طيب انا ممكن فعلا اعمل كده وبكل سرور بس قولى على الإسكربت وانا هشرحولك
او قولى فين وانا اجيبه واشرحولك يعنى اى اسطوانه والإسكربت رقم كام وهكذا

وانا معاك واحده واحده
والله المستعان

الف الف شكر أخى على سرعة الرد
هذا هو الإسكريبت فى الأسطوانه الأولى


ca=attributes footControls
(
parameters params rollout:footR
(
footRoll type:#float ui:footRollSp
toes type:#float ui:toesSp
knee type:#float ui:kneeSp
)
rollout footR "Foot Controls"
(
local range=[-90,90,0]
spinner footRollSp "Foot Roll" range:range
spinner toesSp "Toes" range:range
spinner kneeSp "Knee" range:range
)
)

custAttributes.add $.modifiers[1] ca



ثم عدل عليه فأصبح هكذا


ca=custAttributes.getDef $.modifiers[1].footControls
attributes footControls
redefine:ca
(
parameters params rollout:footR
(
footRoll type:#float ui:footRollSp
toes type:#float ui:toesSp
knee type:#float ui:kneeSp
)
rollout footR "Foot Controls"
(
local range=[-90,90,0]
group "Foot Controls"
(
spinner footRollSp "Foot Roll" range:range
spinner toesSp "Toe Wiggle" range:range
)
group "Leg"
(
spinner kneeSp "Knee" range:range
)
group "Keying"
(
button resetAll "Reset All"
)
on resetAll pressed do
(
footRoll=0
toes=0
knee=0
)
)
)

--custAttributes.add $.modifiers[1] ca

الحمد لله انك لسه موجود وبترد علي موضوع الماكس اسكربت ده
الحقيقة انا لسه لحد الان متابع الموضوع وبدور و تعبت من البحث والتنقيب
ملف help بتاع الماكس فيه تمارين كتير بس علي الرغم من تطبيقي لتمارين كتير من الموجودة في الملف بس برضه حاسس اني لا املك الادوات اللي بيها ممكن اعمل اسكربت بايدي
يعني مثلا لو انا عاوز اعمل اسكربت عبارة عن زرار فيه موديفير معين من موديفيرات الماكس ليكن turbosmooth طبعا ده بالنسبة ليا انا كمبتدأ صعب
نرجع لموضوعنا فكرو عمل زرار يعني ازاي اعمل زرار تتلخص في جملة في نهاية الاسكربت create dialougebox تقريبا او حاجة شبه كده مش فاكر بالظبط
كمان انا محتاج افهم الادوات يعني كان المفروض من الاول تشرحلنا الكلمات المستخدمة في عمل الاسكربتات زي مثلا ايه هي فوايد الكلمات دي ومعناها :
rollout , in , on , if ....then.....else statment
وغيرها طبعا من الكلمات المستخدمة في الاسكربتات
يعني يا معلم انت جبت معانا من الاخر ودخلت في الموضوع علي طول
بالمناسبة انا اتعلمت من موضوعك كتييييييييييييييير جدا بس المشكلة اني ملت في الاول لاني حسيت ان من المفروض عليا اني احفظ كل اسكربت اطبقه و من هنا تسرب الي الملل
علي العموم ياريس انا معاك يعني هحاول اساعد شوية و افتكر دلوقتي انك حسيت من كلامي اني بقي عندي خلفية مش بطالة بس برضه يبقي الاستاذ هو الاستاذ يا معلم
انا اسف علي التطويل و انا عارف انك مشغول ربنا يوفقنا واياك الي ما يحبه ويرضاه

اولا ردا على الأخ nerosoft اول حاجه دى اسكربت بتاع اسطوانه الرجنج واحب اقولك ان دى مرحله متقدمه جدا من تعلم فوائد الماكس اسكربت انا شخصيا لسه مدخلتهاش وده مش لانها صعبه ولكن لأن ده محتاج تعلم كل شئ عن الأنيمشن والبون والإسكربت هنا بيدى قوه للرجنج بس انا منصحكش تبدأ بالإسكربت بتاع الرجنج قبل تغلم الرجنج نفس لكن فى كل الأحوال انا هشرحلك هو عمل ايه فى الإسكربت ده

اولا جه يقول ان ca تساوى اتريبيوت فوت كونترول هنا ساوى الشئ الغير معلوم بشئ معلوم زى كده ما نيجى نقول ان احمد فواد سعد الدين ابراهيم هنعوض عنه ب حوحو والتالى كل ما هنيجى نقول حوحو الناس هتعرف اننا قصدنا على احم فواد سعد الدين ابراهيم وهكذا
بعد كده تأتى عمليه فتح الأقواس ودى عمليه مهمه علشان الأوامر متسحيش على بعضها سواء للكومبيوتر او للشخص المبرمج علشان يقدر يعدلها غى اى وقت
موضوع parameters ده موضوع كويس بيستخدم فى عمل البلاجن او عمل parameters للشئ فى اى rollout يعنى بأختصار هو بيعرف ايه هى الأدوات اللى هتستخدم فى التغييرات والأمر ده بيستخدم فى حاله اننا هنزود اوامر فى rollout الأساسيه اللى فى ماكس بيحث تظل مع المجسم حتى بعد غلق الماكس وفتحه مره اخرى اما استخدام ال rollout فقط ده بيكون فى حاله عمل نوافذ اخرى تظهر وتذهب مع غلق الماكس ... المهم علشان موجعش دماغك دى حاجات المفروض تكون عدت عليك قبل كده علشان تفهمها اكتر
بعد كده هنلاقيه فال params بعد parameters وده يعنى ان اسم ال parameters هو params وده لابد من وجوده فهذا هو الإسم الذى لابد من وجوده وهذا للتعريف جوه الإسكربت ثم rollout:footR وده علشان يوضح ان المتغيرات دى للرول اوت فوت ار ويتكلم موضحا المتغيرات دى
ثم يبدأ فى الحديث على ال rollout footR ويضع ما بين القوسين اسم ال روول اوت وهو "Foot Controls" وهذا الأسم هو ما سوف يظهر للمستخدم اما footR او params هو الأسم الذى يستخدم داخل الإسكربت ولا يظهر للمستخدم

بعد كده تكلم عن local range=[-90,90,0] هنا بقى لنا كلمه وشرح local دى بتستخدم لتعميم شئ داخل الأقواس ودى عكس كلمه global التى تستخدم لتعميم شئ فى كل مكان وحتى بعد غلق الإسكربت ويمكن استخدام الشئ الذى يأتى بعدها حتى فى اسكربت اخر المهم جه هنا وقال ان range دى مستخدمه بشكل لوكل وهى تساوى اقل رقم لها ناقص 90 واعلى رفم لها 90 والرقم الأساسى اللى هيظهر فى الأول هو 0 دى هى صيغه للتعبير عن مدى اى اسبينر لذلك جه فى كل اسبينر وبدل ما يكتب المدى بتاعه منفردا لا قال فى الأول ان local range=[-90,90,0] ثم جه فى كل اسبينر وقال ان range:range وبالتالى فأن مدى كل اسبينر منهم هيكون نفس المدى طبعا لو عايز تفهم اكتر كان ممكن يكتب
وهتدى سعتها نفس النتيجه او انه يقول
اعتقد كده اتفهمت اكتر بس.....

فى الأخر بقى قال يا كومبيوتر اضف للأتربيوت custAttributes.add اللى موجود فى المجسم اللى انا مختاره وعمله سلكت $ فى المودبفبر الأول بتاعه .modifiers[1 ال ca اللى احنا قولنا عليها فى الأول بتساوى attributes footControls

وطبعا من السطر الأخير ده علشان تشوف النتيجه المظبوطه اكتب الإسكربت المبين فى الأول

ثم اعمل اى مجسم بوكس مثلا ثم ضع عليه الموديفير Attribute Holder طبعا هتلاقيه فاضى ثم شغل الإسكربت هتلاقى امامك النتيجه طبعا وانت عامل سيليكت للمجسم

بس اكيد النتيجه المفروضه فى الأخر اللى اتعمل علشانها الإسكربت مش هتطلع صح الا على المجسم اللى هو عمله فى الرجنج ده كده اللى احنا عملناه ده علشان الشرح فقط

انا اسف يا rekapidesign انا هرد عليك قريب ان شاء الله بس الموضوه خد وقت طويل لشرح الموضوع ده بس انا عمرى مهنساك طبعا بس اصبر عليه شويه او شويتين

وارجو ان اللى انا كتبته يكون مفهوم وانا برضه فى الخدمه لو عايزين حاجه تانى

جزاك الله خيرا أخي مش عارف أقول لك أيه ربنا يبارك لك
أنا على فكرة خضت فى موضوع ال rigging جامد مع العلم انا طالب فى كلية هندسة قسم حاسبات
وأخذت لغات برمجة كتير يعنى حفهم معاك بسرعه
أنا حطبق الموضوع ده سأعطيك الرد
وألف شكر

وانا منتظر ردك وان شاء الله ارد على الأستاذ rekapidesign قريبا

ca=attributes footControls

فى هذه العملية يقصد أن هناك أسم مختصر اسمه ca وعندما نريد أن نطبق هذا الأسكريبت نستدعيه
ونوعه attributes ( ماذا يقصد بها ؟؟؟ هل يقصد ضيف هذا المتغير فى ال attributes لل modifier )
فما فائدة footControls ؟؟؟ هى أسم لمن ؟؟؟

والله ده موضوع مليطه وزى الفل بالصلاه ع النبى

ما شاء الله السكربت مهم فعلا للى عايز يحترف بجد

ريجينج لعجلات السياره ياريت تشرحولى وجزاك الله خيرا

distCA = attributes "dist"
(
parameters main
(
dist1 type:#float
)

)

custAttributes.add $ distCA
$.rotation.controller[2].controller = float_script()
$.rotation.controller[2].controller.addNode "self" $
$.rotation.controller[2].controller.addNode "p0" $.parent
$.rotation.controller[2].controller.script =

"radius=45*p0.scale[1]
val = 360/(3.14*radius*2)
at time (f-1)
(
p1 = p0.transform
oldPos = p0.pos
)
newPos = p0.pos
dist = distance oldPos newPos
mult = (normalize (p1 * inverse p0.transform).pos).x
if mult <= 0 then mult = -1 else mult = 1
with animate off(
self.dist1 += dist*mult)
-(degtorad self.dist1*val)
"

اخي الكريم لدي سؤال هل في الماكس سكريبت كود مثلا يمكنك ان تحصل من خلاله على البوزيشن والروتيشن للمجسم مع الورلد حتى لو كان معمول له بارنت مع مجسم اخر هذا شيئ مهم جدا بنسبة لي

هو مفيش حد معبر ولا إيه

جزاك الله خيرا
انا فاهم الكلام اللي قلتو كويس بس عندي استفسار بسيط : هل الموضوع بسيط لدرجة اني ممكن اتعامل معاه بدماغي
يعني افهم مش احفظ الاوامر ولا لازم احفظ الاوامر زي html و البيزيك و كدة؟؟
و جزاك الله خيرا مرة تانية انا في انتظار المزيد من دروسك
وفقك الله و ايانا
اه بالمرة عجبتني اوي الحتة بتاعت شدو حيلكو يا رجالة عايزين نغلب الاجانب ... انويها لله ربنا يتقبل منك و نغلب الاجانب
اصل احنا مجاهدين بس في ميدان تاني ..

[جميلة هذه جدا

السلام عليكم ورحمه الله وبركاته

معلش يا جماعه والله انا عارف انى مقصر معاكم بس والله مش بإيدى وانا لسه معاكم بالنسبه للأخ بلاك فاير انا بس احب اقولك مافيش حاجه منعانى الا الشغل وانى ما بدخلش كتير على النت ويمكن انا قولت لناس هنا كتير الكلام ده على الخاص فمعلش اعزرونى ... طبعا انتوا حاسين انى واحد دخلكم البحر وسابكم تغرقوا بس معلش انا بحاول واحده واحده اجاوب على كل واحد منكم بس اتمنى ان يعزرنى الجميع على قله الردود فهذا خارج عن ارادتى والله يعلم اد ايه الموضوع ده خارج عن ارادتى ....

هجاوب تباعا على كل منكم ولكن اولا هجاوب على الأخ rekapidesign كما وعدته

اولا مبروك على اللون الجديد اللى انت بتكتب بيه واضح انك زهقت من الألوان الحمرا....:-)
ثانيا بقى بالنسبه ملف help بتاع الماكس ده يا جماعه مش قليل ده جامد جدا والغريب انى لاقيت ناس كتير على النت مطلعه منه حاجات مش مشروحه خالص فى اى شروحات وده لان الإسكربت برغم انوا مجال من أكبر المجالات الا اننى لم اجد شروحات تغطى الا 10% من امكانياته لذلك ارى ان ملف الهلب ده مهم جدا ولن يخرج منه المنهج :-) .....

اما بالنسبه لموضع الشرح المفصل فأنا كما قلت فى البدايه انا حبيت افتح الموضوع مش من الأخر وانما لتبادل المعلومات وحل المشاكل التى تواجه الفرد منا فأنا اعرف نفسى لن استطيع ان اكمل معكم موضوع الشرح من البدايه للنهايه وفعلا عرض على احد الأعضاء المشهورين هنا بدون ذكر اسماء ان أقوم بهذا الشرح وعمل شروحات وكان ذلك فى احد المنتديات الأخرى ووافقت ولكن الأمر فعلا عجزت فيه ... ولكن لا تقلق سوف احاول دائما ان اشرح الأمر بين الحين والأخر ولكن دون منهج محدد كما سيلى بعد ذلك

اما ردا عليك انت والأخ الخادم فى موضوع حفظ الأوامر فأحب اقول اننى انا شخصيا شخص يتمتع بعدم وجود زاكره دائمه فى السى بى يو بتاع دماغى ودائما ما افتح الهلب او الإسكربتات اللى انا عملتها قبل كده للحصول على الكود المرغوب ولكن بشكل عام المفروض اولا انك تفهم طبعيه الإسكربت وده مثله مثل البرمجه العاديه اللهم ان كان فقط الإسكربت اسهل من البرمجه ولكن لابد ان تفهم الأوام وطبيعتها وما يسمى بالنحو الخاص بترتيب الكتابه اما الأوامر فده امره بسيط يمكنك دائما ان تحصل عليها مثلى من الهلب او من شروحات او من اسكربتات معموله قبل كده انا شخصيا تعلمت بتلك الطريقه وأستخدمت شروحات واسكربتات معموله من قبل الفرق بينى وبينكم ان زمان مكنش فيه غير الهلب وواحد فقطصديق لى هو اللى كلن بيدعمنى ... والموضوع يمكن يكون صعب حبتين فى الأول وهتحس ان الموضوع كله قص ولزق ولكن بعد فتره ستجد نفسك تجيد كل شئ وتكتب اسكربتك الذى تريده بنفسك وعلى هواك بس الصبر والسعى هما مفتاح النجاح...

اما بالنسبه لشرح طلبك بخصوص
لا لو انا عاوز اعمل اسكربت عبارة عن زرار فيه موديفير معين من موديفيرات الماكس ليكن turbosmooth طبعا ده بالنسبة ليا انا كمبتدأ صعب
نرجع لموضوعنا فكرو عمل زرار يعني ازاي اعمل زرار تتلخص في جملة في نهاية الاسكربت create dialougebox تقريبا او حاجة شبه كده مش فاكر بالظبط

اولا علشان تعمل زرار وشاشه منبسقه امامك حلين ام انك تعمل الديالوج بوكس او انك تعمل فلوتنج ويندوس الفرق بين الأثنين فروق خاصه بطريقه عرض الإسكربت بمعنى اكثر
انا بعمل الديلوج بوكس فى حاله انى ارغب بعمل شاشه واحده فيها روول اوت واحده ولا يمكن منها تكبير او تصغير شاشه العرض وكمثال اسكربت اللى موجود فى الماكس بتاع ال

Renmae Objects

وكمثال للفلوتنج هتلاقى Render to Texure هتلاقى فيه كذا روول اوت ويمكن تصغير او تكبير الشاشه هذه هى الفروق من حيث الشكل اما من حيث الكتابه فمش عايزك تشغل دماغك كتير لأن دائما فى فرق من النص الأساسى والنص التأمينى او الماسك ايروور كما تفضل احد الزملاء هنا بالكلام عنه وده دائما بيتعمل علشان ميجيش المستخدم يغلط زيبوز الدنيا

المهم علشان تعمل البوكس او ال create dialog box فهذا هو النص الأساسى
اما عن الفلوتر فأن صيغته تختلف
هكذا هو الإختلاف بينهم من حيث الشكل والصيغه وطبعا الأسماء والأرقام يمكنك تغيرها مع مرعاه ان الأسماء المكرره تكتب مكرره طبعا...

المهم رجوعا للزرار وهناخدوا على الديلوج بوكس حيث اننا مش هنحتاج الا زرار واحد هيكون كالتالى

ده كده هيعملك الزرار اللى انت عايزه بس طبعا لما هدوس عليه من هنا لبكره مش هيعمل حاجه بس المهم دلوقتى انى انا عملت الشكل العام للإسكربت طيب دلوقت لازم نكتب الإسكربت بقى ازاى هقول لنفسى انا عايز اسكربت اختار فيه المجسم اللى انا عايزه ولما ادوس على الزرار الاقيه يضيف موديفير اسموس عليه اوكى يبقى هنقول يا كومبيوتر وانا عامل اختيار للمجسم رووح ضييف موديفيير اسموس اول ما ادووس على الزر بتاعى
[CODE][rollout Dialogname "any name you need"
(
button button_name "Add Mesh Smooth yaa basha"

on button_name pressed do
(
obj_sel = $
addModifier obj_sel (MeshSmooth())
)
)
CreateDialog Dialogname/CODE]
اول حاجه قلنا لما الزار بوتون نيم يداس اعمل ثم فتحنا قوسين وقولنا ان الاوبج سيل هو هو السيلكشن دلوقتى وتانى سطر قولنا بصيغه اضافه الموديفير ودى انا استخدمتها كتير وبالرغم من ذلك انا لسه جايبها تانى من الهلب ضيف له الموديفير ميش اسموس
وبكده نكون عملنا الزر جربوا ده واحتمال تخرجلكم اخطاء احتمال جربوها واحنا نجاوب على كل منها بس انا هنا شايف ان احنا شرحنا شويه حلوين ياريت بقى الناس تدور فى الهلب ويجيبولنا امثله تانيه واخطاء اخرى

بالنسبه لبقيه الأخوه سوف اجاوب تباعا حسب الوقت وسهوله السؤال لآنى والله انا اللى كتبته ده لغايه دلوقت واخد منى ساعتين كتابه وتجربه بدون مبالغه ومحاوله تبسيط الكلام

لذلك معلش اعزرونى ومش هنسى واحد ان شاء الله

السلام عليكم ورحمه الله وبركاته

عامل ايه وايه اخبارك ...فينك من زمان
بالنسبه لموضوع السؤال بتاعك اعتقد ده ممكن جدا بس انا نفسى اعرف سؤالك بشكل ادق يعنى ايه المطلوب بالضبط وعايز تعمل بيه ايه يعن انا قبل كده عملت اسكربت يحفظ البوزيشن والروتيشن بتاع اوبجيكت ثم بختار اوبجيكت تانى واديلوه نفس القرأت بالضبط ده فادنى فى حاجات كتيره دقيقه فهل هذا ما تقصد ان تصل اليه ام ماذا