المعادله العماديه لسنه 2007

البلد = شعب + حكومه
لدخربان = شعب خربا ن + حكومه ممتازه

بلد خربان = شعب ممتاز + حكومه خربانه

لا شعب يضبط بلد بدون قياده سليمه ولا قياده سليمه تقدر تضبط شعب خربان

السلبيات كثيره ومتوارثه وبما اننا من محبى العيش فى الذكريات والماضى ودائما فخرنا بما عدى وفات

صعب جدا على اى حكومه ضبط الموقف واى شىء ستفعله الحكومه لن يعجبنا

===
اسمحوا لى اكتب ان الخطأ مشترك

وستعرفوا بالخبره انكم اذا كنتم خيره شباب المجتمع علما وفهما لو دخلتم الى عمل خربان لن تضبطوه ابدا
بل سيتم التخلص منكم لانكم ستكشفون بقيه الموظفين

الحكومه ياتيها وزراء جدد يريدون ضبط الامور لكن هذا الضبط لا يرضى المواطن لسبب بسيط وعنده حق فيه بصراحه

يعنى لو الحكومه عندها خطه ممتازه ونتائجها اذا تمت ستعود على المواطن بالخير والرخاء بعد 30 سنه

معلش

انا لن افرح لانى لا اضمن تواجدى بعد 30 سنه ولا ابنى سيفرح لانه سينتظر 30 سنه وايضا لا شىء اسمه امل يكون بعد مده طويله

والمشاكل التى عندنا فعلا تحتاج وقت طويل جدا لاصلاحها وشروط قد تكون مستحيله فلهذا يغلب طابع الاحباط عندنا

فى نفس الوقت الحلول السريعه الجزريه تستلزم قسوه بالقانون قويه جدا لضبط الامور

مشكله الحكومات انها دائما تخاف من ثوره الشعوب

وغالبا مادام هناك اشياء خطأ كثيره اذا هذا الشعب عدد المخطئين فيه كبير جدا اذا لو تم ضبطهم واقصاؤهم من مناصب ولا توظيف ولا ولا ولا ايا كان ما يفعلوه

سيثوروا لانهم يريدون الاستمرار على خطأهم الذى يؤمن لهم العيش

- طيب لو تدرج فى ضبط الامور ؟؟؟

غالبا هذا مثل ترقيع ثوب قديم تظبط جزء يضرب من الناحيه الثانيه

قالوا ((( انسف حمامك القديم ))

مين يقدر يعمل كده ؟؟؟

تصوروا لو الحكومه فصلت كل العاملين الذين هم مرتشين او الذين ينامون فى العمل او من يعمل خطأ ؟؟؟

ستجد الشوارع فاضيه والاوتوبيسات فاضيه والمكاتب فاضيه

والقهاوى ممتلئه على اخرها


المعادله صعبه والاصلاح دائما اصعب من البناء من الصفر وقد لا ينصلح


الوطنيه وحب البلد ليست فى القمامه ولا جمعها لكن فى ان يقوم جامع القمامه بعمله صح والمراقب عليه
يعدى يفتش صح ورئيس الحى يتابع بعينه مش بهمس وكيله

