السلام عليكم ورحمة الله وبركاته

مبارك عليكم الشهر الفضيل وكل عام وانتم بخير وان شاء الله ينعاد علينا و عليكم بالخير

بجوز انا مش اول واحد بحكي عن هذا الموضوع بجوز في غيري فتح هذا الموضوع بس بصيغة اخرى

انا فتحت هذا الموضوع لزيادة معنويات مطورين الالعاب المستقلين ان كان شخص او فريق او اي شخص لسا ما بدا المشوار

الموضوع :

انو احنا عرب و بمجال الالعاب لسا مش متقدمين زي الغرب بس طبعا بالاصرار والعزيمة منصير احسن منهم
هسا راح يصير معضمكم يضحك على الموضوع ويحط ردود سيئة بس انا ما بحكي الحكي هذا الا لاني بدي افيد
اسرتي المنابر او اي زائر حابب ينضم لهاي الاسرة

فأنا بحكي انو لو تتطلعو على شركة روك ستار لما صنعو لعبة GTA لو تنضرو ايام زمان على GTA 2 يعني روك ستار مش بيوم وليلة صدرو لعبة احترافية حتى وصلو الى GTA IV وكمان اشهر بتنزل GTA V وما تنسو دائما انو اللي صممو لعبة GTA IV حوالي 1000 شخص على ما اضن حسب ما قرأت و صممو اللعبة شركة مش افرقة مستقلة
انا هسا راح اسمع اسأل انو يعني ليش هالموضوع انتو بجوز بهذه الفقرة راح تتحبطو لا بالعكس

احنا افرجيكم انو فيني نصير افضل كيف
لو تنظرو لكل اعضاء المنابر شوفو العابهم والله العاب من عنوانه و فكراتها العاب جميلة بعدين احنا يعني شوف بعض الافرقة ما بتشتغل على لعبة تودي بتشتغل على لعبة ثري دي يعني ان شاء الله في تقدم
وانا بوصل رسالتي كقائد فريق انو يا قائدين الفرقة ويا اعضاء الافرقة ما حدا ييأس ويضع شغله هباءاً منثورا بسبب الكسل وعدم العزيمة والاحباط
وما تحكو بدنا عدد هائل لا هذا كلام مش مزبوط المهم اذا كان في عزيمة و اصرار لو واحد فقط اشتغل على لعبة راح يبدع
واللي بدو يرفع معنوياته اكثر من هيك يشتري و يحضر الفلم الوثائقي (indie game the movie) والله انا كنت محبط وكنت بدي اترك مجال صناعة الالعاب فلما احضرت الفلم وفي كمان شخص عزيز علي كان يزيد بعنوياتي هو الاخ فيصل مشرف المنابر وانا بشكره جدا جدا
فقررت اني لو شو ما يصير ولو اقعد اكثر من سنتين باللعبة الخيانة انا وفريقي روبست تيم راح انهيها واصدرها ان شاء الله
وانا بدي اوصل كمان رسالة مهمة لجميع الافرقة الرجاء ما تحبطو بعض و ما تتزاعلو مع بعض وكونو يدا واحدة

والرجاء اذا حدا تضايق من موضوعي هذا يكتب برد عشان ارد عليه واغير وجهت نضره
وفي واحد راح يصير يحكي ليش ما تدمجو الافريقة لا مش ضروري
بتعرفو ليش كل ما كان عدد الافرقة اكثر كل ما صدر العالم العربي العاب اكثر واللي بدو يقرر يدمج الفريق ويشتغل على لعبتين مش غلط كمان اللي بتشوفوه افضل اعملوه
واسف على الاطالة عليكم
والسلام عليكم ورحمة الله
وشكرا لكم