Unconfigured Ad Widget

**kareem50** · 07 / 02 / 2007, 08:26 PM

حمدالله علي السلامة يا ياسر
فينك من زمان
في انتظار مدونتك

**Yas2eR** · 07 / 02 / 2007, 08:30 PM

المشاركة الأصلية بواسطة kareem50 مشاهدة المشاركة

حمدالله علي السلامة يا ياسر
فينك من زمان
في انتظار مدونتك

كيمو ..

ايه اخبارك انت ..

شكرا على الرد حبيبي

**Yas2eR** · 07 / 02 / 2007, 09:03 PM

personalinfo+معلومات شخصية

اسمي : ياسر عزمي

السن : 20

المكان : على الارض

بشتغل في : CEP

المعلم : نفسي بنفسي .. والمتابعة المستمرة لعالم الجرافيكس ... و مازن عزمي ( اخويا ) هو من بدأ تعليمي .. وانتهت بالشغل فى نفس الشركة

الامكانيات : خيالي واسع .. افكار غريبة وجديدة ... مستعد لاي شئ ..

سلبيات : .. بطيئ جدا ... غير مستقر او موسوس.. ( اغير شكل التصميم 11 مرة .. لحد ما اقتنع تماما ) ... منحصر فى الافكار الغريبة ... مقدرش اعمل عمل بسيط او عادي بسهولة ... الصعب هو اللى بختاره دايما

برامج : افتر افكتس و فوتوشوب و استريتور .. الاساسيات بالنسبالي

يوميا بدخل الانتر نت وابحث عن شئ جديد فى هذا المجال .. الجرافيك عموما ... مواقع منتديات بلوجات شركات .. تقريبا ... لو عديت انا شوفت حاجات اد ايه اقدر اقول اني شوفت نص مصميمين العالم .. هههههه بهزر اكيد ... بس شوفت حاجات كتير اوى ... ولسه بتابع الجديد

**Yas2eR** · 07 / 02 / 2007, 09:42 PM

TypoGraphy

الموضوع|01

التايبوجرافي+
TYPOgraphy

من الحاجات اللى دايما تشد انتباهى من ساعة ما دخلت عالم الجرافيكس

حاجة اسمها Typography

ايه هو التايبو جرافي ده ؟؟

هو التايب Type الكتبة ... الكتابة فى التصاميم .. التكست .. الطريقة اللى تكتب بيها نوع الفونت .. اللوجوهات اللى تبقى عبارة عن كلام .. رسم الحروف

كل ده ...

لو بصيط فى شغلي .. هتلاقى كل شغلى معتمد على ال Typography

ازاى برتب الكلمات بشكل يشد الناس ازاى بختار فونت معين يليق مع الجو .. وازاى بلعب بييه واعمل اشكال

والعرب .. دايما ما بيخدوش بالهم من ال Typography

بيبقى .. مثلا .. الديزاين .. او التصميم او الفيديو ... حلو اوى ... بس التيكست .. او الكلام يبقى منظره وحش اوى اوى

طبعا العربي ... فونت صعب جدا جدا جدا جدا ... انا قريت فى مجلة اسمها computer arts magazines مجلة مشهورة جدا فى الجرافيكس ..كان فى عدد لل Typography

عاملين 3 صفح للفونت العربي ... وكاتبين انو اصعب فونت للديزاين وال Typography

عشان مشبك وفى نقط كتير

يتهيقللى لازم ..اى مصمم مننا .... يتعلم ال Typography العربي عشان يقدر يطلع الشغل بتاعه برفكتللي

بصو هنا كنت عامل Typography للوجو .. دخلت عربي مع انجليش فى اللوجو ..حاجة جديدة وغريبة وفنفس الوقت شكلها حلو اوى

وهنا برضه ... تصميم للوجو .. فونت عربي ... اخدت حرف حرف ... ولعبت بيهم شوية .. هو ده اسمه Typography

وهنا برضه .. اهتميت بلوجو .. الساعة .. مسكت الفونتات العربي واعدت اشكل اشكال بيها لحد ما وصلت لدول واحب اقولك ان ده مش فونت ... اتحداك تلاقي .. دانا غيرت الفونت تماما الى اشكال اتغيرت خالص

وبقت حاجة خاصة للوجو ااو الشركة

مش عايز اجيب امثلة على لوجوهات بس ..... بس اكيد كلنا بنحط .. كلام فى وسط ديزاينز فى فيديو

مثلا ..انا عملت برومو ... كل البرومو عبارة عن تيكست .. كلام

حاجة جديدة وغريبة وجميلة

دى حتة من البرومو .... كانت عبارة عن تيكست محطوط بطريقة شيك وجميلة جدا

ده برومو تاني...

يتهيقللى الرسالة وصلت

كلو يحاول يجرب ... مرة واتنين وتلاتة لحد ما يتقن الستايل ده ... عشان لازم تتقنو .. عشان احنا عندنا ... لغة .. جميييلة

العربي ده من اقوى لغات العالم واحلاها .. لازم يبقى الماين main بتاعنا كلنا ... ونعرف نستخدمو فى التصاميم

وشك را

**Yas2eR** · 08 / 02 / 2007, 01:33 AM

سر التفوق

الموضوع|02

سرالتفوق+
keyOFSUCCESS

سر التفوق ... اكيد فى ناس نفسها تعرف .... ايه سر التفوق او النجاح او التقدم

- انك تفضل فى نفس الحماس اللى بدأت بيه
- انك تتابع بأستمرار مستمر .. ما هو جديد وتتابع اعمال اخرى قوية
- تحدد اهدافك وتبدأ الاختراق
- تجرب .. جرب اشياء جديدة .. تعلم اشياء جديدة
- حرر نفسك .. حرر ما بداخلك .. مشاعرك .. واحاسيسك
- تستمع جيدا .... الناس بتقول ايه عن شغلك او عنك او عن المجال بتاعك

ده يتهيقللى على الوجه الشخصي يعنى النجاح الشخصي

**Yas2eR** · 08 / 02 / 2007, 06:30 AM

سؤال يطرح نفسه

الموضوع|03

الخوفمنالبداية+
the.FEAR
FROM1st.step

كلنا سعات بنسأل نفسينا .. سؤال .. ولسه قايلهولى انهاردة واحد ..

نفسي فعلا اعمل حاجات كدا بس مش عارف البداية

دايما الخوف من اول خطوة .. مع ان الرحلة مش شاقة زى ما احنا متصورين .. بس زى ماتقول احنا مانحبش نجرب حاجة على الفاضى ... عايزين نعرف انا عايز ايه .. عايز اعمل ايه بظبط .. انيماشن كارتون ولا موشن جرافيك ولا مونتاج ولا سبيشيال افكتس ولا 3 دي

مش عارفين احنا عايزين ايه بظبط عايزين نجرب كلو فى وقت واحد .. وكمااان خايفين ناخد خطوة نقول صعبة ..او تمشي فى طريق مش طريقك

انك تحدد انت عايز ايه مسألة مش سهلة ...بس الجرافيكس كلو .... طريق واحد .. متفرع منه كذا شارع .. شوارع كتيير اوى

يعنى ممكن تمشي فى طريق يوصلك على طريق تانى عشان توصل للمكان بتاعك

اهم حاجة واللى عايز اقولو من الصبح ..

ماتخافش انك تجرب ... خش بقلب جامد وحماس .... 3 دي .. مالو الثري دي ... حطو انت فى دماغك .. وانت هطلع قماش

الانسان قادر على كل شئ .. بالارادة

عن خبرتي فى الشغل .. انا كنت بحاول اتعلم افتر افكتس فى البيت ... والله ما فهمت اى شئ ..

الحاجة الوحيدة اللى فهمتاها ... ان ده برنامج فيديو هههههه

واما رحت الشركة وقالولى هنعلمك افتر افكتس ..... قلت لا ... صعب .. وبتاع

زقونى او رمونى على اول الطريق ..

