السلام عليكم ورحمة الله وبركاته
الأخوة الأحباء بمنتدى المنابر
ماصدقت لقيت وقت فاضى لأن اليومين دول امتحانات ربنا مايوريكو اللى بنشوفه.....المهم
هحكيلكم موضوع حصل معايا استفدت منه درس كبير....
كان فيه عندنا فار فى الشقة وطبعا كان مبهدل الدنيا وعامل قلق فى البيت ...
فجبت مصيدة وحطيت فيها قطعة جبنة رومى....فيران آخر زمن
المصيدة كان فيها قطعة الجبنة اللى متعلقة فى الخطاف اللى بيقفل المصيدة بمجرد مايحاول الفار انه ياكلها وكان فيه قطعة تانية رميتها جوة المصيدة فى آخرها كده علشان أغريه انه يدخل يعنى.
فحطيت المصيدة فى المكان اللى هو بيمر عليه كتير ورحت انام على امل انى اصحى الصبح ألاقيه فى المصيدة....
لكن تصورو ايه اللى حصل؟
صحيت الصبح لقيت قطعة الجبنة اللى فى آخر المصيدة مش موجودة (الفار أكلها طبعا)
ولقيت قطعة الجبنة اللى فى الخطاف زى ماهى والمصيدة مفتوحة....
يعنى الفار دخل كل قطعة الجبنة اللى فى آخر المصيدة وساب اللى فى الخطاف زى مايكون عارف انها مصيدة وهتقفل عليه بمجرد مايشد شريحة الجبنة دى..
الدرس الأول اللى اتعلمته من الموضوع ده:
مين اللى وهب المخلوق الضعيف البسيط ده الذكاء الفطرى ده؟
راح مدرسة؟
خد دورة فى انواع المصايد؟
سبحان الله اللى منحه الذكاء ده
(وما من دابة على الأرض الا على الله رزقها)
الدرس الثانى:
انى مااستهينش بأى شخص مهما كان ضعيف لأن المظاهر قد تكون خداعة فى بعض الأحيان.
الدرس الأهم بقى اللى اتعلمته : الثقة بالنفس والاصرار على تحقيق الهدف
يعنى تصورو مدى الثقة بالنفس اللى عند المخلوق الضعيف ده اللى مابنلاقيهاش عند كتير من البشر
شوف لما يبقى عارف ان دى مصيدة ولو لمس الخطاف حتى او شد شريحة الجبنة المصيدة هتقفل عليه ويبقى راح فى سكة اللى يروح مايرجعش ومع ذلك ثقته فى نفسه فى انه يقدر يحقق هدفه كانت أكبر من المخاوف دى كلها وقبل التحدى ودخل خد شريحة الجبنة وخرج من غير مايلمس الخطاف ومن غير ماالمصيدة تقفل عليه...شوف بقى ممكن يبقى واثق فى نفسه قد ايه
مع ان مقدرا المخاطرة فى الموضوع ده فى حدود 90 % تقريبا وايه اللى هيخسره؟ حيـــــــــاته
الموضوع ده أكد لى مثل مصرى عندنا بيقول :يوضع سره فى أضعف خلقه
شفتو بقى الاصرار والثقة بالنفس والصبر؟
ياريت نتعلم من كل حاجة بنشوفها وناخد منها العبرة أكيد هنستفيد كتير
الأخوة الأحباء بمنتدى المنابر
ماصدقت لقيت وقت فاضى لأن اليومين دول امتحانات ربنا مايوريكو اللى بنشوفه.....المهم
هحكيلكم موضوع حصل معايا استفدت منه درس كبير....
كان فيه عندنا فار فى الشقة وطبعا كان مبهدل الدنيا وعامل قلق فى البيت ...
فجبت مصيدة وحطيت فيها قطعة جبنة رومى....فيران آخر زمن
المصيدة كان فيها قطعة الجبنة اللى متعلقة فى الخطاف اللى بيقفل المصيدة بمجرد مايحاول الفار انه ياكلها وكان فيه قطعة تانية رميتها جوة المصيدة فى آخرها كده علشان أغريه انه يدخل يعنى.
فحطيت المصيدة فى المكان اللى هو بيمر عليه كتير ورحت انام على امل انى اصحى الصبح ألاقيه فى المصيدة....
لكن تصورو ايه اللى حصل؟
صحيت الصبح لقيت قطعة الجبنة اللى فى آخر المصيدة مش موجودة (الفار أكلها طبعا)
ولقيت قطعة الجبنة اللى فى الخطاف زى ماهى والمصيدة مفتوحة....
يعنى الفار دخل كل قطعة الجبنة اللى فى آخر المصيدة وساب اللى فى الخطاف زى مايكون عارف انها مصيدة وهتقفل عليه بمجرد مايشد شريحة الجبنة دى..
الدرس الأول اللى اتعلمته من الموضوع ده:
مين اللى وهب المخلوق الضعيف البسيط ده الذكاء الفطرى ده؟
راح مدرسة؟
خد دورة فى انواع المصايد؟
سبحان الله اللى منحه الذكاء ده
(وما من دابة على الأرض الا على الله رزقها)
الدرس الثانى:
انى مااستهينش بأى شخص مهما كان ضعيف لأن المظاهر قد تكون خداعة فى بعض الأحيان.
الدرس الأهم بقى اللى اتعلمته : الثقة بالنفس والاصرار على تحقيق الهدف
يعنى تصورو مدى الثقة بالنفس اللى عند المخلوق الضعيف ده اللى مابنلاقيهاش عند كتير من البشر
شوف لما يبقى عارف ان دى مصيدة ولو لمس الخطاف حتى او شد شريحة الجبنة المصيدة هتقفل عليه ويبقى راح فى سكة اللى يروح مايرجعش ومع ذلك ثقته فى نفسه فى انه يقدر يحقق هدفه كانت أكبر من المخاوف دى كلها وقبل التحدى ودخل خد شريحة الجبنة وخرج من غير مايلمس الخطاف ومن غير ماالمصيدة تقفل عليه...شوف بقى ممكن يبقى واثق فى نفسه قد ايه
مع ان مقدرا المخاطرة فى الموضوع ده فى حدود 90 % تقريبا وايه اللى هيخسره؟ حيـــــــــاته
الموضوع ده أكد لى مثل مصرى عندنا بيقول :يوضع سره فى أضعف خلقه
شفتو بقى الاصرار والثقة بالنفس والصبر؟
ياريت نتعلم من كل حاجة بنشوفها وناخد منها العبرة أكيد هنستفيد كتير
تعليق