تويت
بسم الله الرحمن الرحيم
السلام عليكم ورحمة الله وبركاته
السلام عليكم ورحمة الله وبركاته
أولا : احب أعرفكم اني مصري وبحب بلدي جدا جدا , وكمان فرحت قوي لما كسبنا المباراة , ولكن ..........................
بعد ما خلص الماتش جلست أشاهد البرنامج اللي بيقدمه الكابتن شوبير
وهو يعرض فرحة الناس بالفوز واغاني وطنية وحركات واشتغالات والناس فرحانة "وبيب بيب تحيا مصر"
وفجأة لقيت الكابتن جاي على الشاشة وهو بيقول الخبر اللي جابلي الضغط : " الاستاذ فلان اتبرع للمنتخب بـ 2 مليون دولار والباشا عِلاّن اتبرع مش عارف بكام ,,,,,, وكام مليون جنيه من هنا ,, وحبة دولارات من هنا واللي هايطلع حج وعمرة ..... وزي ماتكون طاقة القدر اتفتحت للاعيبة المنتخب والفلوس كتيرة في البلد ومش عارفين نوديها فين لدرجة ان احنا بنتبرع (وحط تحتها خطوط) للمنتخب ,,,, مع العلم انهم اصلا هايخدو فلوس من الفوز بالكاس ""ده مش حقد على حد والله"" ياسيدي ربنا يزيد ويبارك كمان وكمان بس أنا اللي حرق دمي إن الفلوس دي كلها بتطلع بس عشان كسبوا الكاس وفي المقابل بنسمع بعدها إعلان مستشفى السرطان " اتبرع ولو بجنيه" ............. ياسلااااااااااااااااااااام بجد حرقة دم
هو المنتخب يكسب نتبرعله بالملايين ,,, ونيجي على الناس اللي محتاجة ونتبرع لهم بجنيه ؟؟؟ صحيح حال الدنيا غريب 
ولا هي البلد ماعدش فيها ناس غلابة ومحتاجين ؟؟؟ .... ولا يمكن انا عايش في بلد تانية غير مصر عشان كده مش عارف اللي بيحصل فيها
على العموم مبروك لمصر وعلى رأي المثل ( اللي معاه قرش محيره يتبرع بيه للمنتخب )
سلام ................
تعليق