800 دولار مش وحشه اوى
احنا عندنا فى مصر الدكتور بياخد 50 دولار فى الشهر يصرفها على مواصلات الذهاب الى العمل
لذلك يعمل الاطباء عندنا فى مستشفيتين واحده صباحى وواحده مسائى

في مصر المرتبات مهينه جدا مع ان اسعار الفري لانس مناسبه جدا وجوده اقل من العادي يعني مثلا ممكن تهرس منظور في سهره وتاخذ حوالي 300 دولار . طبعا بيكون العديد من الموقع المعده مسبقا والاف المودلز الجاهزة.
انصح ثم ثانصح اي حد في مصر انه يشتغل حر يلف على المكاتب المعماريه ويترك برشور ولن يلاحق على الشغل. حتى لو الشغل مش واقعي له ثمنه وبيخلص في وقت اقل.
العيب الوحيد انك ستاخذ شغل فوق طاقتك وتقع ان لم تلك شجاعة الاعتذار. كذلك السمعة مهمه جدا يعني لو ضارب شغل مش شغلك ستسوء سمعتك جدا ونهايتك تقترب.

بصراحه موضوع قيم وجميل المشكله في عالمنا العربي فكر الجرافيك وانتاج الاعمال لا يزال متواضع جدا
نحن ندرس برامج تستخدم في الدول المتقدمه لهذا تجد اعمال الاجانب غايه في الاحترافيه بحكم احتكاكهم بالشركات الكثثيره الموجوده عندهم وسوق العمل عندهم دائما يطلب مصممين ومتدربين
اما هنا لما يحبو يوظفو موظف جرافيك الشركه تفضل انو يكون اجنبي ولو كان عربي لازم يكون خاتم العلم وممكن يفكرو يوظفوه مع انو العربي لو اعطي الفرصه راح يدبع اكثر بكثيير من الاجنبي
فلما تحضر برامج ممكن يكون الجن برمجوها وليس بشر وتضعها في دول العالم الثالث ماذا تتوقع ان تجد من شركات تعمل في مجال تخصصك ودراستك

على فكرة 800 دولار ما تعمل شي للي عايش في سوريا
الأسعار نار و شراء شقة سكنية أصبحت بعيدة حتى عن الأحلام

نفس الامر فى مصر
لكن ال 800 دولار محدش بياخدها

احنا عندنا حتى الحلم ده بفلوس أما شراء الشقة ذات نفسها ده موضوع تاني أبعد من موضوع الأحلام بكتير

أنا هؤلك أنت حوش من 800 دولار .. بأي شكل .. وكون مبلغ كويس
وأنزل عيش بيه فى مصر .. أفتح مكتب جرافيك صغير ومع الوقت يكبر

أنا كنت بفكر أعمل كده.. أخد مبلغ من هنا وأنزل أعيش بيه فى السودان..
أيام ما كان الجنيه السودانى واقع.. بس معملتش كده عشان ساعتها كنت صغير

و الله واقع مؤلم جدا

فى مثل بيقولك على قد لحافك مد رجليك
المثل مصرى مش عارف الاخوه الغير مصريين هيفهمو ولا لا
يعنى هتاخد راتب حسب مستوى عملك وخبرتك وابداعك
الراتب فى مصر يبدأ من 1000 جنيه للمبتدأ اللى يعرف يتعامل مع البرامج الى 10000 للمحترف الخبره اللى ملوش حل
لو حد بيعطى مرتب اقل من 1000 فى مصر اتركه فورا..الا اذا كنت لسه بتدرب
وحكاية انك تمضى على وصل دى عشان يستغلك 5 سنين شىء سىء جدا من انسان سىء
لا تقبل هذا الوضع مهما كان
اصبر واتعلم وكون على مستوى جيد واطلب اللى انت عايزه من اى صاحب عمل ولو هو عايزك هيوافق غصب عنه
اما عن سبب انخفاض الرواتب فى مصر ..دى فتره وعدت خلاص اقل واحد دلوقتى بياخد 1000
ولو وافقت باقل من كده يبقى العيب فيك مش فى ان الرواتب قليله فى مصر
مصر هوليود الشرق ومليئه بالمواهب ما شاء الله
فاذا كنت تريد الدراسه فى اوربا ولم تستطيع فعليك بمصر المستوى فيها هايل والاسعار مناسبه والفضائيات خير دليل

طيب أنا همشي معاك لحد الآخر مثلاً أنا واحد عندي خبرة بالبرامج بس ما عنديش خبرة سوق، هاخد الخبرة دي ازاي بدون شغل ؟؟، لما كل مكتب يقولي انت عارف الأدوات بس ما عندكش خبرة بشغل السوق هتعلّم فين إن شاء الله ؟؟ في بيتنا ؟؟؟ ومش بس في الجرافيك في كل حاجة أرباب العمل متوقعين إن أنا ساحر مثلاً؟؟

