Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

أرجوا منكم شرح معنى الframe لليونتي

تقليص
X
تقليص
 
  • الصفحة لـ 2
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • #1

    أرجوا منكم شرح معنى الframe لليونتي

    السلام عليكم

    أعلم أن معنى ال Frame هو الإطار أو البرواز لكن ما معناه بالنسبة لليونتي ’’)

    أقصد يعني الFunction Update تكون في كل frame اللعبة ، والFunction Start تكون في Frame واحد في اللعبة ،،،،،،،،،،،،، فما معنى هذا ؟ وشكراً لكم

    الحمدلله
    الكلمات الدلالية (Tags): لا يوجد
  • #2
    الفريم فى لغه الديجيتال عموما هو الجزأ من الثانيه..
    بمعنى تانى ان الثانيه زى ما الدقيقه = ٦٠ ثانيه
    الثانيه الواحده تساوى = X فريم
    العدد X دا انت بتحدده سواء فى اليونتى او اى برنامج للثرى دى , انت اللى بتختار الثانيه الواحده تساوى كام
    و الشائع :
    الثانيه = ٢٥ فريم أو ٣٠ فريم أو ٢٤ فريم
    ودى اشهر اظمه العارض
    ٢٥ اسمه Pal
    30 اسمه NTSC
    24 اسمه film

    بيكون متفاهم اوى للموضوع دا اللى عنده خلفيه قى الثرى دى و بالاخص التحريك
    M HAMMAD
    M.A.Moniem

    الله--سبحان الله وبحمده سبحان الله العظيم--المستعان
    قال الأنيمتور المناضل منعم كامل :
    لو لم أكن أنيمتور لوددت أن أكون أنيمتور

    تعليق

    • #3
      function update
      بيتم استدعاء محتواها كل فريم

      اما Start
      بيتم استدعاء مختواها فى اول فريم فى اللعبه , يعنى اول لما تدوس play او اول لما المرحله تتحمل , على حسب الفانكشن مربوطه بأيه بظبط
      M HAMMAD
      M.A.Moniem

      الله--سبحان الله وبحمده سبحان الله العظيم--المستعان
      قال الأنيمتور المناضل منعم كامل :
      لو لم أكن أنيمتور لوددت أن أكون أنيمتور

      تعليق

      • #4
        شكلي ضعت هههه الدلوقتي الي فهمته أن ال frame جزء من الثانية احنا بنحدده

        زي ما حضرتك قلت ان مثلاً 1 ثانية = عدد من ال frame ،،جميل لحد كده

        بس ممكن بقى توضحلي استخدمهم ازاي بمثال ،، انا اسف على غبائي ده وشكراً للتوضيح
        الحمدلله

        تعليق

        • #5
          ولا غباء ولا حاجه...
          بص انت مثلا بتعمل ملف حركه جوا اليونتى او اليوديكيه او الشيفا او ايا يكن المحرك...او حتى جوا مايا او ماكس او اى برنامج صرى دى ...انت بتحدد الثانيه بتاعتك هتعادل كام فريم..و الموضوع دا مهم جدا بالنسبه للكرتون و الثرى دى لأن فى انظمه عرض محتلفه..بمعنى انك لو هتعرض على تلفزيون غير لو هتعرض على شاشه سينما غير لو هتعرض على تلفزيون فى الوطن العربى..
          لاكن فى الجيمز مش فارقه " نهائى تقريبا" و افتكر ان فى احد المشاريع فى الشغل كان جوا نفس اللعبه ملفات حركه 60 فريم فى الثانيه و كان فى ملفات تانيه 30 فريم فى الثانيه
          و فى الغالب اللعب كلها بتمشى 30 فريم

          اما عن الاستخدام برمجيا..فأنت يكفيك تعرفها عشان تقدر تحدد حجات معينه..ناحد مثلا مثال من اليونتى بناء على اللى انت ذكرته انك بتشتغل يونتى :
          -لو انت عاوز تعمل حدث معين و تنفذه بعد داله Yield اللى بتسمح لك بالانتظار
          - انت ممكن تعمل yield waitForSeconds و هنا الداله هتحتاج انك تحدد عدد الثوانى اللى هيتم بعدها الحدث
          - او WaitForEndOfFrame و هنا انت هتنفذ الحدث بعد (الفريم الحالى) يعنى بعد اقل من الثوانى ( مع العلم انك ى الداله الاولى ممكن تستخدم قيم عشريه و توصل للفريمات بمعنى تقولو ينتظر 0.1 ثانيه ....يعنى عشر ثانيه ودا غالبا هيعادل 3 فريم لو انت شغال 30 فريم فى الثانيه )

