الاضاءه الداخليه
قبل ما نتكلم عن اعداداتها وترتيباتها وحركاتها
حنتلكم الاول عن جزئية مهمه واداه من اكثر الادوات اللي بتساعد في الاضاءات الداخليه
Photometric Light
وده انواعه في الماكس تلاته
Target Light
Free Light
mr Sky Portal


حنتكلم عنهم بالتفصيل

الرولاوت بتاعته كالتالي
Templets
هنا ممكن تختار بين مجموعة من الاعدادات الجاهوة مسبقا واللي بتمثل اضاءات معروفه زي اللمبه التقليديه 40 وات او 60 او 100 وات وكمان لمبات الفلورسنت والهالوجين وغيرهم
General Parameters
دي مجوعة الاعدادات التقليديه لاي اضاءه في الماكس هنا ممكن تطفي النور وتشغله Off / On وتفعل الظلال وتلغيها لكن اهم جزئية هنا هي جزئية Light distribution وهي عبارة عن طريقة توزيع الضوء اللي خارج من المصباح
مخروط الضوء اللي بينتج عن مصدر الضوء حيكون شكلهايه وبقعة الضوء اللي حيرسمها على الاسطح شكلها ايه
والخانه ديه بتخليك تختار بين مجموعة اساليب لتحديد شكل التوزيع ده
اولهم photometric Web : ودي حتضيف رولاوت جديد بنفس اسمها

اما هي نفسها عباره عن ايه
فاديها عبارة خريطه جاهزة مسبقا فيها كل الداتا بتاعت الضوء ودي بتعملها عادة شركات الاضاءات والمصانع الكبرى لاستخدامها في مراجعة مواصفات المصابيح يعني شوفوا كدا الصورة دي



المنحنيات اللي مرسومه حول اللمبه دي هي حدود للمناطق الضوئيه والارقام اللي عليها بتقولك قوة الضوء في المنطقه ديه قد ايه
وكمان بيكون جوه الملف زي ما قولنا داتا شكل المخروط بص الصورة ديه



بص بقى تنوع شكل الضوء على الجدار



طبعا الداتا دي مش بتبقى صور انت تبص عليها لا دي ارقام ومعاملات بتقول للبرنامج يعمل الاعدادات بقيم ايه علشان يطلع الضوء بالشكل اللي فوق ده
وعادة الخرايط دي بتبقى امتدادها IES ودي ممكن تحملها من على الت من مواقع الجرافيك وغيرها بالاضافه الى ان الشركات اللي بتنتج المصابيح بتحط الملفات دي على مواقعها وتسمح بتحميلها علشان تقول للمصممين بيانات المصباح وشكل اضاءته

حمدلله على السلامه يا عم
اخيرآ هنكمل الورشة
هههههههههههه
متابع معاك يابرنس

السلام عليكم أخي شريف كيف الأحوال والله العظيم أول مرة أرى ورشة بهذا العزم والفائدة
جزاك الله كل الخير ووفقنا وإياك إلى ما فيه صلاح للعباد
أخي نحن نتابع الورشة ولو من بعيد بسبب ضيق الوقت وإن شاء الله نحن معك إلى الآخر

الله يسلمك يالورد
معلهش بقى

بارك الله فيك يا ميدو

Intensity / Color / Attenuation

طبعا هنا علشان تحدد لون الضوء ودرجة سطوعه ومداه وخلافه
لكن هنا حيفاجئك حاجه...
ان في اختلاف عن الاضاءات التانيه
مثلا هنا تحديد اللون مش بيتم عن طريق كولور باليت زي الباقي
لا
هنا في طريقتين للتحديد الاول قايمة بتحدد منها اللون بناء على اختيارك اضاءة ما انت عايز اللون يبقى زيها
عندك الفلورسنت الهادي والمصباح التقليدي ولمبات الهالوجين حتى اضاءات الزيون موجوده
او تتجه لاسلوب ادق بس اكتر تخصص بانك تحدد لون الضوء عن طريق تحديد درجة حرارته بالكلفين
وممكن كمان يختلف الموضوع عن طريق تحديد الكولور فيتحدد درجة الحرارة
كمان درجة سطوع الضوء Intensity حتلاقي طريقتها مختلفه
في عندك 3 اساليب لتحديد درجة السطوع
وهي اما عن طريق الليمونيستي lm او عن طريق الكانديل cd او الليكس lx يعني لو انا عندي مصباح في الحقيقه وعايز اعمله في الماكس
ما على الا اني اشوف هو قوته كام لوما او كانديل وبعدين ادخلها على الماكس هوب ظبط
وكمان برده الـ Diming حتلاقي انك هنا بتحدده بدرجه الكانديل او بنسبه مئويه من درجة Intensity
خلي بالك ان الخاصية ديه مقابله لخاصية الــ Decay في الاضاءات العاديه وكمان الـ Near.Attenuation
هو هنا غير المصلح ليه ده لطبيعة الاضاءه ديه نفسها انها الاساس بتاعه فيزيائي بحت لمحاكاة الواقعيه

Shape / Area shadows

هنا ممكن تحدد شكل مصدر الضوء وبصراحه في مجموعه متنوعه من الاشكال حت اللي مش ممكن يكون موجود في الطبيعه
عندك البوينت والمستطيل والاسطواني والخط
الجزئية المهمه واللي لازم تاخد بالك منها هنا هي
منطقه الـ Rendering
منها ممكن تفعل خيار ان شريحة المصدر الضوئي نفسها تبقى باينه في المشهد
وكمان فيها الـ shadow samples وده المسئول عن تنعيم حواف الظل زي ما سبق وقولنا

Shadow Parameters

هنا ممكن تحدد خواص الضل وهي نفسها الجزئية اللي سبق وتكلمنا عنها في اللي فات

Shadow Map Parameters

هنا الرولااب ده اسمه حتلاقيه بيتغير حسب نوع ماب الظل اللي انت مختاره
ومن خلالها تقدر تحدد خواص الماب
وبردوا ما فيهاش اي شيء مختلف عن قبل كده
فعلشان ما نكررش نفسنا
مش حنتكلم عنهم كتير وحندخل في النقطه اللي بعد كده

اشكرك اخي على المجهووود

ان شاء الله حنبدء نطبق اضاءة مشهد داخلي
التطبيق حيكون على المشهد ده

http://www.megaupload.com/?d=N5T2SCHP

ودا شكل المشهد من غير اضاءه



ياريت ننزل المشهد ونبدء سوى مع بعض نطبق الخطوات ونتشارك في النتايج

احنا زي ما عملنا في الاكستريور وقولنا ان اول حاجه بنعملها هي
ضبط اضاءة السما او اللي سميناها القبه السماويه
بردوا نفس الموضوع هنا
الو حاجه هي اضاءة القبه السماويه
لكن ....
هنا في نقطة اختلاف صغننه
ان احنا عندنا هنا كونيكشن بين الاكستريور والانتريور
وهو الفتحات اللي في الجدران اللي هي النوافذ
طبعا اضاءة السما بتدخل منها
وتنور المكان بشكل مباشر لاقصى ما توصل
وبعدين بشكل غير مباشر بالانديركت ليمينيشن
لكن .. وهو ده بيت القصيد
حواف النوافذ بتكون نوعا تبع الاكستريور
اللي هي هنا في الصورة


فالمفروض انها تتاثر باضاءة السما كانها اكستريور
وبدون ماتاثر في الجزء الداخلي
تعالوا نشوف ممكن نعملها ازاي

اولا لاننا هنا
رايحين نتعامل مع حاجات فيزيكال
وعايزين السيميولايشن بتاعنا يطلع دقيق جدا
لازم نتاكد ان
الابعاد بتاعتنا
في المشهد حقيقيه تماما
لان معاملات الحساب في اللايت ريندر
بتعتمد على الابعاد الحقيقيه
واحنا روءيتنا للسيميوليشن بتكون مقارنه مع
الشكل الحقيقي اللي بنتخيله احنا

اول خطوة في التطبيق
حتلاقي في الملف بتاعنا اللي حنطبق عليه
حتلاقي بره المشهد بتاعنا في ارك
عامل زي جدار خارج المشهد
مؤقتا اعمله Hide selection
علشان مش حنحتاجه حاليا وعلشان ماياثرش على المشهد بتاعنا
ثانيا نضيف
داي لايت سيستم عادي
ونختار الشمس mr Sun
ونختار السما mr Sky
ونقبل تشغيل الاكسبوجر كنترول
وتحديد المنتال راي سكاي كاينفيرنومينت ماب
لو عملنا ريندر هنا
حنلاقي الصورة كالتالي

لاحظ معايا في الصورة دي
شوية حاجات
اولا
لون الاضاءه على حواف النوافذ اه في لون ازرق من السما
بس ده كولور بليدينج Color Blead مش لايتينج
ثانيا
الشادو ما يوحيش باضاءة الشمس
ثالثا
اضاءة الاركان ضعيفه كاننا منورين المكان بشمعه
رابعا
المكان بردو مسطح ما يحسسكش بابعاده

حنبدء نعالج الحاجات دي واحده واحده
تاني خطوة
انا حستعمل حاجه اسمها Mental ray sky portal
دي عبارة عن ادا لضبط الاضاءه اللي بتنتقل من مصدر خارجي لمصدر داخلي
يعني الفكر منه تجميع الاضاءة السماويه - زي ما هو باين اسمه -
واظهار تاثيرها في المشهد من غير ما تحتاج تستخدم GI او FG بشكل مكثف في المشاهد بتاعتك
وده حتلاقي اعداداته كالتالي