السلام عليكم يا فردة كيف الأحوال عامل كيف معى المايا .

>>>>>>>>>>>>>>>

مشـكووووور عـالموضوع

السلام عليكم
متاسف حصلت لي ظروف و ما قدرت اخش المنتدى ....
king-tahar انت قاصد بي (tahar ) طاهر ولا الملك تهراقا ؟ ....
بالمناسبة ... عارف دو صحبي جدا و قاعد ازورني ف بيتنا دايما .. و ( مايا ) كان قاصدني بيها لاني بتشتغل بالمايا ..المايا احسن مش كدة ؟

كيف احوالك يا عارف ؟
منقطع مننا مالك ؟ ما في تلفونات و لا رسائل و لا مسكولات
المهم ما تقطع اخبارك ...

ههاههاهها ..
اولا ...السلام عليكم
و تاني تعال هنا .. دة ما عارف القال لي انو المايا احسن ... عارف بشتغل بالماكس ...
و لي علمك .. اي زول سوداني بشتغل بالماكس .. طبعا الا انا ... ( خالف تذكر )

ايها الملك تاهاراقا
... المايا احسن بي كتييير جدا ... و الفرق واضح .. انا عملت ابحاث في البرنامجين ديل ...
طيب ...
سؤال ليك ... انت العاجبك في الماكس شنو ؟؟؟؟

متاسف نسيت سؤال ...
انت سافرت الامارات متين و لي شنو ؟

sudani93
جنك ونسة متورينا بعض اعمالك على المايا

حاضر
ماشي
بوريكم اعمالي
لكن انتظروا شوية ... انا بعمل في فلم قصير بالمايا ..... انتهيت من المودلنج و الاكساء و شغال في التحريك
انتهيت من القصة و الstory board
مفروض كانت تطلع في يوم 17 من شهر 4 لكن اتاخرت

و انت يا الملك تاهراقا
قلت شنو ... الماكس احسن ... هههاهها ... انت بتهزر مش كدة ؟
سؤال .. لماذا المايا هو البرنامج الاول في هوليوود في ال3d ؟
الماكس بيقضي احتياجاتكم البسيطة في المودلنج ... و الاضاءة .. و شوية ... شوية يعني من التحريك
الفرق كبير جدا في الانيميشن و البرتكل سيستم (particle system) بين الماكس و المايا ...
الماكس و لا شي

اول حاجه وباختصار وبكل فخر
انا سودانى من الخرطوم

ازيكم يا شباب منتقدين على مؤيدين . سعيد جداً بموضوعكم.
وتحيه خاصه لسودانى93 . مع انى اكبر منك سناً وليس علماً فى مجال التصميم لكنى سعيد انو زول فى سنك يتابع برامج التصميم من هسه ويسكها , كنت اتمنى تتيح لى الفرصه واعرف البرامج دى من بدرى عشان كان الواحد فى سن زى دى يكون بقى محترف . لكن كل شئ باوانو , بعدين كلامى ده ما يوحى ليك بى انى زول جلك. يعنى فرق السن بينا كلو كم سنه كده.
للاسف مبتدئ وما عندى اعمل . بس بحب الجرافكس و الملتميديا موت .

لو الحكايه تعارف فحبابك الف وبكل السودانيين ولو الحكايه فايده علميه فانا فى اشد الححوجه اليكم .

بالجد الموضوع ده مفروض يكون على نطاق كل الجنسيات يعنى فى المنتدى الناس كلها اخوان وبتتعلم وتستفيد من بعض لكن لو كل زول اتلاقى مع ناس المنتدى المقيمين معاهو فى بلدو ح تكون الفايده اكبر .

لى فتره طويله محتار اختار ياتو برامج للتصميم. ولاحظت انو فى ردود وكلام بتكتب يخلى الزول يتشكك فى الاختيار زى ما حصل معاى فى موضوعكم مع انو الموضوع موضوع تعارف لكن فجأه كده الناس بقت تقارن بين المايا والماكس ناس يقولو المايا وناس يقولو ثرى دى ماكس , صدقو بعد ما خلاص اقتنعت بالمايا جيت قريت الموضوع ده اترددت . مع العلم انى بحب تحريك الشخصيات.

المهم انا مجرد الكلام والونسه فى الموضوع ده بريحنى شديد.

اتمنى التواصل