Unconfigured Ad Widget

**diaaking** · 21 / 03 / 2006, 11:38 PM

بس اوي حد يروح يقولهم ( اطفي السيجارة يا حيوان ) عشان هيطفوها في افاه

**A.T** · 21 / 03 / 2006, 11:55 PM

"يا رب اللي يدخن يطلع له قرون وديل"

هههههههههههههههههه
جامدة
بس برضه مش هيعمل حاجة
ما انا جربت الحكاية دى

**المايسترو** · 22 / 03 / 2006, 12:06 AM

فعلا والله يااخ فذائى انت اثرت موضوع الناس كلها مخنوقة منه وانا اكتر
يعنى مثلا بنكون قاعدين فى الجامعة فى مدرج او سكشن والطلبة عندنا فى كلية تجارة كتير جدا الدفعة حوالى 4500 طالب على الأقل والجو كتمة طبعا وحاجة تقرف
وتلاقى واحد غبى ماعندوش دم وجاى يشرب فى المدرج
هو الجو ناقص كتمة وقرف ماكفاية اللى احنا فيه
وتيجى يكلمه اما هيقولك انا قاعد جمب الشباك ده لو كان باقى عنده ذرة من الادب والحياء
وممكن يقولك انا حر انت مالك انت
اكتر حاجة غاظتنى
مرة كنت راكب مواصلة ورايح الجامعة وكان راكب واحدة حامل
وواحد حمار اول مادخل كان قاعد قدامها وولع سيجارة
طبعا الست ماتتحملش الهباب ده وكانت متضررة جدا
فقالتله لو سمحت اطفيها قاللها لو مش عاجبك اركبى عربية تانية
ويستمر السيناريو من قلة الأدب واللا مبالاة كل يوم

**فدائي** · 22 / 03 / 2006, 10:06 AM

سلام الله عليكم جميعا
فعلا التدخين مشكله كما قال مايسترو
تلاقى الواحد واقف مستنى الميكرواص واول ما يركب يروح مطلع السيجاره ومدخن ومش مهم الناس
طبعا انت قاعد وطفيه السجاير تيجى فى عينك والدخان خنقك ولو قلته طفى السيجاره يقولك انا فاتح الشباك يقولك مقلتليش قبل ما اولعها ليه
يعتببر دائما ان حقه الاساسى التدخين وانك بتمنعه منه ولا ينظر الى ان هناك من سيضر من تدخينه
طفل- امراه - رجل مريض
لذلك يجب ان يكون هناك حزم من الناس ناحيه المدخن حتى يكون الاساس عدم التدخين
عند المترو مثلا لا يمكن احد ان يدخن فى المترو لانه متاكد انه هيدفع غرامه
وكذلك طبق هذا الموضوع فتره فى المواصلات ثم اختفى التطبيق وعاد المدخن يظهر فى الصوره
المشكله ان الناس هى اللى سلبيه
يعنى ممكن تلاقى امراءه حامل بتقوله لو سمحت اطفى السيجاره وهو مطنشها
ان فى حد يتكلم ؟؟ ابدا وكان الامر لا يعنيهم
وطبعا التصرف السلبى يؤدى الى زياده الامر سوء

**Shader** · 22 / 03 / 2006, 02:08 PM

الحمد لله في السعودية يوجد إحترام للناس في هذه الناحية و لكن يوجد تجاوزات،توجد محلات لا تبيع الدخان، والمدخن غصباً عنه يطفي السيجارة إذا طلب منه أحد ذلك في السيارة أو غيره من الأماكن.
إيه ذنب الناس تدخن معاك؟

**فدائي** · 23 / 03 / 2006, 09:50 AM

ده فى السعوديه سيادتك

فى مصر الوضع مختلف

**Sultan989** · 23 / 03 / 2006, 04:52 PM

الحمد لله في السعودية يوجد إحترام للناس في هذه الناحية و لكن يوجد تجاوزات،توجد محلات لا تبيع الدخان، والمدخن غصباً عنه يطفي السيجارة إذا طلب منه أحد ذلك في السيارة أو غيره من الأماكن.
إيه ذنب الناس تدخن معاك؟

اهئ اهئ اهئ

بتقول ايه احترام اية وبتاع ايه

انا لا اعلم عما تتحدث عنه

يا ابني احنا فالحين بس في اصدار القرارات فقط

مرسوم ملكي من وزارة مش عارف ايه يمنع التدخين في الاماكن العامة والمنشئات الحكومية

والناس تشوف اننا بنحارب التدخين
لكن الواقع مختلف

ممكن تاخد لفه كذا في اي منشأة حكومية وستجد ما يجيبك على تساؤلك

امر آخر اريد التحدث عنه الا وهو المكافحة
يعني للا سف لا يوجد لدينا الا اسبوع يتيم لمكافحة التدخين
بيجي طبيب اول مرة يتحدث خلف المايك ويتحدث عن التدخين(في زيارة لاحد المدارس)
ولا احد يستفيد شي

والان ظاهرة التدخين بين المراهقين بدأت في الانتشار

والله امر محزن شباب في عمر الزهور في 12 و15 من العمر

المشكله بإختصار لا توجد مكافحة ولا توعية

والناس تحسب انه بيسبب القحة(السعال) واذا استمريت عليه 20 سنة الضعف الجنسي فقط

**esso70** · 24 / 03 / 2006, 04:40 AM

السلام عليكم يا أخى فدائي
موضوع واقى جدا
المشكله الأكبر فعلا فى الأطفال لو فعلا الطفل حس ان اللى بيدخن شخص منبوذ نوعا ما
( مع تقديري لتعب كل المدخنين من الدخان المدخنيين )
لكن المشكله ان الأفلام والناس والدخنيين ذاتهم
بيبرزوا نفسهم فى هالة من العقلية الفذه والخبره القوية والعمليه
اللى انا أقصده انه فى الغالب محدش بيركز على المدخنيين المرضي
وبيتعرض على معظم الوقت ما قبل تلك المرحله ووسائل الإعلام جامده فى كدا

ويعييني بقه الأطفال يحبوا الموضوع بتاع السب دا اوى
ومن دا بكره بسجارتيين من دا بكره بسجارتيين

والله المستعان

**فدائي** · 26 / 03 / 2006, 10:04 AM

ينبعاوى -اسو70
نعم الاطفال هم الضحيه الكبرى لهذه العاده السيئه اما انه يكون له اب يدخن فى منزله وسط اولاده ولا يابه لذلك
او ان الطفل نفسه يتجه للتدخين لانه راى قدوه فيه
وطبعا وسائل الاعلام تظهر بطل الفيلم دائما انه مدخن بشراهه
وكل ما توجه مشكله يروح مدخن
يتخانق وهو بيدخن لا مش كده وبس ويحافظ على السيجاره طول الخناقه
مما يترسب عند الشباب بالذات ان السيجاره رمز للبطوله
والله المستعان

**Chessman** · 26 / 03 / 2006, 01:21 PM

ههههههههههه
يذكرنى الموضوع بموقفين
الأول فى مترو الأنفاق بالقاهرة لافتة مكتوب عليها شكرأ لعدم التدخين... وتحتها مكتوب بقلم أسود عريض " العفو "
الثانى فى عيادة لدكتور أسنان عندنا فى بورسعيد... طفاية سجائر مكتوب عليها " ممنوع التدخين "

شكراً يا فدائى على الموضوع

**فدائي** · 27 / 03 / 2006, 10:09 AM

لا شكر على واجب Chessman

Unconfigured Ad Widget

إعـــــــلان

اطفى السيجاره يا حيوان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق