إنضممت إليكم في 2006 ... طالب مبتدئ يهوى الجرافيك والأنيميشن كل خبرته في المجال شوية فوتوشوب على سنة مايا
وبعدين تغير الحال وبقيت شاب أبحث عن وظيفة بأجر ولو رمزي
ولقيت الفرصه الحمدلله ... وبقت المنابر منتديا المفضل ... أدخل وأعرف كل الجديد والتفاصيل وأسئلة وإجابات كتيره وصقلت شوية موهبة على حبة إبداع مع كام صديق جديد كده
وبعدين توحشت بقى ... وبقى الشغل كتير وبقيت بتابع المنابر بالعافية وبحاول كل كام يوم أدخل أتابع إيه الجديد
وبعدين بقى إتسحلت في الشغل ... وماباقتش أتابع المنابر خالص
وربنا قام كارمني وبفضل الله إتجوزت ... وبقى نفسي أفضى ولو ربع ساعة كده أطل طلة على المنابر مع ضغوط الحياه والشغل والطلبات والزبادي والجبنة والعيش والزيت والسكر وبتاع
وبعدين راح ربنا زادني في كرمة ورحت مخللف بقى وبقى عندي عيله هبله شبهي .... ونسيت المنابر خالص
وبعد كل السنين اللي عدت مش عارف كام دي ... أدخل المنابر تاني وألاقي ناس جديده وناس ماعرفهاش وصحابي غيروا أساميهم
بس بصراحه لاتزال المنابر إدمان ... المنابر بالنسبالي مابقاش مجرد منتدى ... ده بقى ذكريات وتاريخ وضحك ولعب وجد وحب
أحبكم في الله إخوتي وإن شاء الله ماتشغلنيش الحياة ولا العيلة الهبلة دي عنكم تاني :d
تحياتي
وبعدين تغير الحال وبقيت شاب أبحث عن وظيفة بأجر ولو رمزي
ولقيت الفرصه الحمدلله ... وبقت المنابر منتديا المفضل ... أدخل وأعرف كل الجديد والتفاصيل وأسئلة وإجابات كتيره وصقلت شوية موهبة على حبة إبداع مع كام صديق جديد كده
وبعدين توحشت بقى ... وبقى الشغل كتير وبقيت بتابع المنابر بالعافية وبحاول كل كام يوم أدخل أتابع إيه الجديد
وبعدين بقى إتسحلت في الشغل ... وماباقتش أتابع المنابر خالص
وربنا قام كارمني وبفضل الله إتجوزت ... وبقى نفسي أفضى ولو ربع ساعة كده أطل طلة على المنابر مع ضغوط الحياه والشغل والطلبات والزبادي والجبنة والعيش والزيت والسكر وبتاع
وبعدين راح ربنا زادني في كرمة ورحت مخللف بقى وبقى عندي عيله هبله شبهي .... ونسيت المنابر خالص
وبعد كل السنين اللي عدت مش عارف كام دي ... أدخل المنابر تاني وألاقي ناس جديده وناس ماعرفهاش وصحابي غيروا أساميهم
بس بصراحه لاتزال المنابر إدمان ... المنابر بالنسبالي مابقاش مجرد منتدى ... ده بقى ذكريات وتاريخ وضحك ولعب وجد وحب
أحبكم في الله إخوتي وإن شاء الله ماتشغلنيش الحياة ولا العيلة الهبلة دي عنكم تاني :d
تحياتي
تعليق