طيب له حضرتك بتفكر فى طريقه للعقاب سواء كانت عمليه او لاء؟؟؟؟؟؟
خاصه ان حضرتك مدرس ابتدائى يعنى بتتعامل مع اطفال فى سن صغيره
لو الطفل كان بيحب مدرسه الحب ده هيدفعه انه يحترمه ويسمع كلام مدرسه من غير اى نقاش
ليه منعلمش اطفالنا حبهم للمدرس وهما فى سن صغيره قبل ما يفوت الاوان ونرجع نقول طالب ثانوى ضرب مدرسه؟
كان فيه مدرس بيدينى فى ابتدائى بيقولنا دايما ( التعليم فى الصغر كانقش على الحجر والتعليم فى الكبر كالنقش على الماء )
يبقى لما نفكر فى طريقه عشان نخلى الطالب يحب مدرسه
افضل كتير ما نفكر فى طريقه عمليه لعقابه
وممكن اوى ان مجرد انه يعرف ان مدرسه زعلان منه دى تكون اكبر عقاب

هههههههههههه
يا ريس كلامك يدل علي اننا جيران
المشكله الاغرب بقي
انا عمري ما واجهت مشكلة عدم الطاعة من صغار السن
لم تحدث ابدا
رغم اني بحكم ترتيبي في اخوتي كنت متولي المذاكره لولادهم
يكفي ان اقول افعل كذا يا فلان ليكون الامر منتهي
اعتقد ان هناك مشكله في تأهيل المعلم (وهذا ليس اسائه )
فنحن بحاجه الي اعادة تأهيل الطبيب والمحامي والمهندس وشكرة الكهرباء والتليفونات والطرق والصرف الصحي
يعني المنظومه كلها خربانه من الاول
ببساطه هناك عدم ثقة
والاكثر من هاذ وهذا من تجربتي الشخصي
اانا عندما كنا اطفال كنا نتقي شر المدرس ولا نسلم منه
فطبعي ان نكون اشرار

معلومة صغيره ياجماعة ..
الطفل في المرحلة الابتدائية من اكثر التلاميذ حركة و عدم انضباط .. و ده شيء فطري فيه مبيقصدوش لأنه بيكون لسه مأخدش علي النظام .. خصوصا في التلات سنين الاولي ..ده عكس الثانوي اللي عدم الانضباط فيه بيبقي مع سبق الاصرار و الترصد

طيب الاخ lele
مهما كان حب الطفل لمدرسه لابد يرتكب أخطاء .. و أنا لا أقصد الشغب لأن تلميذ الابتدائي متعب أحيانا لكنه غير مشاغب .. أخطاء كثيرة ترتكب من الاطفال خصوصا انك بتتعامل مع عدد مش بسيط منهم .. و في فروق فردية و العقل بيختلف من طفل لتاني ..
و علشان كده بنقول اللي يخطيء يعاقب .. طريقة العقاب ايه بقي ..
زيس ايز زا بروبليم

أخي ياسر ..
مش كل الاولاد بنفس اخلاق ولاد اخواتك ...
في بشر بيعلمو ولادهم قلة الادب

أخ محمد

مجربها بأكثر من حاجة مع اكثر الأطفال عندما تمنحه الحب وتصبح صديقه يستمع لكلامك لايغلط ولاتحتاج لضربه لأنه لن يغلط لأنه يعرف انك ستغضب منه لو غلط في أي شئ لاتريده ....



لكن يبقى فيه اطفال ثيران لو تعطيه من الحب قد ماتسوّي ثور مايفهم :d

و الله موضوع جميل
و ذكريات مؤلمه
و ساعات مضحكه
......................................
الطفل هو طفل
ابسط خلق ربنا و اطيبهم بس حبهم
انما احنا اخدنا على الضرب
فى المدرسه مش ضرب فقط لاء فى كسر ايد و بوانى و احيانا فتح راس
الطفل بيتعامل على انه حيوان لازم يضرب عشان يفهم و يتأدب و يحفظ
قال يعنى كده بيتعلم
طب ما احنا اضربنا
ايه اللى فضل معانا ؟؟ العلم ( اذا كنا اتعلمنا )
ولا الذكريات المبكيه و الموجعه
طب احناكنا هاديين شويه
يعنى شخطه و لا ضربه من عزيزه ........ نتلم و نهمد
لكن اطفال النهارده دول خلقة ربنا عفاريت مبيهمدوش حركه مستمره
من فتره سمعت دكتوره متخصصه طب نفسى اطفال و تعديل سلوك
قالت ان فى بحث كانت زميله لها شغاله عليه لمعرفة نسبة الاطفال اللى عندهم فرط حركه
فى الفصول كانت المصيبه انه النسبه فى العينه كانت الثلث
تلت االاطفال عندهم فرط حركه
يعنى طول ماهم موجودين بالفصل بيتحركوا و يقوموا من مكانهم و يتكلموا
عندهم نشاط زياده
الكلام ده تصدق انه حقيقى لما تاخد بعضك و تروح على اى عيادة تأمين صحى
و تعرف كام طفل بيصرف علاج شهرى للكهربا الزياده ( يعنى الصرع )
تتصدم بجد اعداد كبيره
يعنى لازم نعزر الاطفال و ننتبه ان جزء كبير من نشاطهم و حركتهم و رخامتهم
مش بقصد منهم
و اذا كنا احنا اتحملنا الضرب مش لازم نسلمه للاجيال اللى جايه
حرام يبقى احنا و التلوث و المرض على الكائن الضعيف
اللى لو عاملته بصداقه و شوية ثقه تلاقيه 100 ميه
و مؤدب و مسئول
...............................................................................

لا مفيش بروبليم خااااااااالص لو فعلا الطفل حب مدرسه مش هيحتاج عقاب اكبر من نظره غضب المدرس ليه
وعشان يرجع علاقته زى ما كانت بمدرسه دى هتخليه يتعلم ازاى يعتزر عند الخطاء
ومش عايزين غير كده طفل غلط وخاف على زعل مدرسه منه واعتزر
النتيجه = طفل هيتعود يحترم الاكبر منه


لو العقاب ضرب هيعمل غلطه صغيره هيضرب عارف غلطه كبيره هيضرب هو عارف نفسه مضروب مضروب
ايه اللى هيخاف منه؟؟؟؟؟؟؟؟؟؟؟؟؟؟؟؟؟؟؟؟؟

شكرا لكم جميعا فردا فردا
لكل من أبدى رأية
ولكل من شاركنا بتجربته السيئة والجيدة
ولكل من مر بالموضوع

كلام جامع بواسطة زيزي

الحقيقة أنت جيت على الجرح
والضرب والعنف عموماً له أثاره السيئة جداً على الأطفال خصوصاً وحتى الشباب والكبار ( سواء كان من الأهل أو من المدرسة أو الشارع أو أي مكان )

أنا عن نفسي لو يطلع أبني مدلل أفضل من أنه يطلع ضعيف الشخصية ومهزلة لكل الناس ويكره نفسه وممكن ينتحر في النهاية أو ينتقم من الي سلب شخصيته منه أو على الأقل يعيش بقية عمرة في كابوس من الأمراض النفسية كله بسبب العنف

بس الحق أن .. لا العنف ولا الدلال ينتجوا الرجال

لكن عن نفسي أفضل الدلال على العنف مليون مرة
الدلال = الدلع

انت اصغر مني و اضعف مني ليه مضربكش و افش غلي فيك؟

سؤال

انت جبت الخلاصه
هل كان المدرس سيقوم بنفس الفعله اذا كان الطالب متفوق جسديا ؟

عندنا كان العيال الفطاحل(الضخمه يعني) مكنش المدرسين بيفتحوا بقهم معاهم و لا بيكتبوا غياب و لو ضربوا مدرس ما حدش بيقدم ضدهم شكوي

جبن بقي

فعلا لو الطالب يفوق المدرس جسمانيا مش ممكن هيفكر يضربه

كان فيه مدرس اخويا بياخد عنده كان يا ويله اللى يغلط ( هو مدرس ثانوى )
كان بيضرب الطلبه بغبااااااااااء
فى مره اخويا كان رايح يزوره فى درسه لقاه بيضرب بطريقه هبله
بيقوله ايه ده يا مستر
ايه التغير ده
طفره حصلت ولا ايه؟
قاله لا ابدا
انا بقيت بضرب عصايه شرفيه
قاله دا من ايه بقى؟
رد عليه قاله اصل حصل معايا موقف خلانى ابطل موضوع الضرب ده خاااالص
ساله ايه اللى حصل يا مستر
قاله يوم كان طالب مش حافظ كويس فالمفروض انه يضرب الولد رفض انه يضرب
فضربته على كتفه
الولد هاج وبقى زى المجنون وقام مسك فى ادام كل الطلبه
بقيت بدعى ربنا بس انه ميوقعنيش على الارض لانى بعدها هكون انتهيت
لو ولد ضربنى ووقعنى على الارض كمان ادام زمايله مش هعرف ادرس لهم تانى
وطبعا الدروس اكل عيشى


يعنمى يوم ما فكر انه يضرب عصايه شرفيه زى ما بيقول مش عشان سواد عيون الطلبه
ولا رحمه بيهم
لا عشان عرف ان فيه اللى ممكن يتسبب فى اهانته ادام الطلبه