          يارب تكون المعلومه اوضخ ولو فى اسفسار اتفضل براحتك...الامصله مبتخلصشى
          واعذرنى لو الحسبه الاخيره بتاعه 0.1 غلط , انا قسمتها نظرى
          M HAMMAD
          M.A.Moniem

          الله--سبحان الله وبحمده سبحان الله العظيم--المستعان
          قال الأنيمتور المناضل منعم كامل :
          لو لم أكن أنيمتور لوددت أن أكون أنيمتور

          تعليق

          • #6
            شكراً جدا
            الحمدلله

            تعليق

            • #7
              الموضوع ابسط مما هو عليه شوية ......... الفريمات هى الزمن فى البرامج دى ....... وكل ما كان عدد الفريمات اعلى كل ماكانت اللعبة تمشى اسرع ..... وكل ماكانت الحسابات الفيزيائية احسن ...... وعدد الفريمات مش انت اللى بتحدده ..... عدد الفريمات بيتحدد لوحدة على حسب العدد اللى الكومبيوتر هيحتاجه عشان يخلص حساب الحاجات الموجودة فى اللعبة - سواء فى الـRender او فى الـPhysics او فى Scripts عادية - .. وده بيختلف من كومبيوتر لكومبيوتر

              ملك إنحصر وجوده فى مملكة خياله

              تعليق

              • #8
                المشاركة الأصلية بواسطة Shiny Arrow مشاهدة المشاركة
                الموضوع ابسط مما هو عليه شوية ......... الفريمات هى الزمن فى البرامج دى ....... وكل ما كان عدد الفريمات اعلى كل ماكانت اللعبة تمشى اسرع ..... وكل ماكانت الحسابات الفيزيائية احسن ...... وعدد الفريمات مش انت اللى بتحدده ..... عدد الفريمات بيتحدد لوحدة على حسب العدد اللى الكومبيوتر هيحتاجه عشان يخلص حساب الحاجات الموجودة فى اللعبة - سواء فى الـRender او فى الـPhysics او فى Scripts عادية - .. وده بيختلف من كومبيوتر لكومبيوتر
                متخلطشى بين الـ frame rate و الـ frame كمصطلح الفرق شاسع...مش عاوزين الراجل يتلخبط.. هو سأل عن الفريم عموما ودا اللى بيتداخل مع الفانكشن اللى ذكرها..لاكن الفريم رييت لا يتداخل مع الفانكشن ولاكن مع الـ monitoring و الـ Optimizing
                M HAMMAD
                M.A.Moniem

                الله--سبحان الله وبحمده سبحان الله العظيم--المستعان
                قال الأنيمتور المناضل منعم كامل :
                لو لم أكن أنيمتور لوددت أن أكون أنيمتور

                تعليق

                • #9
                  طبعا كل كلام خضرتك سليم 100 % ولكن فى حاله الـ frame rate
                  M HAMMAD
                  M.A.Moniem

                  الله--سبحان الله وبحمده سبحان الله العظيم--المستعان
                  قال الأنيمتور المناضل منعم كامل :
                  لو لم أكن أنيمتور لوددت أن أكون أنيمتور

                  تعليق

                  • #10
                    المشاركة الأصلية بواسطة MN3M مشاهدة المشاركة
                    متخلطشى بين الـ frame rate و الـ frame كمصطلح الفرق شاسع...مش عاوزين الراجل يتلخبط.. هو سأل عن الفريم عموما ودا اللى بيتداخل مع الفانكشن اللى ذكرها..لاكن الفريم رييت لا يتداخل مع الفانكشن ولاكن مع الـ monitoring و الـ Optimizing
                    ههه ... مش عارف تأثير كلامك نحيته ايه بالظبط لكن انت ليه بتعاملهم على انهم حاجة منفصلة ؟ مفيش حاجة اسمها frame و frame rate - بالنسبة للكلام اللى انا قولته - ..... ازاى فى فرق بين الفريم ........ وعدده فى الثانية , او معدله؟ ... الـFrame Rate بيتعبر عنه بالـFrames Per Second .... فمعتقدش ان كلامى كان فى خلط .. كلامى كان واضح جداً انا بتكلم عن ايه... على العموم بلاش ندخل اللى سأل فى متاهات ..... بس حاجة اخيرة ........ كل الكلام اللى انت قولته بيرجع لحاجة واحدة فى النهاية.

