك عندما قال انه عليك ان ترحل فى ظل السكوت الجماعى تكلم هو وقال الحق
اعتقد ان من يقول الحق فى وجود هذا الكم من الظلم وقتها لن يقبل بان يظلم احد ولا يمارس اى خداع ضد اى انسان

هذه فى نظرى ايجابيات الدكتور البرادعى لو تكلمنا عن قدومه من اوربا وربما يوجد اشياء اسمى من ذلك يستطيع ان يبثها فى نظام مصر القادم

فى نفس الوقت لو تكلمنا عن السلبيات يعنى ايه جاى من اوربا يعنى بيشرب خمرة مثلا يعنى مش بيصلى يعنى بيلبس سترينج وهو على البلاج
فى ناس كدا بس فى ناس كويسة جدا جدا عايشين برا بيصلوا وما بيشربوا لا خمرة ولا حتى سجاير وكل ما رايناه منه هو الاحترام



لو جينا على نقطة انه ما لم يعاشر الشعب المصرى اعتقد ان لكل انسان اهداف فى الحياة وهذه الاهداف واضحة للجميع كل شخص نفسه يبقى عنده عربية وسيارة ولما يروح مكان الناس تحترمه اى كان يكون عنده دخل جيد يستطيع الادخار منه ويشعر بفخر انه مصرى

هذا الرجل يستطيع تحقيق هذا وانا واثق من ذلك

مع كل الاحترامى للاسلامين بس مافيش فيهم لا عمر بن الخطاب ولا عمرو بن العاص رضى الله عنهم وللاسف كلكم تنازلتم للظلم ولم تتكلموا سنوات الظلم ال 30 بما فيهم انا ولكن الدكتور تكلم وشجع الناس وهو فعلا مفجر ثورة يناير الحقيقى لن انسى كما هاجموه ولكن احترام العالم لهذا الرجل جعل حسنى وامثاله يخافوا ايذائه

طبعا فى ناس كثير انا باحترمهم غير البرادعى زى الدكتور عبد المنعم ابو الفتوح وسليم العوا
http://www.youtube.com/watch?v=fjQE6...eature=related

فى امان الله