الحمدلله, أمس تم افتتحاح قسم "الشرق الاوسط" على منتدى الـ Unreal Engine بعد مباحاثات طويله بينى و بين اصدقائى فى Epic Games




و الاجمل ان جارى العمل على ترجمه المحرك بالكامل + الدوكيومنتيشن بتاعته للغه العربيه


جايز واحد يقول, المجال دا مجال لغه انجليزيه...طبعا دا كلام سليم, ولاكن تجاهل الهويه العربيه هيأدى لأنقراضها و عدم حضورنا بالمجال دا....يعنى ايه ؟؟


اقلك...


تفتكر الصينين او اليابانين او الكوريين مبيعرفوش انجليزى؟ او ميقدروش يستخدمو برنامج او منتدى انجليزى ؟؟
لأ هما بيعرفو. لكن تفردهم فى الفتره الاخيره (خلى كلامنا عن الصينين و الكوريين لان اليابانين حاله خاصه, لانهم صناع المجال اصلا) كان بسبب عاملين رئيسين جدا:
١ - انهم بينشرو محتوى باللغه بتاعتهم (سواء ان كان جيمز - دروس - مقالات - نقاشات )
٢ - انهم بيصممو على استخدام لغتهم فى كل شىء حتى وان كانت غير متوفره


ودا ادى لان اى خدمه او موقع جديد يتم فتحه, لابد من دعم الصينى و الكورى كلغات اساسيه, بعد ما كانت الحجات دى نسبيا انجليزى فقط.


المهم,....


دلوقتى هما استمعو لوجه النظر و ناقشوهاه و فتحو المنتدى, دورنا اننا نتناقش هنا فى اى شىء ييخص الانريل, سواء مشاكل مشاريع طلبات, دروس , حجات تحت الانشاء...فمهما كان نشاطك على المنتدى الاجنبى, متنساش ان فى مكان تتكلم فيه عربى هناك..




و الاهم ان المكان دا ممكن يكون سبب لحجات كتير, اهمها هو اللقائات و المساباقات فى المنطفه العربيه و الخاصه بالمحرك..


https://forums.unrealengine.com/foru...75-Middle-East