والمحافظ يحافظ وهكذا الى اكبر واحد

مش مفترض انى كمواطن ان اعمل شغل غيرى كفايه اعمل شغلى انا صح

بس الدنيا مش حر

بالعكس يا عماد الحل بسيط جدا
المشكله الرئيسيه
ان نفس الخطوات تؤدي الي نتائج مختلفه
وخطوات مختلفة تؤدي الي نفس الهدف
................................................
ثانيا وهو الاهم
العمل لا يحمل قيمته الحقيقيه
وضربت مثل قبل كده لو تفتكرو
لما الغناء اصبح العمله الرابحه كله غني حتي الي صوته وحش
ببساطه العمل لازم يحمل قيمته
ما اديش المدرس ملاليم وبعدين الومه علي انه مهمل في العمليه التعليميه واخليه زليل للفواتير واقوله علم الولاد الكرامه !!!
ارفع المتناقضات تتحل كل المشاكل
ماتخلش مصر كلها جوا القاهره وانت مابتشوفش بيت واحد في مسافة نزيد عن 300 كم وانت رايح اسكندريه وتقول لي عدد السكان
ماتحطليش السرطان في الزراعه وتطلع الفلاح الغبي في الاعلان هو الي مايعرفش يجيب الكيماوي وتعملي اعلانات عن السرطان تخليني اعيط
ماتحطليش نظام تعليم يضيع مستقبلي ويخليني اول انتاجي بعد ما اعدي 26 سنه (يعني العمر خلص ) وتقولي تكاليف العمليه التعليميه !
الموضوع بسيط
هاذكر لك شيء من الماضي الي انا عارف انك ما بتحبهوش
عمر بن عبد العزيز استلم الحكم والدوله كان حالها مماثل لما نحن فيه الان واكثر
تم اصلاح الدوله في سنتين
وفي العام الثال لم يجدو احد من مستحقي الذكاه في الدوله !!

يعني من مصلحه الدوله الطرمخه علي الفساد و ان الحكومه تطبطب علي الحراميه و تدلع الي مبيشتغلوش؟

ماهو اكيد لو الحكومه عملت كده كل الناس حتتجرأ علي الفساد اكتر ما هو مفيش رقابه و لا قانون بينفذ و لا عقاب

الحكومه لو حاربت الفساد الناس مش حتثور عليها....الناس الحراميه همه الي حيثوروا عليها

انت بتقول ان الاصلاح حيتم في 30 سنه

طب ما هو سيدنا عمر بن عبد العزيز بعد ما مسك مصر بسنتين بالظبط الفلوس فاضت من خزانه الدوله لدرجه ان مكانوش لاقيين فقرا يوزعوا عليهم الزكاه

موضوع ال30 سنه و الخطط الخمسيه و العشريه الخ الخ دي دعايات حكوميه عشان يسكتو الشعب و يسجدوهم ليس الا و همه لو علوزين يصلحو كانو اصلحو بس همه للاسف عايشين في ابراج عاليه و بعيدين عن هموم المواطن العادي في البلد دي

ابسط مثال لو همه عاوزين يصلحو بجد تقدر تقولي قانون الاحتكار الي بقالو 10 سنين بيتناقش في مجلس الشعب ما تمش تطبيقه ليه؟برضه لصالح الحيتان الكبار

المشكله ببساطه ان مصر بقت مصرتين(اتنين مصر يعني)

مصر بتاعه الناس الي فوق او عليه القوم الحراميه الكبار سكان شرم و مارينا الي الحكومه بتاعتهم فعلا و بترعي مصالحهم

و مصر بتاعه الناس الي تحت الي همه انا و انت الناس المهروسه الي سهل اوي تتحرق في قطر او تغرق في عباره بدون ما حد يهتم بيها او يحاسب المسئول

الموضوع كبير و فيه كلام كتير

معلش انا كررت كلام ياسر بس فعلا مقرتش رده قبل ما اكتب ردي

عماد متفق معاك .. في حاجات كتيرة.. وحاجات لاء

بس السطر ده عايز اعلق عليه
شغللك لما تعمله صح.. دي حاجة جميلة جدا.. مانكرش... بس انت بتعمله ليك انت بس...ممكن بيعود علي المجتمع بنتائج ايجابية ولو بطريقة غير مباشرة... بس انت في النهاية ... داخلك .. بتعمله ليك انت بس

تكمل شغل.. كان غيرك مقصر فيه...ده اكيد مش الزامي... بس دي حاجة مهمة جدا.. لحبك لبلدك..
حتي لو كان ورقة كيس شبسي.. لقيتها في الارض... روحت خدتها ورميتها في صندوقها ...
وحتي ولو معملتش طول حياتك.. غير كده... احسن مليون مره..اتك تشوفه وتقول .. دي مش غلطتي..

ياسر.. زي ماقال عماد... الحل مش في الحاكم... الحل في الاثنين مع بعض شعب وحاكم

انت شاكلك مستني شخصيات مثل عمر عبدالعزيز ولا صلاح الدين ولا محمد علي..علشان الحال ينصلح,,
انسي ياعمرو..
انا الوقتي عرفت ليه انت بتقول مفيش فايدة...

ياسر.. بمناسبة الماوس والكيبورد المصري..
انت لو فتحت محل.. وعرضت فيه.. كيبورد مصري.. وجنبه كيبورد صيني... والاثنين بنفس الثمن .. ومع ان الصناعة الصينية .. سمعتها في مصر زي الزفت..
هتبيع كل الصيني .. وهيتبقالك المصري...

عارف ليه ولا مش عارف...
وبرضه.. عشان مسودهاش زي الناس اللي بتسودها... تاني المشكلة ..لا في الشعب ولا في الحكومة المشلكة في الاثنين مع بعض

مع اني حاسس .. ان في تغيير بداء في سلوكيتنا ..وفيه تغير للاحسن..
علشان كده ان متفائل...

انا ما امكرتش ده
في شخصيات كتير ومن الشعب محتاج تتعدم في ميدان عام
لكن لما بتكلم عن الحكم بتكلم لسبب بسيط
انك تقدر تجحم الناس دي
مش انا الي اقدر احجم رجل اعمال فاسد
كمان فيه سلوكيات كتره ظهرت رافضها تماما
لكن بنظره بسيطه تعرف انها نتيجه وليست سبب
يعني لما القانون ما يجيبش حقي ما تزعلش مني لو جبته بطريقة تانيه !
طبعا دا بيكون الجيل الاول
الجيل التاني بيشوف الجيل الاول بيتصرف بهمجيه فبياخدها مسلمه
من غير حتي ما يسأل ليه
يبقي الحل لما اشتكي الاقي حد !
في الحاله دي انا مضطر اني اكون مؤدب لان قلة الادب هتخلي شكلي وحش (بالنسبه للي قلة الادب متأصله فيه ) مش انا طبعا

اول شهرين تلاته بس
زي ماقلت لك سعر الخام في مصر يجعل المستثمر يستعمل الخامات الارداء
انما في حالة تكافوء الفرص اديني 3 شهور وانا كفيل بأكل دماغ العميل

اعزائى

مش بحب الماضى ايوه لكن بحب عمر عبدالعزيز و صلاح الدين و محمد علي

لكن المفروض نقدر شىء وما سأقوله ليس ضد السابقين ولا هو تقليل من شأنهم

لازم ننظر بواقعيه للاتى :

ما هو الفرق بين عصرنا وعصرهم ؟؟؟ كيف نعتقد انهم لو كانوا فى عصرنا كانوا سيستطيعون شيئا؟؟؟

مهما كانت مشاكل البلاد فى عصرهم فهى مشاكل تبدوا الان بسيطه جدا مع مشاكل عصريه متشابكه

هم كانوا صح تمام 100% بس فى نفس الوقت لابد ان نقول واخبار المشاكل وقتها كانت ايه بالضبط ؟؟؟

اسئله :

قارن بين عدد الموظفين فى عهد عمر وبين عدد الموظفين فى عهد الرئيس الحالى

كانوا كام ؟؟؟؟ 1000 ؟؟؟؟؟؟ مش ممكن اكثر من كده ممكن قوى فرزهم فى 3 شهور

هل فى وقت عمر

كانت فيه حاجه اسمها مواصلات ؟؟؟؟ ولا اتوبيسات محتاجه عمره وتجديد واستيراد قطع غيار
ولا قطارات ولا طائرات

والمياه يا ترى كانت بتعدى على فلاتر وخزانات وطلمبات ضخ وشبكه مواسير وصرف صحى ولا الطرق
كانت مسفلته ولها قوانين مرور وحوادث

يعنى اخرتها حادثه واحد وقع من فوق جمل ولا حصان

يا ترى كانت هناك محطات توليد كهرباء ومشاكل نقل قدرات للمصانع ولا تمديد طرق لنقل البضائع
ولا كان هناك مستثمرين لهم طلبات حتى يرضوا ان يستثمروا


ولا كانت التليفونات لها ازمات سنترالات دى كانت حمامه تربيها على سطح البيت

واخبار المدارس والكليات ايه وقتها ؟؟؟

اخبار البناء والشقق ايه وقتها

يا ترى اخبار الكبارى ايه ؟ ولا ولا ولا ولا ولا الاقمار الصناعيه والخامات والتصدير والاستيراد

يا جماعه الوضع الحالى مختلف تماما عن وضع ايام زمان

بلاش كل ده

تعالوا نفكر فى العائله زمان والان

هل ايامها كان فيه احد له طلبات تزيد عن بيت صغير به سرير ؟؟؟؟ واولادهم ما هى طلباتهم ؟؟

ما هى مشاكلهم التى حلها عمر ؟؟؟ فقط توفير اشياء بسيطه بالنسبه للان

طيب

تعالى نقول لرئيسنا خليك زى عمر

ماذا يفعل ؟؟؟

ببساطه يعطى كل واحد بيت من حجره واحده بدون مياه ولا كهرباء ولا تليفون ولا نت ويعطيه كمان
فوق البيعه حمار اسود فى ابيض

خلاص

تفتكروا مايقدرش ؟؟؟

ثمن مترو الانفاق وحده يكفى ان يحصل كل مواطن على السابق

قله الشقق وبتقولوا فيه ارض كثيره

ما فكرتوش المدن الجديده تحتاج مد مواسير بكام ؟؟؟؟ وكهرباء بكام
ده انت تروح تشترى وصله كومبيوتر ب 20 جنيه طولها متر

شوف كابل الكهرباء بكام المتر ويمتد كام كيلو متر

مش بدافع عن الحكومه

لكن فى الحقيقه حتى لو الكل امين الموضوع صعب جدا ومعقد جدا وكيف الحال يكون كمان مع السرقه والفساد ؟؟؟

عاوزين حل فى سنتين ؟؟؟ ههههههه لو جبتم عمر ومعاه صلاح ومحمد على اصلا سيستقيلوا قبل ان يبدأوا العمل

احنا مشكلتنا باننا عندنا مثل عليا لكن لا نفكر متى كانوا هم مثل عليا ( طبعا اقصد فى الانجاز لانهم مثل عليا ف الاخلاق )

فرق الامور ماهول وكبير جدا جدا ومعقد جدا كل شىء مبنى حاليا على بعضه

حتى قياده الناس تغيرت

زمان كان الناس لهم قدوه وطاعه وسهل التحكم بهم والخارجين عن الاصول كان عددهم قليل والطامعين
كانوا قليلون

العائلات حاليا اصبح صعب على رب الاسره حكمهم زمان شخطه واحده كانت تجعل الولد يعمل على روحه

وكانت الست تخاف من كحه زوجها

فى هذه الاوضاع الحاليه الامور صعبه جدا واكيد اصحاب النفوذ والنقود متحكمين ف الموقف والموظف
بيلعب عليهم وعلينا ويغطى تكاليف عيشته


======================

((( بس انت بتعمله ليك انت بس)))

الوطن هو افراد لو كل واحد بيشتغل شغله هو بس صح يبقى تمام لانه هو مجموع اعمالنا كلنا

وعلى فكره كل الناس بتعمل لنفسها اولا ومن ناتج اعمالها يستفيد الجميع
الاعمال التطوعيه وخدمه المجتمع وسد النقص

لاتحتاجها لو كل واحد بيشتغل لنفسه صح
ومادامت هى دليل على حب الوطن انك تفعل المزيد بدون مقابل يبقى اكيد انت فعلت اولا عملك وانتهيت منه تماما ثم ساعدت الاخرين

لكن لا تقول اساعد وانت لم تنجز عملك

هذا ما اقصده
انا لست ضد انى اشيل الشيبسى واحطه فى الزباله (( بس على فكره ده حب فى النظافه وليس فى الوطن ))

نفس أللى علموه ...
كان عمر إبن الخطاب بيخاف على الحماره تتكعبل فى السكة ....
يعنى دلوقتى المفروض يراعوا البديل للحمار و هو السيارة ....
ما أشبه الحياة الإنسانية ببعضها ^_^
و الرسول صلى الله عليه و سلم قال « الإيمان بضع وستون- أو سبعون- شعبة، أعلاها لا إله إلا الله، وأدناها إماطة الأذى عن الطريق، والحياء شعبة من الإيمان » [رواه البخاري ومسلم وغيرهما]
تأمل الحديث ....
أقل شئ فى الإيمان هو إماطة الآذى عن الطريق... معناها أن الذى يلقى عقب السيجارة فى الطريق ..إيمانه ... نااااا.........قص .
تخيل....
و بهذه الأمور البسيطة تبنى دولة ....


عاوزين حل فى سنتين ؟؟؟ ههههههه لو جبتم عمر ومعاه صلاح اصلا سيستقيلوا قبل ان يبدأوا العمل


هم لها.... فهم رجال...

لن نتخلى عن ديننا العظيم ..
هو دين صالح لكل مكان و زمان ...
لا إرهاب فيه ...
و لا ظلم فيه ...
فهو نظام متكامل ....
من سار عليه نجح ...
و من أبتعد عنه فقد ضل....
و منذ متى و نحن متآخرون ؟؟
عندما تخلينا عن ديننا ...
إن كنتم ستتخلون أنتم عن دينكم .... فلن نتخلى نحن عن ديننا

الاخ string_max
ياسر سال فين دخل قناة السويس؟؟؟؟؟!!!!!
رديت انت و قولت - اكيد فى السويس

وربنا ماحصل
ولا ريحته حتى
و لاقرش

حتى مشروعات الخليج
مبيخدوش من عندنا غير عمال
و الناس اللى هما ... هما يعنى
بيسقطوا علينا بالبراشوت
متعينين جاهزين و متظبطين ع الاخر
حتى اللى بيروح عامل بيمضى قبل عقد سنه على استقاله
يعنى باى باى بعد السنه

شعار المرحله
كوسسسسسسسسسسسسسسسسسسسسسسسسسسه فى كوسسسسسسسسسسسسسسسسسسسسسسسسسسسسسه

كلنا فى الهوا سوا
السويس زى اسكندريه زى القاهره زى باقى المحافظات

الكلام عن الحكومه فى موضوع الحر
حق مشروع للجميع
نكلم على كيفنا و محدش يحاسبنا
أأأأأه ضربة شمس

الكاريكاتير جميل جدا
لكن انت بهذا تخليني اسحب اوراقي من جامعه القاهره واللغي سفري للقاهره في الشهر القادم





تحياتي...........

(((لن نتخلى عن ديننا العظيم )))

خير ؟؟؟ فيه ايه ؟؟؟؟

حد اتكلم فى الدين ؟؟؟؟

وبعدين يا اخى هو رئيس مصر زمان وحاليا مسلم ولا ايه بالضبط ؟؟؟

(((((إن كنتم ستتخلون أنتم عن دينكم .... فلن نتخلى نحن عن ديننا)))))))

فعلا الحر شديد جدا يا ريت تبعد عن اشعه الشمس الايام دى

اخر من انتظر منه الكلام ده انت يا عماد
او اي شخص ليه علاقة بالهندسه حتي لو كانت هندسه وراثيه
ببساطه لان المجال ده بالتحديد يعرف سر الطبخه
وازعل جدا لما مهندس يحسب الحسابات بالطريقة دي
ياعماد الانتقال ما بيتحبش كده
بيتحسب بالمصفوفات
دائما الحركه الثانيه اسرع من الاولي
انا بشتري متر السلك بعشره وعشرين جنيه ببساطه لاني مش انا الي بعمله !!!
واغرب شيء شايفة في الحضاره الجديده فعلا انها لاتحتاج عبقريه
فقط تحتاج معرفة الخطوات فقط (ببساطه لانها تكرررت كتير )
الصين لو فكره بالشكل ده كان زمانها زينا دلوقت
وبعدين انا مابقولش عايزين نصحي من النوم نلاقي كل حاجا تمام
اصلا لو حسبت تكاليف الموصلات فقط ستجدها تفوق تكاليف نظام جديد
طيب ما بدل ما اعمل مترو للنفاق اعمل توزيع صحيح
انا مستفيد ايه من ان الناس رايحين جايين من الجنوب للشمال كل يوم ! عاملين بالظبط زي ام العروسه
كله بيجري في ولا حاجه
بالمناسبه
قطع غيار الكمبيوتر تباع لنا ب 10 / 1 من سعرها في الصين !
وتلاته علي واحد من سعرها في الامارت
الاجهز الكهربيه في السعوديه حتي سنة 2000 كانت ارخص من مصر بنسبه 30%
مصر حتي العام الماضي كانت اغلي تعريف محمول في العالم (ولم تنز من اجل سواد عيونا بل بسبب الشبكه الثالثه )
يعني لو الاسعار نزلت زي الخليج حال البلد هايتغير (في حين انك لا تدفع للموظفين نفس المرتبات )
السر في العدل يا عماد مش في الاقتصاد
زي ما قلت
اريد ان لما اعمل نفس الاشياء اصل الي نفس النتيجه
مش يبقي واحد شغال والتاني لاء وفي الاخر الاتنين زي بعض (طيب انتج ليه
)
زيزي انا ضد العمل العربي عربي نهائي وبشكل تام
طبعا لا اعيب في اصدقائنا العرب لكن اذا رأي ان مصلحتة في الكفاله فمن حقي ان اري مصلحتي في الغاء كل العقود
ونبقي حبايب
انما اسيب الورم ياكل العلاقة بين الناس يبقي حرام عليا
في حالة الغاء كل العقود ستكون النيه اصدق
الي يجي مصر ضيف لو ماشالتهوش الارض نشيله فوق دماغنا
لكن اسفر ولاد بلدي تحت قانون زي ده ابقي كافر وسأسال يوم القيامه عن كل واحد شاف اي شيء مشين بسبب وضع زي ده
واكرر انا لا اكره احد
لكن من حقي الحياه وانا رافع راسي

وكل ده من الحر

انا طبعا لم اقرا سيل الردود

بس ياريت نتكلم في الحر يا جماعه

التكييفات - الحر - الاحتباس الحراري

علي فكرة في نظريتين في العالم مهتمين بيهم جدا

الاولي :ان الاحتباس الحراري بسبب التلوث والمصانع .. وهذا هو الغالب الذي تتكلم عنه جمعيات حماية البيئة والجرين بيس ... ويتم الضغط علي الدول الثمان الكبري لتقليل التلوث من مصانعهم .. لكن الاقتصاد والمال لا يرحم حتي البيئة ...
وسيادتك شايف انت حران بسبب مصنع في دولة تانيه .

الافتراض التاني : ان الاحتباس الحراري تغير طبيعي .. وحصل قبل ذلك من قرون سحيقة نتيجة تغيرات طبيعيه ولا دخل للتصرفات الانسانيه فيه ..دا كان راي لعالم اسرائيلي ( مش عارف ليه الشبكت العالميه بتكتب كلمة اسرائيلي .. رغم انهم لا يحددون بلد العالم في العنوانين ) .. بس عموما الرأي قديم ... لكن لاعالم أكده .

وانا برجح انه ممككن الرأيين مع بعض .. لكن التلوث هو الاساس .
ايه رايكم.؟