::::::::::::::::::::::::::::

للعلم فقط

السلام عليكم ورحمة الله وبركاته
انا سامر
ارغب بالانضمام اليكم .....
من سورية /مقيم في السعودية
اتقن الماكس والاوتوكاد والفوتوشوب
وذلك في مجال العمارة والديكور الداخلي
اعمل في مؤسسة ديكور وتصميم معماري....
يمكنني التفرغ يوم الجمعة فقط
اي مساهمة للاخوة انا جاهز
سلااااااااااااااام
...............................

اأهلاً بالإخوة جميعاً
بماذا سنبدأ
نريد مشروع صغير نبدأ به

اخي معروف
قبل المشروع لازم نعمل احصاء بعدد الأعضاء المنضمين للفريق
ومعرفة من كل واحد منه ما مدى خبرته في البرنامج
سواء:
modeling
textuers
rendering
lighting
animation

________________________________________________


وبالفعل المشروع الذي يجب ان نبدأ به يجب ان يكون اولا صغيرا
فإذا نجح ننتقل الى مشروع اضخم


نريد افكار من الشباب
و نختار افضلها واكثرها نجاحا

ننتظر الأعمال والمشاريع

طيب شو وينكون يا جماعة.
زكرني الأخ كاد أنو أنا كما بالسعودية وديزاينر ....
ومتل ما إلتلكون إدارة المشروع هي المهمة لأنو المصممين كتار ..
يعني وبالقلم نشرح ..
لتئولو الهدف من المشروع أولا .. مثلاُ تصميم مشهد سيارة عم تتحرك على طلوع التنايا مسلاً..
وين المتبرعين إللي بدون يساو طلوع التنايا والناس إللي بدون يساو السيارة..
أول شي لا بد من كتابة سيناريو المشهد.
تاني شي تفصيل أجزاء المشهد .. سيارة .. بني آدم .. جبال ..
بعدين وين جماعة الموديلينغ .. شو إمكانياتهون ..
بنستلم البني آدم بنعمل عملية تبادل أفكار وعصف ذهني ..
ومن ضل بنضارب بأفكارنا حتى نعتمد شو حيكون شكلو .. يعني كل واحد بيطرح بلوبرنت
وبعدين كل واحد بأرجينا عضلاتو .. وبنختار الأفضل ...
طبعا ما مضى زكره لازم يكون في مخطط زمني إللي
ومن شان ما حدى يسترسل بأشياء جانية .. على الرغم إنو لئمة العيش صعبة والدراسة تسرقلك وئتك بس معليش كل بالنهاية إلو فائدة..
حاصلو مالكون بالطويل , بعدين بيجو جماعة الشيدينغ ,, وبيبلشو يلبسو ويشلحو للزلمة حتى يطلع متل الفلة عريس ..
"والله حاسس يا جماعة إنو أبو عنتر إللي عم يكتب"
المهم وبعدين بيجو جماعة الريجينغ ... بشكلسو للزلمة وبيعطو هل السكلتون وبيحطولو سكين وبيحركو
أخيراً حماعة الرندر بيشوفو شو الإضاءة الأنسب وبيحطوها وبرندرو .. وهـ م ط "جماعة البكالوريا فهمو عليي"
إيدي على راسكون يا جماعة أنا ما إحكي درن وجواهر

شكراً أخي أنس
وانا أرشحك لتولي قيادة الفريق
أقترح فيلم صغير
يحكي عن الأضرار التي تلحق غير المدخنين من سجائر المدخنين
فيلم سهل
مانحتاجه
تصميم مكتب أو غرفة مناسبة - وهذه ممكن أنا أقوم بتصميمها وإكمالها بالشكل الكامل
تصميم شخصيتين وتحريكهم
ويجب أن يظهر الزي السوري في العمل من حيث الديكور والشخصيات ولباسهم وإن واجهنا مشاكل يمكن أن نبسط الموضوع
أرجوا ممن يمكنه المشاركة بجزء ولو صغير من هذا المشهد أن لايقصر
وأن يبدي اقتراحات أخرى

مرحباً آسف على التأخر أنا أريد المشاركة معكم أنا نيو مقيم الآن في حلب
أنا متقن للماكس كوريل درو فوتوشوب و برمجة

اخي marouf3d
اقتراحك جيد كبداية
يجب ان
نجزئ العمل الى مشاهد صغيرة ونحاول ونحول عمل مشهد واحد فان نجح نكمل الباقي
ولكن أولا يجب عمل الشخصيات الأساسية بالقصة
حوالي شخصين وطبيب
وابيئة المناسبة وبعض الاضفات

مثل

وايضا
اعدة عربية




نحتاج افكار يا شباب
عن كيفية عمل اول مشهد
ونحتاج من كل شخص ان يقوم بمهمة معينة

ورجونا مشاركاتكم
على العموم لوفي فكر احسن يا ريت تقولو
مشان نجمع مجموعة من الافكار ونختار احسنها
ولي ما عجبتوا الفكرة يقول
مشان نتفقء وكل شخص يا خد وظيفته ونشتغل

