والله إذا كان ذكر الآيات والأحاديث ترهيب فليكن، مكسوف من الإسلام؟؟ الكلام ده حقيقي إلا إذا كنت بتعتبر القرآن والأحاديث حبر على ورق دي قصة تانية وصدقني تبقى في مشكلة حقيقية ساعتها

noby 3d .. ! منور ياريس

وبالراحه على الراجل شويه

اولا الترهيب ده اسلوب عرض
مش منهجية كلام او احاديث او قراءن
بمعنى ادق شوية
انا لما احب ارهب حد هاعرض الموضوع بشكل هجومى نوعا ما للأخر اللى ضد رأييى
انما لما اكتب كلام عمره طبعا مايبقى هجومى

مش عارف عرفت اوصلك حاجة ولا ايه يا اخى

واكيد اكيد العيب مش فى النص
العيب فى تأويل النص وفهمة
او طريقة عرضة والمراد بها

واكيد برضه العيب مش فى الإسلام

الموضوع ده من اول مااشتركت فى المنابر
وانا قابلتة بتاع 5 مرات كل مره
ادخل اقول نفس الكلام
ولافى جديد ولا فى قديم
فياريت اللى حابب يتكلم فى الموضوع ده تانى
يبقى يكتب كومنت فى الموضوعات القديمة علشان يبقى راضى ذمته
بدل مايفتح موضوع من اول وجديد
وكده او كده هو حر برضه فى اللى هايعملة
لانة مش هايوصل لجديد فى الكلام


شكرا

وخد هنا ..


مين الاخ ده

أولاً : اللي داخل وكتب الموضوع ده، كتب الموضوع بالذات عشان يلاقي حاجة في الدين تأيده في موضوع سماع الموسيقى، يعني مش داخل يدور على حق، لإنه لو كان بيدور عليه فعلاً كان راح سأل الشيوخ الموثوق فيها بدل ما كنا عملنا الموضوع الطويل اللي انت شايفه ده، سواء اتكرر ولا ما اتكررش لو كنا سكتنا كانت هتبقى مردغة، أصلاً المواضيع الدينية اللي من النوع ده ممنوعة في المنتدى، بس تعمل إيه، لحد دلوقتي إنتي ما حددتش إيه هو الترهيب في الموضوع من وجهة نظرك لإني مش شايف فيه ترهيب، أكتر منه حكم شرعي وبعدين لو واحد في الناس دي جاب كلمة من عنده ولا ألف كلام من عنده، يبقى ليك الكلام، سيبك من إن البعض قال إن اللي بيسمعوا الموسيقى متخلفين، دي ناس دمّها بيتحرق لما بتشوف حركات زي دي بس ما بتعرفش تعبر، يعني بالله عليك لو واحد قالك الزنا أنا مش شايف فيه حاجة، لإنه بيفرغ الكبت اللي عند الشاب وبيخليه يتجنب إن الحاجات اللي مالهاش لازمة تسيطر على تفكيره، وفي الآخر داخل يطلب رأيك في الموضوع هتعمل فيه إيه ؟؟ وبرضه ما تقيسش رد فعلك على كل الناس، صوابع إيدك مش زي بعضها، وبعدين كفاية إن الموسيقى بتخرج الواحد عن وقاره، يعني لو شفت راجل كبير والشيب دابب في لحيته وقاعد يرقص على موسيقى - أياً كانت - هيكون رأيك فيه إيه - ومن غير ما تعرف ديانته إيه أو توجهه إيه -

فى فرق كبير بين الزنا والموسيقى
وماينفعش نساوى بين الحاجتين

اسلوب الترهيب اللى اقصدة
انى اقعد اتكلم كلام كتير جنب النص القرأنى او الحديث اللى انا حاطة
اللى بيوصل معنى واحد بس
"اللى هو انت عايز ايه انت غلط انت مش فاهم النص !!! - ده اللى بيوصلهولى كلام الأعضاء-"
ممكن جدا اى واحد يحط النص اللى هو قراه واقتنع بيه
واحنا هانفهمه من غير بقى كلام كتير
فى ناس هاتخده وتسلم بيه
وفى ناس هاتبحث
وفى كلا الحالتين
اللى طرح النص
ميقدرش يحجر على رأى اللى اتفق معاه
او اللى اختلف معاه

وانا لو شفت واحد بيرقص على الموسيقى
هاقول برضه هو حر
ليه رب هايحسبة لو كان غلط

وحاجة كمان انا لما بسمع موسيقى مبقعدش ارقص

شكرا يا اخى

أنا سألت سؤالين أظن لو عايز تتحاور الأفضل الإجابة عليهم بالنسبة للسؤال التاني أنا قلت راجل كبير في السن والشيب دابب في لحيته جبت سيرتك خالص؟؟؟

بالنسبة لموضوع فهم النص ده، أولاً ده تعليق على النص، يا إما من كتب يا إما شيخ اللي بيكون معلق على النص، إنت تقصد أسلوب التجهيل مش الترهيب، أسلوب التجهيل ده بعترف إن البعض استعمله ولكن مليون في المية الطرف الآخر استعمل نفس الأسلوب، ما هو لو نقاش موضوعي محترم، كنت لقيت الأسلوب اختلف - مع البعض طبعاً - ، ولو هنكيل بمكيالين يبقى غلط صح ؟؟

انت كنت موضح العكس يا محسن

وعلى فكره انت لو ماسمعتش موسيقى مش هاتبقى متخلف
ولو سمعت موسيقى مش هاتبقى متخلف

انت كنت قايل العكس
فانا حبيت اوضح برضه ان سواء سين من الناس بيسمع او مابيسمعش موسيقى
فى كلا الحالتين مش ده اللى هايقيس مستوى ذكائة او مستوى تخلفة

وشكرا

حبيبى انا لما قلت متخلف هنا . فكان على حته النشرة والبرامج اللى بيتبعها موسيقى

واضح انك مقرتش كويس

ده ردى على السؤال التانى يا اخى
بتاع الراجل الللى عن لحية وبيرقص
بيرقص مابيرقصش دى مشكلتة
وهو اللى هايتحاسب عليها برضه
هو حر فى حياتة

وبعدين الأسلوب عموما انا بنبذة من الجانبين
انا ماينفعش اقعد اأيد الكلام او أعارضة لمجرد المعارضة او التأييد

وشكرا

لو كنت بتتكلم عن الجزئة دى بس
او على الكلام عموما

انت لو قريت كلامى يا استاذ كويس
هتلاقية اصلا مش متعارض مع كلامك اصلا

اقرا يا حبيبى بهدوء

وبعدين قوم ذاكر

وهات الهارد بكره وانت جاى احسنلك
يالا يا بابا
يالا

خلاص يبقى تسيب اللي بينصح ينصح، ما لكش دعوة بطريقته، ترهيب، ترغيب أيا كان طالما ليه رب يحاسبه ولا ...

اللي بيرقص له رب واللي بينصح مالوش رب يحاسبه ؟؟

يا استاذى كل انسان هيتحاسب عن تصرفاتة هو

مش معنى كده ان الناس تمشى فى الشوارع تجرى ورا الناس
ونقول هما حرين
لا طبعا
هما ينصحوا وهما حرين فى معتقدهم
انما مش حرين فى اسلوب الترهيب او الترغيب مع الناس
وبعدين ادعو الى سبيل ربك بالحكمة والموعظة الحسنة

وانت كنت متفق انه الهجوم لمجرد الهجوم ده حاجة وحشة
واكيد لما لما حد يهاجم حد
مينفعش اقول انه حر يهاجمه
لا هو ممكن يقولة انا من وجهه نظرى المفروض كذا وكذا

والأخر حر فى التقبل او الرفض

ارجو اكون وصلت قصدى
وشكرا

وتصبحون على خير لانى عندى شغل بكرة بدرى ان شاء الله
ممكن نكمل بكره اى حديث اخر فى الموضوع ده
ان كان فى العمر بقية يعنى

وشكرا لان الحوار لغة المتحضرين

لم يحدث في تاريخ الأمة الإسلامية أن وقع خلاف مثلما وقع في الموسيقى ولم يحث ان نال موضوع من الجدال في الفه مثله ولكلا الفريقين ححجه وادلته.