طبعا شكرا يا حاتم على مجهودك ....و انا مش بحاول اقلل من نصائحك باى شكل ...
لكن انك توضح لناس الدنيا ماشيا ازى دى حاجة ...و توضحلهم الدنيا لازم تمشى ازى دة موضوع تانى ..

فى حاجات كتير غلط فى السوق المصرى و يمكن كمان فى شركات عالمية كبيرة ..مش معنى ان فى حاجة غلط شائعة انها اصبحت امر واقع و اننا لازم نتعامل معها على انها الصح ...

انا خبرتى حوالى 17 سنة فى الشغلانة دى ...و اشتغلت فى اكبر شركات فى مصر برضو ...و اروما دى انا كنت من فريق مؤسسيها الاوائل ..

اللى بيحصل ان الشغل عشان يبقى بمستوى معين لازم ياخد وقتة ..انت مش فى سباق سرعة ..انت المفروض بطلع عمل فنى ...ياخد بقى وقت زى ما ياخد , طلاما فى النهاية انت حطلع حاجة بمستوى معين ...

عمرك سمعت عن دكتور عمل عملية جراحية بسرعة ..عمرك سمعت ان ممثل مثل فيلم بسرعة ,
كذلك الجرافيك عملية فنية على اعلى مستوى ..صحيح ان فيها جزء تقنى ممكن يكون فية نسبة من السرعة او غيرها , لكن فى النهاية هو عمل فنى محتاج وقت و محتاج وقت اكتر عشان يطلع بمستوى احترافى .

انا معرفش الفترة اللى انت اشتغلت فيها فى اروما كانت الظروف اية ..بس اقدر اقولك ان احنا فى اروما مثلا كنا بنرفض 80% من الشغل الل بيعرض علينا ..عشان نطلع ال20% الباقية بالمستوى اللى انت شوفتة فى بدايات اروما و هو دة المستوى اللى عملها السمعة الكبيرة فى البدايات وعملنا طفرة فى مستوى الجرافيك فى مصر و العالم العربى كلة .

عندك مثلا لوجو قناة الفجر دة مدة 15 ثانية اخد منى شهرين شغل تقريبا , و محدش قلى خصل يا ايمن ولا عوزين بسرعة ولا ببطء ..لان كان فى بيننا تفاهم واقتناع ان الحاجة لازم تاخد وقتها عشان تكون بمستوى احترافى , عشان كدة كنت بشتغل و اخد وقتى من غير اى معوقات .

صحيح ان فى اوقات بيكون فيها ضغط ...لكن اكبر خطاء انك نسمح ان الضغط يخليك تطلع حاجة بسرعة او مش راضى عنها 100% ..

طبعا الوضع اختلف الان فى اروما و غيرها من الشركات و دة لاسباب كتيرة...و كذلك اختلف المستوى كتير زى ما انا متابع من الاعمال الاخيرة , والسبب انك عشان تطلع عمل جرافيك بمستوى احترافى عالى لازم تتوافر عوامل محددة لا تتغير ...اى تنازل فى هذة العوامل حيترجم لتنازل فى العمل النهائى , لا شك فى ذلك .

اما بالنسبة للشركات العاليمة و هوليود ..انت شايف بنفسك ازى مستوى الشغل بيطلع و دة بسبب ان كل حاجة بتاخد وقتها .

فى انيميتور من بيكسار زار مصر اثناء وجودى فى اروما ..و قدرنا نقعد معاة و نتكلم ...هو بلغنا ان فى بيكسار مطلوب من كل انيميتور يطلع من ثنيتين الى ثلاث ثوانى كل اسبوع ...و لما تسمع كلامة و تشوف طريقة الشغل ازى ..تكتشف ان الموضوع مختلف تمام وانهم فعلا بشتغلو بشكل احترافى عالى جدا فى كل مراحل الشغل .

طبعا انا مش محتاج اقولك الانيميتور فى مصر مطلوب منة يطلع كام دقيقية فى اليوم حاليا ..ولكن دى طبعا مش شطارة و النتيجة شغل كتير وساعات جرافك كثير و قنوات بتعبى ساعات شغل و السلام .

انما الجرافيك الاصلى و الشغل الاحترافى حاجة تانية ..دة اللى انا اتعلمتة من اساتذتى فى كليتى الفنية و نفذتة فعلا بعد كدة فى شغلى و مشاريعى اللى بشتغل فيها , واللى بحاول دائما اوصلة للمهتمين بمهنة الجرافيك و يهمهم يطلعو مستوى مختلف .

سؤال بقا

هو حضرتك الأستاذ أيمن كامل ... ولا انا غلطان

لو إنت ... يبقى أهلا بيك يا مستر بجد إنت فنان كبير ...

أعمال روتانا سينما وقناة الفجر من الأعمال إلى تتفرج عشان تتعلم الشغل المركب إلى محتاج تحليل.

فينك يا استاذ أيمن عاوزين نتفرج على أعمالك الجديده..

http://www.3dluvr.com/aya/news/intro.html

انا على فكره فى بداية طريق تعلم ال 3d .. وبشتغل مصمم 2d من 4 سنين ...

ونورت المنابر يا استاذ يا كبير

اللة يخليك يا اخ بيدو ...دة نورك و نور الاخ حازم و كل الاعضاء الكرام .
و ربنا يوفقك ان شاء الله فى تعلم ال 3د ...لانها شغلانة "صعبة" الحقيقية و محتاجة نفس طويل .

بالنسبة للاعمال الجديدة ...ربنا يسهل و انزل الشغل الجديد قريبا ان شاء اللة..

أستاذ حازم....... اللة يعلم أنا محتاج الموضوع دة قد إية فربنا يباركلك

ياااااااااااه .... انا دائما اسمع عنك وعمري ماشوفتك يا ايمن
فرصة سعيدة جدا جدا والله

والله يا ايمن .... كلامك صح جدا وزي الفل ... بس السوق المصري دلوقتي عاوز عكس الكلام ده
بالظبط ...!!! هههههههههه
تحس ان كل الشركات اجمعت مع بعض ... ((ياللا بينا نخرب السوق)) ...!!!! والله بجد...!!

لو انت تعرف حد في ارما دلوقتي ... (وده لا اعتقده لان كل الرجاله بتوع الزمان المحترم بتاع حضرتك
وسالي رولنجز كله مشي ...!!) الادارة نجحت تعمل في اروما اللي اكبر الشركات ماقدرتش تعمله فيهم ..!! وهو التدمير
عارف مثل ... بيدي لا بيد عمرو !!!! اهو ده بالظبط اللي الادارة بتعمله دلوقتي بالظبط ..!!!


ارجع لموضوعي ....
استاذ ايمن ... انا بحاول اشرح للشباب هنا ازاي ممكن يشق طريقه في وسط ((العك اللي حاصل)) في السوق لان
ده امر واقع عايشينه ..!!! ولازم اللي عاوز يدخل فيه دلوقتي .. لازم يا اما تتكيف او ماتخشش ...!!
هتلي شركه ((كبيرة)) في مصر بتبحث عن الجودة اكتر من الوقت ...!!
انت عندك ... اروما و جرافيتي و اكس ريتيد و كيوبس و فينيكس (ههههه) و الخ الخ ... مين ..؟؟

انا قراري اني اسيب البلد ماجاش من فراغ ..!! لما اتاكدت ان كل لحظة بقضيها في البلد هتجبني ورا ..!!!

تاني حاجه واضح ان حضرتك فهمت كلامي غلط ... عن السرعه .. اصل حضرتك ماتعرفش الناس اللي شغاله
في السوق دلوقتي (معظمهم) بقي مفهوم الوقت رايح معاهم فين
الرندر ... ووقت الرندر ..!! وازاي تقدر تتعامل مع الموضوع ده ازاي تطلع اعلي جودة في اسرع وقت ((ممكن))

انا بحاول اعمل (وعي) للشباب الجديد عشان يبقو ازكي ... لان السوق محتاج يتعملو format او F-Desk
ههههههه يعني لازم يتعملو اعادة هيكلة ...!!! من الاول و جديد ..!!

ولان ناس كتيرة نفسها تخش المجال بس مش عارف منين ويخش ازاي ..!!
انا بحاول ((اعمل توعيه)) ووري الناس السوق المصري عاوز ايه ((دلوقتي)) .... عشان اللي عاوز يخش
استنا يا معلم ... لا ... افهم الدنيا شكلها كذا وكذا وكذا .... فا خد بالك في مقلب زباله اهو وحفرة اهي
معلش هتطر تتخبط هنا شويه بس هتظبط معاك ....
اعتقد ان بوضح مش اكتر ... صورة ... هي اصلا موجودة فعلا ... وكلنا شيفنها ... بس الشباب الجديد ..لأ
مش شايفها ...

انا مش موضوعي اقول هوليود شغاله ازاي ... لان ده مش السوق بتعنا ...
انا موضوعي ازاي اشرح من مجال خبرتي... (("المحدوده بالنسبه لحضرتك طبعا " 17 سنه خبرة يا ايمن
يااااااااااااااااااه دانت شفت كتير اوي والله )).... ازاي الناس ممكن تشتغل في السوق (بتاعنا)المصري بعيوبه
بمميزاته ((اللي هي خلصت خلاص ))


ارجو انك تكون فهمت وجهة نظري ... وياريت بجد تشاركنا بكل خبرتك اللي مريت بيها ... عشان الناس هنا تستفيد
بكل الخبرة الهايلة ده ....
17 سنه ..!!!! اوفففففففففففف دانا 6 ..!! وجبت جاز من البلد ....!! ربنا يكون في عونك بجد ...!!
علي فكرة .. انت اللي عملت روتانا زمان .. صح ..؟؟ هااااااااااااايله بجد و لوجو الفجر طبعاااااااااااااا تسلم ايدك

ربنا يباركلك يا ايمن بجد ... ويعينك بجد ....
وللمرة التانيه انا لي الشرف اني اتعرفت عليك ... وقابلتك ... وان شاء الله ربنا يجعلنا نتقابل بجد وفي شغل كمان
يارب ...

الله يخليك يا صاحبي .. وربنا يجعل الموضوع ده مفيد لكل الناس ... ويساعد الناس انها تشق طريقهه
وتوصل للي هي عاوزاه....

ههه طيب يا حبيبي حازم
وين نستني انا هههه
http://www.maxforums.net/showpost.ph...&postcount=103

اسف والله يا وسيم ....
شوف يا عم ...
في مصر .. الموضوع مختلف من مكان لمكان ... بس بوجه عام ... ده الاسعار "بالتقريب"
______________________________________________________________________________________
المستوي_________________________الراتب حسب الفروق والامكانيات___

junior Level
1) المتدرب ................................................................................ من غير راتب (وفي بعض الشركات يصرفلة راتب صغير)

2) المبتدئ (يدوبك بيعرف يشتغل بس دايما بيسال ازاي ينفذ).................... من 1000 الي 3000

3) المتوسط (يعرف الادوات بس محتاج حد دايما يوجهه في التنفيذ)............. من 4000 الي 6000


Senior Level
4) محترف (يقدر يشيل شغل لوحده و ويتابع ناس)................................. من 7000 الي 9000

5) بتمشي علي الحيطه (بتشتغل وحدك وبتوزع شغل وبتقفل شغل)..... من 10.000 الي انت و شطارتك بقي


هذا والله اعلم ....


والله يا صاحبي ...
ده بتفرق من شركه لشركة ...!! ساعات يديك
بيت + عربيه
او يديك بيت + بدل انتقلات
او سرير وبس
ساعات لا سرير ولا اي حاجه ههههههههههه

ده حاجه مالهاش قاعده ... بس حسب الاتفاق ... وده اول حاجه تسالها ... ما هي المميزات اللي هتوفرهالي ...؟


اكيد مش كله ضرب ضرب ....
في ساعات مابيبقاش في شغل ... وبتقعد فاضي بالايام ....!!!

مشكووور كثيير على النصائح و ان شاء الله بحترف المجال القوي
و قريبا راح اطلع على الحيط و اتمشى عليه و اخرج على السوف بلقب Senior Artist طبعا مثلك شغال بالاعلانات
و بتمنى لك التوفيق لك و لي ايضا
و ايضا مبرووك لمصر " ام الدنيا " في مباراة امس
+
هدية بسيطة لك
مع اني بعرف انك بتتعلم للريلفلو
Click Here My Friend

و ايضا بما يخص الاسعار نفسها عندنا بالمغرب كما قال لي صديق مقرب يعمل ب Sigma Technologie بالمغرب
بس بشوف اسعار كبيرة بالسعودية و الامارات و خصوصا فرنسا و الدول الاجنبية
و ربنا يوفقك في كل شي عزيزي حازم

حازوووف مش هندوس فى الورشه ...

يلا بقا يا حازووف ...

والله انا جاهز جدا ... بس وقتي مزنوق قوي ...!!
لو الناس جاهزة ((((((تشتغل وتجرب وتتعلم مش تسمع))))) انا جاهز ويلا بينا

انا بس داخل في كورس realflow علي ال CGTalk هيبدأ خلاص وربنا يعني
فمتروق جدا مابين الشغل والبيت والمزاكرة ...!!!

