مش ههاجر
و مش هسيبها لحسحس وولاده و خدامينه يأكلوا فيها و يرتعوا و الشعب جعان
حسبنا الله و نعم الوكيل...
مصر الآن ..
الإستثمار فيها مش سهل....
و لكن لن نتركها للظلمة,,,

طيب انا هتكلم عن تجربة شخصية

في الحقيقة يا دكترة

انا وزملائي من الناس الذين يعرض عليهم السفر يوميا

والله يوميا

والحمد لله العلي القدير

لكن دائما نتناقش في هذا الأمر

هناك نتاس استمرت وهناك ناس موجودة في مصر

انا منهم

استلفت مبلغ وعملت مشروع صغير وبحاول اكبره

ومتفاعل مع الناس وبحب بلدي وخصوصا ناسها وتاريخها

فين بقي المشكلة

المشكلة هو انه فيه ناس لازم تهاجر تزيد علمها وترجع

بعثات علمية

مش هجرة من اجل المال تروح تخدم وترجع

ولو انه مش عيب انك تسافر من اجل الرزق

بالعكس

لكن الأساس بناء مصر

يعني عيب جدا نجد علماءانا بالخارج يصنعون حضارات اخري وتبقي مصر في الذيل

انا بحكم وجودي في الجامعه

اساتذتي تعلموا في امريكا واليابان وعادوا في ظروف الروتين وعدم وجود بحث علمي جدي

لكن من اجل ان يعلموا جيل تالي وهكذا

اتعلم منهم بصراحة كيف يضحون بنفسهم ... لانه بيعرض عليهم اماكن اخري مقابل مرتبات وفرص

لكن يجب علي الدوله ان توازن

دا لو اصلا فيه حد بيفكر في الدولة

امتي ميعاد التقديم للجرين كارد ؟

معاك يا ياسر ف موضوع الجرين كارد
سنتين تلاتة وهتلاقيني هناك جنبك

كما قال حسام
هذا هو مربط الفرس , الاعتراض هو علي هجرة أصحاب الفكر لأسباب مادية , لأنهم لو بقوا في بلدهم واجتهدوا وصبروا سيرتفعون هم بالبلد بدلاً من أن تهبط البلد بهم, وسيوفرون الماديات لأنفسهم ولغيرهم أيضًا.

علي فكره يا دكتور انا غير معترض علي كلامك بالمره
بل هو الصحيح بالفعل
لكن ازاي تؤدي خدمه لناس هما مش عايزنها
بالمناسبه يا دكتور انت اتخرجت ولا لسه ؟
نحن في مرحله يمكن اقولك مش محتاجه حتي لابحاث جديده بقدر انها محتاجه تنظيم
وزي ماقال وليد ( المطبات )
لا اعتقد ان زويل وغيره ماكانوش وطنين لكن القدره علي التطفيش واعطاء السلطه لكل جاهل تخلي قرار السفر سهل جدا
منظمة حقوق الانسان في وقت قريب عملت بحث عن التعذيب بالكهرباء علي اسا انه حاله شاذه طلع متبع في كل اقسام الشرطه وفي مكان معروف لدي الامناء بل واطلقو عليه اسم الثلاجه !
انا مش بسود الصوره
لكن يجب ان تقبل المعركه كامله ابتداء من نظام الضرائب للعداله الاجتماعيه لقانون العمل لان هذا ماستحتك بيه حتي تصل الي شريعية اضافة القمامه الي الكهرباء ( الراجل بتاع الجيم الي بتمرن فيه هايعيط ) لانه ماعدنهوش قمامه اصلا وبيستهلك كهرباء كتير
الجرين كارد يا كريم وياحسام مش عارف والله انا خليت صديق ليا في دبي هو الي دخل بياناتي وبعت لي التفاصيل ولو جت بيبعتو لك علي البيت لان لينا واحد صاحبنا فعلا راح وفي نيو يورك دلوقتي

تخرجي في شهر يناير إن شاء الله

اتمني مناقشتك في الموضوع بعد 5 سنوات
ربنا يوفقك للخير ويقويك علي ان تفضل زي الان

على فكره انا اتكلمت عن المرتب لتوضيح لما يهاجر البعض ( اذا استطاع )

فكره انك تبنى مصر ولااجل مصر وعيون مصر ودى امنا و و و و

حلوه وجميله وممكن تكون صحيحه


لكن مشكلتا انك لم تجرب تبنى مصر

المكاسب فى مصر عاليه وممتازه وساويرس وغيره كثير كسبوا تمام

واطباء كثيرون كسبوا ايضا

لاتقول المكسب مش مهم قل مش مهم لى لا تتكلم عن زوجتك واولادك الذين لا تعرفهم

بالنسبه للطب

لى خبره فيه لان زوجتى طبيبه وطبعا فلسفته وكتبت فيه ما اره كعادتى البايخه

ستجد الاتى :

وانت فى بكالريوس سترى انك قادر على البناء والشفاء ونشر الصحه والامل ومنقذ الارواح و و وو و

هذا طبيعى ومفروض نه يكون هكذا

لكن الحقيقه

لو انت مش ابن استاذ لن تكون فى الدمرداش ولا القصر العينى لانك لن تكون من الاوائل الا لو تبقت اماكن شاغره ولم يستطيعوا ترحيلها الى سنه يتوافر فيها

اقارب الاساتذه

اذا هناك حلين
اما نائب فى مستشفيات الجامعه
او يوميات نائب فى الارياف

=
العمل فى مستشفيات الجامعه امل كل الاطباء الجدد لكنها تحتاج

زراع قوى وعلبه ورنيش

الزراع لحمل حقيبه الاستاذ
والورنيش طبعا معروف ليه

ولا مافيش ماجيستير ولا دبلومه

==
اما من تحرر من الاساتذه وراح الريف ولا مستشفى وزاره صحه ده اقل مجموع
اما الخريج متوسط المجموع يروح مؤسسه علاجيه وهى مستشقيات يتم تغيير ملاءه السرير كل اسبوعين لهذا هى افضل من وزاره الصحه

طيب انت طبيب جاد وشاب وتريد الخير وتجد كل من يعملون هناك يوقفون تقدمك
ولا تجد حتى الادوات الكافيه او حتى الاساسيه لنجده المريض

ومن واقع حقيقى وليس مجرد اقوال

كان الاطباء يرسلون المريض او اهله لشراء سرنجه حقن من على الرصيف المواجه للمستشفى لان المستشفى ليس بها سرنجه او لان الراجل على الرصيف يشارك الاطباء

فى ربحه ((

ايه رايك ؟؟؟

لو اعترضت على ما يحدث ستخرب بيوت كثيره مفتوحه فطبعا اول واحد يلبس ستكون انت

كلهم سيجروك الى تحقيق وتبديد واختلاس ويمكن يجعلوك سببا لموت المرضى

===

واذا تتكلم عن مستشفيات الجامعه وهى اكبر امكانيات طبيه فى مصر احب اوضح شىء واحد

( هى اكبر معمل تجارب فى المرضى الغلابه )

وفرصه تدريب وتجريب للاطباء الشبان والخساره فى الارواح ليست مشكله

==

ما المستشفيات العدله فلن تصل للعمل فيها الا بعد الماجيستير واصلا استاذك هو الذى سيجرك لها لو رضى عن سلوكك وليس قدراتك كطبيب

==

ممكن اعرف كيف ستبنى ؟؟؟؟

بلاش

تقدر تقول لى كيف يتخصص الاطباء ؟؟؟؟

اقول لك

حسب مكسب الطبيب يتم ترتيب التخصصات

يعنى ايه ؟؟؟

النساء والولاده مربحه جدا فتكون على راس القائمه

العيون
الجراحه

وتاتى الباطنه فى القاع و و و و وانت عارف

يتم الاختيار بالتسابق بالمجموع مع الكوسه لو موجوده

ويحسسوك ان طبيب الباطنه مثلا هو حمار الدفعه وطبيب النساء هو النابغه

ولا علاقه لتخصصك بقدراتك فى هذا التخصص

اما من اراد على حسابه الخاص اختيار تخصص اخر ممكن وادفع يا محتاج اهه استثمار وستعوضه من المرضى

===

باقى ان تافح وترضى وتشتغل بلقطعه لمؤاخذه اسمها بالغرزه

واسأل الاطباء الذين يعملون عمل جزئى فى المستوصفات وستجد انهم يحاسبون فى الاستقبال بالغرزه
يعد المحاسب ويجهز لك المرتب وطبعا لو انت ناصح ضيق غرزك

----

اما المناوبه الليليه ثمنها = 175 قرش رفعوها اعتقد 3 جنيه وقطعتين جبنه نستو ورغيف
-----
طيب
الطبيب الذى عدى كل هذا اولا :

يأخذ الزبائن من المستشفى الصباحيه لينفرد بهم فى عيادته الخاصه ويعوض

التحاليل فى المعمل الفلانى لان له نسبه
الدواء من الصييدليه اياها لان له نسبه

الاشعه فى مختبر كذا لان له نسبه واللائحه مطبوعه بكل انواع التحاليل والاشاعات والابحاث وعليه فقط اختيار انواعها ( شيك بوكس ) ولما تأتى النتائج

يملا ما تركه اول مره للتاكد

ثم قانون المتابعه الطبيه :

النساء متابعه علشان يوزنهم ب 50 جنيه المره
العيون علشان تغير النظاره كل 3 شهور
الضغط علشان نطمن ونغير الادويه
الاطفال علشان يقولك تاكل شيكولاته ؟؟؟ ولا شمعدان احسن

وبعدين لو جراح اديها

اتفاق مع مستشفى علشان تاخد نسبه
ودكتور بنج تبعك تشغله بالحته وتعطيه المقسوم
و3 مساعدين يجففوا عرقك على حساب الزبون
ولو ولاده

12 طبيب يعدى على المدام يتابعوا الطلق وعند اقتراب الوقت ب دقيقه تيجى على الجاهز

علشان تسمى المولود وتقبض وتوزع على الشركاء

-----
طبعا تقول لى ليس كل الاطباء هكذا

نعم ليسوا كلهم لكن الطبيب لابد من ان يحصل على مرتب موازى لعلمه ووقته وجهده

فاذا لم تعطيه الدوله حقه فانه سيسعى اليه باى طريقه

ومن لم يرتضى ما سبق

لمؤاخذه اشتغل مندوب دعايه يلزق نفسه على العيادات ويبتسم ويبيع ويعمل دعايه

((( طبعا يا ريت يكون حسن المظهر ) ) هى هىهى هى هى انت فاهم

==

ما نريده شىء وما يحدث لا يجعلك هكذا اما تكون منهم او تموت او (( تهاجر ))

===

كتبت لك اسفا عن الطب ولم اريد ان اكتب عن هندسه الصوت وما فيها وما كنا نعتقد

ان نبنيه ولم يبنى

=====

فقط اتصور موقف السباك وهو يحاسبك ويقول لك يا بيه الدكتور وخلى معاك منديل

ياسر : يا رب!
عماد ساوند : ما كل هذا البؤس الذي يقطر من كلامك؟
أولاً أنا قلت بوضوح , من يريد العمل في الحكومة كان الله في عونه , بمعني أن كل هذا الطريق الذي رسمته ليس طريقي بالمرة , ولم أقل أن المكسب غير مهم , قلت لا داعي للاستعجال عليه, سيأتي لكن في وقته.

وبالمناسبة مستشفي الجامعة في المنصورة اسمها "مستشفي الجامعة التعليمي" بمعني أنك إذا دخلتها فأنت مقر تمامًا أن هناك طلبة سيتدربون عليك , ولهذا العلاج هناك مجاني , وإذا استطعت أن تجد طريقة لتعليم الأطباء الشبان الطب من دون ممارسة عملية فأخبرنا بها من فضلك.

أنت تتحدث عن الكلية والمستشفي والتعيينات , وأنا أتحدث عن الناس الغلابة في القري والنجوع , وهؤلاء لا تحتاج لأن تعالجهم سوي العلم والاجتهاد وأن تعرف ماذا تفعل.

ثم لماذا تحول الموضوع إلي الطب؟ الموضوع هو الشباب المصري المهاجر عمومًا وليس عن الأطباء.

في حاجات كتير مش فاهمهة
بس
مايا ماكس أقولك على فكرة مشروع
لو سافرت برة حاول تجمع شوية فلوس ولما ترجع إعمل شركة لإستيراد الأقلام (أو لصناعتها)واستنة لما تكبر شوية شوية شوف إيه اللي حيحصل
في حكاية معرفهاش بالضبط بس أعرف شوية منها
واحد صاحب والدي معانا في الإمارات
تقريبا كان في حد محتكر السكر في السوق المصري وحصللوا حاجة
صاحب والدي سافر (أعتقد البرازيل ) واتعاقد مع شركة إنهم يصدروا السكر لمصر وهو ياحذ نسبة من الارباح
تخيل أعتقد إنه أكبر واحد بيورد سكر لمصر
تتخيل إنه دلوقتي ماشاء الله بقى مليونير
في خلال سنتين

تصحيحين سريعين :
زراع -> ذراع
يوميات نائب في الأرياف -> نائب في جهاز الشرطة وليس نائب مستشفي

'طبعا لازم يكون مليونير
تخيل ان مصر كانت في يوم من الايام بتصنع السكر وتكفي الاستهلاك المحلي وتصدر كمان
دا مايلفتش نظركم لحاجه
قفل البيوت المفتوحه امر سهل
دكتور صحيح ليس كل مصر اطباء لكن الطبيب شخص مصري
بالمناسبه انا معترض جدا علي التعلم علي الفقراء ( لو الموضوع عام كان ممكن يكون مقبول علي ان لاتلعب الماده فيه دور لتعريف الفقير انه فأر والغني انسان )

إذًا , ماهو النظام الجديد الذي تقترحه لتدريب الأطباء الشبان؟

نظام مفتوح يشارك فيه الاطباء اساتذتهم علي ان يكون معمم ويتم تقسيم الاطباء تبعا للعدد علي كل المستشفيات العامه والخاصة في نفس الوقت بمقدار حجم عمل المستشفي في عدد طلبة كلية الطب
علي ان يجنب العامل المادي نهائي
وان يكون العلاج المجاني مجاني فعلا وليس مدفوع الجسم ( الاجر)

طيب ممكن توضيح أكثر لأني لم أفهم بالضبط , كيف يكون النظام المفتوح الذي يشارك فيه الأطباء أساتذتهم؟

وإذا كانت المستشفيات التعليمية لا يعجبك فيها أن فيها طلبة يتدربون , فهل تريد نقل هذا إلي المستشفيات الخاصة أيضًا؟

والعلاج المجاني فعلاً هذا كيف يكون في الواقع؟