فعلا هى دى مشكلة بكار ( الحـــــواااااار ) فهو يصل لدرجة من التفاهه ( عذرا على الألفاظ ) سوف يكون لها تأثيرها الذى يفوق تأثير أقوى المبيدات الحشرية على عقول أطفالنا المساكين والذى يفوق مستوى ذكائهم وقدرتهم واستعدادهم الإستيعابى مستوى منتجى وكاتبى حلقات بكار بكثير.
انا ليس لى تعليق على مستوى التنفيذ من الناحية الفنية لأنها كما تفضل بعض الأخوة وأوضح أنها تخضع لمعايير كثيرة منها المعايير الإقتصادية التى تصب فى صالح الإنتاج الغربى ( الهوليودى ) لكن هناك أمثلة كثييرة جدا على ضعف الإنتاج ماديا وفنيا وثراءه حواريا أو حتى قصصيا وتحقق نجاحات كبيرة

أستاذي
أنا عمري الأن 24 سنة و تخرجت من سنة و نصف من كلية لا أحبها و لم أعمل حتى الأن
و متى سأتعلم كل هذه البرامج لأصل إلى المستوى المطلوب !!!!!!!
و لأصل إلى الخبرة المطلوبة في الماكس وحدة أحتاج إلى سنتين تقريباً

ألبت عليه المواجع

يلا حصل خير

اضافة بسيطة

انتوا ليه عايزين اول فيلم يكون عالى المستوى

معلش بس التجربة هى سيد التقدم ومش معقول هيكون اول فيلم عالى المستوى مادام المستويات ماذالت غير عالية
فى اشخاص مستوايتهم عالية ولكن انت بتتكلم فى فيلم Animation كامل يعنى ساعتين او حتى ساعة
ولحد الان لم نرى Animation عليه القيمة فى خمس دقائق على الاقل

فعايزين فيلم ساعتين ويكون عالى الجودة !

وكمان الناس الي مستوياتها عالية يعدوا على الاصابع عندنا فى مصر انت تحتاج لمئات المصممين التى تكون كفائتهم عالية
وانت حاليا لايوجد عندك سوى عشرين او حتى ثلاثين مصمم بالكثير اوى عندهم كفائة ما بين العالية والمتوسطة

وال Animators عندنا فى مصر معلش بردوا لسة بيتعلموا

انت بتتكلم فى بداية

بردوا شوف الافلام الاجنبية الي كانت فى بداية التسعينات وشوف ازاى كانت المستويات هناك

فأنت عشان تتقدم لازم تمر بالعديد من التجارب الفاشلة والناجحة حتى تحصل على جودة عالية

وفى الاخر هو انتم اصحاب هذا المجال وانتم من يعمل به لو كان هناك خطأ او فشل فى السمتويات فسيكون عندكم لان انتم من يعمل فى هذا المجال والمفروض ننظر لانفسنا اولا قبل ان نعلق على اى اشياء بمعنى لايصلح ان اكون مصمم جرافيك ومستواى ضعيف واقول لماذا مستوى الجرافيك فى الوطن العربى او مصر ضعيف

حتى ولو كان مستواك جيد فيجب ان تعرف ان ليس كل الناس مثلك مثلا

لو تتذكروا اول لعبة التى كانت تحت الحصار كتبوا لك ارجو منك ان لاتقارن بيننا وبيبن الالعاب الاجنبية الحالية
ليه قالوا الكلام ده
لان انت لايصلح انت تقارن بيين ناس شغالة فى المجال ده باقلها عشرة سنين مثلا وناس لسة دى اول سنة ليها
يبقى انت كدا بتظلمهم يوجد نقد وهذا المطلوب انما الاعتراض فهو موقف سلبى قول رأيك انقد ماتراه خطاء لان انت المفترض انك الشخص المناسب لينقد اعمال ال Animation انما لاتعترض عليها
يعنى انت بتقلهم بلاش تعملوا كدا تانى
يبقى روح انت بقى اعمل فيلم لوحدك

استوفنى رد جميل للاخ Chessman
انا اتفق معه انه يوجد ناس عندهم مستويات ممتازة ولكن حاول تعدهم كدا وقولى
بلاش المصريين بس خليك فى العرب كلهم وشوف هيبقوا كام

الرجل المناسب فى المكان الغير مناسب او العكس بتاعها هو حال من الاحوال التى تحدث فى مصر للاسف
بس الرجل الغير مناسب مش هيفضل علطول طول ما الرجل المناسب بينادى بحقه فى هذا المكان


عموما بالتوفيق انما بلاش الاعتراض على شىء انقد ما تراه من غير اعتراض اصل احنا بقالنا مئة سنة عمالين نعترض على كل حاجة بس للاسف نسينا ان النقد هو السبيل الوحيد للتقدم

زى ما انت بتضع شغلك هنا لو الناس هنا قالت لك ايه الهبل ده مثلا او يبنى روح العب انت مش نافع من المؤكد انك هتبطل انتاج وتروح تنام وتفضل تدعى على الناس دى

انما لما تنقده هتفتح عينه على الاخطاء والمرة الجاية هيتحسن ثم يتحسن
حتى يضع قدمه على الطريق الصحيح وهكذا

وبالتوفيق ان شاء الله

يا اخى لازم تستعجل اصل هو العمر كله مافهوش حاجة عشان ما تستعجل
وانا لااتفق معك تمام فى حكاية سبعة صنايع دى
فى مثل بيقول سبعة صنايع والبخت ضايع

طب يعنى الي بيقول الكلام ده هو ما فكر ليه سبعة صنايع ومع ذلك بخته ضايع

ماهو انت لم تبدء حياتك المهنية فى سن الخمسة والعشرين مثلا
وتروح تتعلم فى حاجة خمس سنين عشان تبقى مبتدىء فيها او بتفهم فيها فقط

وعندك سبع مهنات بتتعلمها يعنى امامك 40 سنة تتعلم فى حاجات
وانت تخرجت وانت عندك 20 سنة
يبقى انت لم تتعلم السبع حاجات دى هيكون عندك 60 سنة
يبقى هتتعلم وتروح تموت

فى الخارج الطلاب بيفضلوا يبدئوا حياتهم بعد سن 18 وبيدخلوا مدارس سنتين وثلاث نين عشان يخلصوا بسرعة
ويقولك انا لسة هدرس مثلا خمس سنين او ست سنين
انما احنا ماشاء الله
يدخل كلية الطب يقعد فيها ست سنين وبعدها ( الموضة الجديدة ) قولك انا هدرس حقوق عشان اعرف ايه هى حقوقى وامحدش يضحك علية )

زى واحد درس تجارة وزراعة وحقوق ويقولك انا مش لاقى شغل
دخل تجارة اتخرج ما لاقى شغل ثم دخل زراعة ما وجد شغل ثم دخل حقوق ما وجد شغل ايضا
يعنى هى الناس دى حياتهم كدا ما لها ثمن عندهم

الوقت كالسبف ان لم تقطعه قطعك

بصراحة رد مصطفى صحيح ....
وأنا أعتذر عن اعتراضي ....
وخلينا في النقد ...

نقطة أخرى و هي التخصص
فالعالم كله يسير في هذا الأتجاة
و نحن العرب لازلنا نسير في الأتجاة المضاد

لماذا !!!!!!

و أعتقد من وجهه نظري القاصرة مسألة التخصص من أكثر الأسباب التي أدت إلى تراجع المستوى في كل المجالات

و هل الفيلم الجديد يعتمد أيضاً على المصممين ( بتوع كله ) أم هناك تخصص ؟؟؟

لكن انت واضح انك فهمت كلمتى للاخ انه لا يستعجل غلط
انا لم اقصد انك لا تستعجل بمعنى انك تريح والعمر طويل واللى ميجيش انهارده يجى بكرة
ولكن قصدت انه لا يستعجل نتيجه العمل لان فى الثرى دى الاستعجال على المستوى بيؤدى الى الاحباط والياس وكلنا مرينا بالمرحلة دى .ولكن يركز بشكل قوى جدا الماكس عاوز اليوم كلة لحسابة يعمل مشاريع حتى ولو منخفضة المستوى بس اكيد هيتعلم منها كتير هتفديدة بعد كدا انما هيدرس شهرين وبعد كدا يدخل موقع جرافيك ويشوف شغل الناس هيشعر انه امامه كتير وهيجيلة احباط ( وده قصدى بعدم الاستعجال)
انا ذى ما قلتلك ميش الاماكن بتطلب كدا بس معظمها وثانيا انا مستغرب لية الهجوم عليا فى النقطه دى اللى ميش مصدق يروح يسئل فى الشركات ويجى يقولى يمكن انا معرفش! الوحيد اللى شغال تخصصات طارق راشد ومع ذلك بيحتاج اللى يتقدم يكون عارف اكتر من حاجه !
وكمان ليه اتفهم انك تعرف اكتر من برنامج انك تكون محترف فيهم كلهم
انت بعد ماتوصل لدرجه مقنعه فى الماكس وتحتاج تعمل ماتريال بشكل جيد هتعملة بالفوتوشوب اذن محتاج تعرف فوتوشوب وبعد ماتعمل ديمو ريل هتحتاج تضيف بعد التاثيرات على الفونتات افضل برنامج الافترافكت والبريمير وبعد كدا محتاج تضيف مؤاثرت صوتية هتحتاج تقطع وتربط بسوند فرج وهكذا انت بتعرف من كل برنامج الجزء اللى يساعدك فى شغلك النهائى وليس كل البرنامج وهكذا
وبالنسبة انك عندك 24 سنه ده سن ميش كبير ولا حاجه انت لو ركزت سنه واحده بس فى الماكس بمعدل كل يوم لازم تكون عندك اضافة كل يوم ميش اقل من 4 ساعات فى الماكس هتشتغل فى اماكن كتير جدا واظن ده ميش صعب انا بدات الماكس ودرسته لمده سنه وبعد كدا روحت المايا ودرسته 8 شهور وبعد كدا روحت لطارق راشد اخبرنى انه شغال ماكس .اتخنقت ورجعت تانى للماكس وعملت ديمو ريل وروحت لاروما اخبرونى انهم عاوزين الشخص يقوم بالموضوع لوحده لانهم معندهمش تخصصات وبيشتغلو ماكس ومايا ولايت واف ولو عاوز تشتغل بالى حاجه ثرى دى ميش مشكلة المهم تخلص كل حاجه...وهكذا علشان الموضوع طويل
انا اتفق مع اخى رجل السماء ان ننقد نقد بناء ولكن انا شايف ان من الافضل ان ننظر الى الجزء الاجابى ونئجل النقد ده حبتين لاننا بئلنا كتير بننقد نريح شوية وننتظر ونشاء الله النتيجه قادمه

الحل و اليابان

السلام عليكم و رحمة الله و بركاته...

أولا أنا شايف إن حكاية الإمكانيات دي كلام فاضي و هي الشماعة اللي بيعلقوا عليها - مش هقول فشلهم - مستواهم الرديء....معظمكم إن لم يكن كلكم يعرف الكارتون الياباني فمن منا لم يحب مازنجر أو كابتن ماجد أو جرينديذر بل و الان كونان و نارتو...هذا الكارتون رغم الامكانيات القليلة فهو يغزو العالم غزوا....بل انه يغزو السوق الامريكي بضراوة و بالكاد تستطيع الاسواق المريكية ان تنافس الكارتون الياباني داخل السوق الامريكي....ومع ذلك لو نظرتم إلى الكارتون الياباني ستجدونه لا يكلف على الاطلاق فهو يعتمد على ما يسمى بالمانجا Manga او القصص المصورة...كل ما يميز هذه الافلام هي القصة و الحوار الرهيب و الخيال الممتع...

إن حجم الكارتون الياباني الذي يتم إصداره سنويا لهو كم مرعب حقا...وذلك بسبب قلة الموارد من مال و بشر الذي يقوم بكل عمل....

نعود لما قيل عن بكار...مع كل احترامي للمسلسل فهو كارتون غبي بكل المقاييس...دعك من انهم ينتجونه منذ 7 سنوات ولا تجد تقدم ملحوظ....وليس هذا بسبب قلة الامكانيات و لكنة بالفعل بسبب ذلك الرجل غير المناسب الذي يعرف دائما كيف يصل الى حيث يجب ان يكون الرجل المناسب....أو لعله لقلة الرجال المناسبين في هذا المجال..!!!

وهذا يجعلني اتطرق الى موضوع أخر هنا بالمنابر...انا عضو جديد جدا للمنتدى و هذه هي ثاني مشاركة لي في المنتدى...

و الذي اراه هنا في المنتدى و في الحياة خارجا هو اننا نرضى عن انفسنا كثيرا و نعطي انفسنا اكثر مما نستحق بكثير...ما معنى هذا...

اقصد انك تجد احد الاعضاء اصحاب المستوى المتميز في التصميم - مقارنة بباقي الاعضاء - يرضى تماما عن مستواه لمجرد ان باقي الاعضاء المبتدئين اثنوا بالكثير من الكلمات - المبالغ فيها غالبا - على ما قام به في تصميم معين و يكتفي بانه من افضل المصممين في المنابر...مع انه لو ذهب الى المنتديات الاجنبية لاصطدم بالواقع المر و هو ان مستواه ليس بهذ الابهار..هذا إن لم يكن رديء كذلك...

وهذا هو حال العرب في معظم المجالات فهم يرضون عن انفسهم لمجرد انهم متميزون بعض الشيء عن اقرانهم العرب ليس إلا...ولا يلقي اي اهتمام لماذا يصنع غير العرب اوغير المسلمين في الخارج...ولماذا يلقي باله لهذا, أنهم يسمونه الاستاذ هنا...فلماذا يذهب هناك..حيث لا يجد من يصف تصميماته بانها رهيبة أومرعبة...وكما يقول المثل من خرج من داره أتقل مقداره...إن هذا المثل و غيره تشكل عائق رهيب في التقدم في اي مجال....

وهذا ما يفعله منتجي بكار و غيره...لماذا نتعب انفسنا ان كنا الافضل داخل بلادنا-أو هذا هو ما يعتقدوه - فلنظل على مستوانا هذا ان الحياة ستكون اسهل هكذا...!!

و الان ما هو الحل؟؟؟؟؟
لست من هواة وضع تلك الاستراتيجيات الكبرى لحل ما نحن فيه...تلك الاستراتيجيات التي تنساها بمجرد الانتهاء من قرائتها.., والتي تيقن انها مجرد مقال في جريدة قومية

انا اضع حلا هنا للمصممين في المنابر نطور به مستوانا..وان لا اتكلم عن حل لمشكلة الجرافكس في الوطن العربي كله...لانه سيكون كلام ضائع في الهواء لن يلتفت اليه احد...
والان الحل في نقطتين

أولا :: إجعل هدفك الاول هو نصرة الإسلام.

أن جعلت هذا هو هدفك فهو ضمان انك لا ترضى عن نفسك إلا اذا نصرنا الاسلام بقدراتنا ...ولا تجعل هدفك ابدا هو ان تكون افضل مصمم في مصر او في الوطن العربي او حتى في العالم...بل اجعل هدفك ان ينتصر الاسلام بما تصنع...بهذا يجازيك الله على كل مجهو تبذله لترفع من مستواك في مجالك...و بهذا تضمن الا يجعل الله عملك هباء منثورا يوم القيامة...إن لم تعش و تفكر و تتعلم و تنتج لدينك..فلا قيمة لما تفعله حتى و لو كان ذو مستوى رهيب مرعب...!!

ثانيا:: المسابقات والتنافس

أرجو من إدارة المنتدي ان تصنع قسم خاص للمسابقات بين الاعضاء في التصميم فالمسابقات قادرة على إثارة الروح في بذل المجهود و كتنظيم عام عن هذه المسابقات

1- لابد من وجود مسابقات ذات مستويات مختلفة فهناك مسابقات للمبتدئين و اخرى للمحترفين و اخرى ذات مستوى متوسط واخرى و اخرى وهكذا...لابد من وجود اكثر من مستوى حتى يشارك الجميع و لا يبقى البعض مجرد مشاهدين

2- في كل مسابقة نجعل احد المشاركين هو احد الاعمال الاجنبية-او العربية - ذات مستوى مناسب بالنسبة لمستوى المسابقة ..حتى نرفع من مستواها...

3- العمل الجماعي: إن مشكلتنا هي اننا لا نعرف كيف نعمل في فريق...وهذه مصيبة بكل المقاييس....لذلك لابد من وجود مسابقات لفرق كاملة....وعل الاعضاء تكوين الفرق فيما بينهم...فهذا سيخلق روح الحب بين اعضاء الفريق الواحد و روح التنافس بين الفرق و بعضها...وكبداي لرجو الا يزيد عدد افراد الفريق الواحد عن اثنين حتى تسهل عملية التفاهم بينهم و لا نضيع الوقت في عملية التنظيم بين الفرق....ولابد ايضا ان يكون اعضاء الفريق الواحد ذوي مستوى متقارب جدا و هذا شرط اساسي حت لا تفشل..

ارجو ان يقابل رأيي بالقبول أو بالرفض...ولا أرجو ان يقابل بالتجاهل التام...وشكرا

على فكرة انتم شغالين تعليق على الفيلم و جودته من الصبح
و ذلك بسبب معلومات عن فيلم قد اكتشفت انه مختلف تماما عن الفيلم الذى سيتم انتاجه
أولا سمعت أخبار الفيلم على قناة روتانا سينما
و الفيلم لم يتم عمل أى شىء منه
والفيلم مشترك فيه محمد هنيدى و عبلة كامل
وسيقوم مدحت صالح بغناء اربع أغانى فيه
ولو لاحظتم الآداء الصوتى للفيلم الذى وضع رابطه أحد الأخوة ستجدوه سىء جدًا
بالنسبة للأفلام التى يتم دبلجتها بالصوت المصرى
زى تيمون وبومبا وعلاء الدين و سيمبا و فيلم شركة المرعبين المحدودة
لذا فأنا ارى انه من المستحيل أن يكون الفيلم الذى تتحدثون عنه هو نفس الفيلم الذى جائت أخباره على روتانا سينما
فى النهاية لا يسعنى إلا أن اقول
الحمد لله أن طلع فيلم آخر

يا عم مخ فيلم أولانى و لا تانى مش فارقه..
اللى بيفرق إننا بنتكلم عن العماله المصريه وكفائتها..
وفيما يبدو إن دا بقى هدف الموضوع..
بدل مابنتكلم على المسلسل..

انا بصراحة مش فاهم انتم زعلانين لية

بالنسبة للامكانيات البشرية والعقلية فى مصر فهى موجودة وبقوة

ولكن المشكلة فى الامكانيات المادية

لازم الناس المستثمرين يبقو عارفين اهمية الفيلم الكارتون

لان المنتجين مبيهتموش بالفلام دية

فمفيش فلوس فالعمل لازم يطلع كدة

لكن لو بصوا لعمل زى مازنجر وجرانديذر وتوم وجيرى وغيرة

افلام كارتون عالمية حققت ايرادات ضخمة

الافلام بتخاطب الاطفال والكبار

مش موجهة للاطفال فقط

دة حتى الاطفال دلوقتى ميملاش عينهم غير حاجة قوية لانهم معروض

عليهم كمية ابهار رهيبة يعنى زوقهم بقى حاجة تانية

مينفعش معاهم بكار والكلام دة

يعنى لما الولد يشوف فيلم زى شركة المرعبين المعمول بالمايا

اكيد هيتف لا مواخذة على بكار وغيرة

كلام سليم..

طيب أيه رأيك بقى أنا اخواتى انتين واحد عنده8 سنين و التانى عنده 5 سنين
وشافوا فيلم شرك الأول و التانى
وشافوا شركة المرعبين المحدودة
وشافوا أفلام مالهاش حل ولا حصر
وبرضه بيعشقوا حاجة اسمها بكار
بس مش معنى كلامى ان بكار رائعة زى ما بيقولوا
بس لاحظوا أن مضمون بكار رائع بغض النظر عن شكل الرسوم
وهو مواضيعه تافهة بالنسبة لينا لأنها موجهة للأطفال

وبعدين الكلمة دى مالهاش لازمة

أنا بس قلت اطمنكم انه فى احتمال اننا نعمل فلم محترم

وطالما بنعمل قصص زى بكار، والمغامرون، والأميرة، مش حنوصل للعالمية
بيتهيألى لو عملنا زى نجيب محفوظ وكتبنا قصص عن التراث، والأحياءالشعبية مثلاً
أو زى المعمارى المصرى المشهورعالمياً الأستاذ حسن فتحى الى كانت كل أعماله منازل ريفية ومبانى على الطراز الريفى المصرى
ان شاء الله حنوصل للعالمية.