لملايين لاتشترى بلد نظيفه وهواء غير ملوث وامخاخ عدله ولا احد بيسالك غير عن الصدق فقط

وتعليم للاطفال مجانى تماما وعلاج مجانى ودور رعايه للعجزه ومافيش الفاروميو وبقيه الجراج

كله بورش ولامبورجينى


غلطتهم انهم قدموا بطريقه طلب العمل هناك وندموا



==
تعليم الانجليزيه فى طريقتى مشاهده طويله وكثيره للافلام وقراءات كثيره جدا للكتب ومحاوله ايجاد
شخص للتحدث معه


اما الكورسات والحاجات دى لا تنفع هذا النوع من الامتحانات التى تقيم حصيلتك وليس مذاكرتك

وعلى فكره كل التعليم هكذا فى الخارج ليس كتاب وامتحان بل شخص ومعرفه


ماكس : صعب يعطى لك احد عقد عمل بسبب انك ستصل اليه بعد سنتين لما تتم الهجره

مش معقول يعنى مكانك فاضى منتظرك

وثانيا لابد من عرض الوظيفه على مكتب العمل اولا واذا وجدوا انهم ليس لديهم هذا التخصص فعلا

يستدعوك

دول مش زينا يبقى شبابنا على القهوه ويجيبوا اجنبى يشتغل فى البلد


طريقه عرض العمل هذه مخصصه لمن هم هناك اصلا بفيزا عمل ويريدون الاستمرار وتحويلها هجره

فبالطبع عقد العمل متوافر اصلا

مستحيل ، على سبيل المثال ، EA أصبحت أكبر شركات الألعاب في العالم .. كيان ضخم مهول يلتهم كل الشركات الصغيرة ، هذه الشركة أحد أكبر استوديوهاتها في فانكوفر ( المدينة التي أقيم بها ) ، الشركة تقوم بالتعيين هذه الأيام أعداد بالمئات و تحتاج للعديد من الفنانين ، أحد من يعملون فيها (في مركز جيد أيضا) قال لي من الأخر أن الشركة لا تقوم بتوظيف الاجانب حاليا لأنهم داخلين في مشاريع كبيرة و عاوزين ناس يضمنوا انهم قاعدين و مش عاوزين يدخلوا في مشاكل فيزا لأن الشركة مفروض تكون sponser او راع لك ، طبعا لو أمريكي الوضع مختلف لأن أمريكا و كندا واحد ، لي أصدقاء أوروبيين نفسهم يقعدوا و يشتغلوا هنا و مرعوبين من امكانية عدم الحصول على فيزا عمل.. و دول خواجات في بعض .. تفتكر بقى ايه فرصتي أنا كواحد من الشرق الأوسط في الحصول على فيزا اقامة هنا ؟.. أنا أول مافيزا الدراسة تخلص حايقولولي روح على بيتكم يا شاطر.. شرفت و آنست
أنا أعلم هذا من قبل أن أتي هنا و لم اسافر بنية الاستقرار أو العمل .

لو جالك عمل روح هناك بفيزا عمل ، مش لازم هجرة.. و مادام الشغلة جاتلك و فيه sponser حاتفرق معاك جدا جدا .

اية يا حسام مش احنا اتكلمنا فى الموضوع دة قبل كدة وقلتلك انو مستحيل يا ابنى اهو مجبتش حاجة من عندى شريف جابلك من الأخر
شد اللحاف يا حاج ونام
سلام يا وحش

كنت عاوز أعلق على نقطة امتحان الانجليزي ، لماذا لا تأخذ الـ TOEFL أسهل من الـ IELTS ، أنا أخذت الـ TOEFL computer based و جبت فيه 273 (توازي 640 في النسخة الورقية paper based و انت لو امتحنت عشان تسافر برة لازم تاخد الاختبار الاكتروني ) و الـ TOEFL كما أراه مسألة تدريب ليس أكثر ، إذ أن هناك العديد من الاسطوانات اللي مليانة امتحانات تشبه الامتحان الذي ستتعرض له ، و انا كنت جبت في أول امتحان فيهم مع نفسي درجة أخجل اني اقولها لأني ماكنتش فاهم ايه اللي بيحصل ، الـ TOEFL بييجي بالتدريب و دي عن تجربة و الموضوع المطلوب كتابته منك هو مقال ، و يجب أن تتعرف على اصول كتابة المقال بالانجليزية و هي ثلاث أنواع لا أذكر منها شيئا الأن .. بس له طريقة مخصوصة في الكتابة و مش مجرد موضوع تعبير. ممكن في النقطة دي تقرا مقال أو تاخد درس خصوصي و انا اخذت درس خصوصي بس كل اللي كنت باعمله في الدرس هو حل امتحانات.. يعني لا ذاكرت قواعد grammar و لا أي حاجة.
أنا كمان خريج مدارس عربي (الابراهيمية الثانوية بنين بجاردن سيتي.. كانت واحدة من أعرق المدارس و خرجت وزراء و علماء و فنانين.. بس تعيش انت ) ، أعتقد أن مستواي في الانجليزية جيد و الحمد لله و السبب الأول هو الأغاني و الأفلام ثم جاء عصر الانترنت و كنت صغير و منبهر بامكانية الحديث مع الأجانب من حول العالم و كنت لاجئ في غرف الـ chatting و اتعلمت منها كثير .
اللي عاوز اقوله ان وسائل تعليم و ممارسة اللغة كثيرة جدا و معظمها مجاني و مسلي في نفس الوقت، المهم تحط الموضوع في دماغك .
و بالتوفيق ان شاء الله .

ايه ياحس انت مش كنت بتقول رايح جمصة ايه اللى غير طريقك

يبقى نقول من جديد
مرة تانية مع بعض :
خليك هنا خليك وبلا ش تفارق
بتقول يومين وتغيب سنة , بلاش تفارق ................

أيوة يا شريف ارفع من معنوياتي

كلهم بيحبطوني ............ أنا ناوي أفارق وأغيب سنة

انا فكرت في التوفل فعلا لان طريقة أبسط

وأعادل الشهاده ... وبذلك سيكون مر اكثر من سنه علي تخرجي

واكون مؤهل من مجاميعه ....... أنا داخل أجهز الشنط

متشكرين يا شريف ...

طمنت قلبي ... أصلي كنت خايف حد يبعتلي من كندا زمقدرش أروح

بس فعلا الموضوع ده محتاج اثبات الذات في مجال الجرافيك ... وربنا يوفقنا كلنا ..

علشان كده يا شباب لما كنت بقول لكم لما تبقوا فى سنى وبعد خبره و و و و ستغيرون كل شىء

الواحد وهو عنده 23 سنه مثلا يعتقد انه عارف كل حاجه وقوى ويفوت فى الزلط

لكن لو دخل فى اختبار تقييم سيكون اول اصطدام حقيقى بالواقع

حيث ان التعليم عندنا خادع ويجعلك تعتقد انك خلاص بقيت وحش مفترس


ثانى امتحان لطيف جدا وقادر على تحطيم اعتى الاعضاء هو ليس التوفل بل الاتيتيود وهو اختبار

ذكاء وتصرف وبيتعمل فى الجامعه الامريكيه لراغبى تعلم الكومبيوتر


كان لى تجربه معه واصابتنى الحمى 3 ايام بعده الله لا يوريكم




كل هذا ليس تحطيما لكم لكن المهم نعرف من هذا مقدارنا الحقيقى حتى نحسنه لان الاحساس بالقوه

يوقف التقدم ويخدع الانسان ويجعله يتمادى ويتطاول على من هو اكبر سنا ولا يقدر خبرته ولا قوته


طبعا هتفهمونى غلط لكن فعلا لما بتناقش معكم بجد قوه خادعه مسيطره عليكم


انا عديت فى كل الاختبارات المحطمه جدا والحمد لله نجحت بامتياز غير عادى وهذا جعلنى بعدها اهدأ

واخلى بالى جدا من اى شخص عنده خبره ومعرفه واحفظ نفسى ومركزى بانى استمع اولا واحاول مجاراته فى الفهم قبل التسرع والهجوم عليه

لان كلام ذوى الخبره شكله سهل يتفهم خطأ لكن بالقراءه المتانيه جدا تجد نفسك فهمت معنى مختلف تماما عن الانطباع الاولى



انا خرجت من الموضوع لكنها فرصه اقول لازال امامكم وقت حتى يعترف بكم العالم كقادرين على كونكم مجرد مواطنين عاديين عنده

شوفتم الى اى درجه ؟؟؟؟؟؟؟ يعنى مزيد من الجهد والتعلم والخبره والنجاح والسن ثم تجتازوا طبعا كل هذا

ولما تصبحم هناك هذا بدء التفوق والتميز لان كل الحجج راحت وولت



شدوا حيلكم

طيب يا با شمهندس

ما دمت نجحت في كل الاختبارات ......... مستني ايه ؟

سافر بقا

ايه اللي أحلي من الفراق . ايه اللي اصعب من اللقاء ؟

________________________

انا مقتنع بخبرتك وقلت هذا الرأي من زمان

وكما نقول في مصر :: ( اكبر منك بيوم يعرف عنك بسنة )

غير خبرتك فان ذكاءك يمنحك القدرة علي توظيف هذه الخبره

يعني هنيالك ياعم كندي ابن كندي

هع هع

هو انا قلت انى عاوز اسافر ؟؟؟؟

اختبار اللغه لانى بعمل دراسات تابعه للجامعات فى الخارج واختبار الجامعه الامريكيه لانى درست بها بعد
تخرجى من كليه العلوم تخصص تصنيع الصوت بواسطه الكومبيوتر ثم منحه لدراسه هندسه الصوت
تابعه لجامعه اوهيو تم الامتحان فيها هنا فى مصر

ثم اكمال درجه الماجيستير تم من عشر سنوات واحتجت الاختبار الجديد لان مده الشهاده سنتين

بعدها لا بد من اعاده الاختبار حيث تتغير المعايير

وسبب انى قمت بتحضير ورق الاقارب خصوصا انهم يعتبرونى حرييف نت قال يعنى فطبعا حسبت لنفسى اختبار كندا

ولقيته من سنه جبت 78 نقطه



طبعا فرصه العمل عندى هنا عاليه جدا خصوصا فى الافلام وكل يوم بيطلبوا منى فى البيت اسافر

لكن عندى ارتباط مسؤليه والدتى لن اتركها وبصراحه مش متحمس



خلى بالك انا عضو نقابى فى المهن اموسيقيه والسنيمئيين وممكن احصل على فيزا مش هجره بسهوله تامه او كرجل اعمال لامتلاكى ستوديو

وهناك العمل الفنى لا يحتاج تصريح للعمل



ومعلومه كمان الطب والصيدله والهندسه والمحاماه مشكله هناك لان هذا يسمى ريجيوليتد وورك

يعنى لابد من معادلته

وكذلك السباك والميكانيكى واى شىء يتعلق بحياه الناس اى ممكن يقتل


لكن العمل الفنى لا يخضع لذلك وتستطيع العمل بدون تصريح اذا كانت الفيزا صالحه لهذا

يعنى حتى الفئات الذين حصلوا على هجره لا يمكنهم العمل الا بالمعادله


==========


ومقدرش اسافر يا حس الا لما اطمن عليك واجوزك بنت الحلال

لا لا........ لا اريد الزواج

شغلني معاك أبوس ايدك

انا فنان حتي شوف

تيت تيت تيت تاتو

انا فنان ولن احتاج معادله

______________________________

طيب بما انك سددتها لي من جميع النواحي

اريدك ان تخبرني خطوات عمليه في حدود سنتين او 3 . للسفر لتحضير ماجستير في اي دوله غربية

بما ان عندك خبرة في هذا المجال

حتي لو طلبت مني اني أبطل اكل فول ........ ورغم انه هيكون قرار صعب..... . لكن ممكن أبطل اكل فول

أظن كده ممكن يقبلوني ؟؟

يا سيدى انا اجيك منغير ما تغير التوقيع


للدرسه فى خارج لابدنرجعونقول اما ايلتس اكاديمك وهى تخص الدراسه او تويفل

2- مراسله جامعه بها التخصص ومعادله الدرجه ( البكالريوس )

3- وكم لا باس به من النقود لاول مرحله اذا تفوقت فى الاولى تاخدالتانيه منحه هديه زى البيتزا بالضبط


--

عاوز خطوات صحيحه ؟؟؟؟؟ للسفر



1- نتهى من البكالريوس

2- اشتغل وحوش وطبعا معروف ان الصيادله بيكسبوا من الشنطه اكثر من الصيدليه وخصوصا
مع ظهور حبوب الالوان

3- بعد 4 سنين يبقى تاخذ درجه الخبره كامله والسن لا يزال فى منطقه النقاط العاليه

4- خلال 4 سنين قوى نفسك فى اللغه جدا واحضر كورسات المعادله وذاكرها جيدا

5- قدم الطلب وستتم الموافقه
6- بعد سنتين من التقديم ستسافر اول ما توصل قدم للمعادله ( الامتحان ) هناك

7- اشتغل ى اى وظيفه ستكفى لاقامتك وخصوصا انك وحيد يا عينى عليك
8- يمكن تغير رايك وتستمر فى الوظيفه المؤقته

لان اى وظيفه هناك = حياه كامله

9- طبعا ستتزوج وستبحث عن مصريه هناك او تستوردها من هنا وساعتها كل سنه وانت طيب
خلاص تبقى انتهيت ولا تنفع حتى فى النت والمنتدى

10 - اذهب للكنيسه المصريه هناك سيجدونلك عملا ومكانا للسكن ويعطوك كورسات المعادله وحصص
ايضا


وهذا للمصريين مش مهم نوع ديانتك وايضا لن يحاولوا تغييرها ماتخافش هم يخدمون الجميع


للاسف هذا النشاط غير موجود فى المساجد هناك حيث انها متحزبه واحد للباكستانيين وواحد للعرب

يمكن يزوجوك فقط حتى لو لم تحمل الفيزا للهجره طبعا معروف ان الزواج من كنديه يعطيك اقامه

المهم زواج حقيقى 3 سنين اذا كان فيك نفس وصحه وترفع اسم مصر

غير كده هاتشوف الويل منها وتبات بين الثلوج على الباب وينام مكانك كلب العائله الذى ينتهز هذه الفرص دائما


اقول لك سيبك من موضوع الزواج واعمل الخطوات المرقمه اضمن

لا لا تغيير التوقيع كان في بالي لكن كنت ابحث عن الايه في المصحف الرقمي ...... وكان ضروري أضعها بعد ما حدث في الايام السابقه ........ لاقوم بعمل توازن...

كمان بطرقتي حبيت أعرفك ايه في القران تتكلم عن النصاري ........ عكس ما تسمعه من الاخريين

يمكن لاني هترك المنتدي فترة

فحبيت اترك لك هذه الرسالة . واعتقد انها وصلت ... شوفت عظمة القران في ايه واحده

المووضع انتهي ونرجع لكندا

علي العموم ....... انا قررت انتظر واتعلم اللغه .......... ربنا يسهل

ألف شكر