بسم الله الرحمن الرحيم
باشمهندس احمد انا عاوزة اعرف هل المشروع العظيم ما زال قائم ام انه مات ودفن كباقى اخوته من المشاريع اللتى لو عاشت لاحدثت تغير بالفعل ?

واذا ما زال على قيد الحياة فانا وفريق تكنولوجيا صناع الحياة المنصورة نقف فى اول الصف فهل هناك مكان?

جزاكم الله خيرا

يا أصدقائى ...
المشروع مازال فى الطريق ....
ولكنه ... يحتاج للصبر فى التنظيم و العمل ...
و أرجوان يوفقنى الله .. فى بعض المساعى التى أسير فيها حالياً ... و التى ستحتاج لجهودكم معى بإذن الله
و بالنسبة لرجال صناع الحياه ... اتمنى ان نجد الأسلوب المناسب لجعل هذا المشروع أحد مشاريع صناعة الحياه القوية ..
اللهم اكتب لنا التوقيق بإذنك من عندك و بإذنك ...

بسم الله الرحمن الرحيم

الباشمهندس احمد بعد التحيه
قول لى ماهى مواصفات الموقع والمشاكل التى تقابلك بالتفصيل
وانا سوف اساعدك من خلال صناع الحياه عن طريق الأستاز عمر خالد وانا عضو من اعضاع الجمعيه
بس ارجو الشرح المفصل 1-2-3-
وانا معاك فى المشروع بلنسبه لدراسه 3dmax
انا نفسى اكون محترف 3d وان اكون تلميزك لأن اسلوب الشرح جميل جدا ولول مره فى حيات اقابل هذا الأسلوب الجميل والبساطه
اخوك خالد
وممكن نتكلم على المسنجر لفهم الأمور

يا باشمهندس احمد انت دايما رائد وسباق بالافكارالرائعة والمتميزة
وربنا يوفقك وتنفذ مشروعك وبالتوفيق

ربنا معاك ويحقق حلمنا فليس حلمك وحدك
وكم اناسعيد بامثالك يابشمهندس احمد وفقك الله
واتم عليك وعليينا بتحقيق هذا الحلم
واحنا معاك ووراك من اجل تحقيق
وصناعة حضارة فى هذا المجال
اخوكم ابومعاذhasnawey2000@yahoo.com
شبراوى صميم

ربنا معاك ويحقق حلمنا فليس حلمك وحدك
وكم اناسعيد بامثالك يابشمهندس احمد وفقك الله
واتم عليك وعليينا بتحقيق هذا الحلم
واحنا معاك ووراك من اجل تحقيق
وصناعة حضارة فى هذا المجال
اخوكم ابومعاذhasnawey2000@yahoo.com
شبراوى صميم

ازيك يا باش مهندس احمد انا عضو جديد وجديد في مجال الثري دي ولكني كنت متميز في القرص المهم انا عندي فكره مبدئيه ليك ويارب تعجبك كبدايه انا بعد ما خلصت القرص اجتمعنا وانا و مجموعه صغيره من زملائي في القرص الي كانو متميزين في القرص و المهندس الذي دربنا وذلك لكي نبتدي في تصميم كليب صغير ولكن به شغل كتير لكي نعرضه علي الشركات ونشتغل بئي شركه كجروب وليس فرد المهم انا اصدي ان انت ممكن تجمع الناس الي بيشتغلو كويس علي الثري دي وتشوفو مكان كويس وتئجرو ولتقليل التكلفه كل فرض في المجموعه يجيب جهاز الكبيوتر الشخصي بتاعه وتبدء الشغل في تصميم اي شئ من تئليفك مثلا وبالجوده العاليه وعرضه علي الشركات او القنوات مثلا انا معرفش بظبت ايه الي بيتعمل مع القنوات بس المهم وبعد كده تنشيئو موقع بئسم الشركه بتعتكو الي عملتوها وتعردو شغلكو علي العالم كله وممكن من تبدء فكرتك الجميله جدا في تحقيقها وعلي فكره انت ممكن تدي قرصات في نفس المكان علشان يبئه فيه عائد مدي في البدايه شكرا ويريت بعد ازن حضرتك ترد عليه وتقلي بس ممكن فكره زي ديه تتنفز وله مستحيله اميلي ZEINGOOD@YAHOO.COM

مشكور ......................... .............. ........... و ياريت اتعلمو

السلام عليكم أخي الباشمهندس أحمد

أنا أحمد من الأردن و قد قمت و مجموعة من أصدقائي بعمل فريق لإنتاج الأفلام والألعاب وما زلنا في المرحلة التعليمية هل يمكنني معرفة كيفية التواصل معكم في مشروع بنيان - إذا كان ذلك ممكننا

و جزاكم الله عنا كل خيييييييير

فعلاً هاد هو الحلم العربي .. ها حلمي من زمان وأنا كتير متلهف ومتشوق للمشروع ولايهمني الدخل ولا الشهادة .. المهم هو الاحتراف

اين هي الدروس سواء كتب او اقراص

الفكره بتاعتك جميله جدا ومستحيله فى نفس الوقت وارجو الا تعتبر كلامى ده نتيجه احباط او تعتبره معجز للهمم انا شخصيا ارى ان المشروه رائع بس هوه فيه شويه مشاكل هوه الحقيقه مش شويه هيه كتيره اول هذه المشاكل قد تجد كما قلت فى سابق كلامك ان هناك مجموعه من المحترفين قد لا تستجيب وبالتالى ضاع جزء كبير من الخطه..............والبقيه تأتى.؟!!!!!!!!! حاول تفادى هذه المشكله
كمان كونك اتفقت او عرفت بشركات تقبل عمل الدارسين ده شئ جميل بس انا ليا تعقيب بسيط على كلامك انا لقيت انك دايما فى معظم العيوب اللى قلتها انك تلقى على عاتق الدارس معظم الفشل نقدر نقول25% من الفشل والعياذ بالله من الفشل انا عايز اقولك حاجه اللى حابب انه يدرس حاجه اكيد مش ح يتكاسل فى دراستها لان ده ممكن يغير مستقبله تقريبا على العموم انا حابب اكون فى فريقك وعلى فكره انا مبتدئ بس مش اى مبتدئ انا مبتدئ على الزيرو لو تعرف تساعدنى يبقى شكرا

السلام عليكم
وانا كمان مبتدأ وجديد جديد فى ال3d لكن اظن ان خيالى واسع لكن محتاج مساعدتكم دلونى على الدروووووس اللى تساعدنى كمبتدأ بعد التعرف على امكانيات البرنامج

الله ما يروحلك تعب إن شاء الله

الموضوع قوي جدا وبسم الله ما شاء الله عليه
--
المشكلة الحقيقة في اني اللي بياخد كورسات في الماكس زي حالاتي مش بيبقي عارف هوا كويس فيه ومحتاج ينمي نفسه في ايه

السؤال اللي بينطرح من الكل
انا بتاع موديلنج ولا انيمشين؟
هل شغلي في الماتيرال كويس ؟ ولا انا احسن بكتير وفارق عن الناس في ال light ؟
انا واحد من الناس اللي وقعت في السؤال دا ومش عارف ارد علي نفسي غير
باني لسه في مرحلة التعليم وفي البروجكت بتاعي انا هاعرف والمدرس اكيد هايعرف بردو انا افضل في ايه
وايدي ماشية احسن في ايه


الاقتراح بتاعي
الناس اللي بتاخد كورسات زي حالاتي
ممكن تيجي الشركة عندك يتعملها امتحان تحديد مستوي
بمعني
اني اجي الشركة واعمل ريجستر معاك وتديني مهمة بالماكس اني انفذها
بشرط اني اكون مسجلها فيديو وانا شغال عليها
سواء كنت بشتغلها من البيت او عندك في الشركة
وتراجعها
بالمراجعه اللي انتا هاتعملها يا باشمهندس احمد هاتعرف من حركة الماوس وطريقة الشغل
الراجل دا بتاع ايه وشغلة عامل ازاي
هاتقدر تحكم وتقوله يا فلان انتا بتاع موديلينج كويس جدا واكتر من رائع
او كذا او كذا


اما بالنسبة للاخوة اللي موجودجين برة مصر فالموضوع ممكن ما يكنش صعب بالنسبة ليهم
ممكن يتعمل الاتي
هايبقي معاك في الدورة عدد 6 افراد مثلا من برة مصر

هايسجلوا معاك علي اساس انها دورة اونلاين
وهايتم التعرف علي الا بي الخاص بكل فرد فيهم علي شرط انهم يكونوا من اصحاب ال dsl لمراعاة السرعه في نقل البيانات
وبعدين يتعمل ليهم انفيت علي برنامج زي الي net op مثلا ويتم الشرح عن طريقه ودا هايفرق كتير معاهم
هايتم الشرح ليهم فيديو كونفرنس واللي عندو سؤال هايطرحه عليك
وفي نفس الوقت هاتديهم وقت للطبيق العملي وهاتبقي شايف كل واحد فيهم بيشتغل ازي وتقدر تعدل علي شغلوا علي جهازه الشخصي

وبكدا تكون قدرت توفق بين الناس اللي برة مصر واحيانا اللي جوا مصر بس بعيد اووي عن القاهرة
وكان هذا اقتراحي البسيط
واتمني اني اكون واحد من فريقك
-----------------
اما موضوع الفكرة انها مستحيلة او مش ممكنه
فاحب اقول للناس الصبر ثما الصبر ثما الصبر

والت ديزيني كان رسام متجول ودلوقتي شركته اكبر شركة انتاج فني وسينمائي وكارتون وملاهي كمان
الحلم مش بينتهي باحمد مراد اوغيره لا
بيبدا بالناس دي وناس تاخد منهم الراية وتكمل وناس تاخد الراية من بعدهم وتكمل
الناس في الغرب بيطورو من نفسهم باسلوب موج البحر
موجة اولي بتخبط في الصخر واللي وراها واللي وراها
لغاية الصخر ما يتنحت ويبقي الموج علم فيه