السلام عليكم ورحمه الله وبركاته
اخي الكريم mazination
كما عهدتك دائما مبدع وهذه كلمه حق والله وحده شهيد علي
في اعمالك وشغلك الذي تقوم به طابع خاص يميزك ويميز عملك عن باقي الأعمال الأخري
فلو انك لم تكتب اسمك علي الموضوع واحدا قام بوضع عملك هذا من الوهله الأولي اتيقن تماما انه لك
فانت متميز ولك اسلوب خاص
وان لمن الشرف ان يكون بيننا فنان يعرض اعماله علي قنوات فضائيه كثيره وتمكن من الدخول للتلفزيون المصري باعماله والذي يعرف عنه بوجود تيم خاص به ولا يقبل اي اعمال خارجية
وهذا ان دل فيدل علي شيء واحد تميز شغلك وطابعه الخاص الذي اجبر التلفزيون المصري علي احترام شغلك
اخي مازن لي عظيم الشرف بالاشتراك معك في بعض الأعمال والتي ايقن تماما انها بدونك ما خرجت للنور
شكرا لك والي الأمام يا اخي العزيز
الفكره / انت الي بتحط الفكره ولا في حد بيقلك على الفكره وتحريك الكاميرا وكدا؟؟؟؟
كلمة ==> ((الحروف)) لما اختفت اتعملت بفلتر ايه ؟؟
اللوجو انت الي مصممه؟؟ الي هو راح جنب المذيع لما طلع
تضم الدنيا والدين اتعملت عن طريق خاصية (Mask (animation path ؟؟؟؟؟
في المسارات استخدمت Illustrator وفلتر write-on؟؟؟؟؟؟
الورقه الي في الآخر اتعملت ازاي؟؟؟؟؟
===========================
وشكرا
الفكرة دائما انا الي بنفزها, اما بتكون وهمية, ياعني انا بشتغل والافكار بتنزل عليا وانا شغال, او اني برسمها علي Storyboard وبعدين بنفزها.
اللوجو, موش انا الي منفزه, تتر البرنامج اساسا موش عند الشركة بتاعتنا, لكن, انا مصمم النهاية وانا واخويا ياسر منفذين كل البرومهات تقريبا بتاعت البرنامج.
تضم الدنيا والدين, كل حرف في لير لوحده وتم تحريك كل حرف لوحده بأستخدام الPosition , Rotation
كلمة الحروف, تم الاخفاء بفلتر اسمه Mirage
في المسارات استخدمت Illustrator وفلتر write-on؟؟؟؟؟؟
نعم صحيح...
الورقة الي في الاخر دي حكاية....
اول حاجة جبت الTexture, وعن طريق الماسك قسمت الورقة الي 4 اقسام كل قسم في لير
القسم = جزة من الورقة
وبعد كده حولت كل الليرات الي ثري دي,
ثم تم إضافة النص الي قسم من الورقة, وكمان حولته الي ثري دي, وطبعا علشان يبقي باين علي جهه من الورقة والجهه الاخر لا, لازم تقدم اللير بتاعت النص الي قدام شوية,
ياعني لو الPosition بتاع الورقة Z = 0
يبقي ال Position بتاع النص Z = -1
طبعا احنا عندنا في الPosition بتاع اللير لما يبقي ثري دي عندنا 3 محاور وهي ال X,Y,Z
طبعا احنا مايهمناش غير الZ, علشان النص يضهر علي جهه واحدة فقط
بعد كده اعمل New Composition, وحط الCompsition بتاع الورقة بداخله
اعمل الحركة بتاعتك.... كده هايبقي عندك الورقة بتتحرك زي ماانت عاوز بس لازم علشان اللير دي تحس باامكانات الثري دي التي بداخلها لازم تعمل حاجتين... حول اللير الي ثري دي, وثاني حاجة ان في علامة كده بجانب علامة الثري دي لازم تدوس عليها * , جرب بقي كده حرك عن طريق الOrientation
كده بقي عندك ورقة ثري دي....................... قشطة
ماتخفوش, هاقلكم كيف تم عملها, افتح الComp بتاعت الورق
المفروض ان الورقة مقسمة الي 4 اجزاء رأسيا, من تحت الي فوق
كل للير او كل قسم سيكون مربوط الي القسم الي تحته عن طريق الParent
فاضل اخر حاجة, وهي ان AncorPoint لازم تكون بين الير الخاصة بها واللير التي تحتها, ياعني تحت اللير الخاصة بها وفوق اللير الي تحتها, اهم حاجة في هذه الخطوة هي الدقة
دلوقتي لو عاوز تطبق او تطوي هذه الورقة اطوها من فوق الي تحت عن طريق الOrientation
كده بقي عندكم ورقة زي بتاعتي بالضبط , وااااااااااااااااااو
اول ساعتين, طلعت حاجة زي القرف, بعدين صبرت وكملت واتحملت القرف بتاعي, وكل شوية اعيد من الاول, لحد ما الاقي بصيص نور في الضلام القاتم, اتمسك بالنور بأقوي ماعندي حتي اخلي الدنيا كلها نور
كلام كتب ها
وعموما دائما الفكرة بتكون هي اول حاجة, موش الخلفية ولا الالوان ولا الحركة
فكر في المعطيات التي توجد معك, معاك ايه, فيديو مثلا واغنية وشوية كلام, كيف يتم ربطهم ببعض,
المطلوب طبعا العميل هو الي بيقوله, يبقي موش ناقص غير انك تحل المسألة وطلع البرهان
حاول لما تتفرج علي اي حاجة حلوة في Tv او شغل شركات علي النت, انك تحلل الي بتشوفه موش انك تتفرج وتقول الله وبس
تعليق