كلمه إن كانت تدل فإنما تدل على طيبه الشعب المصري التي تصل إلى حد السذاجة !!
حاجه طيبه جدا
الواحد أول ماينزل الصبح يلاقي البواب بيمسح العربيه وبيقوله كل سنه وإنت طيب ياباشا تقوم مطلع اللي فيه النصيب وتديهوله
تخش محطه البنزين لاتقي عامل المحطه بيديلك الباقى ويقوللك كل سنه وإنت طيب فتديله اللي فيه النصيب
تقف في الإشاره تلاقي بياع الفل والمناديل ولوازم العربيات ييجوا يقولولك كل سنه وإنت طيب تقوم مطلع لهم الحسنه بتاعتهم.
أول طبعا ما أوصل الجامعه علبال ما أركن العربيه ألاقي السايس جاي (آل يعني بيساعدني على الركنه) وبيقول كل سنه وإنت طيب يا أستاذ طبعا الواحد يتكسف منه ويطلع له أي فكه ويديهاله.
مين قاللهم إني عايز أبقى طيب كل سنه ؟
يعني جزاة الواحد إنه طيب يفلس ؟؟؟
بس أنا طبعا مش سهل ومايتضحكش عليا
في يوم قررت إن أقولهم أنا كل سنه وهما طيبين لكن النتيجه طلعت عكسية تماما ( شوف إزاي) يعني بدل ماهما يمدوا إيدهم في جيبهم ويدوني اللي فيه النصيب ألاقيهم فرحوا قوي ومستنييني أديهم الحسنه اليومية بتاعتهم من غير مايطلبوها !!!!!!
سبحان الله طبعا
بس أنا كنت فكرت في حل تاني
أدفع من هنا وآخد من هنا وأهي دوره الحياه شغاله
أول ماصحيت الصبح قلت أما أصبح على والدي
و قلتله كل سنه وإنت طيب
فرح جدا وضحك عليا وإبتسم وقاللي (( وإنت طيب ياريس))
إستنيته ساعتين إلا ربع إنه يجيب حسنه لكن مفيش
قلت مش مشكله غير بابا كتير
رحت للدكتور بتاعي وقلتله كل سنه وإنت طيب يوم الإمتحان قام بدل مايمد إيده في جيبه راح مطلع الورقه والقلم الأحمر وقاللي و أنت طيب وكان لسه هايعلم على إسمي لولا إني قلتله خلاص يادكتور كل سنه وأنا طيب .....................والحمد لله عدت على خير
ياربي مش عارف أعمل إيه
كل سنه وإنتم طيبين
حاجه طيبه جدا
الواحد أول ماينزل الصبح يلاقي البواب بيمسح العربيه وبيقوله كل سنه وإنت طيب ياباشا تقوم مطلع اللي فيه النصيب وتديهوله
تخش محطه البنزين لاتقي عامل المحطه بيديلك الباقى ويقوللك كل سنه وإنت طيب فتديله اللي فيه النصيب
تقف في الإشاره تلاقي بياع الفل والمناديل ولوازم العربيات ييجوا يقولولك كل سنه وإنت طيب تقوم مطلع لهم الحسنه بتاعتهم.
أول طبعا ما أوصل الجامعه علبال ما أركن العربيه ألاقي السايس جاي (آل يعني بيساعدني على الركنه) وبيقول كل سنه وإنت طيب يا أستاذ طبعا الواحد يتكسف منه ويطلع له أي فكه ويديهاله.
مين قاللهم إني عايز أبقى طيب كل سنه ؟
يعني جزاة الواحد إنه طيب يفلس ؟؟؟
بس أنا طبعا مش سهل ومايتضحكش عليا
في يوم قررت إن أقولهم أنا كل سنه وهما طيبين لكن النتيجه طلعت عكسية تماما ( شوف إزاي) يعني بدل ماهما يمدوا إيدهم في جيبهم ويدوني اللي فيه النصيب ألاقيهم فرحوا قوي ومستنييني أديهم الحسنه اليومية بتاعتهم من غير مايطلبوها !!!!!!
سبحان الله طبعا
بس أنا كنت فكرت في حل تاني
أدفع من هنا وآخد من هنا وأهي دوره الحياه شغاله
أول ماصحيت الصبح قلت أما أصبح على والدي
و قلتله كل سنه وإنت طيب
فرح جدا وضحك عليا وإبتسم وقاللي (( وإنت طيب ياريس))
إستنيته ساعتين إلا ربع إنه يجيب حسنه لكن مفيش
قلت مش مشكله غير بابا كتير
رحت للدكتور بتاعي وقلتله كل سنه وإنت طيب يوم الإمتحان قام بدل مايمد إيده في جيبه راح مطلع الورقه والقلم الأحمر وقاللي و أنت طيب وكان لسه هايعلم على إسمي لولا إني قلتله خلاص يادكتور كل سنه وأنا طيب .....................والحمد لله عدت على خير
ياربي مش عارف أعمل إيه
كل سنه وإنتم طيبين
تعليق