وهو انا قلت مش عاجبانى ؟؟؟؟؟؟ او قلت صفه وحشه ؟؟؟؟؟


طيب ماهو معروف ان الشرقاويه صفتهم الرئيسيه الكرم

لو كنت كتبت دى كنت توافق ؟؟؟؟

ولا كنت تكتب مش علشان واحد كريم تقول على كل الشرقيه كده ؟؟؟

عادى انك تلاحظ شىء وتذكره هذا ليس معناه ذم

وبالمناسبه حصلت حريقه فى بيت واحد شرقاوى ولما وصلت المطافى حلف عليهم يتغدوا قبل ما يطفوا اى شىء






- من بقيه الصفات للشرقيه :

النوم هام جدا لهم ( هذا لا يعنى انهم مهملين او يناموا وقت العمل )

لكن عاوز تعذب شرقاوى ؟ خليه يسهر ويصحى بدرى


- تحمل غضب الاخرين بابتسامه

ممكن الشرقاوى يتحمل شخص لابعد الحدود وهو ثائر وهو يقابل ذلك بابتسامه وهدوء
وفى النهايه يحقق الشرقاوى ما يريد رغم معارضه الشخص الاخر الشديده

يعنى لا يثنيهم احد عما قد فكروا فى فعله



يا ريت لا تأخذ الموضوع على انه ذم ولا اهانه

طيب يا بشمهندس عماد ايه صفات الشبراوية ( من شبرا يعني ) بما ان ملاحظتك قوية كدا ؟؟؟

lol

مازلت مصر على ان الأستاذ عماد حاد في كلامة ولكن بعدما عرفت انه كبير سنا فلن أستطيع الرد

ولكن ما القصد من هذه الجملة:

ابن عمي جايب 98 وما قدر يدخل طب اش العمل

وعيب عليكم انتوووو كبار

بالفعل تنسيق السنه دي كان سيء للغاية

يا عم
احنى اصلا مش بتوع تنسيق
معاك فلوس روح ادرس ب6 اكتوبر
ونسبتك 90

ولو ملحقتش 6 اكتوبر ممكن تدخل مودرن اكاديمي بمجموع تقريبا70%

ليه تجيب اكتر لما ممكن تجيب اقل

من المفروض أن أضيف الرد باحترام الردود الاخرى وليس بهذه الطريقة
فهذه ليست من أداب الحديث
وربنا يهدينا ويهديكم جميعا وجزاكم الله خيرا

يارجال
نجيب 90 ونروح ندرس طب في مصر للعلوم والتكنلوجيا

يا احمد يا مصرى

انا اقصد ان المتفوق يجب ان لا يهتم بصعوبه الكليه بل يتحدى هذه الصعوبه

اما من يخاف الصعوبه هذا يدل على ان تفوقه ليس من صفاته بل اتى بالمصادفه

مافيش حده ولا حاجه

المفروض بما انى اكبر سنا بأحاول بث روح التحدى فيك واعلمك ان المنافسه فى الصعب افضل من التعلم السهل

المشكله ان الجميع يبحث عن الراحه والسهوله لكن الحياه علمتنى ان المجهود ستبذله ستبذله
لو ارتحت فى الكليه يبقى بالعكس فى حياتك العمليه ستتعب مضاعفا وتكون فى سن لا يتحمل التعب

بينما لو تعبت الان وانت صغير سترتاح وانت كبير تحتاج الراحه

والتحدى والمنافسه تكون فى قمتها فى سنك حتى احتمال الغربه والسفر للكليه يوميا

يعنى سنك مش وقت السهوله والراحه ولو لم تحقق ما تريده لراحتك ما فيش مشكله اتعب

كل هذا التعب ستنساه ويزول

بلاش نزعل من الكلام الحاد بتاعى بل نسأل ليه بيقول كده يمكن عنده خبره ؟ يمكن شايف حاجه غلط ؟

انا يهمنى تبقى وحش قوى على العلم وتبذل مجهود ويكون مستوى تعليمك صعب وليس انك تتوه فى كليه سهله

هذا يجعلك متميز واقوى عند تخرجك وعلى الاقل تستحق كلمه خريج

بالعربى احنا كمحترفين نعانى من خريجى الكليات الهندسيه السهله تخرجوا منها ومعلوماتهم صفر

وهم عرضه للاستهزاء منا اثناء تدريبهم وعندى بحكم الخبره امثله كثيره

منها مهندسه كومبيوتر خريجه عين شمس تعمل فى وظيفه برتبه مديره مركز معلومات
وخبيره شبكات ودرجه وظيفيه اولى يعنى خبره 20 سنه

ولا تعرف اى شىء فى اى شىء

==========
لو قالوا لى ادخل جامعه من بتوع قبرص ارفض
لو قالو لى ادخل جامعه صعبه جدا جدا جدا انا عن نفسى اقبل

===========
ارجوا ان تكون فهمت ما اريد ايصاله لك وبما انك متفوق لا تدعنا نحس كان تفوقك هذا وقتى
يزول فى الجامعه

لان بطلبك كليه سهله تخلينا نشك فى قدراتك

=================================

الشبراويه : طبعا عندى ملاحظات عنهم

من تركيبه ملابسهم تقدر تعرف انهم شبراويه وياريت تنظر للحذاء من الموديلات المختاره تجدهم كلهم يدورون فى نفس الشكل تقريبا

اما عن الطباع :

مرحبين جدا بالضيوف - يحبون الضحك - مثلهم الشعبى الذى يسلكوا به ( تقيد نار تصبح رماد )

اى انهم لا يشيلوا الهم ويتركوا يخبوا لثانى يوم

-- جدعان جدا فى المساعده

لا احب الردود الطويله

بدأت أقتنع تماما بكلام حضرتك يا أستاذ عماد وأنا أسف على الفهم الخاطىء للجملة .. ولكن عتابي على وصف الشرقاوية ...عالعموم حصل خير ومفيش مشاكل وياريت الموضوع ينتهي وبلاش ردود تاني يا جماعة

ليحيا التعليم بالوطن العربي