اهلاً M-E

الفرق بين الـLocal Space والـWorld Space بسيط فى الشرح.


اولاً الـ World Space - Global :

إتجاه المحاور فى الـScene View :

زى مانت شايف فى الصورة...هتلاقى نقطة الأصل ( 0,0 ) , واتجاه محاورها Y,Z .... وهتلاقى Cube موجود فى نقطة تانية .. واتجاه محاوره مرسومة برضو.
هنا زى مانت شايف فمحاور الـCube واخدة نفس اتجاه محاور نقطة الأصل ( 0,0 ) .... حتى لو لفيت الـCube فالمحاور اتجاهها مش هيتغير وهيفضل نفس اتجاه محاور نقطة الأصل.



واللى فات ده بالنسبة لأتجاه المحاور فى الـScene View فقط .. وتغير اتجاه المحاور بين الـWorld والـLocal لا يؤثر على قيم الـTransform فى شيئ.

اما بالنسبة لقيم الـTransform اللى هم Position, Rotation, Scale :
بالنسبة للـPosition :
نقطة الـY,Z الخاصين بالـCube هيتحسبوا بالنسبة للـY,Z الخاصين بنقطة الأصل...بمعنى اننا لو افترضنا ان الـCube موجود فى نقطة (1,1) ... فـ الـ1 ده هو البعد عن نقطة الأصل...معنى كدة ان المسافة بينه وبين نقطة الأصل فى الـZ بتساوى 0 - 1 = 1 , وفى الـY بتساوى 0 - 1 = 1
نفس الكلام بالنسبة للـRotation...
ونفس الكلام بالنسبة للـScale....مع العلم ان الـScale الطبيعى ( الخاص بنقطة الأصل ) هو 1

والكلام ده بيختلف عن الـLocal Space اللى هنشرحها دلوقتى.

ثانياً الـ Local Space :


إتجاه المحاول فى الـScene View :
هنا الموضوع هيختلف شوية عن الـGlobal ... لأن هنا اتجاه المحاور هيبقى بالنسبة لدوران الـCube نفسه مش زى محاور نقطة الأصل
زى الصورة اللى تحت دى.


هنا زى مانت شايف لما دورنا الـCube اتجاه محاوره اتغير ... ومش مجبر يكون نفس اتجاه محاور نقطة الأصل.

اما بالنسبة لقيم الـTransform اللى هم Position, Rotation, Scale :
طول ما الجيم اوبجيكت او الـCube - فى الحالة دى - ملهوش Parent ... فهيبقى مربوط بنقطة الأصل...
لكن لو ليه Parent ... فانت هتشيل نقطة الأصل وتحط مكانها الـTransform الخاص بالـParent ده.

الموضوع بيتفهم بالتعود...هو مش صعب زى ماهو ممكن يوصلك من طول الرد والصور اللى فيه.
العب شوية فى اليونيتى وهتفهم كل حاجة مع الوقت.

بس كدة.

شكراً جداً اخي علي هذا الشرح الفوق الرائع انت وفرت علي الكثير الموضوع كان داخل في بعضة عندي شكراً