لقيت نفسي لوحدى ماشى .. من غير ماسند على حد .. غير مثلا سعات معرفش حاجة اسأل اى شخص اشوفو على الطريق .. اقولو .. هو فين طريق الموشن جرافيكس لو سمحت يرد يقللى

على طول على طوول

شكرا

المساعدات دي بتأكدلى انى ماشي صح .... الا لو قابلنى واحد مش من المنطقة ههههههههههه

يتهيقللى الرسالة وضحت

على فكرة ده مش كلام جديد

كلو عارف اللى انا بقولو ... اكيد فى ناس بتقول دلوقتى ... ياعم عارفين عارفين .. واللى يقول ايه ده

بس يا جدعان الكلام ده بيزق الناس ... بيرميهم فى اول الطريق ... بيشجعهم ياخدو خطوة

ماعنو عارف الكلام ده .. بس تكراره ... بيفيد الناس ... مش صح كده والا ايه ...

**Yas2eR** · 08 / 02 / 2007, 06:44 AM

الموضوع|04

الاعتمادعلىنفسي+
BELEIVEINmyself

اعتمدت على ايه في مشوارك

احد .. الاسألة اللى جتلي برضه

اعتمدت على خبرتي الضئيلة جدا فى الجرافيكس .. اعتمدت على حلمي .. اللى عايز اوصلو

اعتمدت على فضولى .. (على فكرة بجد الفضول ده فادنى جدا ) ... اما اشوف حركة مثلا واد بيمشى وينط ... انا معرفش هو عملو ازاااى ؟؟؟ ولا عمرى كلمت الشخص ده ... بس فضولى .. يأخذنى ازاى ... اروح ميماشي الفيديو فريم فريم .. لحد ماشوف عملو ازاى ... اقوم فاهم الفكرة واجربها (بطريقتى)

انشالله هتكلم عن الفضول وازاى اقلد حركة من غير محد يقللى ازاى اتعملت .. بطريقتك الخاصة .. بالتفصيل والصور .. قريبا انشالله

وكنت باؤمن انى عندى موهبة ... اعتمدت عليها برضه ... موهبة صغيرة اه .. عايزة حد يربيها عشان تكبر
زى طفل صغير .. بتأكلو وتعلمو .. عشان يكبر وتبقى فرحان بيه

اعتمدت على كل شئ عندى .... رغم انى مكانش عندى حاجة ... خبرات ضئيلة جدا جدا

اعتمدت عليهم وسندت عليهم وفادونى جدا جدا جدا جدا جدا جدا جدا

كنت بعد اعافر اعافر اعافر لحد مطلع حاجة اقتنع بيها ... وكنت نادرا .. ما اسأل زمايلي فى الشغل ... اخويا عنو خبرة اكتر منى ... كنت بسألو عن تكنيكيات ... مبسألوش عن الفنيات

الفنيات دايما بعتمد على خيالى برضه ... والافكار اللى عندى

**ابوالعز** · 08 / 02 / 2007, 08:07 AM

مدونة ممتعة ...

**Dr.mmd** · 08 / 02 / 2007, 08:59 AM

واصل اخي العزيز والله استمتعنا بكلامك... كلامك يحمس الشخص انه يستمر في المشوار

**shady sobhy** · 08 / 02 / 2007, 11:29 AM

جوميل يا ياسر كمل والله كلام جميل جدا وفعلا مشجع وانا عايز فعلا اتعلم الشغل بتاعك ده انت ومازن بس خايف ااثر في الثري دي ماكس

بالمناسبة هذا ردي 1600

عدد المشاركات زاد بدون فائدة

**kareem50** · 08 / 02 / 2007, 04:30 PM

انا متابع معاك اهوه يا ياسر
ومش تنسي انا زميلك القديم k50_ بس غيرت اليوزر

انا ناوي ان شاء الله ابدأ افتر افكت قريب , بس قلي مساحته كام؟
ولو تعرف دروس مفيدة له قلي عليها ...
متابعين معاك

**mazination** · 08 / 02 / 2007, 06:59 PM

جميل جميل, كمل, كده فيه ناس كثير هاتستفيد

**THE WAX** · 08 / 02 / 2007, 07:14 PM

واصل اخي ياسر كلامك المشجع

أنا بعد ما قريت كلامك بفكر أحول الموشن كرافيك

**kh_kira** · 08 / 02 / 2007, 09:54 PM

موضوع حلو اوي اوي اوي

Unconfigured Ad Widget

إعـــــــلان

رثاء

~" Yas2eR's Blog "~

~" Yas2eR's Blog "~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق