Esamdrsh : والله يا صديقي أنا فكرت غلط ، يمكن الغباء بينفع في هيك مواقف . :

Libya82 : نعم أخي هشام وجود خلفية عن أمور مشابهة يساعد في الحل .

Cortex : الحمد لله ......

Iddouchayt : وأنا فكرت مثلك أخي ....

Shrek : الحمد لله ......

فلاشــــــــــاوي : ههههههههههههه وبتعرف ليه محمدين انتحر ............. ؟؟؟؟؟ لأنهم ألغوا الرحلة ...

Funtoon : لا يوجد فنان مجرم أخي ..... وأنت فنان .......

M.Romance : قد يكون هؤلاء الأطباء مجانين ، لأن الأفكار الجهنمية لا تأتي إلا من مجانين ....

العقرب77 : نعم أوافقك أخي ....

asaba90 : هل تعتقد ذلك ؟؟؟ يعني الحمائم والصقور !!!!!!!!!!!!!

Veteartist : الحمد لله ......

Tomayo : سليمة أختي ......

يوسف بصول2 : لا لا أفكارك ليست إجرامية ...... راجع نفسك .......

انا قلت انها موتتها لانها اكتشفت في الحلقه القبل الاخيره انه متجوز اختها في السر و ده الي اتسبب في وفاه الام بالازمه القلبيه في المشهد الي بعده و لذلك ميعرفش يتجوزها

و طبعا حنكتشف في الحلقه الاخيره انه اخوها من نفس الاب و في نفس الوقت مش اخو اختها عشان هيه مش اختها الشقيقه من نفس الاب فامش حتعرف تتجوزه علي الرغم من الي عملته

و طبعا وكيل النيابه حيكشفها لانه كان بيحب الاخت الي ماتت

ححاول ابطل فرجه علي المسلسلات العربي ان شاء الله...المهم انا حروح انام عشان مهيسشي اكتر من كده و ابدأ اخرف

اللي انت ما تعرفوش بقى ان مأمور السجن كان بيحب البنت اللي قتلت اختها (ميول إجرام) فهيجي بعد كام يوم يهربها ويجيب واحدة مكانها وبعدين بعد الهروب ده بكام يوم هيختفي هوا كمان معاها، وبعدين يسافروا بره عشان يتجوزوا وهما في الطيّارة يحصل خلل فني (كالعادة) فتقع الطيّارة وما حدّش ينجو خالص إلا المأمور والقاتلة يصابوا بجروح متوسطة (متوسطة عشان بعد يخفوا بسرعة ويخشوا السجن بسرعة) بعد ما يتعالجوا القاتلة تاخد إعدام والمأمور يترفع على الكوريك من الدّاخلية كلّها بعد كدة يخش السجن وبرضه هيترفع على الكوريك بس من المساجين

خخخخخ حركة حلوة

بس ده طبعا هيطلع فيلم كبير الحكومه عاملاه و الي دخل السجن دول ناس شبه المأمور و البت التانيه

و طبعا حنكتشف في الجزء التاني ان المأمور و البنت اساسا كانوا شغالين مع مسئول كبير في البلد و شغاليم مافيا اراضي بعد الضهر و الاراضي متسجله باسمهم علي الورق الخ الخ

طبعا حيساوموا المسئول علي الورق فيضطروا يعملوا الحركه دي عشان يخرجوهم من السجن

همه بقي يهربوا من رجاله المسئول الكبير و يجاهدوا عشان يكشفوا القضيه ادام الراي العام و طبعا حيساعدهم ظابط شرطه مؤدب و شريف و يتكلم نص ساعه في وسط الحلقه علي رجال الشرطه الشرفاء الي ماليين البلد و القله القليله المنحرفه الي مبوظين البلد الخ الخ

طبعا الظابط ده هيموت عشان صاحبه خانه و المسئول حيخطف ابو البت و اخوها-لان امها و اختها ماتوا في اول الحلقات طبعا- و حيخطفوا بنت المأمور الوحيده -اصله كان متجوز و ده الي هنكتشفه في اول الجزء التاني- عشان يضغطوا عليهم عشان يسلموا الورق و التسجيلات المهمه

التسجيلات دي موردش ذكرها في الحلقات قبل كده-ليه بقي- عشان بتثبت تورط المسئول في انشطه استخباريه مع دول اجنبيه

دي بقي حتشعلل الحلقات الجايه عشان حيخش فيها مافيا و موساد و سي اي ايه و ا.ص. ...........و لنا عوده

انا رايح انام فعلا الوقتي ..... سلام

هههههههههههههههههههههه

الشباب قلبوها دراما عربية

نام بكير وفيق بكير وشوف الصحة كيف بتصير

تحياتي لأسامة أنور عكاشة

يلا يا عم كمل انت الجزء التالت عشان اخش انا علي الجزء الرابع

المشاهدين حيموتوا و يعرفوا البتاع ده حينتهي علي ايه

وطبعاً لإن المأمور والبنت مع بعض على طول هتنشأ بينهم قصة حب صغيرة (تتربى في عزك)، وفاصل طبعاً للمطرش المعروف مع شوية مشاهد رومانسية حمضانة، وفجأة وبدون سابق (ولا لاحق) إنذار موبايله يرن (تررن تررن عمال يزن)، يسمع صوت الدّراع الشمال (من باب التغيير بس) للمسؤول الكبير وهو بيملي عليه التعليمات (وطبعاً دي متفرقعة برضه) هتمشي لحد ما توصل الكوبري الفلاني هتلاقي واحد لابس قميص رصاصي مخطط وبيشم كلّة، هتقف وراه بالضبط، ومن غير ما يحس بيك تلسعه على قفاه وتجري باتجاه مستقيم لحد ما تلاقي عربية جراند شيروكي نمرها (مش لازم تعرف على فكرة)، هتلاقيهوم بيشدّوك عشان تخش ما تحاولش تقاوم، لحد ما هتوصل مكان همّا عارفينه، وطبعاً المستندات والتسجيلات لازم تكون معاك ده لو عايز تشوف بنتك سليمة، رد عليه الراجل قاله ما اسمهاش سليمة، قالّه أقصد حيّة، قالّوا هي كوبرا يا عم انت؟، على قيد الحياة، قالّه ما هي مقيّدة في السجل المدني، قاله لو عايز تشوف بنتك وخلاص هات الحاجة معاك طبعاً الدراع الشمال مكانش عنده أي تهذيب فقفل فوشّ المأمور بنرفزة، طبعاً مناخير بطلنا نزفت وعينة ورمت عشان الرّاجل قفل في وشّه، طبعاً البنت جريت عليه عشان تعالجه وبتاع، والسؤال هل بطلنا هينفذ اللي طلبه الدراع الشمال، وما هي حقيقة الدراع الشمال.....

To be Continued…..

طبعا المأمور حينفذ تعليماتهم و يروح المكان في الوقت المطلوب ياخدوه و يروحوا علي وكر العصابه

و هوه بيسلم الورق للدراع الشمال يلاقي عشر رجاله محاوطينه و مدججين بالاسلحه الرشاشه و النص الي و الاوزي
يقوله فين البت يا عم انت مش ده كان اتفاقنا

يضحك الدراع ضحكه شريره و يقوله الحقيقه المره ان البنت مش بنته الحقيقيه

دي بنت مراته الاولانيه من جوزها الاول

بعد ما يتصدم

يستسلم لمصيره بس حيفتكر انه شاف الدراع الشمال قبل كده في السفاره الامريكاوي لما كان رايح يقدم علي هجره

تتضح الحقيقه ادام عينيه في اللحظه الاخيره ان الموضوع مش مجرد مافيا اراضي....لا دول طلعوا مخابرات و جاسوسيه و قلق

يتنرفز....في جزء من الثانيه يسحب الدراع و ياخده درع بشري...ترررررررررررررررر...الدراع ياخد كل الرصاص

يشيله يرميه علي اقرب 4 رجاله...ينط ياخد سلاح و يضرب الخامس...بس نسي ان السادس وراه فيقوم نازل بدبشك البتاع علي راسه

الراجل طبعا مرمي علي الارض ووضعه صعب خاصه انه وسط الد اعدائه الخ الخ و خلاص بقي كل سنه و انت طيب

يسمع صوت 9 رصاصات-ما هو الخامس اضرب من سطرين- ...يبص علي هدومه ما يلاقيش دم بالعكس الرجاله الي محاوطينه كلهم ماتوا

اتاري البت الي بيحبها ماسكه قناصه و قاعده علي التبه الي جمب الفيلا طوالي

بس و تنتهي الحلقه دي علي كده
مين بقي زعيم العصابه الحقيقي و ازاي البت عرفت تضرب بالقناصه و ايه مصير البنت الي مطلعتش بنته؟

كمل يا برنس

ثم مات الممثلون جميعا هههههههه

هههههههههههههههه

ودى كانت نهايه الجزء الخامس والأخير

أخراج أكتوم سيناريو وحوار mmnoor و منسى وقام بعمل التترات والخدع alaabasit ههههههه

طيب ما صحيح أعمل موضوع يا منسى كل واحد يهيس فيه ونعمل أطول مسلسل فى تاريخ العالم أو أطول فيلم بشرط تسلسل الأحداث صح

بص يا برنس، في مثل بيقول الحب يصنع المعجزات (تف على قبري)، طبعاً هي البنت أول مرة تمسك بندقية وبالذات قنّاصة، بس مع البندقية دي سهّلت مهمتها (طبعاً البندقية دي صنع الصهاينة وطبعاً اشتروها من هناك لإن اليهودي يعمل أي حاجة عشان الفلوس)، مش هطوّل عليكم بعد ما اتقابلوا طبعاً واطمئنت عليه والأفشخانات بتاعة الأفلام العربي دي، سرّب بنته وشعلقها في أقرب أوتوبيس رايح ناحية البيت، (أصله ماكانش حيلته حاجة والفلوس كلها كان مضيعها على حبيبة القلب)، طبعاً عشان يكمّل مهمته مع حبيبة القلب، وطبعاً بعد سلسلة من التحري والتقصي قدروا يعرفوا مين هو الرّاس الكبيرة وعشان هوّا راسه كبيره اكتشفوا انه ما بيعرفش يلبس تيشيرتات وبيخاف يتصوّر وكان عنده عقدة من المدرسين والطلبة بسبب الموضوع ده فده اللي خلاّه ناقم على البلد واللي فيها، المهم اتسحّبوا ونطّوا سور الفيلا بتاع الرّاس الكبيرة
يا ترى ايه اللي حصل لهم، ومين هو الرّاس الكبيرة، وهل هيعرفوا يبتزّوه وياخدوا حقّهم ؟.....

To Be continued