                    ملك إنحصر وجوده فى مملكة خياله

                    تعليق

                    • #11
                      ههههههههه
                      الفريم رييت - معدل الفريمات فى الثانيه و تقاس بيه السرعه فى اللعبه ( لاخظ انها قيمه متغيره مش انت اللى بتحددها بدقه , هى ناتجه عن عوامل اللعبه نفسها ومتغيره بمرور الوقت فى اللعبه ممكن للأعلى وممكن للأقل )

                      الفريم فقط - هو وحده تكوين الثانيه , وهنا بتتحكم فيه , فلو هتعمل انيمشن مثلا بأيدك تختار عدد الفريمات فى الثانيه ( سواء حركت داخل المحرك او داخل برنامج الصرى دى , لازم تختار يا اما هيتحط لك الافتراضى و غالبا بيكون NTSC يعنى 30\ثانيه )

                      لو انت اشتغلت بالقدر الكافى أنيمشن خصوصا ثرى دى + دينامكس فى برنامج قوى زى المايا....هتفهم قصدى.....لأنك لو اشتغلت مايا بتلاقى فى نظام العرض انك تشتغل play real time 30\s
                      ولا play every frame ودى زى الجيمز بتعتمد على قوه الجهاز وكميه البارتكلز و الفيزكس و الباقى انت عارفه

                      الفريم رييت - بتيكون طبعا من الفريمات
                      M HAMMAD
                      M.A.Moniem

                      الله--سبحان الله وبحمده سبحان الله العظيم--المستعان
                      قال الأنيمتور المناضل منعم كامل :
                      لو لم أكن أنيمتور لوددت أن أكون أنيمتور

                      تعليق

                      • #12
                        المشاركة الأصلية بواسطة MN3M مشاهدة المشاركة
                        ههههههههه
                        الفريم رييت - معدل الفريمات فى الثانيه و تقاس بيه السرعه فى اللعبه ( لاخظ انها قيمه متغيره مش انت اللى بتحددها بدقه , هى ناتجه عن عوامل اللعبه نفسها ومتغيره بمرور الوقت فى اللعبه ممكن للأعلى وممكن للأقل )

                        الفريم فقط - هو وحده تكوين الثانيه , وهنا بتتحكم فيه , فلو هتعمل انيمشن مثلا بأيدك تختار عدد الفريمات فى الثانيه ( سواء حركت داخل المحرك او داخل برنامج الصرى دى , لازم تختار يا اما هيتحط لك الافتراضى و غالبا بيكون NTSC يعنى 30\ثانيه )

                        لو انت اشتغلت بالقدر الكافى أنيمشن خصوصا ثرى دى + دينامكس فى برنامج قوى زى المايا....هتفهم قصدى.....لأنك لو اشتغلت مايا بتلاقى فى نظام العرض انك تشتغل play real time 30\s
                        ولا play every frame ودى زى الجيمز بتعتمد على قوه الجهاز وكميه البارتكلز و الفيزكس و الباقى انت عارفه

                        الفريم رييت - بتيكون طبعا من الفريمات
                        ........ مش فاهم هدفك ايه من شرح الكلام ده ...... الحاجات دى مش محتاجة انى اكون شغال بالقدر الكافى انيميشن وعلى برنامج قوى كمان ..... مع العلم انى شغال على 3Ds Max اكتر من 3 سنين ...... والظاهر انك مستوعبتش الكلام اللى انا قولته فالاحسن ننهى النقاش.

                        ملك إنحصر وجوده فى مملكة خياله

                        تعليق

                        • #13
                          شكرا على ردك..الهدف هو نقل معلومه صحيحه لأن مفيش خير لكاتم علم..!
                          وبخصوص الخبره فخبرتك كبيره و أحترمها طبعا بس انا بكلم من منطلق 11 سنه تقريبا (بأكتمال العام الحلى إن شاء الله) عمل فى مجال الجيمز و الكرتون و الفريمات شىء مهم جدا جدا..الاهم من اننا نستخدم شىء اننا نفهم بيشتغل ازاى و آليه العمل..هو دا الهدف..

                          وشكرا و أتمنى صاحب الموضوع يكون استفاد..ويريت UA07 متنساش زى ما الاجانب دايما بيقولو Google is your friend هتلاقى حجات جميله
                          السلام عليكم
                          M HAMMAD
                          M.A.Moniem

                          الله--سبحان الله وبحمده سبحان الله العظيم--المستعان
                          قال الأنيمتور المناضل منعم كامل :
                          لو لم أكن أنيمتور لوددت أن أكون أنيمتور

                          تعليق

                          • #14
                            متاخدش الموضوع على محمل شخصى .... انا مكانش قصدى حاجة غير التوضيح .... وانت اعتقدت انى خلطت ...... ورديت عليك..... مرضتش اطول النقاش عشان صاحب الموضوع.

                            ملك إنحصر وجوده فى مملكة خياله

                            تعليق

                            • #15
                              كده بعد العركة ديه ضعت بشكل رسمي هههه دخلنا ريت في الموضوع ومعرفش مين ... خلاص هكمل ومع الوقت هفهم لوحدي
                              الحمدلله

                              تعليق

                              السابق 1 2 template التالي
                              يعمل...
                              X