بقالي فتره بفكر انضم او اكون فريق لصناعه العاب indie
فبقيت عمال ادور اكتر في الموضوع وحبيت اني اتعلم ولو فكره بسيطه عن كل حاجه متعلقه بالفرق دي وكل واحد في الفريق بيعمل ايه

المهم اكتر من فريق كانو بينصحو الفرق الجديده الي مش عارفين ازاي يجيبو تمويل للعبتهم بأستخدام الموقع ده
ihttp://www.kickstarter.com/

الموقع ده بيمول كل ما هو فني وفيه ابداع

ازاي تستخدمه
لو خلصت لعبه ودلوقتي عايز مبالغ كبيره لتسويقها
اكتب معلومات عن اللعبه حط فيديوهات شويه صور concept art

ومن هنا في ناس كتير بيدخلو علي الموقع لما يشوفو اللعبه بتاعتك وتعجبهم فكرتها
كل واحد بيحط مبلغ من عنده لتمويل اللعبه ومع تزايد عدد الناس بتجمع المبلغ الي انت عايزه

عندك مثلا اللعبه دي
http://www.kickstarter.com/projects/...d?ref=category

صاحبها كان طالب 85 الف دولار
762 واحد دفعو فلوس من معاهم لتمويل اللعبه
تم تمويل اللعبه ب 120 الف دولار ( والله ناس زي الفل )

العجيب بقي والي انا لسه مش فاهمو انو مكتوب علي الموقع انو الي بيتبرعو بفلوس لتمويل اللعبه مش بياخدو فلوسهم تاني ولا حتي بيبقو مشتركين في صناعه اللعبه

انما هما فقط بيتبرعو لاعجابهم بالمشروع او لانهم عايزين يشترو المنتج النهائي ( مش بقولكو ناس زي الفل )

وفعلا لو دخلت علي الموقع هتلاقي العاب كتير منها الي بيفشل في انه يحصل علي التمويل اللي هو عايزه ومنهم الي بينجح