وبعدين مين اللي بيدي ألف جنيه للمبتدئ؟؟ دلّني عليه واكسب في ثواب

ya gama3 la klam dah 27batny 2wy lya ma 3lana

2na wa7ad ya3ny ta2daro t2olo fo2 al mobtada2 fal max bas mash la2y forsa la sho3'l 2ktsab byh 5abra wlaw 600 ganah bas fan al shark al ta2bal mash 3araf

اولا انت لازم تعمل لنفسك شوريل او فواصل او مقدمات برامج تحاكى فيها اللى فى السوق
ولازم تكون مميزه عن غيرها وفيها شغل كتير عشان تبهر اللى ادامك
وزى ما قولت لو شغلك مميز مش هيسيبك حتى لو انت لاول مره تشتغل
بس طبعا مش اول ما هتشتغل تروح مكان كبير
يعنى شوفلك قناه صغيره كده مش مشهوره
او اى مكتب برضه
...................
انا مقصدش المبتأ اللى يعملى فاظه وشمعه على ترابيزه ويدخل بالكاميرا يلف ويخرج ويقولى ده المشهد
لا لازم برضه يكون شغل فى فكر ومجهود ....ولازم تتفرج على اعمال كتير عشان تعرف الدنيا ماشيه ازاى

بصرحة انا متابع الموضوع من الاول و حبيت اشارككم تجربتي

عن نفسي بدايتي كانت في مصر ( بدأت اشتغل و انا في السنه الاولى الجامعيه مع اننا كنا ميسورين الحال جدا و الحمد لله )
الراتب 250 جنيه او (45 دولار ) ثم وصلت الى 350 جنيه
ثم اشتغلت في مجال كتب الاطفال ( الكتاب ب400 جنيه ) يأخذ مني 10 ايام يعني شهريا 1200 جنيه (218 دولار)
بعد فتره حبيت انتقل في الشركات و كان الراتب المراد الوصول اليه 1500 جنيه او( 280 دولار )
و لم اجد شركات في هذا الوقت لكن رزقني الله بالعمل في السعودية ب 1466 دولار

تبهدلت شوية لأني لم آخذ المرتب الذي اتفقنا عليه بل كنت أخذ 500 دولار تقريبا (لا تكفي لفرد في السعودية )
المهم صبرت شوية و طورت نفسي كثيرا و الأن وصلت الحمد لله الى 2000 دولار غير الشغل الخارجي
العمل ( مصمم ويب و مطبوعات ) و خارجيا ويب و مطبوعات و موشن جرافيك و كل ما يتعلق بالتصميم

مدة التجربه الى الآن 7 سنوات الى الان

نصيحة هامه للمصريين انا كنت امشي بيها
لو انت مصمم جيد بشهادة العملاء لا تقبل بالعمل براتب اقل من 1000 جنيه مهما حصل و حاول تشتغل في القاهره او الاسكندرية بقدر الإمكان ... لو لم تجد اشتغل شغل حر الى ان تجد و حاول التسويق لنفسك بقدر الامكان

في الفتره التي لم اجد بها عمل ثابت ... كنت عملت لنفسي كارت شخصي و اسطوانه بها خدماتي و كنت اسوق لنفسي في كل مكان و كنت آخذ مشاريع كبيره للطباعه و هكذا الى ان اتقنت فن التسويق و اصبح لي عملاء مميزين

يا ريت اي مبتدئ يشتغل شهرين اثنين فقط في المطابع لأخذ الخبره و فهم ميكانيكية الطباعه و فنياتها ثم ابدأ ابحث عن اي مكان آخر المرتب الي تطمح اليه

السلام عليكم
اولا المرتب بيختلف طبعا على حسب البلد يعنى لو بتاخد الف دولار فى مصر يعنى انت كده ملك لكن فى الامارات مثلا يادوب يكفوا مصاريفك

انا ايام الانحراف كنت شغال part time مع ميديا حاتم سالم شغل فلاش وفوتوشوب رسم وكده تبع السايت بتاعهم وبعدين دخلت شويه تبع الاعلانات وكنت باخد حوالى 300 دولار طبعا ميديا حاتم سالم مرتباتها عاليه جدا اتعرض عليا فيها سينيور فلاش وفوتوشوب ب حوالى 600 دولار بس الحمد لله
لما خلصت الكلية اشتغلت شوية فى شركة تصاميم اسلاميه اغلفة كتب واسطوانات وشرايط بالماكس والفوتوشوب والفلاش والديريكتور والكومبسشن بمرتب حوالى 250 دولار وليا شغل كتير نزل فى معرض الكتاب والحمد لله

وطبعا فى النهاية سبت الكلام ده كله لما لقيت الشغل اللى فى تخصصى فى مصر فى الكيميا وبعد كده الانتاج وكنت باخد حوالى 800 دولار وانا الحين مهندس انتاج فى السعودية راتب تعبان بس الحمد لله حوالى 1500 دولار