Unconfigured Ad Widget

**M.Max** · 21 / 12 / 2013, 06:12 PM

وعليكم السلام ورحمة الله وبركاته
اول شي فضفض اخي لأنو اذا الواحد منا ما فضفض بطق
تاني شي طول بالك لك أخي شو تحرق كمبيوترك وتترك المصلحة لك نص الألف خمس مية ولو
والله الرزقة على الله يعني الواحد قد ما لف ودار غير رزقتو ما رح يطول
وما في شي بيجي بدون تعب سدقني
واذا انت عم يرفضو يشغلوك لأن مستواك ضعيف "على قولتون" فغيرك انرفض لأنو سوري !
انا مثلا دورت تلت شهور على شغل بالثري دي وكنت عم اشتغل حيلا شغلة لحتى اصرف على حالي
الشغل مو عيب والحمد الله بالأخير لقيت شغل بالثري دي المعماري والله ساترها
متل ما عم قلك انت توكل على الله وشوف اختصاص انت قوي فيه وحاول اتركز عليه وبس يعني خلي تفكيرك ليل انهار عليه لحتى اتقوى فيه منيح والله بيسرلك
انا عن حالي لقيت سوق المعماري ماشي ففتت في مع اني ما بحبو بس احسن من بلى وما دائما الواحد بيحسن يوصل لهلي بدو ياه بسهولة
الله يسرلك يلي فيه الخير و انت تمك قول يارب
بتمنالك التوفيق
اخوك نورس

**muhmmad** · 21 / 12 / 2013, 06:28 PM

نصيحتي:احرق كمبيوترك واترك الثري دي وروح اشتغل عامل نظافة باليابان راتب 8 آلاف دولار بالشهر وبعديها زبط وضعك وحاول تتدرب اكثر على الثري دي وشووف الشركات بس هو اكيد فيه عنصرية لانك سوري بس الله يفرجها

**Jehad Suliman** · 21 / 12 / 2013, 07:09 PM

يا اخي لا تيأس ... لا يعني انك مش لاقي شغل في شركة انك ما تقدر تشتغل انظر الينا عامة كمصممين وليس كأعضاء
هنالك المحترفون في المجال والمتوسطون فيه ولكن اكثرهم يكسب رزقه من اعماله الثلاثية الابعاد
جرب اعمل لك تصميم وانشره على احد مواقع بيع وشراء الموديلات الثري دي
اشتغل مستقل افضل لك نصيحة مني ابدأ من اعمالك البسيطة كون منها ثروة
وشكرا .....

**reda haido** · 21 / 12 / 2013, 07:12 PM

اخي M.Max والله بعرف الشغل مو عيب وانا املي بالله كبير ومتكل على الله في كل الظروف وبحمده وبشكره على كل شي واخي muhmmad احتمال لاني سوري ما حدا عم يشغلني بس شوعملنا السوريين لحتى صرنا اكتر الناس مكروهين بالعالم بس كل واحد بكسر من مأديفنا شكل متل ما بيقولو وكل يوم باعد عالكمبيوتر مو اقل من 12 ساعة تدريب وما بعرف شو لازم صمم لحتى عبي السي في تبعي من تلات سنين وانا على هالحالة والله شي بيتعب انا تعبت عالاخر وحتى صدقني بحاول اتعلم الزيبرش والنيوك والVFX عل وعسى حدا بيقبلني بس خايف اتعلم وارجع نفس الشي وكلو يرفضني ماني عارف حالي وين

**reda haido** · 21 / 12 / 2013, 07:17 PM

اخي Jehad Suliman مين قلك ما حاولت هيك بس ما استفدت شي على كل انا مو زعلان عالرزقة لانو متل ما قال اخي M.Max بس انا زعلان انو ليش الكل ما بيشغلني لانو مستوايي متوسط على اساس احيانا ضعيف كمان وفي عالم بعرفها مستواها اقل مني وعم تشتغل بأضخم الشركات الله يرزقهم يا رب وبتمنى لكل العالم تشتغل بس اني تعبت تلات سسنين وانا عم اشتغل لوحدي وعبي السي في وبالخر ما حدا رضي يشغلني لذلك انا حابب اترك هالمجال منشان ما ارجع ضيع سنوات تانية وانا عم صمم وعالفاضي

**reda haido** · 21 / 12 / 2013, 07:19 PM

طيب حدا بيعرف شو لازم نصمم ونحط بهالسي في لحتى يعجب الشركات

**muhmmad** · 21 / 12 / 2013, 07:37 PM

طيب شوف بالأردن ما راح يقصروا معاك

**Jehad Suliman** · 21 / 12 / 2013, 08:22 PM

مثل ما قال محمد الاردن فيها خير كثير
وفيها شركات كثير وفيها داعمين كثير جرب تعال ع الاردن وجرب اشتغل مع طلاب الجامعات ساعدهم في مشاريعهم ... لا تنسى الاردن بلد النشامى بلد الخير والعطاء

**M.Max** · 21 / 12 / 2013, 08:28 PM

كل يوم باعد عالكمبيوتر مو اقل من 12 ساعة تدريب وما بعرف شو لازم صمم لحتى عبي السي في تبعي من تلات سنين وانا على هالحالة والله شي بيتعب انا تعبت عالاخر وحتى صدقني بحاول اتعلم الزيبرش والنيوك والVFX عل وعسى حدا بيقبلني بس خايف اتعلم وارجع نفس الشي وكلو يرفضني ماني عارف حالي وين

متل ما قلتلك انك تكون مختص بشي اهم بكتير من انك تعرف شوي عن كل شي
يعني نصيحة هلئ ركز على اختصاص محدد
انا ما بعرف بالسوق شو ماشي غير المعماري لأني متل ما قلتلك ما لي شاغل بغيرو
و للأسف احيانا بصح المتل " it's not what you know but who you know"
على فكرة انا بالأخير اشتغلت بشركة سورية

طيب حدا بيعرف شو لازم نصمم ونحط بهالسي في لحتى يعجب الشركات

هيك اسئلة مالها جواب بظن
فأنت اذا رايح على شركة دعاية وإعلان طالبة مصمم موشن غرافيك ثري دي مو معقول تعرض شغل معماري
اعرفت عليي شو بقصد ...انا بدي اسألك سؤال
انت شو بتصنف حالك كإختصاص اذا بتتوظف فيه (بما انك رايح على نظام توظيف وشركات)بتقدر تقدم شي مميز وقوي
يعني انت بدك تحط حالك محل صاحب الشركة لأنو هون في عملة والشغلة مالها لعبة يعني اذا ماكان رح يستفيد منك منيح وتقدملو شي يقدر يجبلو مصاري مارح يوظفك ما بهمو كام برنامج بتعرف ولا بهمو كام طريقة بتعرف تعمل اضاءة لمشهد او او او
على فكرة انا لما بلشت دور على شغل ما كان عندي كمبيوتر وقتها وما بحياتي عامل سي في وقتها ويمكن هاد الغلط الأكبر يلي كتير بيوقعو فيه
على كل حال فيك تعرضلنا السي في تبعك بركي منحسن نساعدك فيها
الموضوع يلي عم تطرحو كتيييير مهم وبتمنى الأخوة يساعدونا فيه ويعطونا من خبرتهون لحتى الكل يستفيد من هالموضوع
وبالتوفيق للجميع

**أبومايا** · 21 / 12 / 2013, 09:26 PM

اخوي رضا مثل ماحكا اخي ماكس ماقصر

لاتستعجل ولاتيأس ابدا مادام فيك نفس

توكل على الله

وقوي علاقتك بالله فبيده كل الامور وهو الذي بيده مفاتيح الرزق

الامر الاخر اطلع على موضوع اخونا حازم مشرف المايا

وضع فيه عصارة خبرته في كيفية طلبات الشركااااااااات

كيف تكتب سيرتك الذاتيه و تصنع ديموريل باحتراف .. حازم صبري

http://www.maxforums.net/showthread....533&highlight=

وتابع هنا برضو كلام مهم جداااااااااا

درسي التعليمي الجديد ... لتحقيق هدفك :: حازم صبري

http://www.maxforums.net/showthread....105&highlight=

**أبومايا** · 21 / 12 / 2013, 09:28 PM

http://www.maxforums.net/content.php...8A%D9%8A%D9%86

**Anouar Art** · 21 / 12 / 2013, 09:37 PM

انا شخصيا دخلت المجال دون اشغال بالي ان اجد وظيفة فيه فدراستي الجامعية اصلا لا علاقة لها بمجال الثري دي
دخلته لاني احبه و اسعى للتطور فيه
و لما اشعر اني بلغت درجة محترفة جدا و اجد عمل في هذا المجال الذي احبه لن اقول لا طبعا
و بالتوفيق لك لا تيأس لان اليأس يقتل الابداع

**momnattar** · 21 / 12 / 2013, 09:38 PM

اهلا اخي العزيز
حال السوري المنبوذ في كل مكان وفوق اي ارض
اصلا ما عاد فيك تدخل الاردن غير بشروط ان تخرج من سوريا او معك اقامة
وبالنسبة لمصر فانا ايضا قدمت لكثير من الشركات الغرافيك اذا انت فاكر سيفيتك ناقصة كيف حالي يلي صرلي سنين ولحد هلق ما لقيت شغل جيد في مصر كل اعتمادي على خارج مصر
حتى لما لقيت شغل بمصر اشتغلت فوتوشوب والستريتر اغلب شغلي هههه هي اخرت سوري مشنطط
بس الحمد لله مستورة
كنت عايز قلك ورينا شغلك قد تكون الفكرة في انك ما تعرض نفسك جيدا
لكن الواقع هو محسوبيات في كل مكان نادرا ما تشتغل بسبب ان اختصاصك مطلوب
وايضا لما تقول انك محترف يرتعبوا يقولوا راتبه كبير
ولما تكون مبتدا يقلولك نحنا عايزين محترف
هههه واقع مرير جدا ويخنق
لكن توكل على الله

**أبومايا** · 21 / 12 / 2013, 09:45 PM

حال السوري المنبوذ في كل مكان وفوق اي ارض

مو صحيح مؤمن

السوريون في قلوبنا وعيوننا والله

وهم اهلنا ونحن اهلهم

لاتعمم مايفعله بعض الحثالة

كل من يبذهم فهذا لجهله ولانه لم يفهم ماهو الاسلام ماحقيقة ديننا الحنيف

وماهذا مانجح فيه اعداء الاسلام

وزرعوه في بعض العقول التي تتحدث عنها انت

نحن لانعترف ابدا بحدود سايكس بيكو تقسيماته

فانتم في اي بلد تحلوها انتم في بلدك طالما هي بلد مسلم

Unconfigured Ad Widget

إعـــــــلان

رثاء

اناااااااااا ياااائس ومحبط

اناااااااااا ياااائس ومحبط

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق