http://www.mawada.net/

الله يرزقك الزوجة الصالحة :d

أنا أبي أتزوج كمان ههههههه

شكرا يا استاذ اكرم على اللينك.

أمين يا رب, ان شاء الله يرزقك انت كمان من اوسع ابوابه.

هههه صريح زيادة
شوف ابحث عن امراة تعرف امها اواباها (من غير اقارب) سوف تجد ان نصف تصرفاتها من هما او اكثر
مرة استاذي سماها تخير من السند المتصل

و دي الاقيها فين؟ في مجال عملي؟

ربنا يرزقك بالزوجة والزرية الصالحة باذن الله
بص يا بوب لو سنك لسة صغير يبقى ما تستعجلش لان النصيب بأيد ربنا وهيأتى اليوم الي هتتزوج وتنجب فيه بمشئية الرحمن
اما لو سنك فوق ال 28 يبقى لازم تفكر وتقلق , فى مصر افضل طريقة للزواج سريعا هى زواج الاقارب يعنى والدتك تختار لك بنت الحلال وتتزوج

اما لو انت قلقان ومش حابب الطريقة دى يبقى هتعنس يا برنس
لان الطريقة الاخرى هى ان تكون لك زميلة فى الجامعة او فى العمل تعرفها جيدا ويكون هناك قبول بينكم والموضوع ده صعب لو انت لسة متخرج لان عقبال ما تأخذ على الشغل او المكان وتتعرف على الناس هتأخذ فترة علشان تعرفهم جيدا وعقبال ما تأخذ القرار يكونوا خلاص تمت خطبتهم لاحدى اقاربهم او معارفهم

اغلب الناس فى مصر بتستعين بالام لاختيار بنت الحلال بس الموضوع ده بيتوقف على عملك ومرتبك وهل عندك شقة ام لا عندك عربية ولا لا
والباقى انت عارفه يا برنس
البنت لسة متخرجة وعندها طموح للعمل ولا تفكر فى الزواج الان او البنت نفسها فى واحد عنده شقة وعربية بى ام وحاجات كثيرة من كدا

لو انت مش قادر تتجوز علشان مافيش شقة او مافيش دخل كبير او العروسة عايزة شقة فاخمة وعربية يبقى عليك بالسعى للعمل خارج مصر

الشغل خارج مصر هينسيك الفكرة دى مؤقتا وهتقدر تعمل مبلغ كويس تقدر تجيب بيه شقة وعربية وتتزوج
وربما يكون نصيبك فى مكان اخر وبنت الحلال دى مش مصرية اصلا

لو كان لى 100 صديق اقدر اقول لك ان 30 منهم تزوجوا خارج مصر و 30 منهم تزوجوا من اقاربهم و عشرة فقط استطاعوا الجواز من خارج العائلة و ال 30 الباقيين لم يتزوجوا حتى الان

انا عارف انك علشان تخرج من مصر وتلاقى شغل فى مكان اخر امر صعب بس صدقنى مش هايبقى اصعب من انك تلاقى عروسة

@رجل السماء:-

السنة دي انا هتم 29 سنة و الموضوع صعب يتسكت عليه بجد.
انا والله نفسي اشتغل برة مصر بأي طريقة عشان موضوع الفلوس و لجوئا لبلد مستقر.
بخصوص جواز القرايب فهناك دراسات طبية تقول انه مش صحّي فيما يخص الأبناء بسبب عوامل وراثية
و لو الوضع ضاق بيّا في مصر فهتطر بعد حل مشكلة الشقة و المرتب (اللي مش عارف امتى هتنحل) اني اتجوز واحدة من قرايبي.

عقبال ال 100 سنة يا بوب

بالنسبة لزواج الاقارب وكون الاطفال يولودون وهم ليسوا بكامل طبيعتهم كله كلام فارغ على فكرة والكلام ده فى ايد ربنا وحده

حتى هنا فى اوروبا عندهم فكرة ان زواج ال + مع + =خطر على صحة الاطفال و + مع ال - او العكس مش متذكر جيدا انما فى تصورهم انه هو افضل وسيلة لانجاب اطفال بصحة حيدة وكله كلام فارغ العلم له حدود تنتهى عند المستقبل
ومادام النظرية التى بنى عليها هذا التحليل غير ثابتة او ليس بالشىء الواجب الحدوث فتصبح خارج العلم
لان العلم يجب ان يبنى على وقائع وليس احتمالات


لو ليك احد من اقاربك انت شايفها انسانة كويسة استخير ربنا وتوكل على الله وحاول تكلمها انت بنفسك الاول قبل والدتك او اى شخص

ولو لقيتها مقدرة ظروفك ومستعدة ان تقف معك وان تبنى المستقبل معك اى كان يبقى اعرف انها افضل انسانة وعلى فكرة ياما ناس كثيرة جدا جدا تزوجت وهى لا تملك حتى ثمن خاتم الزواج وبعد كدا ربنا رزقهم من السماء بما لا يتخيله احد


بأذن الله نقول لك مبروك على الزواج قريبا

اذا كانت اممك عايشه ... او اكبر خواتك او اصغرهم ... او خالاتك او عماتك خلهم يختارون واتوكل على الله .

الباقي عليك لازم تدلعها .. ولا تحاسبها على كلامها حاسبها على صبرها عليك وعلى عشرتك ... البايخه ..

انا كنت بادرت بالحديث مع واحدة قريبتي بدافع من والدي و قعد يقولي الحق يا عم دي هتتخطب.. ناس قرايبك متكلمة عليها .. و هكذا ههههه.
انا كلمت والدتها و قالتلي انها لسة صغيرة و انهم مش بيفكروا في الكلام دة دلوقتي و تقدر تقول انها استصغرتني شوية بس بأسلوب ظريف و بعد كدة حاسيت اني اتسرعت و ان دة كارت اتحرق مني و خاصة اني ماسمعتش تحفيز والدي للحديث في هذا الموضوع بعد ذلك و بدأت افكّر انه ورطني و زعلت منه بصراحة هههههههههه..
هي انسانة متعلمة كويس و عايشة في امريكا يعني الحمد لله ناس محترمة.
يا رب تكون من نصيبي..

هتكون عِشرة حلوة أوي..

هههههه اخس عليك يا بوب طلعت طمعان فى البنت علشان عايشة فى امريكا

ان شاء الله تبقى من نصيبك يا ابو حميد

سيبك انتى من العائلة والوالدة اهم حاجة البنت لو متقبالك يبقى الموضوع كله فى جيبك
طبعا الشقة والعربية و العمل امور هامة بالنسبة للعائلة بس دوس انت يا معلم وربنا معاك

زواج الاقارف فيه نسبة خطورة اكبر من 30 % حسب ما اسمع وعند البلاء بولد معاه مشكلة جد حيكون حاجة صعبة لذلك لو تبعد افضل
لقد نصحنا الرسول الاكرم صلى الله عليه وسلم بتغريب النكاح......وقد اثبت العلم الحديث الحكمة من ذلك.كما تفضلت اخي
فاعتقد انه من الضروري جدا اجراء التحاليل اللازمة للشاب والفتاة ان كانا من الاقارب وارادوا الزواج

الله يبعتلك بنت الحلال اللي تسعدك ويكون دينها كويس ويكون اهلها اغنياااااء ويكووون اهلها اغنياااء ويكون اهلها اغنيااااء

تعال تزوجني أنا

>>>>>>> بمزح معك هههههههه





-
الله يزوجك بنت الحلال