Unconfigured Ad Widget

**atyseer** · 02 / 02 / 2010, 06:08 AM

تحية وتقدير للاستاذ ايمن على المجهود الرائع الذى بذله فى هذا الموضوع
الكبير والمهم

**heba gaad** · 02 / 02 / 2010, 09:06 PM

هههههههههههههههههههههههههههههههههههههه
اوبااااااااااااااا .... الموضوع شكلة هيقلب ب غم ولا اية .....!!
شكل الاعدة دي هتقلب بكرسي في الكلوب ....!!!

مش عاوزين الشباب يشوفو الصورة سودة اوي ....!! خليها رومادي ... او كاروووة

يا ابيض يا اسود ماعندناش الوان هههههههه
( لا ان شاء الله يكون في اللوان )
و لو مفيش ممكن نشتري

**Ayman69** · 03 / 02 / 2010, 11:22 AM

المشاركة الأصلية بواسطة shrifazmy مشاهدة المشاركة

على فكرة يا استاذ ايمن انا شايف ان برده لحته ديه مش بعيده عن موضوعنا
انا بقول ياريت تبقى ديه جزئيه فعلا من الموضوع
ازاي تقدر تقيم الشركه اللي حتشتغل فيها

هو حازم راح فين ..

مممم ....مش سهل السؤال دة يا شريف
هو مشكلة فعلا انك تختار الشركة اللى تشتغل فيها ..معظم الناس بتفكر التفكير التقليدى
انة يدور على شركة اسمها كبير عشان تعمل وزن و قيمة لل سى فى بعد كدة .

للاسف دة فى معظم الاحيان تفكير مش سليم ..اللى حيعملك وزن حقيقى هو ربنا ثم شغلك بعد كدة
هو طبعا ميزة ان فى شركة كبيرة بيكون فى فرص اكبر انك تشتغل فى مشاريع جيدة و تاخد خبرة جيدة .

بس عاوز اقولك ان معظم الانتاج التجارى مش حبيحقق خبرة حقيقية ..هو تمرين مش اكتر على انك تنجز الشغل ..
انما فى كتير من الاحيان مش بيكون عندك الوقت او الحرية فى تنفيذ افكارك المجنونة فى الاعمال التجارية "لو موجودة اصلا ".

هو الموضوع نسبى ...بس لازم تكون عندك تصور انت عاوز تحقق اية فى مهنتك دى ..العمل فى شركة كبيرة مش هدف فى حد ذاتة ..لكن الهدف اعتقد يكون انك تحقق مستوى متميز لموهبتك و تقدم فن حقيقى ..بغض النظر عن المكان اللى انت فية .

المشاركة الأصلية بواسطة atyseer مشاهدة المشاركة

تحية وتقدير للاستاذ ايمن على المجهود الرائع الذى بذله فى هذا الموضوع
الكبير والمهم

الله يخليك يا اخى ...و الشكر فى الاساس لصاحب الموضوع , انا عاوز اكون ضيف خفيف كدة ..

**hmsabry** · 03 / 02 / 2010, 01:09 PM

اسف ياشباب ...
معلش ... اصلي لابس في شغلانه محترمة ..!!! ومفحوووووووووووت

والله ياشباب ... السوق .. فعلا وللاسف ... داخل في ضلمة ...!!! وكحل.. دة واقع
بس ان شاء الله محنة وتعدي ...

بس مهم جدا الكل يبقي شايف دة ... عشان يبقي واعي لخطواته ...
مشكلة السوق دلوقتي ان الاختيارات ماعادتش زاي زمان .... دلوقتي الكل اسواء من بعضه

)) كالتالي ..
1) تشتغل في شركة كبيرة + شغال في شغلانات كبيرة ومتشافة في كل القناوات + فلوس كبيرة + مرتبك في
معادوه + (((معاملة زبالة))) + الناس بتاسفن في بعض + جو عام سئ جدا وكل الناس مدمرة نفسيا

2) تشتغل في شركة كبيرة + مرتب كبير + شغل كبير + ((تاخير في المرتابات دايما))

3) تشتغل في شركة نص نص + شغال في شغل نص نص + مرتب نص نص + الناس كلها اللي حوليك تيجيبك
ورا لانهم محبطين ومش عاوزين يطورو من نفسهم + نفسنه علي اللي يطور نفسه ويزاكر

4) تشتغل في شركة لسة بدأة + مرتب نص نص ((في بعض الاحيان كبير)) + عاوزين يطلعو شغل كويس +
ماعندهمش شغل + مافيش خبرات جامدة معاك + معظم اللي هناك مبتدئين + عدم استقرار عام ...عشان المكان جديد

شوفو ... كل الشركات في مصر ((بدون استثني)) عندها من المشاكل ((الحمرا اللي انا قايل عليها)) ومميزات
من الخضرا ...

بس انا بقول الكلام ده مش احباط للناس ... لأ ...!!
ده توعيه ...

نصيحة شخصية
قبل ما تدخل اي شركة ... لازم تبقي ملم بكل عيوبها ومميزاتها .... قبل ماتدخل ...
ولما تشتغل .... خلي هدفك واحد بس ...((وفكر نفسك بية كل يوم))
1) انا هنا باخد خبرة وماشي ... انا مش مبلّط في الخط في الشركة ده ...
2) اعمل نفسك اطرش

... لا تسمع كلام اي حد محبط ... فتحبط زايو ..!! او حد عاوز ينام و يدفي فتنام
جمبو ..!!

3) كل شغلانه تعملها ... استموت عليها .... لازم اتعلم من كل مسمار اشتغل فيه حاجة ...!! ((اصل انت قاعد
مدة صغيرة جدا وماشي))
4) لازم تفهم .... ان كل شغلانه وحشة انت بتعملها ...!! انت كده بتدفع تمنها من جيبك الشخصي ...!! لانك
بضيع وقتك و مجهودك وعمرك ..!! في شغل هايترمي في القمامه ...!! وعمرك ما هتحطة في شوريل لانه دون
المستوي ...!!
5)كل شغلانة انت بتعملها ... لازم تعملها بحافذ .... الشغلانه ده انا عملها عشان (((الشوريل))) فلازم تطلعها
طلقة ...!!

متي اقرر ان اترك الشركة ..؟؟
1) مافيش حاجة بتتعلمها جديدة وكل شغلانه انت بتعملها .. بتعيد كل اللي عملته قبل كده ...!! فمستواك توقف
((((((((في العمل مش المزاكرة))))))))
2) المكان بيجيبك لوارا ..!! ومش مديك مساحة انك تتعلم وتستفيد ...!! لفترة طويلة ...!!
3) ان الميزان بتاع المعادلة بتاعتك طب للعيوب ...فا طاغت علي المميزات ...!! كلة نقط حمرا من اللي انا كتبها
فوق ...!! وماعدش نقط خضرا

يعني وقتك اللي بتقضية في الشركة بيخاسرك ...!!!

**hmsabry** · 03 / 02 / 2010, 01:32 PM

3) المقابلة

والله يا شباب الموضوع ده خطير جدا .... انت رايح تعمل مقابلة مش اكتر من 20 دقيقة بس كل لحظة
فيها مهمه جدااااااااااااا

زاي ماقلت قبل كده ... انت كل حاجة في شغلك لازم يبقي رابط في بعضة زاي السلسلة ...
الشوريل + ال CV + كلامك في المقابلة ...

1) اعرف اللي عامل معاك المقابلة بيفكر ازاي ..
شوف ... الراجل ده هو اللي هايشتري منك ...

تمام ...!! هو محتاج اية ..؟؟؟
1) يشوف شغلك ..
2) يعرف حجمك في الخبرة
3) يعرف انت بتشتغل ايه ..؟؟
4) يتاكد ان الشغل ده انت اللي عاملة ( وبنسبة كبيرة ((في بعض الاحيان)) بيبقي شاكاك في ان الشغل ده
بتاعك) وعشان كده هتلاقية يسال ... طب ده عملتها ازاي ..؟؟ ابتديتها ازاي ..؟؟ طب كذا ..؟؟ طب كذا ..؟؟
لحد مايعرف ((من طريقة كلامك)) انت فعلا اللي عاملها ولا حد هو اللي عاملها
5) لازم يسالك عن وقت كل شغلانه ... عملتها في قد اية ...؟؟؟ لان مهم عنصر الوقت زاي ماوضحت قبل كده
(((وهي دي واقع سوقنا ياشباب ...!! للاسف))) لازم تبقي سريع.
6) لازم يسالك انت كنت بتاخد كام ..؟؟ مرتب قبل كده ... لو حاسس انك حد ضعيف هايديك نفس المرتب ...
لو حد كويس ... هايرفعك ...((وتفرق من كل شخص للتاني))
هتكلم بالتفصيل عن المرتب
7) لية سيبت او عاوز تسيب شغلك القديم ..؟؟ السؤال ده خطيييييييييييييير جدا جدا جدا جدا جدا ..؟؟ هو مهتم يعرف
اخلاقياتك ..؟؟ لو اعدت تسب وتشتم ...!! هيعرف انك حد مش كويس ... لكن لازم ماتزكرش اي شيء يسيء
للشركة القديم ... ووضح بس سبب تركك ليهم للتطوير واكتساب خبرات جديدة في جو بروفيشنال اكتر ...!! وبس
8) تقدر تبتدي من امتي ..؟؟ السؤال ده خطيييييييييييييير جدا جدا جدا جدا جدا ..؟؟هو مهتم يعرف اخلاقياتك ..؟؟
لو قلتله بكرة ..!!! هيعرف انك من النوعيات اللي ممكن تبيعه في ثانية لو جاتلك فرصة افضل منه ...!!
لازم لاااااااااااااازم تقلة شهر ...((ودي اخلاقيات مهنة يهمني جدا جدا الكل يتعلمها ...)) مهما الشركة اللي انت
فيها معذبيناك او حتي فحتينك ... لازم تبقي محترم في طريقة مشياك من عندهم ... وتديهم فرصة يجيبو حد بديل
ليك .... المدة ده تبقي ((((شهر))))
والست بتاعت Siggraph قالت حاجة جامده جدااااااااااااااا .... اياااااااك اياااااااااااااك ايااااااااااااك تدمر الكبري
بعد ما تمر من عليه ....!!! يعني .... لو علي رقابتك ...!! اياااااااااااك تسيب الشركة بمشكله او بخناقة او طريقة
سيئة ..!!! لان انت بتضر نفسك وسمعتك واسمك جداااااااااااااااااا ...!!
لان الشركات المحترمة ... لما تقدم عندهم ... يتصلو بشركتك القديمة ... ويسالوهم عنك ...!!
وتاني حاجه .... ممكن لاقدر الله .. لا قدر الله ... يحصلك مشكلة .. ومتلاقيش ماكان ... فتبقي عندك فرصة
انك ترجعلهم تاني ...!!! ((مين عارف..؟؟؟))

يتبع ,,,

**أبومايا** · 03 / 02 / 2010, 01:43 PM

كلام من ذهب مشرفنااااااااااا

انت اضافات اضافات نادرة جداااااااااا جداااااااااا

والله حبيبنا حازم مواضيعك في المحك فعلاااااااااا

**shevshenko** · 03 / 02 / 2010, 03:14 PM

كلام جميل ومفيد
منتظرين البقيه

**hmsabry** · 08 / 02 / 2010, 12:41 PM

اول حتة احب اتكلم فيها ... هي الشغل بتاعك ((حقوق الملكية))
بمعني ... اكيد انا ماقصدش المعني التجاري للكلمة ...!!

انا اقصد ...
1) الشغل اللي بتحطة في الشوريل بتاعك ... هل هو بتاعك فعلا ..!! ولا لأ ..؟؟
لو انت ماشتغلتش فيه اصلا ...!! وحطة في الشوريل بتاعك ...!! انت كدة بتدمر نفسك
بنفسك ..!! لان السوق اصغر مما تتخيل ...!!!! وانا عارف انا بقول اية ...!!!

واحكي لكم حكاية لاطيفة اوي ....

((((بدون زكر اسماء ... لان ربنا عوضنا خير ولا داعي
لعمل فضايح اكتر من كده بس لازم تتحكي لانها عبرة ... ودة مش غيبة ... ولا نميمة )))

كنا شغالين في شركة زمان ... وكنا شغالين في شغلانة كبيرة ...((حاجة تقدر تقول عليه كده فيلم قصير))
وتعبانين فيهة جداااااااااا وكل واحد جاب اخرة فيها .... وبعد ما قربنا من تقفيلها ... اااااام ماحد من التيم
.... اخد الشغلانة ده وطلع بيها علي شركة تانية وقدم بيها ....
وقال ان الشغلانة ده انا اللي عاملها واحدي .... من الالف للياء .... الناس كلهم اتثبتو ...!!!
اوفففففففففففففففف دانت جابار كل ده واحدك ...!!! يانهاااااااااااااار ....!!!

هو اعتمد علي ان مستحيييييييييييييييييل مستحيييييييييييييييييييل حد من الشركة اللي هو راحهة ..!!! يعرف حد من
الشركة القديمة ...!!! ومستحيل الكلام ده يوصل ...!!!!
وسبحان الله ....!!! ماكملش يومين ...!!! والخبر وصلنا ... وبلغنا صاحب الشركة ... ااام اخد بعضة
وراح للشركة التانية ... وقالهم ان الجدع ده هرب من عندي من الشغل .. وسبني في وسط الشغلانة ...
وانا جاي احذر من انه يجبلوكم البروجيكت اللي انا عامله ويعرضهولكم ... وباي شكل من الاشكال تعرضوة
او تفرجوة لاي عميل .... او يستخدم اي حاجة منه ... لانه سرق كمان ال Scenes
واتفضح فضيحة ((((((في السووووووووووق كلة)))))) وبقي معروف جدا عنه كده ...!!!!
فاعرف ان السوق .... الخبر بينتشر فية اسرع من سرعة الضوء

2) انت عامل اية (((((((((بالظبط)))))))))) ..؟؟؟
لازم تعمل breakdown للشغل ... بالتفصيل ...
توضح فيه كل مشهد عامل ايه ((وبامانه وبصدق)) مش محتاج اوضح تاني بعد الحكاية اللاطيفة اللي واضحتهالكم
وماتقولش علي مشهد بتاعك ((لانك عامل موديل لترابيزة

)) ..!!! قول بس انا عامل المسمار ده ...او
الترابيزة ده ... ماتجمعش الشغل كلة ليك (((حتي لو عامل 90% من الشغلانة)))

**heba gaad** · 09 / 02 / 2010, 02:22 AM

امممم تمام اكيد اللي بيعمل كده بيكون بيضحك على نفسه قبل ما يكون يضحك على الشركه و الناس
يعني ممكن الشخص اللي اشتغل في جزء من مشهد يحط المشهد كله اللي اشتغل فيه في الشوريال و يقول للراجل بتاع الانترفيو انه عمل الجزئيه ديه بس ؟؟

**hmsabry** · 09 / 02 / 2010, 09:42 AM

المشاركة الأصلية بواسطة heba gaad مشاهدة المشاركة

يعني ممكن الشخص اللي اشتغل في جزء من مشهد يحط المشهد كله اللي اشتغل فيه في الشوريال و يقول للراجل بتاع الانترفيو انه عمل الجزئيه ديه بس ؟؟

طبعا ممكن ... !!
بس مش عشان عامله حاجه في مشهد رقم ((20)) في فيلم .. تقومي حطا الفيلم من مشهد 1 الي مشهد 100 ...!!!
لأ ..!! حطي بس مشهد 20 وقولي انا اللي عاملة الموديل بتاع مثلا الكاركتر الفلاني .... او انا اللي محرك المشهد
ده ... او انا الي عامل shading لكل حاجه .. ((او للكرسي ده بسسسسسسسسسس))
شوفي انت عامله اية .... وقولي بالظبط ...

علي فكرة ... ده بيديك مصداقية ... واحترام ... لان المتعارف عليه ان ناس كتير اوي اوي بتسرق شغل... ويقول
انا عامل كل ده... لكن اللي يوضح ... ((حتي لو عامل كل حاجة)) برضو توضح ... موديل + shading
lighting + rendering + compositing

فالناس تحترمك علي طول ... وتعرف انك صادق وتعرف انك عامل الكلام ده فعلا....
ال shot breakdown ده مهم جداااااااااااااا عشان تشرح بالظبطططططططططط انت عامل اية
اياك تبعت شغلك من غيرو ؟؟؟ لازم تبعتو برضه مع الشوريل عشان الناس تعرف انت عملت اية ..
وفي المقابلة برضو تقول وتوضح ...

**EZO** · 14 / 02 / 2010, 08:04 AM

....Excellent

**hmsabry** · 15 / 02 / 2010, 03:04 PM

إضافة هامة جدااااااااااااا

لازم ياشباب يبقي عندك site بتاعك علية كل شغلك مش تبقي حاطت شغلك علي
youtube وال cv تبعتها علي الميل.

لازم تعمل site تحط عليه شغلك ... وال CV .. وال shot breakdown
بتاع الشوريل بتاعك..

ولما تبعت لشركة .. تبعت اللينك بس بتاع الحاجة ده.. وبكده الموضوع بيبقي
بروفيشنال جدا

**hmsabry** · 15 / 02 / 2010, 03:17 PM

Letter Recommendation

لازم يا شباب يكون معاك ال letter recommendation لان ده مهم جدا
وده معناها بالبلدي ((شهادة الخبرة)) بس مش بالمفهوم الضيق اللي احنا كلنا فاهمينو ..!!

ال letter Rec. ده ممكن تبقي من افراد ((اشخاص انت اشتغلت معاهم)) بس حد لية
position كبير..
مثلا ... creative ... art director ..... supervisor كده يعني ...
لكن مش اقل من كده..

وطبعا من الشركة احسن واحسن ..
وده لازم يتضمن شوية كلام .. مهم جداااااااا ........لازم تبقي مكتوبة بالانجليزي
1) اللي كاتب ال letter ده يعرف نفسة هو اية ..؟؟ ولو شركة ... يكتب سطرين عن الشركة
2) يكتب عن ال position الي انت كنت شغال فيه ومدة شغلك
3) يتكلم عن ادائك ... وقدراتك
4) ي recommendAK للناس في الاخر ... ان الشخص ده SUPER MAN وحد جامد
جدا ..

واحنا زعلانين جدا والله اننا هنسيبو ...!! بس النصيب بقي

فحنا نرشحة ليكم جدا ... وانه هيضيف جدا ليكم ...

5)وده بينات الاتصال بي للاستفسار عن اي شيء يتعلق بالراجل ده
الاسم ....
الموبايل ...
الميل .....

امضاءة

في حالة ان الكلام ده من الشركة ... لازم الاتي:
6) letter head بتاع الشركة نفسها
7) ختم الشركة ((لاعتمادها من الشركة))

**hmsabry** · 15 / 02 / 2010, 04:13 PM

ياريت لو تعملو علي google بحث علي letter recommendation samples
وشوف و اقرا اللي مكتوب ...

لان علي فكرة في معظم الحالات ((هنا في مصر))

انت اللي بتكتب اللي عاوزو
وهم يشوفو ويطبعوها ... ويختموها ..

انا عملت كده مع اروما .. مع تامر.. قالي اكتب اللي انت عاوزو وهتهالي امضيها

ههههههههه طبعا قالي كده عشان عارف ان الورق ده ملوش لازمة ..!!
انتو مش فاهمين انا كتبت اية ...!!

(((بس كلة حقيقي ...وواقع)) ...!!
انتو بقي مش فاهمين الورقة ده فرقت معايا قد اية في MBC ..!!

لان اروما معروفه جدا جدا جداااااااااااااا .. بالذات عند MBC لانهم كان بيخشو مسابقات
Promax .. واروما ناتاشت منهم كذا جايزة ...

فا عشان كده كلهم عرفين اروما.. و ال letter ده كان في الجون .... اخدتو من بوق الاسد

فكل الناس تعمل المستحيل عشان لازم تاخدة من الشركة قبل ما تمشي

**hmsabry** · 15 / 02 / 2010, 04:15 PM

اعتقد دلوقتي ... بقي واضح جدا لية لازم تمشي من الشركة بشكل محترم
من غير مشاكل ((حتي لو مطلعين عينك وفاحتيناك)) ...!!!

وكمان عشان لما يتصلو عشان يتاكدو من صحة الكلام ده من اللي كاتب
الجواب ده ... يقول عنك كلام كويس ...

Unconfigured Ad Widget

إعـــــــلان

كيف تكتب سيرتك الذاتيه و تصنع ديموريل باحتراف .. حازم صبري

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق