Unconfigured Ad Widget

**cyfer** · 28 / 09 / 2007, 04:29 AM

الفكرة و لا هايفة و لا يحزنون .. الفكرة جامدة جدا لانها مفيدة ... و هو دا المهم من الاساس ....
حجم ال area light ... يساوى حجم الشباك .. بسيطة .. بس لازم يكون عندك قياس لطول و عرض الشباك ... بدون هذا القياس ... لا يمكن تحديد حجم ال area light .. ايضا .. لابد الطول و العرض يكونو متغير ... عشان السكريبت
ينفع فى اى مشهد ... مش مشهد واحد بس .

-بالنسبة لمحاذاة النافذة ... الشىء الموجود فى ذهنى الان هو اختيار اربع نقاط على النافذة ... لان مثلا يا ياسر افرض ان الحائط نفسه مائل ... النافذة ستكون مائلة ايضا .... يعنى لازم نحسب احتمالات وهمية و نظبطها كمان ....

-للاسف انا لازلت اعانى من فهم ال worlflow فى المايا ... مش عارف ليه ... بس مش مرتاح فيه

-الالتهاب كان عبارة عن كيس دهنى فى الجفن و موضوع سيء جدا ... وللمرة الثالثة اعمل نفس العملية ...

متشكر على السؤال يا باشا ..

-هاشوف اذا جاتلى اى فكرة احسن عن موضوع الarea light ...بس .... احيانا بتحتاج ال area light من خارج النافذة و احيانا من داخلها ... عشان ال indirect illumination ..... امممم و دى فكرة هايفة ؟ ياخى انه :P

diaaking
ربنا يخليك يا ضياء ... على فكرة .. فى ترويش بين الماكس و البايثون .. بس بدرى على الكلام ده دلوقت

**ahmadcg** · 28 / 09 / 2007, 09:15 PM

أي المعلومات الجميلة دي ياسايفر مشكور ياعمي

**ادور** · 01 / 10 / 2007, 01:09 AM

مشكوررررررررررررررررررررررررررررررررررر ولكم التقدم وجزاك الله خير

**y@sser** · 01 / 10 / 2007, 01:21 AM

والله مستر سايفر نفسي اتعامل معك وجها لوجه

ادعي لي بالعوده لمصر وهيكون بيننا كلام بأذن الله
ممكن اديلك الي عندي واخد الي عندك لاني متأكد ان دماغك ماياويه بالفطره
هناك اداة في الحزمه الاضافيه للنقاط تقوم بحساب المسافات بين النقاط بشكل اتوماتيكي وعرضه في شاشه العمل
فقط اذا استطعنا وضعها في متغير يكون مبني علي getAtter
ويكون البرسيجوال وضع قيمة هذه الاتربيوت علي طول وعرض الاريا فنكون حققنا الهدف الاول
بالنسبه للمحاذاه كان فيه درس بس مش فاكر مكانه هاشوفه ولينا كلان بيحدد احداثيات النقاط في المكان الجلوبال
سنحتاج ايضا لاخبار السكربت بمكان النقاط في وضع الجلوبال وتكون المحاذاه علي نصف الوتر بالنسبه لثلاث نقاط
(ستبقي مشكله الميل
لكن اعتقد انه كمرحله اوليه استثناء ممكن تداركه في فيرجين 2
مره تانيه الف سلامه مستر

**cyfer** · 01 / 10 / 2007, 10:23 PM

وانا كمان نفسى اتعامل معاك وجه لوجه .. و فعلا ياريت ترجع مصر و ان كنت انا مش عارف انت مسافر فين !

-انا مشكلتى مع المايا واضحة جدا .... معظم اللى عرفته عن المايا كان من ديجيتال تيوتورز ... الشركة اللى كرهتنى فى الزى برش فى الاول ... وبعد ما يئست منهم .... اصبح من احب البرامج الى نفسى ... بدون اى عمل او ى شىء بافتحه و باجرب وحوش و بنى ادمين ..... الخ

-انا فعلا مش فاهم هما فاتحين الشركة دى ليه ؟ انا مشفتش ليهم اى حاجة عميقة او قوية ... دايما يبعدوا عن الحاجات المهمة و يشرحوا حاجات سهل جدا انك تعرفها لوحدك

-جنومون .. للاسف ماعنديش منهم الا حاجات الماكس و الفوتــــــــــــــــــــــــــــــــوشوب

-بالنسبة للسكريبت بتاع ال area light .. لو ساعدتنى ... ممكن نعمله ببساطة
-احنا محتاجين اربع نقاط ... نعرف اماكنهم فى الجلوبال ... و بعد كده محتاج اعرف ازاى تعمل align ل grid او plane فى المايا على اربع نقاط ... و كده المسألة انتهت .... اللى انت مش عارفه .. ان انا ماعرفش اعمل قصة ال align دى فى المايا من غير سكريبت ! عشان كده واقف حيص بيص

- كنت لسه باشوف موضوع رمضان عن ال xsi .... و لقيتك يأست من البايثون ؟؟؟؟؟

طب جرب ده كده

كود:

from maya.cmds import*
m = 1
for i in range(1,11):
 	polyCylinder(radius = m, height = m)
	m=m+1
	move (m,m,m)

**y@sser** · 02 / 10 / 2007, 04:16 AM

كنت لسه باشوف موضوع رمضان عن ال xsi .... و لقيتك يأست من البايثون ؟؟؟؟؟

لا والله مش يأس ومش من بايثون بالذات
فقط امر بمرحله اتمني ان تكون مؤقته

معدل لستقبالي للمعلومات منخفض يشكل يضايق
انا كنت بأطحن في اسطوانت نومون بالجمله وغيرها من المصادر التعليميه
دلوقتي بذاكر اقل بكثير ومع ذالك معدل الاستيعاب اقل اتمني ان تنتهي هذه الحاله لاني لا احب ان ابقي بهذا الشكل
.................................................................................................... ...........
بص يا عم انا الجهاز بيعمل حاجات دلوقتي
لما يخلص هاتكلم معك في الطرق المتاحه في مايا
وكمان في سكربتين قريبين للعمليه الي بنتكلم فيهاممكن بفتح السورس تكون العمليه اوضح
واحد فيهم بيعمل كره وبيركب مصابيح علي نقاط الميش باستخدام الاحداثيات الجلوبال ليها (دا بخصوص الجلوبال )
والثاني بينسخ احداثيات عنصر لعنصر اخر
بس السكربتين melي فكره
بخصوص المحاذاه في مايا ليها 3 طرق
هكتبهم لك بالتفصيل في موضوع اخر بحيث لا يخرج موضوعك عن مساره

**xgraphics** · 28 / 10 / 2007, 12:03 AM

شكرا يامان على المعلومات المفيدة جدا واسلوبك اللي زي العسل انا ان شاء الله هدوس في موضوع البايثون ده

**GOMO** · 24 / 11 / 2007, 06:27 PM

الله يبارك فيك

**شعاع النور** · 24 / 11 / 2007, 09:23 PM

الله ييسر الامور .

**hogobingo** · 05 / 01 / 2008, 08:00 PM

الموضوع جميل جدا بارك الله فيك ليه مكملتوش
لى سؤال ليك كده على الطاير هو البايثون ممكن يعمل ايه لماكس وهل له علاقه بالماكس اسكربت ولا لا

**cyfer** · 05 / 01 / 2008, 11:21 PM

hogobingo

هناك اكثر من علاقة .
اولا : pipeline management .
بمعنى انك بالبايثون ممكن تعمل برامج "ادوات " لنقل geometry من ماكس الى اى برنامج اخر يدعم البايثون .
لكن ليس نقل ال geometry هو كل شىء .... حتى تكون الفكرة واضحة .... الماكس ممكن تعريفه ك ole server
فى هذه الحالة يمكنك ربط الماكس مع اكثر من برنامج .. ما يهمنا هنا هو البايثون نفسه ... الشىء الجميل انك تستطيع وضع اوامر الماكس سكريبت "بعد تعريف الماكس ك ole server " فى البايثون كما تكتبها تماما فى الماكس سكريبت
و سينفذها الماكس .... لو تفكر الان فى real flow مع ماكس .. ستجد امكانيات جيدة جدا ..
الحقيقة لو فكرت فى اى برنامج يدعم البايثون و ماذا تستطيع ان تفعل بينهم بطريقة الية .. ستجد امكانيات لا نهائية ..
المحزن فى الموضوع ان البايثون مع الماكس لا تنقل اوامر ... بل تنقل strings !
بمعنى انك لا تستطيع الاستفادة من مميزات البايثون كلغة برمجة بداخل الماكس سكريبت .

ثانيا : و هو شىء لم اجربه الى الان ... شركة blur الجامدة جد ا ... اظهرت اخيرا python wrapper يمكن استخدامه من داخل الماكس ! بمعنى ان كل ال modules الخاصة بالبايثون .. اصبح ممكن استخدامها عن طريق الماكس اسكريبت ! ... للاسف لم اجرب هذا الموضوع الى الان .

بخصوص تكملة الموضوع ... بامانة .. انا اشعر انى اكتب هذا الموضوع لنفسى فقط ... الان لا اجد ما اكتبه .. و لذلك فقط توقفت . ... حينما اجد فكرة ... ساكمله ان شاء الله .

بالمناسبة موضوعك عن الماكس سكريبت جميل جدا ...و لكن........... اعتراضى عليه كالاتى ... انت لم تبدأ من اساسيات اللغة و هذا سيجعل اى شخص يقرأ الموضوع .. يهرب منه و يتأكد فى ذهنه فكرة ان البرمجة لأشخاص معينيين ... انت لا تستطيع ان تطلب منى ان اكتب شعر بالفرنسية ... قبل ان تعلمنى على الاقل مبادىء اللغة الفرنسية !
لذلك تابعته من بعيد ... لكن اذا كان هناك اى شىء استطيع ان اشارك به .. فلا تتردد ان تخبرنى

**rekapidesign** · 06 / 01 / 2008, 12:59 AM

ازيك ياعم سايفر يا خارق الصراحه شرحك رائع للغاية ودمك خفيف جدا مما يجعل متابعة الموضوع متعه لا مثيل لها محاضر ذو دم خفيف موضوع تقيل قوي المحصلة تلاميذ عباقرة يعشقون استاذهم و يعشقون ما يفعلون الحقيقه انا اللي وجهت اخونا هوجوبينجو للموضوع بتاعك و الحقيقة انا وجهته علشان يستفيد من خبرتك ومن دروسك و ينقل منها اللي ينفعنا في الماكس اسكربت علشان انا دلوقتي متابع الماكس اسكربت و مش عاوز اشتت نفسي فاقترحت عليه انه يقوم بالمهمة دي لحدالواحد ما يخلص اللي قدامه في الماكس اسكربت بس انا معاك يا باشا بس التطبيق اصبر عليا شوية بالنسبة لموضوع الماكس اسكربت اسمحلي ارد عليك نيابة عن اخونا هوجو بينجو
هو في بداية الموضوع حاطط لينك فيه دروس فيديو الدروس من موضوع لاخونا صبري
بيعلمك من البداية يعني ماكس اسكربت كمان انا فهمت قصدك هوجو بينجو دخل في الموضوع علي طول يعني عرض اسكربتات للتنفيذ و كان من المفروض انه يقولنا في الاول علي الدوال الاكثر شيوعا في الماكس اسكربت مثلا مش هو ده قصدك اعتقد ان الحتة دي فاتيتو بس بصراحه انا شايف ان طريقتو دي في الشرح بتمكن اللي بيطبق الدرس انه يكتشف الدوال و العمليات التوجهية في الاسكربت لواحده و بكده مينسهاش ابدا لكن لو اخدناها في الاول هنبقي قاعدين في كتاب حفظناها و معرفناش لازمتها ايه
و علي العموم انا استريحت للطريقة دي جدا
انت بقي سيحت مخي الله يسامحك
اوعي الموضوع يقف كمل احسن ..... ازعل منك
بليز سايفر كمل الموضوع بتاعك و انا و هوجو بينجو جاينلك بالاسئلة بس اتقل علينا شوية

**cyfer** · 07 / 01 / 2008, 08:52 AM

rekapibhit

ان شاء الله اول ما يكون عندى فكرة ... هاكمل الموضوع يا اما على ريل فلو يا اما مايا ... انا مش عايز اكرر نفس اللى عملته فى ال اكس اس اى فى المايا مثلا ... هايكون تضييع وقت فقط .

بالنسبة لموضوع البايثون ... يعنى انت لو فكرت فى الموضوع انك تفهمه كله فى يوم واحد طبعا هاتتعب منه .
الصبر و تقسيم الموضوع جزء جزء ...هو الطريقة السليمة و هاتلاقيها سهلة .
على ما اتذكر ان اول مشاركتين فى الموضوع عبارة عن مقدمة عامة ... و ليست خاصة بالبايثون ... و بالمناسبة انا ابتديت بماكس سكريبت مش ب بايثون .

Unconfigured Ad Widget

إعـــــــلان

بايثووووووووووووووووووووووووووووووون............................ كلك حركات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق