انا حبيت اقول كلمة اخيرة في هذا الموضوع,
ياريت بس صلب من الأخوة: انا مش عايز يحصل زعل بسبب الموضوع ال انا بدأته لأن احنا هنا زمايل في مجال واحد تقريبا و الهدف من اي مناقشة هو الوصول لأفضل النتائج و لازم يكون فيه اختلاف في اللرأي بس ياريت ميسببش زعل.
بالنسبة للأخ أمين: انا مش زعلان منك ولا حاجة, حصل خير , اما بالنسبة للموضوع فالأخ شريف كلامه كان اكثر اقناعا-مع احترامي لوجهة نظرك و تقديري لردك- ليس لأنه يدعم وجهة نظري ولاكن يا اخ امين انت لحد دلوقت معرضتش وجهة نظرك بشكل واضح! اولا:انت قلت ان الشيك تم استخدامه في افلام حاصلة علي الأوسكار و ده مش معناه انه بيعمل حاجات ميعملهاش الأفتر, ثانيا: انت عرضت ادوات الشيك طب انت مش معرضتش ادوات الأفتر عشان نقدر نقول اذا كان الأفتر مقصر ام لا!
و كما قال الأخ ياسر"يا جماعة تصنيفات صحيحة..لكن البرامج زى بعضها وبتعمل نفس الشئ" و ده كان قصدي لما قلت "اذن اذا كان الشيك compositing and visual effects فا الأفتر كمان من و جهة نظري ينطبق عليه نفس التصنيف" و انا مش باجادل او متحيز لبرنامج دون الأخر بس انا بدأت في الأفتر و السوق في مصر مطلوب فيه الأفتر حسب ما سمعت و الشيك من بعد 2.5 بيشتغل علي اللينكس و الماك بس لذلك انا عايز اكمل في الأفتر و كنت عايز اعرف هل هو مقصر عن الشيك مما يستدعي تعلم برنامج من اول و جديد ولا لاء و الأخ شريف اختصر الوضوع حينما قال: و قد شاهدت من قبل صورة في احد المنتديات للـ node network الخاصة بلقطة من فيلم ماتريكس 3 و أذهلني كم العناصر و التأثيرات التي كان عملها على الـ after effects سيتطلب كم هائل من الطبقات .
ألف شكر يا جماعة و اتمني التوفيق للجميع و انشاءالله مفيش اي زعل.
السلام عليكم و رحمة الله و بركاته

كريم .. كنت كريم في ردك وكريم في طرحك وأكرم في كلامك الجميل..

كل ما كنت أقصده هو : أن البرنامجين يدعموا الكمبوسيتينج والمؤثرات البصرية.. لكن الشيك متخصص جداً في هذا الجانب.. فمثلاً :: الاليستريتور برنامج متجهات vector والفوتوشوب برنامج مصفوفات pixels لكنني استطيع عمل منحنيات ومتجهات في الفوتوشوب لكن ليس بقوة الاليستريتور.. هذه هي الفكرة..

وأحلى حاجة أنت قلتها.. السوق في مصر مطلوب فيه الأفتر افكت.. لكن مشكلتنا نحن العرب.. أننا لانتعلم شيء خوفاً من أن يطلع برنامج ثاني أقوى ونظل في هذه الدائرة المفرغة.. مع أنه لو تعلمنا برنامج واحد بس بنسبة فوق السبعين في المائة .. فهو شيء رائع جداً...

وفي الأخير الأدوات لاتصنع عملاً بقدر ماتسهله فقط.. حتى لو كان الواحد يتقن البرنامج حتى الاحتراف. وهو خالي من الافكار الخلاقة والمبدعة.. فهو كالحمار يحمل اسفاراً إذا لم يجد من يوظف هذه الخبرة القوية..

أعتذر للأخ شريف بشدة إذا كان زعلان وإن لم يكن فأنا أعتذر له مرة أخرى..
ومثلما تقولوا أنتو المصريين -يادار مادخلك شر--
شكراً كريم

متشكر يا باشا علي كلامك وانا فهمت و جهة نظرك و عموما لما الواحد بيتقن برنامج, معتقدش انه حيكون بالأمر الصعب تعلم برنامج اخر في نفس المجال لأن التقنيات تقريبا واحدة و الواحد حيكون بس عليه انه يتعلم اسلوب البرنامج الجديد.