التقسيم بيكون مشاهد ..مشهد 1 2 3 ..الخ وكل مشهد المفروض يكون فيه عدد من الشوتات حسب كاميراتك وممكن مجموعة من الشوتات تكون بملف واحد..رندر كل ملف لوحده وبعدها يتجمع في الكومبوزيت وبعديه المونتاج .. الرندر ليس اخر مرحلة ..بيكون في مراحل ال post production الكومبوزيتج والمونتاج .

بالتوفيق.

في البداية شكرا لك اخي الكريم على استجابتك..
اما بخصوص الرندر فانا اريد ان ادمج جميع ملفات التحريك لكل بيئة من البيئات في ملف واحد وهذا امر ضروري بالنسبة لي
فان كان هناك طريقة تعلمها اخبرني بها جزاك الله خيرا
من ناحية اخرى لقد اثرت موضوع لفت انتباهي بخصوص التحريك هل اقوم بالتحريك بعد ضبط زاوية الكميرا وبناء على اللقطة في حالة التوزيع كمشاهد ام اقوم بالتحريك ثم اضع الكميرات في العمل
ارجو الا اكون ازعجتك باسئلتي
وشكرا لك مرة اخرى

مفهمتش الغرض من اسئلتك ..لانك بتسأل في بديهيات وزي ما بيقولوا من المعضلات توضيح البديهيات.

هقول بتفصيل اكبر .. عندك مشهدين مثلا توم وجيري بيجروا ورا بعض في البيت وبعديه بيطلعوا برةالبيت
المشهد الداخلي ده كذا شوت وايد 1- توم بيحط مصيدة فئران امام الجحر
2- كلوز -وجه توم ضحكة شريرة
3-وايد - بيجري وبيستخبى ورا حاجة
الخ ده اللي مفروض مكتوب بالسينايو او الاسكربت او الاستوري بورد ان وجد

المشهد ده الطريقة المثلى لتحريكه بما يريح الجميع المفروض الثلاث شوتات المذكورة تكون بملف انيميشن واحد والانيميتور يديك ثلاث كاميرات بالرينجات يعني كاميرا واحد من فريم 1 الى 200 مثلا واللي بعدها من 200 الى 450 الخ
او الافضل كاميرا واحدة وعليها كيهات حركة حسب الشوت.
واللي فهمته ان انت هترندر .. فهتظبط الاضاءة في كل شوت لو عايز تشتغل صح شوت بشوت .. وحتى لو جابلك كل شوت من الثلاثة اللي فوق في ملف لوحده ولا تفرق .. انا اصلا شغلي الاساسي لايتنج ورندر فانا عارف انا بقولك ايه ولا تفرق .

اللوكيشن بتعمله ميرج تاني لو حصل في تعديل او الانيميتور عاكك فيه -وده غالبا- .. اللايتنج الاساسي بتظبطه في شوت وبتسيفه وتعمله ميرج لكل شوت بعد كده مع اختلافات لايتنج الكركترات .
وده جوابا لسؤالك انت بتعمل ميرج للبيئة او اللوكيشن على الانميشن تجنبا للمشاكل لو حاولت العكس.
والانيميتور لو اشتغلوا صح من الاول مش هتتعب في الرندر.

عامة انت محتاج تشوف او تقرأ كتاب مختصر في الاخراج . ومحتاج تشوف حاجة في البرودكشن للثري دي .. تعرف المراحل اكتر عشان انت مش هتعمل حاجة صح لو انت مش عارفها نسبيا حتى.

شكرا لك في البداية
في الحقيقة هذه او تجربة لي في الانيميشن
واشكرك على صبرك مع كثر أسئلتي