انا اقول و الله اعلم انه حلال استعمال البرامج المكركة و الاسطوانات .....لانها من الغرب ...و هذه انا اعتبرها غنيمة و ليست سرقة ......بل هم السراق الذين سرقوا لنا خيراتنا من نفط و مواد خامة و خيرة علمائنا.....زو ازيدك بان العدو الفرنسي المجرم الذي احتلنا اكثر من 80 سنة سرق مناجم مدينة قفصة بتونس و استنزف اغلب مواردها ....الى جانب انهم سرقوا الذهب و الكنوز الرومانية....و استغلوا اراضينا .....و اليوم ياتي الينا الازهر ليقول حرام .........غريييب

أخى الكريم ما هذا الكلام ومنذ متى و الإسلام يواجه الإساءه بالإساءه !!!


البرامج المكرّكه تعتبر نصب على الشركات وممنوع على المسلم أن يتخلّق بخلق مثل هذا.

اخي الحبيب انا معاك في كل اللي انت بتقولة ولكن في حاجة معظمنا مامعهوش حق البرنامج لان زي ما انت عارف البرنامج سعرة غالي قوي طيب انا عاوز اشتري البرنامج علشان احقق ربح اجيبة ازاي بقى من غير لما اشتغل واحقق ربح هتقولي اشتغل اي شانة تانية اقولك ماشي ولكن لازم ابقى عارف شغلانة تانية ولكن للاسف مثلا انا كل شغلي مرتبط بالثري دي فقط

وفي حاجة تانية احنا عندنا في مصر ما شاء الله انا روحت اشتغلت في مكان حكومي والبرنامج هناك كان متكرك دة الحكومة نفسها مش معاها تشتري البرنامج انا هاشيترية ازاي


بس ما دام بيحللوا وايحرموا خلاص يدلونا على حلول يا اما يوفرولنا البرامج بسعر مناسب انا باتكلم عن الازهر والحكومة


على فكرة انا مش معترض عن انه حرام والا مش حرام ولكن لازم يبقى في حلول ويا رييت تراسل دار الافتاء مرة اخرى وخاليهم يشوفولنا حلول يا اما يوفرولنا البرامج بسعر مناسب وبدعم من الحكومة مثلا

وغير كدة معلش مش هتيجي على سعر برنامج الثري دي فقط لا لسة في فوتوشوب وفلاش مثلا ولسة فيا فتر افيكت ولسة في برامج النحت ولسة في برامج الكمبوزتنج يعني في كمية برامج بتبقى موجودة عند مصممين الثري دي ومفيش غنى عنهم

هتقولي تخصص في حاجة معينه هقولك في مصر مثلا مفيش الكلام دة الواحد بيشوف اعلانات شغل تعقد بيطلبوا حاجات بيحسسونا ان اللي شغال دة مش انسان طبيعي دة خارق ههههههه ويا ريتهم بيقدروك ماديا كمان

النسخة التعليمية بس ب 300 دولار وتستخدمها في حجات غير تجارية
لكن 8000 دولار مثلا للماكس او 3000 تقريبا لاقل برنامج مناسب

كشخص بيشتغل فريلانس بره في اوربا مثلا ... هيكسب المبلغ ده في بروجكت واحد يخد شهر .. لكن احنا عندنا ولا حتى توفرهم في سنة في الركود ده.
لما يبأ شخص مستطيع يشتري وميشتريش اوك

البرامج في الشركات بتبأ متكركة مع انهم بيكسبوا بس ميقدرش يجيب ليسنس ل 30 جهاز عنده مثلا ؟ فما بالك في ناس هتشتري برنامج بالثمن ده عشان شغلانه فريلانس بتجيلة كل كام شهر والعملا بيدفعوا بالعافية مبالغ ضعيفة

لو ينزلوا نسخ لينا تناسب امكانيات سوقنا اوك لكن ليس في امكاننا اكثر من هذا

هههههههههههههههه يعنى ايه حرام وحلال البرامج بكراك
يعنى انت عندك استعداد تدفع ما لا يقل عن 5000 دولار ده متوسط سعر البرنامج لو عندك الامكانيات خلاص معندكش الامكانيات انصحك بعدم استخدام البرنامج وعدم استعمال الكمبيوتر اصلا ولا تفكر فيه مدام بقت حلال وحرام
عندى استفسار واحد بس هل انت حاليا بتسخدم نسخة ويندوز اصلية 100%
هل انت بتستخدم نسخة اوفيس 100%
هل انت بتستخدم نسخة انتى فيرس اصلية
هل الالعاب لو انت من هواة الالعاب كلها عندك اصلية
لو كل حاجة عندك اصلية يبقى استخدامك حلال
غير كده يبقى توب احسن وما تستخدمش الكمبيوتر اصلا
نصيحة منى مجال الكمبيوتر مافيهوش حلال وحرام الا الاستخدام الغير اخلاقى مثل المواقع الجنسية والهكر التخريبى استفزاز الاخرين واستبزازهم سرقة ما لايخصك من معلومة شخصية لفرد او مؤسسة ...
ارجو منك تقبل كلامى بصدر رحب
اخوكم يوسف

مشكلة الشركات الكبرى ان برامجها موجهة لسوق معروفة سوق تحترم التصميم و المصمم . شركة اوتوديسك مثلا تبيع برنامج مايا لشركة بهوليوود فالاكيد انها ستبالغ بالسعر لان الفائدة من استخدام البرنامج اضعاف ذلك بكثير يدخل فيها اجور المصممين و غيرهم فكيف لا يبدع المصمم ؟ بل حتى الاجهزة مصممة لهم .
عندنا لو نشات شركة تنتج برامج التصميم كم ستبيع برامجها و الانتاج شحيح و المصمم اجره لا يشرف ، فالشركات هذه عليها ان تراعي سوق منتجاتها و تضع آلية لتخفيض الاسعار و ميكروسوفت لها بعض المبادرات في الدوز الفقيرة ببيع كمبيوترات رخيصة او اعطائها مجانا . و هذه سياسة الشركات الناجحة.
طيب هل العمل عند مكاتب دراسات تستخدم برامج مكركة حلال ام حرام ؟ و كم عدد المكاتب التي تستخدم برامج اصلية .
هكذا لن يبقى لدينا مصمم واحد و لا مهندس ، كيف يعمل المسكين و هو لا يملك ثمن البرنامج و لو كان يملكه لتاجر به و نسي مهنته و حتى لو اشتراه متى يجني الفائدة .
العلماء عليهم الاحاطة بهذا كله.
و اؤكد لك ان اكثر من 90في المائة من مكاتب الدراسات تستخدم برامج مكركة خصوصا الاوتوكاد و اكثرهم ورعا يستخدم نسخة الطالب اذن سيغلقون مكاتبهم و يتصدقوا بكامل اموالهم على مدى سنوات و ينقطع رزق مصممين و عمال كثر و الحل ماذا ؟ ماهو الحل في دول متخلفة لا توفر شيئا و لا تعطي فرصة لخبراء الكمبيوتر و لا تدعمهم لصنع برنامج عربي منافس و من الطراز الممتاز.
لماذا لا يفتون للدولة ان توفر للمصممين و المهندسين ما يمنعهم من استخدام الكراك ....
المسالة لا تعالج من جانب واحد و لو حاسبنا امريكا و اوربا على السرقات الفكرية لعلم المسلمين فسنخرسهم بترولنا يرجع كمبيوتر اخر طراز و علم ابناء بلادنا يرجع برامج و تاكد ان الكراك متعمد من الشركات نفسها و يعرفون كل المواقع التي تنشر برامجهم فلماذا لا يتحركون.
الحمد لله انا ضد استخدام برامج مكركة و بسبب هذا لم افتح مكتبا عكس كل اصدقائي فما الحل اذن ؟ الهجرة لامريكا لننعم ببرنامج اصلي و اجر محترم.

جزاك الله خير أخى و سوف أسأل مره ثانيه و لكن المره هذه سوف أذهب إلى المقر الرئيسى لهم.

اهلا أخى انا متقبل كلامك......لكن

الحرام والحلال موجود فى كل شئ مفيش حاجه اسمها الكمبيوتر مفهوش الكلام ده ......وكما قلت فى الرد السابق سأذهب لمقرهم لأاتى بالكلام النهائى.

كل عام و انت بخير.

همممم لا أعرف ماذا أقول المشكله مشكلة الدوله والمعنيين بها هم الذى بيدهم الحل و يارب يتصرفون فى هذا لكن ما اعتقده أنهم لن يبالوا لأن معظم الذين هم فى مناصب عاليه لا يهتمون بالحلال والحرام .

أخى سأتأكد بإذن الله .