Unconfigured Ad Widget

**ShrifAzmy** · 27 / 09 / 2011, 03:43 AM

بعد اختيارك الاوبشن التاني
حتلاقي ان الخانه اللي بعد المنيو على طول بقت متاحه واللي هي
Divid camera path by Num. Segments

وده بيخليك تقسم مسار الكامير لمراحل
لان الفاينال جاذر مش حيحسب البوينتس في كل فريم والا حيزحف الريندر

لكنه بيوزع كثافة البوينتس على عدد المراحل اللي انت بتقسم ليها المسار ويعمل زي تدريج لكثافة البوينتس بين الفريمات وبعض
طبعا كل مازاد عدد المراحل كان افضل لانه بيركز البوينتس في عدد اقل من الفريمات
لكن طبعا بوقت اطول
وبردوا حيحتاج منك انك تزود initial FG points density

**ShrifAzmy** · 28 / 09 / 2011, 02:31 AM

initial FG points density
الخانه ديه منها تقدر تزود كمية البوينتس اللي بيعتمد عليها الفاينال جاذر في الحساب
بصو على مجموعة الصور اللي جايه دي

**ShrifAzmy** · 28 / 09 / 2011, 03:51 AM

الصورة ديه وقيمة كثافة البوينتس 0.1
خلي بالك من كميه البوينتس وكثافتها

**ShrifAzmy** · 28 / 09 / 2011, 03:59 AM

اما بقى الصوره ديه وكثافة البوينتس 10
طيب الفرق ده بيفرق في ايه
المفروض انه بيفرق بقى في دقة الحساب ووقت الريندر
كل مازادت كل ما زادت الجوده وزاد طبعا وقت الريندر
لكن ده ممكن يتعادل وتوصل لنتيجه كويسه من خلال انك توازن بين كثافة البوينتس
وبين Rays per FG points

**ShrifAzmy** · 01 / 10 / 2011, 08:33 AM

Rays per FG points
البوينتس اللي بيولده الفاينالجاذر دي ياجماعه بتحسب الاضاءات ازاي
كل بوينت بتطلق عدد من الاشعه في محيط نصف كروي
الشعاع ده بيفضل ماشي لحد مايرتطم بمجسم ما ويبدء يحسب قوة الاضاءه ومسارها ولونها ومدى التباهت .... الخ
طيب الاشعه ديه عددها كام
عدد الاشعه ده احنا اللي بنتحكم فيه ونحددها
وطبعا كل مازادت كل ما زادت الجوده وزاد طبعا وقت الريندر
لكن نخلي بالنا لحاجه مهمه ان مدى تاثيرها في وقت الريندر مرتبط بطولها
بمعنى هو الشعاع الواحد حيفضل ماشي لحد امتى لما يرتطم بمجسم
طب لو ما قابلش اي مجسمات انطلق ناحية السما مثلا ؟؟!!
ناحية اتجاه مافيهوش مجسمات؟؟!
معقوله ان الريندر حيفضل شغال ابدي
لا طبعا
هو الريندر عنده طريقه افتراضيه لحسم موضوع المدى لكنها بردوا بتديله وقت
والاحسن لو ان احنا نحدد المدى ده بنفسنا

**كلمة طيبة** · 04 / 10 / 2011, 08:58 AM

أستاذ شريف عزمي الموقر

أرجوا منك متابعة دروسك فهي مفيده جداً جداً جداً ، أثابك الله على كل حرف بمليون حسنة ، أنا متابع ...... وإذا كان عندك دروس أخرى فشرحها لنا أستاذنا الكريم .

مع الشكر الجزيل لك

**اللــــورد** · 06 / 10 / 2011, 01:47 PM

تسلم ايدك يا شريف انت عامل شغل عالى اوى بارك الله فيك وجزاك خيرآ

شاكرييييييييييييييين
مهلليييييييييييييييييييييييين

**ShrifAzmy** · 06 / 10 / 2011, 07:40 PM

المشاركة الأصلية بواسطة كلمة طيبة مشاهدة المشاركة

أستاذ شريف عزمي الموقر

أرجوا منك متابعة دروسك فهي مفيده جداً جداً جداً ، أثابك الله على كل حرف بمليون حسنة ، أنا متابع ...... وإذا كان عندك دروس أخرى فشرحها لنا أستاذنا الكريم .

مع الشكر الجزيل لك

اشكرك يا اخ كلمه طيبه
ان شاء الله بس نوفق في الورشه ديه ونقدر ننتهي منها على خير ان شاء الله
واهلا بيك معانا

**ShrifAzmy** · 06 / 10 / 2011, 07:51 PM

المشاركة الأصلية بواسطة اللــــورد مشاهدة المشاركة

تسلم ايدك يا شريف انت عامل شغل عالى اوى بارك الله فيك وجزاك خيرآ

شاكرييييييييييييييين
مهلليييييييييييييييييييييييين

الله يخليك ياوليد ده بس من ذوقك
ومش حعرف اقولهالك المره دي
سبقت وعلمت ياعم
وعايزين نشوفك معانا على طول انت عندك اللي ممكن يتقال بردو

**ShrifAzmy** · 20 / 10 / 2011, 06:30 AM

طب ازاي بقى ممكن نحدد المدى ده
لو نزلنا تحت سنه حتلاقي منطقة Trace Depth
ونتكلم في السريع عن الاوبشن اللي فيها

**ShrifAzmy** · 20 / 10 / 2011, 06:46 AM

Max Depth

انت فاكرين طبعا الشرح اللي قولناه لاوبشن Diffuse bounces
اهو الرقم اللي بنحدده هناك الاوبشن ده بيتحكم فيه
بمعنى انه بيحدده فانا لو حطيت في الديفيوس بونسيس رقم 8 مثلا
وانا حاطط الماكس ديبث هنا ب 5 بس
اللي حيحصل ان الفاينال جاذر مش حيحسب غير 5 بونسيس بس من غير التلاته اللي فاضله
لذلك دايما عند الريندر النهائي لازم نراعي الخاصيه دي ونتاكد انها بتدي سماحية لاعدادتنا اللي عاملينها فوق

**ShrifAzmy** · 20 / 10 / 2011, 07:43 AM

Max. Reflection & Max. Refraction

انا جمعت الاوبشنين سوا لانهم هما الاتنين متشابهين نوعا
تعالو نشرح حاجه تاني في الديفيوس بونس
محدش سال هو ليه بيسموا الاوبشن ده
Diffuse Bounce " ارتداد لون السطح "
ولم يسمى
Light Bounce " ارتد الضوء "
؟؟؟
بكل بساطه لان ارتداد الضوء بيتاثر بكل خواص السطح اللي بيرتد عنه
وبياخد منها
فلو كان سمى الاوبشن بالاسم ده يبقى كان حيخليه بيتحكم في كل خواص الضوء المرتد ده مره واحده
وده بيسمى ضيق افق الاينجين لانه مابيديلكش الفرصه تتحكم في كل جزئية على حدى
لذلك راح مفصصه
كالتالي ؟

**ShrifAzmy** · 20 / 10 / 2011, 07:57 AM

لاحظ الشعاع رقم واحد اللي جي من مصدر الضوء لونه ايه (((( الشعاع ده اسمه Ray ))))
ولما اصطدم بالارض اللي لونه اصفر ارتد منها بمجموعة اشعه رقم 2 ورقم 3 ((( اسمها Bounces )))
لاحظ ان لون البونسيز بقى برتقالي لانه جمع الاحمر لون الضوء الاصلي مع الاصفر اللي لقطه من الارض
بص بقى البونصيز رقم 3 لما ارتطمت بالجدار اللي لونه اخضر
ارتدت عنه بمجموعة بونصيز جديده رقم 4
لونها قريب من الكموني لانها جمعت اللونين بردو
ده بقى ال Difuse Bounces
او ارتداد اللون السطحي ودي الخاصيه اللي بيتحكم فيها الاوبشن اللي بنفس الاسم
هنا الضوء ارتد كام مره ؟؟
مرتين
عملهم في تلت مسارات
المسارات دي اسمها Depth
يعني تلاته Depth عملت اتنين بونص

**ShrifAzmy** · 20 / 10 / 2011, 08:41 AM

طيب بفرض ان الضوء قابل مجسم عاكس للضوء مرايه او سطح لامع زي الرخام او المعدن او .. او .. او ..
حيكون ايه الناتج
شوف الصورة دي

الضوء اداءه عادي لحد الديبث التاني لما قابل السطح العاكس واللي حنقول عليه مرايه حيرتد عنه
بس المره دي مش بونص Bounce لا ده انعكاس زيادة على البونص Reflection
ودي الخاصيه اللي حياخدها مع الديفيوس لانه حياخده من سطح المرايه
لذلك تلاقي لون الشعاع التالت Third Depth اتغير واذداد وهج
سطوعه بقى زياده شويه هو بالتاكيد مازادش قوة لكن سطوعه وانتشاره بقى اعلى
طيب هو حيرتد عن السطح العاكس حيعمل ايه
حيكمل ارتداد على باقي الاسطح
من اول الشعاع المنعكس ده ابتدي عد مسارات جديده Depth
حنسميها ريفليكشن ديبث Reflection depth
وهي دي الخاصيه اللي بيتحكم فيها Max. Reflection
عدد الديبث اللي حيحسبهم الريندر من ديبثات الريفليكشن

**ShrifAzmy** · 24 / 10 / 2011, 03:54 PM

اما بقى في حالة ان الضوء قابل سطح منفذ
شفاف يعني زي الزجاج والكريستال والسوائل
او شبه شفاف زي الاسطح اللي الضوء ممكن يتغلغل فيها من غير ما ينفذ للفجانب التاني
زي الجلد واوراق النباتات
شوف كده الصورة دي

لاحظ معايا ان الديبث التاني لما قابيل السطح المنفذ او الشفاف ولنفترض انه زجاج
عدى منه وبقى عندنا ديبث تالت الديبث ده اتجاهه اختلف عن الديبث اللي قبله
وده بيسمى ظاهرة الانكسار Refraction
مقدار الانكسار ده بيتاثر بنوع خامة السطح المنفذ
لكن مالوش علاقه بالضوء
لكن الضوء هنا بيتاثر من الانكسار
بلون السطح اللي عدى فيه بيسيب وراه جزء من معلومات اللون اللي خدها وياخد جزئيه تانيه
بيتاثر بمقدار كثافة السطح ده ويغير في مدى سطوعه
وطبعا الاتجاه بتاعه بيختلف وبالتالي بيتاثر شكل الاضاءه الغير مباشره في الاماكن دي
وحسب كثافة السطح ده ممكن تطلع شوية بقع ضوئيه اسمها الكوستيكس Caustics
المهم ان التاثيرات اللي فاتت بتسمى Refraction depth

Unconfigured Ad Widget

إعـــــــلان

Lighting & Rendering work shop

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق