السلام عليكم ورحمة الله وبركاتة


بقالي فترة كبيرة مازورتش المنتدي الرائع ده

فقولت اشارك معاكم العمل ده, بدأتة من فترة كبيرة ومعنديش وقت الصراحة حاليا اني اكمله

الفيديو مدته تقريباً 10 دقايق واحداثة خيالية وهاشرح فكرته لاني لسه معملتش السيناريو للشخصيات

القصة بتدور حول 4 شخصيات أليه في مكان سري داخل مصر

شخصية روبو هي بطل القصة .. مشكلته انه حصل عنده خلل في المعالج الاساسي اللي بينظم افكاره

وعلي هذا الاساس بيقوم بتصرفات غير منطقيه ممكن تؤدي الي كوارث

علشان كده قائد المجموعه عمل اجتماع للعضوين التانيين وشرحلهم الوضع وانهم لازم يمسكوا روبو ويرجعوه للمكان السري

علشان يبدأوا عملية اصلاحه

خلال الاجتماع يكتشف القمر الصناعي الخاص بالرصد مكان ربو في مترو الانفاق في القاهره

وفعلا يبدأ القائد يديلهم الاوامر باحضار روبو كل واحد فيهم يروح من مكان ويوصل لاقرب محطة هايعدي عليها روبو ويحاولوا يوقفوه

والقائد كمان هايروح محطه مترو تانية علشان لو فلت منهم يحاول يتصرف

صدعتكم معلش

الفيديو ليه جزء تاني ..... بس لما اصلا اخلص الاولاني اللي فاضلي فيه تسجيل الاصوات وتركيبها علي الشخصيات

ولوحد حابب يساعدني في موضوع الاصوات ده يبقي كتر خيره

طبعا من طول العمل اكيد فيه ملاحظات كتير ... حتي انا كان ليا ملاحظات كتير عايزه تعديل بس المشهد اللي كنت باخلصه

مابرجعلوش تاني

تم العمل باستخدام
الياس مايا 7 اغلب العمل ثم مايا 8 بعد مابقي اوتو ديسك
أفتر إفيكت
فوتوشوب

وتم استخدام بعض المشاهد الخارجية واخري من اليوتيوب


البرومو



الفيديو




الجودة متوسطة لسهولة المشاهدة

بانتظار النقد يا شباب
دمتم بخير