السلام عليكم ورحمة الله وبركاته
مشكلة الخجل
مشكلة بجد صعبة جدا أن حد يتحملها مش عارف أتعامل مع الناس بشكل طبيعي على طول ببص حوليا حاسس اني اناس كلها بتبص عليا في الشارع في المواصلات في النافذة في كل حال من الاحوال مشكلة الخجل
لما بكون بتكلم مع حد (مش على المسنجر لان ده الحاجة الوحيدة اللي بتكلم فيها من غير خجل أو كسوف ) مش بعرف أقول جملة مفيدة والشخص اللي بتكلم معاه بيتخنق مني
وده بيخليني أتكلم بسرعة مع اي حد عشان حاسس انه بياخد باله من كلامي وهيتريق عليا وكل شوية الناس تقولي يابني أتلكم على مهلك
وده سبب اني مش بروح مثلا لأبو معاذ عشان هو جاري ياعني في نفس المحافظة أو أي حد عرفني على النت لاول مرة
عشان مش عايزه يعرف المشكلة ديه ويبطل يكلمني عشان هيحس أني طفل صغير مش بعرف أتكلم
مشاااااااااااااااكل والله كثيرة جدا جداجدا بسبب الخجل فانا ولله الحمد لا يوجد لدي ما أخجل منه في شكلي أو مظهري بس مش عارف هل هذا مرض نفسي ولا أيه بالضبط أرجوكم أفيدوني لاني تعبت بجد تعبت في العمل وفي البيت ومع أصحابي ومع سواق المكروباص
معلش طولت عليكم بس والله عندي كلام كتير تاني عايز أقوله بس خجلان منكم
والسلام ختام
تعليق