انا بقالي ساعه الا ربع تقريبا باقراء الموضوع بالردود كلها...... و رأيي هايكون نفس ردي على المواضيع المشابهه اللي شفتها هنا في المنابر و منتديات اخرى .... و رأيي هو ان التنفيذ ليس بنفس بساطه الكلام , الموضوع صعب جدا , الناس متحمسه فعلا و نفسها تعمل حاجه لكن ساعه التنفيذ مابتلاقيش حد لصعوبه الموضوع و خصوصا ان الموضوع مشتت بين اشخاص في بلاد مختلفه , دا انا باكون باعمل شغلانه مع واحد صحبي و ساكن جنبي و سهل جدا اننا نتقابل و ننظم الشغل و رغم كده مابنعرفش نظبط وقتنا مع بعض و بيوجهنا صعوبات كثيره ....... الموضوع دا لازم يكون ملموم اكثر من كده زي ماعمل احمد صبحي في مشروعه بتاع الرباط , حتى احمد صبحي بيطلب ان الناس اللي تشارك معاه في المشاريع بعد فتره الكورس ان يكون عندها قدر من التفرغ و بيكون هو و الاشخاص الاساسيين في الموضوع يكونوا اتفقوا على كل حاجه و يبدأوا يدوروا على الناس اللي محتاجينهم لكن كل واحد يقول كلمه و كل واحد يقول اقتراح من بلد تانيه خالص دا شئ صعب جدا ...... و على العموم انا حاسس ان الموضوع دا اطول عمرا من مواضيع كثيره تم فتحها قبل كده شبهه و الناس اتحمست و بعد كده اختفت ... يمكن تعرفوا تحققوا شئ المره دي ....... حاجه اخيره احب اقولها , انطباع او شعور حسيت به لما توقعتوا مده العمل ان تصل الي عام او عامين ..... بصراحه حسيت انه مش من المنطق و لا العقل اني اضيع وقت فراغي لمده عامين في عمل احتمال نجاحه ضئيل جدا و كمان بدون اي مقابل ...."عمل لخدمه الاسلام و اظهار امكانيات المسلمين و العرب" كلام حلو و مبداء رائع لازم يكون امام كل واحد و هو شغال لكن بالعقل و المطق و معرفتك لقدراتك مش حماس و خلاص...... السنتين دول كل واحد اولى انه يبني نفسه في المجال اللي شغال فيه او يبحث لنفسه عن مجال يشتغل فيه لو لسه مش شغال و يكون حايضفله شئ بجد مش اضيع سنتين في الجري وراء سراب ...... في امريكا بيعملو الفيلم الجرافيكس في سنه و سنتين وما بيهمهمش الوقت علشان عارفين و واثقين من النتيجه اللي حايطلعوها و اي واحد فينا بيشتغل في الجرافيكس يحب يشتغل في فيلم من الافلام دي حتى لو الفيلم هايتعمل في عشر سنين ......