فالو الناس هتبقي بنفس الاداء اللي هو عاوز حد يشدهم ويدفعهم عشان يتعلمو
...و مكسل يجرب او حتي يعمل بحث ((عشان يفيد نفسه)) ...!!!
بالشكل ده مش هعرف اشارك ... لان بجد الوقت عندي مطحون

لكن الناس لو متحمسه جدا ... وعاوزين يطورو من نفسهم ... ويمشو علي الحيطة ...
ويقرقشو ظلط .... هتلاقيني حاجز بلاكون في الصف الاول كمان في نص المدرجات كمان
و ادوووووووووووس....

شوف يا صحبي ....
1) مافيش حد بيبدأ senior حتي لو مزاكر طحن .... لان جزء من انك تبقي senior تبقي اداري
نوعا ما في حتة انك مسئول عن شغلك وكمان بتوزع شغل علي Juniors تحتك ... فالازم يبقي عندك
خبرة ((شغل كتير في المجال كا Junior)) فابقيت عندك فهم وخبرة اتبنيت في سينين شغل تمكنك من انك
انت بقي تبقي بخبرتك ((كا junior)) انك تعلي وتمسك ناس اصغر منك ((في المجال مش في السن))
وتوجههم .... وتتابع معاهم ... فاهم ...؟؟

2) مش عاوزك تستغرب سؤالي ولا الشباب ... مبروك لمصر علي ايه ..؟؟ هي لعبت ماتش ...؟؟
اصلي اااااااااااااااااااااااااخر واحد في الكورة الاضية ممكن يتابع كورة ...!! والله حتي الماتشات بتاعت مصر
اللي هي مصيرية ... في مش عارف كاس ايه لاندية مين ...!! مابتابعوش خاااااااااااالص ... ولا عندي فضول
اعرف النتيجة كام

3) وتشكر يامعلم علي الهدية ... بس ان بالفعل دخلت كورس مع Allan Mackay علي ال CGTalk
لل realflow
ادعيلي بس ربنا يوفقني في كده ... امين يارب العالمين

شوف يا صحبي ....
1) مافيش حد بيبدأ senior حتي لو مزاكر طحن .... لان جزء من انك تبقي senior تبقي اداري
نوعا ما في حتة انك مسئول عن شغلك وكمان بتوزع شغل علي Juniors تحتك ... فالازم يبقي عندك
خبرة ((شغل كتير في المجال كا Junior)) فابقيت عندك فهم وخبرة اتبنيت في سينين شغل تمكنك من انك
انت بقي تبقي بخبرتك ((كا junior)) انك تعلي وتمسك ناس اصغر منك ((في المجال مش في السن))
وتوجههم .... وتتابع معاهم ... فاهم ...؟؟

لالالا , انا بدي اصل اليك يعني الى مستواك و كمان اسبقواا + قال لي صديق على الماسنجر
انو معنى Senior و هو زعيم الثردي في فريق او اي شي من هذا المقابل بس حبيت اخلي اياها

2) مش عاوزك تستغرب سؤالي ولا الشباب ... مبروك لمصر علي ايه ..؟؟ هي لعبت ماتش ...؟؟
اصلي اااااااااااااااااااااااااخر واحد في الكورة الاضية ممكن يتابع كورة ...!! والله حتي الماتشات بتاعت مصر
اللي هي مصيرية ... في مش عارف كاس ايه لاندية مين ...!! مابتابعوش خاااااااااااالص ... ولا عندي فضول
اعرف النتيجة كام

اصلا يا عزيزي انا ما بحب الكرة ابدا ههه بس كنت بشجع مصر لما لعبت مع الجزائر
بس ان شاء الله تصل الى الموننديال

3) وتشكر يامعلم علي الهدية ... بس ان بالفعل دخلت كورس مع Allan Mackay علي ال CGTalk
لل realflow
ادعيلي بس ربنا يوفقني في كده ... امين يارب العالمين

بلا انا مو معلم انا مجرد Student طبعا ربنا يوفقك في كورس بتاع سيجيتالك
و نصيحة شفت من زمان اسطونة بتاع ريل فلو على ديجيتال توتورز بتاعلمك الريندر بالمايا بالمونتال راي
انا اصلا ما بفهم انجليزي يمكن انت تشووف
http://www.digitaltutors.com/09/trai...cid=31&pid=594
+ شفت تطابيقك على الريل فلو باليوتوب
طالع وصلت الى نتيجة مروعة
واصل عزيزي

الله يكرمك يا صاحبي ...
ده كان مجرد test لقناة العربيه عشان كاس العالم 2010
بس الفاينال ... لسه شغالين فيه ....

ادعي بس ... اصل الموضوع مش سهل خالص ....