بسم الله الرحمن الرحيم
يعطيكون ألف عافية شباب
بالنسبة للأرجيلية .. حلو الأفكار الهادفة ..
بس هون أنا بركز كتير كتير كتير على موضوع الستايل الموحد طول محور الأصة..
يعني مافيك تدمج الفن "Fun" مع التراجيدي .. يعني موضوع الأرجيلة حتى تقدم عبرة للكبار بيلزم سيناريو محبوك وقصة طويلة ومحكاة الواقع لأبعد حدود وهادا - مابئول إنو نحنا مو أدو .. لأ إنشاء الله أدو وأزود مع إني عم إشتغل بالسعودية بس بعرف إنو الشباب بسورية فيهون الخير والبركة ـ وهادا بيطلب جهد كبير ومتابعة وبتعرفو الدينية مابترحم والشغل بياخد كل الوئت .. والبركة بالشباب الصغار الناشئين إللي كلهون طموح وحابين يورجو قدراتهون ...
بالخلاصة أنا بشجع طريقة التفكير التانية إللي طرحها أنوس ..يعني للأطفال .. مو يعني إنو الولاد الصغار بينضحك عليهون لأ أنا ضد هاد التفكير .. بس لأنك ممكن تاخد حرية أكبر..
على كل حال أنا اطلعت على القصة إللي حطها أنس .. وسبحان الله كنت بدي إحكي على شغلة آم طلعت بنص خلئتي .. ألا وهي حقوق الملكية الفكرية ..
أنا برئيي يا شباب نتبع خط معين بل ما نبدأ .. نشكل نواة تسويق شو الشيء إللي أزا ساويناه ينباع ..
يعني مثلاً القصة إللي حاطتها أنوس هي للدار العربية للعلوم .. وعم تبيعها وتسترزء من وراها ..
طيب ليش نحنا ما :
1 نألف قصة .. أو نكتب سيناريو قصة معروفة من زمان
2 نساوي فلم للقصة وشخصيات القصة إللي صممناهم ضمنا بنرجع بنحطون بكتاب القصة
3 بنرجع بنساوي لعبة هادفة على الفلاش أو الدايركتور باعتبار ممكن ببساطة نصدر أي شي من الماكس ونساوي لعبة عن موضوع القصة وبنرفقها بسيدي ..
وبحفظ حقوق ملكية الكتاب بنحفظ الفلم وبنحفظ اللعبة ... وبيع يا معلم ...

الخطوات :
1 تحديد القصة.
2 كتابة سيناريو القصة
3 رسم شخصيات القصة
4 وضع بلو برنت لشخصيات القصة والأماكن
5- تصميم الشخصيات موديلنغ بواسطة البوليجون
6 إضافة البيبيد والسكن
7 إضافة معدل المورفينغ للوجه .. أما بالنسبة للكلام .. فسمعت بشيء يسمى "ليبس سينك" "معدل أو برنامج أو مقبس لا أدري لمزامنة الشفاه" وإن كان لا يوجد .. فبإمكانكم اتباع طريقة جورج ميستري بسيدي ليندا دوت كوم
8 تصميم البيئة .. أفضل الـ في ري للرندر .. ولكن ليس بالطريقة التي تظهر المكان قريباً من الواقع .. ولكن الطريقة التي تظهر الإضاءة الجيدة بالمكان.
9 تجسيد القصة وإنتاج الأفلام
10 جمعها على الأفتر إفكت وإعداد الفلم النهائي
11 تصير الصور للكتاب بما يتناسب مع نص القصة
12 كتابة سيناريو اللعبة
13وضع خوارزمية اللعبة
14 رسم الفلو شارت للعبة
15 تصدير الشخصيات كصور تحتوي الشفافية الخاصة بها ومن ثم جمعها في الفلاش أو الدايركتور كأكتور
16 برمجة اللعبة
17 طباعة الكتاب ونسخ الفلم واللعبة على القرص
18 تسجيل حقوق الملكية الفكرية للعمل .... وعلى بيع يا معلم وغنينا وما درينا ...يا بلاش

أهلا ً أخيanaskassis فكرة جيدة
والأخ anassoft أهلاً بك وباقتراحاتك المدروسة
وأنا أأمل أن ننشأ فريق دائم ويبقى للأبد
ولكن
أسأل نفسي دائماً أنك لو راجعت المنتدى لوجدت الكثير من التجمعات تنشأ وتزول باستمرار دون إنتاج حقيقي لسبب قد لايكون واضح فبعض التجمعات وصل عدد الردود فيها إلى 950 رد ولكن للأسف توقف مع أنه توافر لديهم قيادات حازمة وتنسيق جيد وأجتماعات وأمكنة مناسبة .
لاأريد أن نقع في نفس المطبات
فإن أنتجنا ولو شيء بسيط يكون مقدمة لمجموعة أعمال تكبر باستمرار أفضل من أن نبدأ بمشروع كبير قد ينطفأ الفريق قبل أن ينتهي
لذلك أرشح للبداية عمل صغير لايأخذ الكثير من الوقت المهم أن ندفع عنا الإحساس بأننا سنبقى نراوح مكاننا
أما بالنسبة لإنجاز مشاريع تجارية فأنا معك مئة بالمئة وأنا متأكد أننا سنصل لمرحلة من التنسيق والتكامل تخولنا الخوض في هذا المجال ولكن المشاريع التجارية تحتاج إلى سرعة كبيرة في العمل ومستوى قوي في الأداء وقد لايكون بمقدورنا الآن أن نتمه
وبالنسبة لموضوع الفلاش فأنا أأيده ومستعد أن أصمم وأبرمج به

يا شباب انا زلمه تبع شغل ملي بالافكار قولوا بنا نشتغل كذا وقررنا البدء ونحنا معكم
اعتمدو فكرة معينه لنبدا